جيب الشروكي هل تنصحون به ؟

[GMC79]

السلام عليكم

جيب الشروكي

سيارة لها انتشارها الواسع جدا في الاوساط البرية المكشاتية

ولها معجبون ولها كارهون

الحقيقة انني بحثت في هذه الخيمة عن اراء حول هذه السيارة خاصة النوع الاوسط من موديل 2001ونازل ولم اجد شيئا يذكر وهذا شيء قد يكون مستغرب سيارة بهذه الشعبية لانجد نقاشاحولها في منتدى متخصص

ومن هذا المنطلق فاني اطرح هذا الموضوع لاستقصاء انطباع الاعضاء الاكارم حول هذه السيارة لتبادل الخبرات ونشر الفائدة خاصة من اصاب التجربه الى من يريد اقتناءها

الزبدة

برايك اخي الكريم ماهي سلبيات وايجابيات هذه السيارة وهل تنصح باقتنائها؟

[غضنفر]

الايجابيات

رخيصة
قوية
خفيفة
مريحة
قطع الترهيم متوفرة لها بكثرة
شكلها مناسب جدا لفئة الشباب

السلبيات
مشاكل الكهرب فيها واجد ولا تستغرب انها تطفي عليك وسط النفود بدون سبب واضح
الدفرنس مشاكله واجد ودائما يوووووووووون

الخلاصة

اذا عندك ورشة اشتره

[ab0_feras]

انا شريت واحد موديل 96 رمضان 1426 وكان ماشي حالة وبعد فتره طلع صوت الدفرنس ثم :

1000 ريال توضيب الدفرنس ( بيرنقات وصوف ) وفي الأخير طلعت مشكلة الصوت من الزيت حيث ان الصوت كان مع اللفه يمين او يسار وغيرت زيت جي ام خاص للدفرنس واختفى الصوت
3000 توضيب قير اتوماتيك
وكان استخدامي كاني استخدم سيدان ويمكن يالله بالشهر مره اطلع الهافمون
لكن دوامي عليه 90 ك يوميا لمدة شهرين ثم ظهرت هذه المشاكل
ورجعت الآن رجه على 120
وبعدها بفتره بصيطه صار يون الدفرنس

والحيت وقفته عند البيت لأنه مع الحر في الشرقيه صار يسخن ؟؟؟؟
وما ادري وش الدبره فيه ابيع ولا اصلح

ولكن لاااااااااااااااااااااا انصحك باقتنائه
ادفع تكاليف التصليح على الشيروكي في سيارة ياباني كزيادة في السعر وريح بالك

[الوشاح]

اشتريت موديل 2000 وله سنه الان ماشي تمام ( مشالله ) .. لاكن الموتر نضيف

ماجاه تطعيس ولا اهبال

دايم الناس يشترون مواتر التطعيس وتكون دمرانه ثم يشتكون الشروكي خراباته واجده

أذ بغيت تشتري .. اشتر نضيف ولا اصرف النضر

تحيتـي لكـ

[بواسامه]

الدعوه وانا اخوك توافيق
ناس تذم وناس تمدح
والحكم العام غلط بالطبع
ورأيي
نصيحه لوجه الله

لا تقربه

واعرف كم واحد شراه وعدها غلطة عمر:mad:
((مشاكل حراره معاكس عكوسه وطقطقتها ,وخرخرة زيوت وتغيير صوف ونين دفرنساته ))
ازين ما فيه انه رخيص ونشيط

[مسافر1]

إن كنت من أهل النفود والبران ..
فنصيحة لا ..
كل كشته بعدها الورشة .. وخاصة الطلعات التي تحتاج للدخول في النفود والرمال ..

[الراعي]

سباره قويه ولكن خراباتها كثيره وصيانتها غاليه

[anas]

العام الماضي انا كان معاي واحد شيروكي 97 بعته بعد اربعة شهور فقط وخلال الاربعة اشهر عملت له التالي :
خربت الصوف وغيرتها ثم تقطيع في الماكينة وما عرف احد السبب وصلحته في الوكالة ثم انفرط القير توماتيك وغيرته ثم خرب المكيف ... وبعدها عزمت ابيعه وإلا احرقه .... ولو بتسأل عن خسارتي في خلال اربعة اشهر فقط هي 6000 ريال (صيانة) + بعته بخسارة 5000 =11000 ريال .(الحمد لله على كل حال).

[غالي]

تبي الكلام الي اعتبره انا شخصيا صحيح
كان معي 94 باب واحد سياحي قير عادي درايش عادي ماسويت فيه اي اضافات
وماشيء معي مثل الحلاوه
ونفس الشيء مع اخوي كان قبلي 93 وسياحي مره وقير عادي وماشيء عليه فوق 300 الف ولا قد اشتكى او اتذكر اننا دخلناه الورشه
وبعناهم طبعا شارينهم جدد من الوكاله
ــــــــــــــــــــــــــــــــــــــــــــــــــ ـــــــــ
لكن
وخذ هالمصيبه
خليت موتري معي ليييييييييييييييييين طلع 97 تغير شكله على خفيف
وبعت ال 94 وطقيتلي فل كااااااامل كانتري من الوكاله الي يجيك تحته كشافات وقير توماتيك
والله ثم والله على ذاكرتي اسبوعين او ثالث اسبوع وانا باديه معي معاناة الكهرباء اتذكر ماعت علي ازرة الكشافات
ثم من عله لعله وخسرت عليه بلاوي ولا وديته ولا ورشه مااتعامل الا مع الوكاله لانه على الضمان
ولاتهنيت فيه
الزبده شاريه على وقته ب109
وبعته في 2003 ب20 الف والله على مااقول شهيد
يمكن فيه ناس منكم يقولون كرفت امه كم سنه جلس معك
ابقوله من شغلي للبيت فقط ولا مشاني بعد يارديتر ينشق والا وقف استناه لين يبرد ثم يشتغل والا مشاويري بر وسفريات والا اي مشاوير ثانيه كلها بسيارات ثانيه
ـــــــــــــــــــــــــــــــــــــــ
الزبده وخلاصه كلامي ان كان نفسك في شيروكي
عليك بالسياحي وقير عادي ودرايش عايدي وكلش عادي مافيه تقنيه ابد
اهو الي بيعيش معك اكثر
وملاحظه : اتكلم عن 2000 وتحت اما الجدد ماادري عنها ترا
والسلام ختام

[mshtag]

:D الله يعطيك العافيه اول شي لانك جبت طاري الشروكي...:D
الجيب كان معي له 6شهور وممتاز وما قصر لا في نفود ولا غيره ما شاء الله عليه خفيف وما يقول:
[:no2:لا :no2:]...
2001 امريكي اقصد بالامريكي استخدامه لاكن مدري وش طرى عليه ولعبت في راسه الشياطين وخبط ...
التخبيط هذا من طرمبه الزيت وليومك وهو واقف في البيت له 6 شهور تساحلن به...
لاكن رايي كان عندك ورشه مثل ما قال احد الشباب اشتره ....

تحياتي:


مشتـــــــــــــــــــــــــــــــــــــــاق

[الخيال2006]

لاانصح به Gmc

[escape_man]

اخوي Gmc

انا من مستخدمي الشيروكي ياطويل العمر بما اني راعي مطاعيس ومراقى ولا المكاشيت ماضنيت انه من اهلها واغلب هالي تشوف قليل الي منهم يتعدى الثمامة والخرارة. لانه رخيص بالحيل على موديلاته الحديثة. سهل التزويد والترهيم طبعا لانه نشيط بحد ذاته. وتبي تتاكد من كلامي لاحظ ان اغلب الشيروكيات تلاقي عليها جنوط جي تي وسده بالشكمان ومرفعات متر عن الارض للتطعيس فقط واذا خرب فالحمد لله ما ابعدنا . بضواحي الرياض وسطحة ب 100 ريال للورشة. ابعد عنه. وقالوها شيبانا الاولين الدوج دجوا هله باسبوع...... كمل انت.

[GMC79]

شكرا للجميع كل باسمه على المشاركة ولي عودة ان شاء الله مع كل واحد منكم

اسعد الله اوقاتكم بكل خير

[GMC79]

black path
ماقصرت الله يخليك مختصر مفيد
----------------------------------------
ab0_feras
مشكوووووووووور على عرض تجربتك اللي في الحقيقة ماساوية الله يعوض عيك بخير

بس عندي سؤال الله لايهينك
موترك هذا يوم تشتريه كيف كانت حالته وبكم خذيته؟
-------------------------------------
الوشاح
حياك الله اخوي بس مدري عن استعمالك خلال هذي السنة هل تطعس؟هل تطلع عليه مكاشيت بعيدة؟ يعني بالعربي كارفه والا لا؟
شاكر لك حضورك
------------------------------------
بواسامه
صادق والله كل شي بتوفيق الله وشاكر ومقدر نصيحتك الله يجزاك خير
-------------------------------------
مسافر1
جزاك الله خير على مرورك بس كانك تبالغ شوي؟
-----------------------------------
الراعي
مشكور على المرور والمشاركة
-------------------------------------
anas
لاحول ولاقوة الا بالله والله قصتك ماساوية 11الف في اربع شهور بصدق اقول الله يعوض عليك
بس نفس السؤال يوم شريته كيف حالته وبكم خذيته؟
مع خالص الشكر والتقدير
------------------------------------
غالي
ماقصرت يالغالي تجربه مفيدة بس اظاهر ان نفسي طابت من الشروكي مرة وحدة لاسياحي ولاغيره
والله يعوض عليك خسارة تسعين الف في ست سنوات والله مصيبة

اسعد الله اوقاتك بكل خير
-----------------------------------
mshtag
عسى ما انت ماخذه غالي؟
ونحن بانتظار معرفة سبب خراب الطرمبة
والله يجزاك خير على المشاركة
------------------------------------
الخيال2006
شكرا على مرورك اخوي
------------------------------------
escape_man
رايك ماشاء الله وش زينه واقعي جدا الله يخليك ويعافيك
-----------------------------------
شكرا لجيع الزوار والذين لم يسجلوا اراءهم

[gharbi]

السلام عليكم انا اشهد انه يبيض الوجه في الرمل

[عبدالرحمن السالم]

بالرمل خذ رجال والا غيره خرطي دامك تبي تشري من فئات الشروكي
خذ باثفندر والا برادو ونم وانت مرتاح وانسى الورشات

[خالد2006]

انصح به اذا كان ماجاه تطعيس واذا كان الموتر نظيف اما اذا كان جايه تطعيس وفيه زيوت تحت والمكينة فانت (( هج هجة بعير من سباع عوووني ))