اكسسوارات الفكسار الخليجي 2011

[saleh321]

السلام عليكم:
عندي فكسار 2011 خليجي (البازعي) لكن ما فيه جناح خلفي ولا سلة (اللي فوق) مع أن مواصفاته الباقية كاملة ، وودي أستشيركم ببعض الأشياء:
1ـ وش رايكم بتركيب الجناح الخلفي؟ ومن وين أركبه؟ علماً بأنه عند البازعي بـ 1750 ريال
2ـ وش الاكسسوارات اللي تصلح للجيب خاصة الداخلية (أرضيات ـ تظليل ـ حماية الوجهية ....)
3ـ وش رايكم بتركيب اللحية الأمامية؟ هل تعيق السيارة بالبر؟ لأن شكل الموتر من قدام عادي بدون اللحية.[/SIZE]

[Salamah.y]

عليكم السلام و رحمة الله

,

و الله بالنسبة لـ اللحية , و الجنآح اشوف مآهن ميزه
و الموتر بدونهن ,, أجمل ,, و قلة الزيادات تحسسك ان الموتر متمآسك أكثر

إذا نآوي ,, ممكن تركب السلة العلوية , لون رصآصي
منظرهآ جميل , و تفيدك إذا احتجتها للتحميل ~

,

الباقي ,, اتركه لأهل الخبرة اللي مستخدمين هالنوع من الجيوب
فهم أعلم بما ينقصه , و ما ينآسبه من إكسسوارات ~

,

الله يبارك لك بمآلك و يعطيك خيره و يكفيك شره
تحياتي ,, @~

[aziz2727]

اولاً اسأل الله ان يطعمك خيره ويكفيك شره وجعلها لك عون على الطاعه
ثانياً من وجهة نظري ضروري تشميع الارضيه من الداخل وحسب تجربه الافضل هم السماعيل في شارع الغرابي
ثالثاً التضليل انواع واشكال وحسب استطاعة الشخص لكن يفضل التضليله المعالجة ضد اشعة وحرارة الشمس .
رابعاً بالنسبة للجناح والسله هذه تعتمد على رغبتك انت .
خامساً نصيحه لا تركب حماية الوجهيه في الغراب والافاضل تركبه عن شركة وتعطيك ضمان عليها
والله يدبرنا واياك على خير العمل

[saleh321]

أشكر الإخوة الذين أثروا الموضوع ، وفيه كم سؤال ممكن نتناقش حولها لأن الفائدة عامة وليست خاصة بصاحب الموضوع:
1ـ الجناح الخلفي لاحظت أن فيه تجاري رخيص (300ريال) لكن ما فيه فتحة لمساحة القزاز الخلفي ، وتركيبه بمسمارين مثل ما عند العليان وغيره (الرياض) ، لكن الأصلي غالي (حوالي 1800 ريال) وتركيبه عند البازعي بجودة عالية حوالي 500 ريال!! وش رايكم؟
2ـ الأرضية فيه ناس يشتكون من البلاستيك ويقولون إنه ييبس ويتشقق ولازم يسرب السوائل ، وفيه ناس يقترحون فرشات عريضة وقاعدتها بلاستيك بحث لا يتسرب الماء إلى الأرضية ، والفرشة تغسل بكل سهولة .
3ـ وش رايكم بجدوى وضع حماية للون البوية (شمع) وكذلك حماية لداخل السيارة وأسفلها من الصدأ؟ فيه كم شركة يصلحونها لكن أتوقع أن تأثيرها محدود والمسألة مجرد أكل دراهم!!!
4ـ وش أفضل تظليلة للقزاز؟ فيه شركات يقولون تعزل الحرارة بنسبة تصل إلى 99%!! معقول؟ وهل الأنسب تكون التظليلة فاتحة ولا غامقة؟ (ملاحظة: الحريم يبي يتغطن ولا يعتمدن على التظليلة والمدام في المرتبة الأمامية!!!!) .

[saleh321]

ما فيه إضافة يا شباب؟ ولا بردانين؟

[saleh321]

طيب يا شباب خلصنا من الجناح والفرشة الأرضية لكن نبي مسامير الأمان التي تركب على الكفر لمنع سرقة الجنط دورتها في الغرابي مالقيتها كل واحد يحولني على الثاني!!! وين ألقاه؟ وش أفضل محل لعمل حماية الوجهية والتظليل وحماية لون البدي؟

[ابومحــ م ـــد]

بالنسبه للحمايه انا معي اخو موترك وركبت الحمايه عند جيوشلد اللي بالعلياء نوعيه نينو سراميك مع التضليل اقول انتبه توهق معهم ارسلي رقم تلفونك على الخاص وانا ارسلك صور موتري وصورة الفاتوره بالواتس اب واتصل عليك واعطيك العلم الوكاد 100/100