المساعد الشخصي الرقمي

مشاهدة النسخة كاملة : مساعده اجراءات حادث


MSK72
14/01/2013, 11:33 AM
السلام عليكم ورحمة الله وبركاته
امس عملت حادث قرب الدمام ( تحديدا على بعد ربع ساعه من حدود السعوديه والبحرين ) وبعد ما جت الشرطه وخططوا الحادث اعلنوا ان الخطأ 100% على الطرف الاخر وقالولي اجيهم الاربعاء عشان اخذ نتيجة الفحص الفني اللي يقدرون فيه قيمة التصليح واعطيه حق التأمين اللي ابغى اعرفه هل سيتم تعويضي ب اتعاب التركيب بالكراج والصبغ ولا بس سعر القطع؟ وواحد من الاخوان اللي وقفوا وقت الحادث قال احتمال يكتبون بالتقرير ان السياره تالفه ويعوضوني قيمتها حسب سعر السوق المستعمل لأن الايرباقات طلعوا ف يريت تخبروني الاكيد رحم الله والديكم! ومتى استلم التعويض من التأمين؟ والموضوع يوم الاربعاء فيه روحات وجيات من مكان ل مكان ولا بسرعه اخلص

و الله يكفيكم شر الحوادث والحمدلله على الصحه والعافيه
اخوكم من الكويت سليمان
FORD1969
14/01/2013, 01:24 PM
الحادث في اراضي السعوديه ارجو التوضيح

الله يعوض عليك والحمد لله على سلامتك الحديد بداله حديد
MSK72
14/01/2013, 01:31 PM
الله يسلمك يالغالي
اي نعم الحادث بالسعوديه وحبيت تفيدوني بالمذكور بالأعلان جزاكم الله خير
العايد999
14/01/2013, 01:46 PM
ما فهمت من كلامك شي

يعني قصدك هل يعوضونك سيارة جديد التامين

(((((انشدني اناء ما عندك احد )))))

اذا كان شركة النامين التعاونية فمدة التعويض لا تتجاوز 15 يوماً

اذا كان شركات اخرى شهر الى شهرين الله يكون في عونك
بوعبدالعزيز84
14/01/2013, 01:52 PM
السلام عليكم
الحمدلله على سلامتك
اول شي مين اللي باشر الحادث شركة نجم ولا دوريات المرور
اذا نجم تسوي ثلاث تسعيرات من ثلاث ورش وتسعر قطع الغيار المطلوبة وتراجع شركة نجم بنفس الوقت اللي قالوه لك اذا كان الطرف الاخر مأمن فاكيد نجم اللي باشرو الحادث على العموم انا من اهل الخبر وبرسلك رقم تلفوني على الخاص وحاضر باللي تبيه
ذيب زلفاوي
14/01/2013, 02:10 PM
يقدرون السيارة قبل وبعد الحادث ويعطونك الففرق
MSK72
14/01/2013, 04:02 PM
وعليكم السلام
شاكرلكم اهتمامكم بالموضوع وبميزان حسناتكم ان شاء الله
اخوي بو عبدالعزيز شركة نجم اهي اللي باشرت بالحادث ونفس الكلام اللي قلته لي قالوه وانا خليت السياره بالسعوديه عند رجال محترم ما انساله جميله من عيال الشهراني عنده مستودع سكراب واتفقت مع سطحه اهو بياخذها حق ال3 ورش ويخلص الامور
qwertyu987
14/01/2013, 04:17 PM
الحمد لله على السلامة

يتم تسعير السيارة من ثلاث ورش , ويتم تسعيرها قبل وبعد الحادث حسب الموديل
إذا كان مبلغ التصليح مرتفع جدا ويفوق أو يقارب قيمتها في السوق يتم تعويضك بقيمة السيارة حسب التقييم قبل الحادث وتقوم شركة التأمين بإستلام السيارة

أما إذا كان المبلغ بسيط (حسب نوع وموديل السيارة) لأنك ماذكرت لنا نوع وموديل السيارة
يتم تعميد الوكالة بالإصلاح , او تقوم أنت بإصلاح سيارتك ويتم تعويضك بقيمة الفواتير السابقة الذكر
والتعميد بالاصلاح غالبا يكون على السعر الوسط في الثلاث التسعيرات (وأعذرني إن كان نسيت شي)

نصيحة : وكل لك واحد من المحكمة يخلص لك جميع الإجراءات
MSK72
14/01/2013, 04:48 PM
الله يسلمك
السياره همر اتش تو H2 موديل 2005 وانيت
حسب خبرتي بالهمر ان الشاصي تأثر لأن الدعاميه الحديد اللي تكون تحت ( اللي فيها قاعدة قلص ) دخلت داخل البدي واحتمال المكينه تأثرت لأن الكبوت انكسر من النص والراديتر انكسر ودخل داخل وكان في تسريب زيت هذا غير الايرباق
وكيف هي طريقة التوكيل؟
جزاك الله خير اخوي
التعـ King ـديل
14/01/2013, 06:43 PM
اول شي خل بالك طويل لانك بتمل وانت تراجع

اهم شي الطرف الثاني عنده تأمين وقبل تسوي اي شي وتوافق على شي كلمني او راسلني وانا بالخدمه
أبوفيصل 2007
14/01/2013, 08:46 PM
جزاكم الله خير وافين في زمن الجفاء والجحود بارك الله في جهودكم جميعاً
MSK72
14/01/2013, 10:20 PM
بالي طويل وامري لله سبحانه وتعالى
كلمة مشكورين شويه بحقكم اخواني الكرام
انشهد انه ينشد فيكم الظهر
جزاكم الله خير
الكشات وافى
15/01/2013, 12:46 AM
بالي طويل وامري لله سبحانه وتعالى
كلمة مشكورين شويه بحقكم اخواني الكرام
انشهد انه ينشد فيكم الظهر
جزاكم الله خير


الف مرحبــــــــا يالغالـــــــــــى ...

ومره ثاانيه اقول لك عسااك ماتشوف مكروه :good2: