بع الجيب وشتر كامري دام حدق التنهاة تضايق هالعوائل المساكين

[فرغالي]

بسم الله الرحمن الرحيم
السلام عليكم ورحمة الله وبركاتة

بعد كم طلعه مع الشباب الاسابيع الى راحت لمناطق كثيره ... قررت امس الخميس اخذ العائله لمكان فيه ربيع وسهل الوصول اليه ومعروف انه مافيه غير خريم والتنهاة اسهل للعوائل لمشاهدة الربيع

وتم اختيار التنهاة وتمت الرحله امس الخميس وعند الوصول في الصباح شفت امة محمد هناك بدية اباري الصبات ادور مكان بين هالعالم ولكن وش اشوف كل الى ماخذ المكاناة الزينه والقريبه للقار هم الشباب وللاسف العوائل المساكين جالسين برا الفيضه على النفود بسبب كثرة الشباب الى ماخذين مكان هالعوائل الضعيفه

حريم وعجز واطفال جاين من مسافات بعيده علشان يشوفون الربيع وبالاخير مايحصلون بسبب هالشباب


والشي الغريب هالشباب طاق لك هالجيوب والهلكسات و الحوضه وخرته جاي لهالمكان السهل

توانك وهنقلين وشد وكناود وقارمن واناتل ونص اخراض الرحلات شاريه واخرته التنهاة تضايق العوائل

ترا مايحتاج تشري جيب الكامري تدخل ابسهوله
ولا يحتاج كنود ابشرك فيه ابراج جوال
ولا يحتاج قارمن فيه لوحات لتنهات
ولايحتاج عزب ترا فيه مطعم بالعتش قريب له
وشوله الخساير دام الدعوه التنهاة

والله شي محزن العوائل بالنفود والشباب بالربيع

انا شايف بعيني شي غريب والله

[المونديال]

انا معك
بس الربيع اعتقد في امكن كثيرة حتى لو قل العشب

[الوباله]

بعض الدروب تصعب على الدلوخ الي انت تشوف
يضيقون على العوايل والحريم وكبار السن لانها تصعب عليهم بعيدات المطاريش
مير الله يزينها
وانا اخوك

[GMC 111]

ياخي الشباب لهم حق مثل مالك حق ف المحل ومن سبق لبق طال عمرك

ومثل ما انت تبي القريب بعد الشباب يبون محل زين وقريب



تحياتي لشخصك الكريم

[ياكريم رحمتك]

الله يصلح الاحوال ويهدي الجميع

[فرغالي]

ياخي الشباب لهم حق مثل مالك حق ف المحل ومن سبق لبق طال عمرك

ومثل ما انت تبي القريب بعد الشباب يبون محل زين وقريب



تحياتي لشخصك الكريم

الحق للجميع مانقول شي وانا اخوك بس مهب بهاطريقه رح ابعد التنهاة كبيره وربيعه واسع

والعوائل مساكين مايقدرون يسابقون الشباب بالمكاناة القريبه

اذا انا وانت ماخلينا لهم المكان السهل من بيخليلهم

[alhosam26]

السلام عليكم ورحمة الله وبركاته
الحل عندي وانا ابو هندي خل التنهاة للشباب وبنروح لروضة خريم اقرب لنا بس من يقول للمجاهدين الى يحرسونها يمنعون الشباب من الدخول واذا حصل غن ودندن

[رحّال 9]

تعوذو من ابليس يانشاما والامر من سعه ان شاء الله .

التنهاه علشانها معروفه عند الكشاته صارت زحمه .

وبالنسبه للعوائل فيه عندك صلبوخ وهاك الدروب طيبه للعوائل .

وبالنسبه لسالفه بع الجيب واشتر كامري فهالكلام مايصلح ونا خوك حتى لو حصلت غشيم مايمنع تعلمه .

وترى الطرقيه تجي من بعد الفجر واذا صار وضعك عوايل لاتبعد الله يسلمك .

ولكن عذرك غير مقنع صراحه وين تبيهم يروحون ؟!


والتنهاه معروفه يافرغالي انها زحمه حتى الصمان الحين تحسب انك تاخذ راحتك !!

لكن الوكاد ان التجربه خير برهان والعوض في المقبله .

تحياتي

[الحبييب]

السلام عليكم
عالتك لها الحق في الطلعه والربيع والمكان الزين
لكن توقيتك له دور كبيير
والشباب لهم الحق انهم يطلعون با المكان الزين
لو انك لقيتلك مكان زين داخل الربيع كان مارتاحو الاهل ونا اخوك
ارجو انك تكون منصف في تعليقاتك :good2:

[العنابي 616]

اللي يبغى يطلع أهله و ما يبغى زحمه يختار الوقت و المكان المناسب
كل واحد يحسب حساب نفسه أما انك تقول للشباب ما يروحون للتنهاة هذي مبالغة
هالأيام هذي الشباب ابتلشوا بانفسهم وين ما يروحون قالوا لهم عوايل

[ذابل الريق]

كلامك اخوي حلو وبعض الردود حلوه
وانا اقول للكل حق في مشاهدة الاماكن الزينه والربيعيه والقريبه لا عزاب ولا عوايل وكذلك من بكر واختار المكان المناسب هو احق فيه ولكن يجب على الشباب عدم مضايقة العوائل وترك المجال لهم اذا وجدوهم في المكان قبلهم وعدم النزول بقربهم وانا وجهة نظري مولازم تخيم في وسط المحميه وداخل الروضه في اماكن قريبه بالامكان الجلوس قيها واذا اردت تتمشى وتجلس خذ لك فرشه وادخل داخل الروضه وتقهوى واطلع وترى الروضه مره كبيره
وفي الاخير هذي وجة نظر

[ابو مطحس]

حتى البر تبونا مانروح له اتقي الله بنفسك يااخي البر للجميع مو انت الي تحكمه عشان تقول روحو بعيد ولا قريب هذا مو من شانك ان ماعجبك المكان رح لمكان ثاني اما انك تبي تحكم المكان ماتبي يكون فيه شباب وانه يكون للعوائل هذا ان شاء الله انه بعيد عنك .

داخل الديره ومناشبينا وخارج الديره بعد تناشبونا


حسبي الله ونعم الوكيل ,,,,,,,,,

[صميدع]

كلامك سليم وعين العقل بس المتعارف عليه عند الكشاته من سبق لبق

[تميراااااااوي]

صراحة انا اذا بغيت اروح انا والعائلة اروح للشوكي ومجاورها وتصدقون الاسبوع اللي راح انا شايف كامري مع شباب داخلين بها الشوكي من اوله وشايف عوائل معهم فورد ميركوري
نصيحتي للعوائل انهم يبعدون عن اماكن العزاب والشباب عشان ياخذون راحتهم ويستمتعون بالرحلة
وصدقني العوائل يهمهم في المقام الاول انهم يطلعون للبر سواء كان فيه ربيع او لا

[فرغالي]

بعض الاخوان يحسبن اقول لاتروح للبر لا رح ماحد يمنع احد عن الطلعات للبر بس الكلام مراعات لبشر مثل الاطفال وكبار السن والنساء فقط الى حيلتهم على الربيع السهل الوصول له كان الوضع على انا لا مهب انا الى اروح لتنهاة وخريم لكن امر الله علشان هالعائله ماينطحون الصمان والحجره ومشذوبه وغيره

[ابولولو]

مااوقفت على التنهات بكل مكان فيه شباب

بس اهم شى ان الشباب يحترمون العوائل ولا يضايقونهم

فيه شباب يرفعون الرأس باأدبهم واحترامهم للعوائل واذا شافوا عوائل ابعدوا عنهم

هذى المشكله قائمه الين ماله نهايه مالم تدخل الدوله والبلديه يحطون يوم للعوائل وهذا اشوفه مستحيل الاختلاط مطلب من المفسدين ويفرحون

[1-أبوماجد]

حقيقه موضوع مميز بين العوايل والعزابيه على كل حال المستفيد الأكثر هم حبايبنا العزابيه من البرالقريب من الروضات المعروف بنسبة توقعي 97% في الروضه العزابيه طاقين خيامهم ومظلاتهم حاجزين مكان وشكبره بصفت سيايرهم والعصر يشوفون الجيب يرقا النفود ويجربون الكنود يلقط وذا الظلم اليل بسيايرهم فوق النفود اسمع من هسوالف كل يرسل الحداثيته على الكنود وهم قريب مبعدو تقول يلعبون عضيم ساري ونت مبعد طاق جلستك مسوي عشيك متدري ذا جاي منا وذا مناك وذا لاف من ورا
والقصه ماهو تحامل على العزابيه هم اخوانا وشي طيب تعلقه بلبر وناستهم بمايرضي الله
ومقولت من سبق لبق طلعت العئله يالله الساعه 11ظهر الي معه أم كبيره يبييشوفه الربيع ولي معه أعيال اصغار
ولا تبيهم من الفجر وهم حاجيز مكان وطالعين
لو بطلع اعزوبي اتكلم عن نفسي مع أخوياي نشوف لنا مكان ميحومه الا الله سبحانه بحمايته ون اشتهيا الروضه جيناها اعصير وقفنا سيايرنا برا ورحنا مشي لين ناصل وسطهاوفرشنا فرشتنا وسوين قهوتنا وتقهوينا مشينا لمخيمنا
وأخيرآ اقول هو حق لكم بحجز المكان يا أخي العزابي بس راع ظروف العوائل والله يهنيكم وتستانسو بطلعاتكم البريه لا ني حقيقه استانس بطلعت الشباب العزابيه لو مكنت نعهم

[فرغالي]

حقيقه موضوع مميز بين العوايل والعزابيه على كل حال المستفيد الأكثر هم حبايبنا العزابيه من البرالقريب من الروضات المعروف بنسبة توقعي 97% في الروضه العزابيه طاقين خيامهم ومظلاتهم حاجزين مكان وشكبره بصفت سيايرهم والعصر يشوفون الجيب يرقا النفود ويجربون الكنود يلقط وذا الظلم اليل بسيايرهم فوق النفود اسمع من هسوالف كل يرسل الحداثيته على الكنود وهم قريب مبعدو تقول يلعبون عضيم ساري ونت مبعد طاق جلستك مسوي عشيك متدري ذا جاي منا وذا مناك وذا لاف من ورا
والقصه ماهو تحامل على العزابيه هم اخوانا وشي طيب تعلقه بلبر وناستهم بمايرضي الله
ومقولت من سبق لبق طلعت العئله يالله الساعه 11ظهر الي معه أم كبيره يبييشوفه الربيع ولي معه أعيال اصغار
ولا تبيهم من الفجر وهم حاجيز مكان وطالعين
لو بطلع اعزوبي اتكلم عن نفسي مع أخوياي نشوف لنا مكان ميحومه الا الله سبحانه بحمايته ون اشتهيا الروضه جيناها اعصير وقفنا سيايرنا برا ورحنا مشي لين ناصل وسطهاوفرشنا فرشتنا وسوين قهوتنا وتقهوينا مشينا لمخيمنا
وأخيرآ اقول هو حق لكم بحجز المكان يا أخي العزابي بس راع ظروف العوائل والله يهنيكم وتستانسو بطلعاتكم البريه لا ني حقيقه استانس بطلعت الشباب العزابيه لو مكنت نعهم

هاذا الكلام وانا خوك نطلع حنا والرجاجيل لمكان ماتسمع صوت الجوال ولا تسمع صوت البشر

والى يبي البر ويحبه انا عندي احداثيات لفياض داخل الصمان جايه الاسبوع الى راح مربعه ولا به احد

والاخوان راعين البر ماقصرو باتقارير وبالاحداثيات مالين المنتدى اماكن للي صدق راعي بر ويبي مايسمع غير وشيش النار والهواء

[تساهيل1]

وانت وشهوله تاخذ عايلتك لمكان نجمع فالخلا...!

ترا التنهات خلا قسم بالله ان اللي ياخذ عايلته مهبول

لو يسكر.واحد ومعه سلاح وبلاوي او اثنين او ثلاثه


ياخي مكان تجمع خارج المدن لا يوجد فيه تواجد امني شرطه او شي

لا توحي اهلك ومحارمك له

الله يكافينا الشر بس

لا وطالع بكامري بعد من زين السالفه
لو حده احد تعلقت في جادة وايت ((صداره او راويه))

[فرغالي]

ارفع القبعه لمثل هالرجال لجابو علوم الربيع بين ضلعان ونفدان ومسافات
رجال تحمسك لروح المنافسه بين علوم الربيع وين



عروس أفياض رغوه تلبس أحلى حلتها 28/2/1434هـ(ولهان الصمان)
http://www.mekshat.com/vb/showthread.php?t=556442

[قناص مزاجي]

المشكله مو بالتنهات المشكله بالشبوك يعني لو طلعت من الرياض وين بتطلع الثمامه مليانه شباب ومخيمات يعني من الرياض الى الطوقي كلها شبوك
لذالك صار زحمه بالتنهات

[vxr 1998]

اعتقد لو يخصص جهه لشباب وجهه للعوائل ويوضع لافتات ارشاديه كان الجميع يرضى وياخذ راحته ولا يصير فيه اختلاط بين الشباب والعوائل وجهة نضر

[ابوماجد-1]

والله مشكله كل شي تبون للعوائل مايصير ياجماعه

للعلم انا صاحب عائله واطلع انا واهــلي واي مكان مناسب اروح له

والشباب ماعاد لهم غير الكشتات والبر لان داخل البلد اصبح حصــري عوائــل

تروح منتزه قالوا عوائل تروح بحر قالوا عوائل تروح مجمعات قالوا عوائل

مايصيربعد شبابنا يحتاجون مكان ياخذون راحتهم فيه

ياخوفــي بكــره حتى ساحات التفحيط يقولون خاص مخصص لتفحيط العوائــل فقط

هههههههههههههههههه

وفقكم الله

[منفلوط]

اخوي لاتفرق بين شباب وعوايل
فرق بين الشباب المحترم وغير المحترم
حتى في البر ماتبونهم يكشتون ويتمشون
بالله عليك وين يطلع ؟؟
يجلسون على طعس لانهم شباب بس !!!
مومنطقي كلامك

[«نجم الخير»]

الموضوع مخصص للعوائل :j

ياحبنا للقصيم وبرانه

[najd star]

يا أخي الله يهديك ما باقي إلا تقول اطلعو عن السعودية انتم عزاب
إذا جينا نبغى السوق قلتو عوائل ورحنى للبر قلتو ضايقتونا لو نروح للربع الخالي قلتو مهبل ولا سكارى
اعتقد فيه حديقة قريبة من بيتك ود حريمك فيها ولا تغامر بهم في الخلا احسن


آسف على التعبير لاكن هذي الحقيقة

[vxr 1998]

الموضوع مخصص للعوائل :j

ياحبنا للقصيم وبرانه

هههههههه اعتقد ان الدور جاي على القصيم بس اصبر الله يستر اليوم طلعة لنبقيه ابي الربيع الي بالحمزه والي حوله ماتقدر تجلس من النفايات الي يخلفونه بعض الكشاته الله يهدينا وياهم وغيرة الوجهه لثويراة ودرته دوران الحقيقه انه مربعه لاكن الدعوى كله شبوك الله المستعان

[أبوعجه]

موضوعك حلو وهاادف
ولكن ...
حتى بالبر لاحقينا حنا يالعزاب
والله ماصرت ذي سالفه ..
انا ما عمري طبيت التنهات وان شاء الله ما اطبه
كله شبوك وغير العالم اللي به
انت تبي ربيع وفله وتونسك عايلتك
اطلع برا الرياض
شوف لك احد هالشعبان
مثل صلبوخ _ عبيثران
كلها قريبه من الرياض
وافضل في رأي
والله المستعان
والله يعينا يالعزاب
كل مغز ابره يقوولون للعوائل
الله يصبرنا ويسهلها علينا
وموضوعك موضوع حساااس
يععطيك العافيه

[دايم الخير]

الأمر سهل وانا اخوكم

راع العلم الغانم من الشباب يفترض اذا شافوا مخيم عائلة ما يجون يزاحمونهم ، المفترض يتركون المكان لعائلة اخرى واهم يتقدمون شوي ما يضر، الأمر سهل.

[فنجال ورجال]

السلام عليكم ورحمة الله وبركاته
اسمحوا لي أشارك بفكرة بسيطة ترضي الجميع وهو شور طيب إن شاء الله
دائماً الكشات يتمنى يحصل مكان فيه ربيع وسيارته قريبة خاصة إذا كان معه عوائل يفتك من شيل الماء والعزب والحوسة ونسى وارجع للسيارة وجب معك وما لا نهاية من التوقعات ......
الشور هو بالنسبة لي أتبع صراحة طريقة لعل غيري يستفيد منها دائماً الناس تتجه للروضات ومعروف إن الروضة مسورة بالصبات والمواصير وغيرها لكن السؤال هل الربيع محصور فعلاً في داخل الصبات دائماً تحصل ربيع قبل الصبات وروضات قريبة تبعد عن الصبة خمسة كيلوا إلى عشرة فيها ربيع طيب وتجلس إنت وأهلك ومعك سيارتك وتفتك من الإزعاج والإحراج في أمور كثيرة على سبيل المثال فيه اللي يروح لخريم بحكم قربها من الرياض زحمة ولا أسواق وشيء يضيق الصدر اتجه للجهة الجنوبية من الروضة وخل الروضة في ظهرك ورح عشرة كيلو تقريبا تحصل أماكن وريضان طيبة تجلس وتبسط إن وأهلك طبعاً أقول الكلام هذا لمن يكشت بأهله
وأعتذر عن الإطالة وبالله التوفيق

[صادق الصدوق]

اخي صاحب الموضوع
هل سبق لك ان زرت الفيضة عزابي ؟ أو هذي أول مرة تجيها ( ومعك عيالك )؟
فإن كان سبق لك أن زرت الفيضة مع ربعك ( عزاب ) فاللي جابك هو نفس اللي جاب العزابية.
أما ان كانت هذي أول مرة تزور الفيضة وجايب معك عيالك فلا تعليق لدي

[راعي المكشايت]

يا خوك بتروح للتنهاه رح يوم الاربعاء ما عندك احد يمديك تفرك من دوام الاربعاء والكل بيعذرك واذا جاء الخميس الصبح رح بسلامتك لا تقروش نفسك

[abosaadana]

الي يقصد الاخ فرغلي
انت شاب قوي ومعك سياره دفع رباعي خل الامكان القريبه والسهله للعوائل او وقف سيارتك وادخل على رجليك
٥٠٠ متر داخل الروضه بتحصل اماكن افضل وازين من قرب المواصير لن بعض العزاب يجيب امه وابوه او جدته وجده وهم كبار في السن يوالله يمشي عشرة امتار فهم اولا في المكان بسبب كبر السن
وفق الله الجميع
زي عند مساجد الجمعه او العيد الشباب الاصحاء يوقفون سياراتهم في باب المسجد والمعاقين وكبار السن في امكان بعيد عليهم

[aglanco]

شيء غريب صراحة
ياعزيزي / كل يدور الربيع وكل يدور المحل الزين
وكل يدور راحـــــــــــــــــتــــــــــــــــــه
والبعد عن الشبهات افضل

[Hammod-911]

وانت صادق ، انا امس كنت هناك
يخوي لاند وبالون وقلص وكنود وحاط سماعات برا يسمع خلق الله وش يسولف هو واخوياه وسالفة طويلة عريضه ، ي اخوي عندك الصمان وش كبره رح فرفر فيه احسن لك ، الله يهديهم بس
بس كانك تبي الاماكن الزينه رح غرب التنهاة هناك الزين ، والعجز والحريم الكبار بيستانسون هناك ، الحميض و القرقاص و البقرا و و كلها هناك وهذا اللي يدورونه الحريم اما الفيضة ارضها يابسه ولا فيها ذاك الوناسة والراحه مثل داخل

[ابومعاذ z22]

كلامك في محله فعلا بعض الشباب ماهمه ربيع ولا خريف ;) بس يسمع فيه تجمع وزحمة خلاص هذا هو المبتقى يجيك يستعرض بسيارته المرهمة بل( المشوهة) واصوات الاغاني شوي ويتشطب الزجاج من قوة الصوت ولا يركد في كمان واحد كل شوي وهو رايح جاي ؟ ماصارت كشتت برهذي :confused:
انا اقول البعض ..اما البعض وهم الاغلبية والحمد لله فعلا يبحث عن الربيع والتنزه واجواء البر الهادئة ومن كان هذا مبتغاه الحمد لله ارض الله واسعه ويش يضره لوابعد شوي مدام السيارة دفع رباعي والحمد لله ولا معاهم عوائل يخافون عليهم واحتسبو الاجر في ترك الاماكن القريبة لتنزه العوائل ويمكن هوبعد يومين ثلاثه يجيب عائلته في هاالمكان القريب ويتمنى احد مايضايقه..

[فرغالي]

الي يقصد الاخ فرغلي
انت شاب قوي ومعك سياره دفع رباعي خل الامكان القريبه والسهله للعوائل او وقف سيارتك وادخل على رجليك
500 متر داخل الروضه بتحصل اماكن افضل وازين من قرب المواصير لن بعض العزاب يجيب امه وابوه او جدته وجده وهم كبار في السن يوالله يمشي عشرة امتار فهم اولا في المكان بسبب كبر السن
وفق الله الجميع
زي عند مساجد الجمعه او العيد الشباب الاصحاء يوقفون سياراتهم في باب المسجد والمعاقين وكبار السن في امكان بعيد عليهم

احسنت هذا الى اقصده

[ملك الفكتوريا]

إلا العنوان الصحيح العوائل مطاردينا حتى بالبر



والله مدري وش نسوي يالعزات يعني اطق 600 كيلوا لاهلي عشان اطلع للبر ؟؟؟؟؟؟؟ لانها للعوائل



يمكن كلامك بالنسبة لاصحاب الدفع الرباعي



طيب موتري فكتوريا والعوائل دفع رباعي وجالسين بمكاني وانا بمكانهم وقمة الراحة اذا سلمنا من التغريز وطقطقة الاذرعه



بيجي واحد يقول ليه ما تشتري دفع رباعي ترى اول شئ سعودي والشئ الثاني عسى الراتب يمشي لنص الشهر


ذبحتني التونه والبيض واللحم المفروم

[ناصر2222]

بالعكس يفترض العوايل ماتجي في التنهات في الزحمه وتزاحم الحريم الشباب
الي معه عوايل يشوف له شعيب استر له ولعايلته وياخذون راحتهم في التمشي
اما اتركوا التنهات للعوائل فهذي قويه ما تنهظم ترا الشباب خلولكم الديره وهجوا تلاحقونهم في البر 180 ك من الرياض
والله قويه ما تنبلع

[المموه]

اقترح حلا للموضوع ان الوقت الان اجازه والاسبوع القادم .( الشباب طلعاتهم على طول مفتوح لهم المجال . يبعدون شوي عن التنهاة يفسحون المجال للعوائل وبعد الاجازه البر كله لهم . الموضوع من باب التعاون والتنازل . وغربي التنهاة انظف اوفضل ربيع واهدأ .

[راجي الكريم]

بل الأفضل أن لاتذهب العوائل لأماكن وتجمعات الشباب والبروسيييييع والشعبان كثيره فأبعد بأهلك ومحارمك أسلم لك ولهم

[فتك 32]

ماخليتو شي لشباب بعدين ليه ماتشريلك جيب وهنقلين وتوانك على قولتك وتبعد انت عن الشباب

[درجلان الشمال]

ورى ماتقولهم يحطون سكورتيه عند برج الاتصالات
اممممممممزح
انا من رايي تقدر تجي بدري وتنقى المكان الطيب ومعك رواق والامور تساهيل والواحد يتعوذ من الوسواس مادام الحريم متغطيات ومتحشمات فالوضع انشالله تياسير

[azera008]

حق من حقوقهم

اذا ماطلعو الحين الشباب متى بيطلعون


* انا متزوج ع فكره

بس مقدر وضعهم


ووش المشكله اذا صارت الروضه فيها شباب وعوائل كلن بحاله يكون وبس

[راعي القرطى]

والله انها مصيبه معقوله الناس تضيق بالبر الواسع
الشباب يبون الربيع والعوايل يبون الربيع بعد
مو معقوله ناس تقعد بالربيع وناس بالتراب
اقسم بالله مساكين الشباب تلعوزو
انا كنت جاي من الكويت الى الرياض واحد الاصدقاء قال خل اوديك الثمامه نشم هوى، ويوم وصلنا مالقينا هوى نشمه من الزحمه
وكذلك الحال عندنا بالكويت

[فهد 003]

وشهووله تطلع العوايل للتنهات والمنتزهات البريه :mad:

اخذهم اي مكان صاد عن الناس واذا تخاف تبعد فيهم يكفي لهم المنتزهات والبر لنا يالعزابيه

حتى بالبر تبون تمنعونا وتحاشروونا :mad:

مانبي عوايل في المنتزهات البريه او بادلونا روحو للبر وناخذ منتزهاتكم :D

[صبي غلباء]

شباب وش فيكم
الرجال ما قال شي
هو ينقد على الشباب اللي معهم مواتر مجهزه ما يردهم شي واذا شفته تظن انه له شهر ما شاف مزفلت على هالتجهيزات
معك موتر زي كذا فرصتك تبعد وتحصل مناطق وهدوء وروعة البر الحقيقيه
الا اذا بنفس الواحد شي ثاني عاد ما ندري
لكن روعة البر انه توجعك اذانك من شدة الهدوء وهذا المعروف عند الكشاته الحقيقين
لكن واحد بيتقهوى او جلسه ساعتين طبعا معذور انه يجي لهذي المناطق
موفقين خير

[ابو نايف التميمي]

اساس المشكلة هو الشبوك

حتى الفياض ماسملت من التشبيك

[Al3rands]

الله المستعان

[مجموعة البرق]

اقسم بالله مصيبه
الله يعين الشباب السعودي كل ماطلع مكان وناشبتوه بالعوائل
أجل وش تقصد يافرغالي يوم تقول انا ما اقصد ان اقول للشباب لاتروحون للبر
مالها تحليل الا كذا .
وبعدين بلشان الشباب يجلسون على الربيع وانت تجلس بالنفوذ يارجل ارض الله واسعة يعني تبي الشباب يقومون ويصوتون لك أنت وعائلتك ويقولون تعال بمحلنا .
خلوا الشباب بحالهم ... وأهلك طلعهم للشرقيه هذا افضل حل أقوله لك

[فرغالي]

شباب وش فيكم
الرجال ما قال شي
هو ينقد على الشباب اللي معهم مواتر مجهزه ما يردهم شي واذا شفته تظن انه له شهر ما شاف مزفلت على هالتجهيزات
معك موتر زي كذا فرصتك تبعد وتحصل مناطق وهدوء وروعة البر الحقيقيه
الا اذا بنفس الواحد شي ثاني عاد ما ندري
لكن روعة البر انه توجعك اذانك من شدة الهدوء وهذا المعروف عند الكشاته الحقيقين
لكن واحد بيتقهوى او جلسه ساعتين طبعا معذور انه يجي لهذي المناطق
موفقين خير

وهاذا الناس الى تفهم وش اقصد

اجل عاصب راسه ومعه خيزرانه ومتركي على الجيب ونص محل السنيدي شاريه وخرته بالتنهاة

[hightech]

يارجال انحش من خريم والتنهاة وصدقني ان المشاكل بتجيك من الشيبان قبل الشباب

الدعوى خربانة الى من رحم الله مختلط حابلها بنابلها مد خطاك وفجوج الله وسيعة

[شيخ العبدان]

الله يصلح الاحوال

[مهاجر للشمال]

السلام عليكم
اولاً كلامك غير منصف ابداً
انا كنت بالتنهات هالاسبوع في خوابي التنهات وتمشيت على الفيضة كلها (لفيت عليها كاملة) وشفت ان نسبة كبيرة من الكشاتة اللي جالسين بالفيضة هم عوائل اكثر من 70 بالمئة عوائل، اما الشباب فهم في الخوابي و بالمخيمات اللي عند البقالة وفي عرق التنهات (عرق التنهات مليان شباب) يعني نسبة الشباب اللي بالفيضة ما تقارن ابد بنسبة العوائل.

ثانيا الفيضة حق للجميع والشباب لهم حق مثل غيرهم، هم طاقين مسافة 200كيلو عشان الربيع ومنحاشين من مدينة العوائل-الرياض- تبون تقلبون التنهات عوائل!!!

ثالثاً اذا صارت مواترهم مجهزة ودفع رباعي يعني ما يروحون للفياض!! وين تبيهم يروحون!!!

رابعاً الاسبوع الماضي كنت بالصمان ولفيت الصمان الغربي كله من الاربعاء حتى الجمعة، كل ماجينا فيضة مربعه حصلنا فيها راعي حلال هو واهله وعياله، وتعرضنا لمضايقات منهم واحد يقول (وش جايبكم في هالفيضة اطلعوا منهم خلوها للحلال!!!) وفيه شباب بهالمنتدى تعرضوا لمضايقات في فياض الصمان من اصحاب الحلال بامكانك تشوف تقاريرهم.

خامساً من خلال ملاحظتي تبين لي ان العوائل اكثر ضرر بالبر من الشباب، اكثر العوائل زبايلهم كثيرة و يرمون زبالتهم -وانتم بكرامه- والا يشيلونها عكس الشباب.

وسلامتكم

[abosaadana]

المشكله ان الموضوع فهم خطأ
طيب في شاب ماخذ ابوه وجده واثنين من عمانه وكبار في السن واخوه المعاق <----- لاحظ كلهم عزابيه ما معهم حريم يعني ذكور
ومعهم سياره صغيره كروان فكتوريا مثلا يعني اترك لهم المكان القريب وخذ انت الزين الي منداخل ونظيف ايضا وش لك في القروشه في القريب ذا داخل من جنبك وذ طالع وهذا مغبر عليك
ارجو ان تكون وضحت الصوره ويعني لا تقلبون الموضوع عوايل

[لهيب الشوق]

بس كانك تبي الاماكن الزينه رح غرب التنهاة هناك الزين ، والعجز والحريم الكبار بيستانسون هناك ، الحميض و القرقاص و البقرا و و كلها هناك وهذا اللي يدورونه الحريم اما الفيضة ارضها يابسه ولا فيها ذاك الوناسة والراحه مثل داخل

أخواني أعضاء المنتدى :
السلام عليكم
ياليت وصف للمكان أو إحداثية للموقع وشكرا لكم .

[abooturki]

اوافقك الرأي أخوي ،
واضح إن بعض الشباب فهمو الموضوع خطأ لأنه ذكر فيها عزاب وعوائل ،
لكن هي فالحقيقه بين ناس معهم السيارات والامكانيات اللي تسمح له يروح يتمشى في ارض الله الواسعه وناس ماعنده الامكانيات بسبب وجود عائله والا ضعف سياره والا غيرها من الاسباب ويحتاج يكون قريب من الخط والمكان السهل ،
من وجهة نظري غير منطقي إن متوفر لك كل شيء وآخرتها باني خيمتك في طرف روضة التنهاه والا خريم ،

[(((.ابوتميم .))))]

مع احترامي للجميع
الي يروح التنهات مهوب راعي بر وكيف
الواحد يروح للبر علشان الهدوء ويفتك من الزحمه والازعاج والناس
التنهات زحمه وازعاج وعااالم واضف زبايل كرمكم الله
الي راعي كيف وراعي بر صحيح يسج مع بران لافيها ناس ولا فيها احد
مريت على التنهات بعد جوله في الدهنا والصمان قبل اسبوع وياليتني مامريت زحمه بشكل مايتصوره الواحد ودبابات والزبايل اكثر من الحصاء
وناس يدورون واغاني ووجيه ودره ومغسوله بمرق لاحياء ولاخوف من الله وتفحيط بالدبابات على الربيع وغيره من الاشياء الي تجيب الهم والناس في التنهات وعرق التنهات عالم ولا تلاقيلك موطا رجل تقول بيجي واحد يوزع دراهم
وللي بيطلع عائلته وهو مايقدر يستر عليهم لايطلعهم ياما وياما نشوف عوائل قاعدين على دروب ا ومكان مكشوف في البر مستغرب ليه يطلعهم يعني في بيتها احسن واستر
الله يزين الحال

[3leee_1989]

بسم الله الرحمن الرحيم
السلام عليكم ورحمة الله وبركاتة

بعد كم طلعه مع الشباب الاسابيع الى راحت لمناطق كثيره ... قررت امس الخميس اخذ العائله لمكان فيه ربيع وسهل الوصول اليه ومعروف انه مافيه غير خريم والتنهاة اسهل للعوائل لمشاهدة الربيع

وتم اختيار التنهاة وتمت الرحله امس الخميس وعند الوصول في الصباح شفت امة محمد هناك بدية اباري الصبات ادور مكان بين هالعالم ولكن وش اشوف كل الى ماخذ المكاناة الزينه والقريبه للقار هم الشباب وللاسف العوائل المساكين جالسين برا الفيضه على النفود بسبب كثرة الشباب الى ماخذين مكان هالعوائل الضعيفه

حريم وعجز واطفال جاين من مسافات بعيده علشان يشوفون الربيع وبالاخير مايحصلون بسبب هالشباب


والشي الغريب هالشباب طاق لك هالجيوب والهلكسات و الحوضه وخرته جاي لهالمكان السهل

توانك وهنقلين وشد وكناود وقارمن واناتل ونص اخراض الرحلات شاريه واخرته التنهاة تضايق العوائل

ترا مايحتاج تشري جيب الكامري تدخل ابسهوله
ولا يحتاج كنود ابشرك فيه ابراج جوال
ولا يحتاج قارمن فيه لوحات لتنهات
ولايحتاج عزب ترا فيه مطعم بالعتش قريب له
وشوله الخساير دام الدعوه التنهاة

والله شي محزن العوائل بالنفود والشباب بالربيع

انا شايف بعيني شي غريب والله

هد أعصابك يبن الحلال

أنا عازب وأشوف معك حق كلامك صحيح أول ماتجي للتنهات زححمه بالحيل لاكن رايي إنك تجي للروضه من الجهه الشماليه تدخل معك رواقك وتطقه بالمكان الي أنت تبي وتخلي هالحريم وعيالك ينبسطون محد يضايقهم .. طبعاً بكل الروضه زحام لاكن هناك أخف بواجـــد