مغثات بس ما نستغني عنهن

[رياح الشرق1]

كيف حالكم يالربع ان شاء الله بخير ركبت للموتر كفرات بالون ماكسس وعببتهن هوا 45اول خمس ايام حسب التعليمات مشان نتحاشي التنسيم مستقبلا ووقفت الموتر لمدة اربع ايام ما لي حاجه فيه المهم يوم مشيت فيه قام يرج ويشيل ويرضخ قلت يمكن لاحترن تروح الرجه والمراضخ حتى وانا مهدي تحت 60كم شيل ورضخ وش الحل الله يجزاكم خير

[باترول للأبد]

البوالين دايم كذا خاصه الحين برد والحل نزل الهوا إلى 30 أقل حاجه ولازم أول ما تمشي تمشي أشوي أشوي ودور لك مطبات أرقاها سو مثلي ههه لين تسخن وبجد يشغلون الله يخرب بيتهم

[ابوسند9]

اذا هي على الرضخ بيسط لكن المشكله الرجه والتسيم

[Salamah.y]

الله لا يقبله من كفر , شكل خذ شكل
لكنه غثيث , خصوصا ً من تالي , صارن اي كلام
ربي يكون بعونك @~

[التعـ King ـديل]

حط الهواء 50 لانه جديد وخله اسبوع

واول ماتشغل السياره ارجع ولا تقدم لفه كامله يعني تقريبا متر ونص او مترين حسب الاستطاعه واصبر دقيقه بعدين امش وامورك ان شاء الله طيبه

[ذيب شراوة]

مركب بوالين والحمد لله ماشيه مثل الساعة

لارجة ولا تنسيم ولا اي شي من اللي قلتوه

اول ماركبتها ذبحتني الرجة

بس وديتها عند واحد يمدحونه بالترصيص والله انه ضبطها من ابدع مايكون

كانت مشكلة تنسيم في الكفر الامامي الايمن اول ماشريتها

واحترت فيها كل ماوديها لكراج يفحصون لين يدوخون ومايحصلون التنسيم

اخيرا وديها لواحد عنده بانيو يحط فيه الكفرات ويكشف التنسيم

تدرون من وين التنسيم ؟؟ من الجنط .... تصوروا الجنط مشقوق من نصه

[رياح الشرق1]

الله يعطيكم العافيه جميع اخوي التعديل حطيت فيه خمسين اول ما ركبت البالون وخليتها واقفه اربع ايام قلت يمكن لا وقفته يثبت الكفر بالجنط وما ينسم علمن اني اول ما ركبتهن زي الحلاه لا رجه ولا شي

[isa.almajed]

اذا عندك فتك فهذا طبيعي وتقدر تحل المشكله بانك تركب الجنوط الاصليه وتروح للمخرطه تخليه يكبس (الرودات) مدري وشتسمونهم بالسعوديه والشي الثالث تاكد من مساعد الرود الي بالامام

اما اذا عندك تيوتا احتمال من الربلات (البوش)

[ابوسند9]

اخوي
اذا الرصاص قليل يعني من 120 جم ونازل لكل كفر
فا عندك امام ذراع الدركسون يحتاج كبس او ربلات البنهارد
طبعا كلامي اذا كان باترول
وطريقة فحص البنهارد شوي بحث في مشاركاتي وراح تعرف كيف تفحصه
بعدين حاول تضع الكفر الاكثر رصاص خلف

[رياح الشرق1]

الله يجزاكم خير جميع ومشكور يا ابو سند على فزعتك ولا يهونون الربع لا ابشركم سويت الي قاله كنج التعديل والله تقول ضبطة وسيارتي لاند ومركبهن عل جنوط الوكاله حديد طبعا تحياتي