الحباري خرش في وقت العبور ((غريبة))؟؟؟؟؟!!!!

[بطاش]

من قمرا(15/7) الشهر اللي طاف عبرة حباري كثيرة على الحدود الشمالية لكن تعتبر خرش ؟؟ لأنها تطير من مسافات بعيدة يتعب الصقار وهو يقص جرتها وبعد تعبة يجد أنها طارة من مدة البحث .
وتطلع الطيور الطلاعة عليها من مسافة بعيدة عند طيرانها ،ويتعب الطير من اللحق بها في هذا الأيام لأن الجو حار وبعض منها عندما تطير من الأرض تتجه إلى العراق ويصعب الهدد عليها لقرب الحدود العراقية.وهو شىء غريب عليها في هذة الأيام لأنها حباري عبور .

[نمووور]

يا اخوي والله يحق لها


فيه احد يشوف الموت بعيونه وتبيه يجلس

بس اللي انا متاكد منه ....... ان الحباري اللي عبرت من 15-7 كل وحده وصتها امها قبل لا تجي يعني قالت لها ديري بالك يا بنتي من الصقارين لاندكروزور وصقر وفاضي صايد حبارى صايدها...... بس الله يستر السنه الجايه يمكن يقنصون على هيلوكبتر


:D :D

[بارود]

مساك الله بالخير اخوي بطاش.........
اللي اعرفه ان الحباري بشكل عام مذيّره وحذره لانها دايم مستهدفه وحظها اقشر كلً يدورها
وان ما جت بالبندق ولا جابها الطير. وفعلاً مثل ماذكرت يا بطاش الحباري لها اكثر من شهر
تعبر بكثره في الشمال وذكروها ناسً واجد لكن ماكل صيادً يبي يصيدها.

[بطاش]

الاخ نمووور
السلام عليكم
بعد السلام والتحية
على طاري الهيلوكبتر مافيه هيلوكبتر للبيع بشرط انها ماتصرف
فيها تكاية للطير قدام و شبة للطيور ورى وسلة فوق ورى المروحة
مع تحيات اخوك بطاش:D

[بطاش]

اخوي بارود الله يصبحك بلخير
ماعليش البارح ماجيت من المقناص الا متأخر
الحباري على كل حال يأخي بارود عبرت على الشمال وعلى المملكةعامة عسى الله يجيب الحياء وتكثر فالقريب العاجل بأذن الله
مع تحيات أخوك بطاش :mad: :mad: :mad:

[ابو حماد]

اخو بطاش
ماشاء الله على اسم طيرك
اقول ماطرحت شئ هالاسبوع !!!!:confused:

[ابو فيصل 200]

يعطيك الف عافيه انا من الشمال بس ماروح شمال اذا قنصت اروح شرق

[طارق الحربي]

ابو فيصل 200

الموضوع قبل 6 سنين :)

[القـــناص]

ههههههههههههههه

وش سالفت الناس مع المواضيع

القديــــمــــه

[طارق الحربي]

عرفت يالقناص

[sasasasas]

لا حقينها لا حقينها (((( والله من المهايط


تقبل مروري