ياأهل الحبره في أم بطنين((أم روحين)) وانت يالخبير خاصة

[نجمة سهيل]

السلام عليكم ورحمة الله زبركاته ياشباب انا عرضت علي ام بطنين ((ام ماصورتين او ام روحين)))لها عدة اسامي المواصير يمين ويسار ونوعها براونينج بسعر ممتاز مره فابي النصيحه وانا بصراحه معجتبني ام بطنين؟ فابي النصـــــــــــــــــــيــــــــــــــــحه

[الخبير]

السلام عليكم
هلا و الله و مرحبا
يا حيا الله نجم سهيل
شف يا طويل العمر الموضوع هذا اختلف فيه اهل مكشات اكثر من مرة.
ابي الخص لك الموضوع كامل.
ام روحين تجي نوعين يا فوق بعض او جنب بعض
غالب الشباب يذم ام روحين إلى جنب بعض يقول ان وقعها مهوب زين ( يعني رميها مهوب بالحيل ) .
اتفق علماء مكشات على ان ام روحين إلي فوق بعض افضل .

انا اقول كلامكم غير صحيح و مهوب مبني على اي دليل ، اعلمك ليش:
هل بالله تتوقع ان شركة براوننج أو برتا او او ا و كل شوازنها ام روحين إلي جنب بعض تعبانات ؟؟؟؟؟
ما اعتقد .
هل تختلف في الجودة ابد لان الشركة إلي تصنع ام خمس هي إلي تصنع ام روحين فالمواد الخام وحدة تقريباً. فبعضهن يجي بدال الخشب فيبر . و هذا له ميزة الخفه و التحمل.

انا إلي اعرفه ان ام روحين جنب بعض مشهورة على انها رقم 1 في صيد البط وهذا إلي شفته بنفس في امريكا.
طيب يمكن يقول واحد من الشباب اجل وش الفرق؟؟؟؟؟؟؟؟؟؟؟؟؟؟
اقول له ام روحين إلي جنب بعض هذا موديل قديم و الموديل الجديد هو ام روحين فوق بعض.

[فازع]

السلام عليكم ورحمة الله وبركاته
هلاابك اخوي نجمة اسهيل
خذها مني يانجمة سهيل انشالله ومع احترامي للردود السابقه
ام بطنين اللي فوق بعض ازين
نعم هاذا صحيح والدليل بكل اختصار شف السباقات الأولمبيه العالميه للرمايه
الباروده المعتمده عندهم هي ام بطنين اللي فوق بعض
وتراني ما قد استعملت الا هالبارود ومبطي وانا استخدمها ولله الحمد ماشفت منها مشاكل بل علي العكس المشاكل والله بم خمس
وانت لك الخيار وشكرا ونعتذر اذا اسئنا لأحد

[نجمة سهيل]

حياكم الله اخواني :heart:الخبير:heart:فازع:heart: بصراحه مشكورين على كل جهد بذلتوه وفي الحقيقه البندق الي يمين ويسار راحت علي ونوعها براونينج ومن النوع القديم وانا بصراحه استغربت هالشي . وانا مااستفسرت عنها الا عشاني مالقيت ام بطنين فوق بعض لانها معروفه في الدول الاوروبيه ماياخذون الا هي حتى الي عنده نوكيا يشوف قناة اسمها Chasse&Peach هذي متخصصه بالصيد ومع متابعتي لها اكتشفت ان ام بطنين عندهم افضل من ام خمس حتى سعرها اغلى من ام خمس والاغلبيه ماياخذون الا ام بطنين حتى مع واحد اعرفه يمدخها ويقول انها قويه بالحيل تسووووق بعييييد ومعها وصل تركبها تصير تاخذ فشق ربع وفشق نص ولا وازيدكم من الشعر بيت لقيتلي وحده براونينج زناد واحد وتسوووق بعيييد وتتحمل ضغط عالي . واتمنى من الي عنده معلومات زياده يضيفها؟ شكـــــــــــــــــــــــــــراً. وانا اسف عشاني ذكرت الاسعار بس سامحوني متحمس

[ابو تميم]

ياأخوي نجمة سهيل أحب أشارك ولو أني مانيب خبير مثلك وألاخوان
يقولون اهل ألخبره أن أم روحين مخصصه لرماية الاطباق وفنون الرمايه في المسابقات
وترى بعض ألانوع تجي ماسوره للمسافه القريبه وألثانيه للبعيده والله أعلم
ولكم الشكر على سعة صدوركم

[ابومحمد301]

السلام عليكم
نجم اسهيل انا اقولك انهن حلوات بس الشوزن الي تجي فوق بعض احسن عشان دقته مثل ام وحده
وفي الطيارحلوه بس الي يعيبه ضقيله

ام الي تجي جنب بعض في الطيار ماتنفع

[عشقي دحروج]

وعليكم السلام ورحمة الله وبركاته

انا جربت الثنتين اللي فوق بعض واللي جنب بعض وملاحظاتي كالتالي

ام بطنين اللي بجنب بعض سوقها احسن من اللي فوق بعض

تتحمل اقوى من اللي فوق بعض

ام بطنين الي فوق بعض اذا مديتها كأنك ماد يدك ونيشانها راكد وحلووو

عيبها الابر تتعشق بكسرة البندق وان طاحت بيد واحد متعافي والا كثر عدد المستخدمين

تصير تطلب ضغط اكثر علشان تتعشق الابر ومع مرور الوقت تتعطل

هذا الكلام من تجربه

[محمد الرويس]

ابي اعلق على الموضوع ولو انه قد قات بس ام روحين جنب تعض مدها سوى
وام روحين فوق بعض اللي فوق تبث تنشر اقرب من اللي تحت يعني وحده لسوق ووحده للنشر نوعا مااااء
وبراونج ومن تجربتي افضل شركه بعد بنيلي من ناحيه الاستخدام تكرهااااااااااااااا تطربك بعكس النوعيات الثانيه جوده وثقه بس عناااااااايه ولا ماتدوم والكلام يطول في النوعيه ومعليش على الاطاله وهذا موقع براونج شف بنفسك وترجم وتفرج على الزين
http://www.browning.com/

[العياده]

افادوك الشباب