المساعد الشخصي الرقمي

مشاهدة النسخة كاملة : ياخوان وش رايكم وارد البريمي او وارد اليحيى


ابوصالح 111
02/09/2006, 01:35 AM
عندي نيه ابشتري gxبس اني محتار اخذ النوع الذي يستورده اليحيى او ال gxالخليجي وارد البريمي


رايكم يهمني ياخوان في اتخاذ القرار


ولكم اطيب تحياتي
الخيال2006
02/09/2006, 02:00 AM
ابو صالح
والله اعتقد ان الخليجي احسن وكلن له راي
anas
02/09/2006, 02:47 AM
شف يا الحبيب انا بأفتيك في اللي اعرفه وانت بكيفك .. اخي عنده Gxr اشتراه من اليحي جديد 2004 (150000) ريال له سنتين تقريبا معه كل شيء فيه ممتاز لكن فيه عيب ما احد يتوقعه وهو صوت الهواء لما يمشي على سرعة 140كلم يطلع صوت قوي مثل تماما الصوت في الكامري موديل 2003 (العيب المشهور فيه)
حمد808
02/09/2006, 03:12 AM
اتوقع ان اليحيى افضل
لأنه مرغوب عند البيع
ملاعب الريح
02/09/2006, 03:34 AM
اليحيى أفظل وهو متخصص في الهدد (gx) ومرغوب بيع ومشترى والله يوفقك للي فيه الخير والصلاح
مهاجر11
02/09/2006, 03:40 AM
اليحيى مافيه طقت عصا وانا اخوك
نقا هشال
02/09/2006, 03:56 AM
شف يا الحبيب انا بأفتيك في اللي اعرفه وانت بكيفك .. اخي عنده Gxr اشتراه من اليحي جديد 2004 (150000) ريال له سنتين تقريبا معه كل شيء فيه ممتاز لكن فيه عيب ما احد يتوقعه وهو صوت الهواء لما يمشي على سرعة 140كلم يطلع صوت قوي مثل تماما الصوت في الكامري موديل 2003 (العيب المشهور فيه)

السلام عليكم

وراد اليحيى مافيه كلام واتفق مع اخونا بخصوص الصوت اللي يطلع بالفعل مزعج ويكرهك في السياره واتوقع كل الهدد يطلع فيه الصوت الزعج والممل
&كاتم الونات&
02/09/2006, 04:02 AM
السلام عليكم ورحمة الله وبركاته اخوي ابوصالح انا عندي gxموديل2001وارد اليحيى من يوم شريته مافيه عيب ونصحك به
ارجو اني افيدك
اخوك
&كـــاتـــم الـــونــات&
ابوفواز
02/09/2006, 04:38 AM
السلام عليكم يابوصالح
انا اقول ان اليحيى جداً ممتاز
خاصتاً جكس <الهدد>
مواصفاتها جداً ممتازة
برضوا الخليجي ممتاز
وبتوفيق
ظلال الشمس
02/09/2006, 05:19 AM
زي ما قالوا لك الأخوان وارد اليحيى افضل من ناحية انه هو الي يستورده بدون اي تعديلات من الوكالات وبمواصفات ممتازة
اما البريمي فكان جيد لكنه خرب من يوم قلدوا عبد اللطيف جميل وبدوا يدخلون عليه تعديلات مثل الحساسات يركبونها عندهم الخ ...
الرهدن
02/09/2006, 05:29 AM
السلام عليكم /

بعد الإستشارة لاتنسى الإستخارة وأنا أخوك00



.
قاهرهم
02/09/2006, 01:14 PM
لاتستعجل اخوي

رح لعرض المسند

متخصص في الهدد مثل اليحيى

شف معرض المسند بعد اليحيى على اليسار وانت داخل للمعارض

والله يوفق الجميع
هاوي الله
02/09/2006, 03:11 PM
حياك الله

اسمع اخوي ولا يهونون الأعضاء أنا معي Gx 2006 وارد اليحيى كامل المواصفات :
ونش -فتحه-ديف لوك- 2 اسبير ( دبل قير )
ومشاءالله تمام التمام &
لكن إذا كان البريمي فيه مثبت سرعه من الوكاله والدبل قير ( مهوب زر ) فتوكل على الله وخذ البريمي &
الحر الاول
02/09/2006, 03:36 PM
السلام عليكم ...

أخي فتى البران شكرا على ردك الجميل

لكن ما قلتلنا كم سعره ؟؟؟

وهل فيه العيب الذي ذكره الأخ ( أنس )
هاوي الله
02/09/2006, 03:47 PM
السلام عليكم ...

أخي فتى البران شكرا على ردك الجميل

لكن ما قلتلنا كم سعره ؟؟؟

وهل فيه العيب الذي ذكره الأخ ( أنس )

هلا اخوي

سعره = 143500 ( 1/1427هـ) والحين يمكن سعره نزل شوي &

خذها قاعده = اللي صنع البريمي هو اللي صنع وارد اليحيى &

والعيب اللي ذكره الأخ انس صحيح بس بشروط :

1- السرعه = 160 وأعلى

2- الهواء الخارجي يكون قوي يعني الجو عج أو ماشابه

إذا تحقق الشرطين يمكن تسمع صوت فقط &

يعني أنا أمشي 190 ولا اسمع صوت ولا يحزنون والحمدلله &

يارجال اغلب السيارات فيها هذا العيب حتى الفكسار البريمي فيه &
anas
03/09/2006, 02:25 AM
نصيحتي لك الجيب والله غالي وحرام تشتريه بدون ما تجربه قبل ....لذا نصيحتي لك اتفق مع اي احد معاه الجيب نفسه وخله يمسكه في خط واذا كان الصوت عادي عندك توكل على الله واشتريه....ولو اني عندك في الرياض كان والله خليتك تجرب حق اخوي الى السرعة اللي تبغاها ((جلد مو جلدك جر عليه الشوك :p )) لكني في جدة ..وآسف على الاطالة
كحيلان 11
03/09/2006, 04:47 AM
انا انصحك بالبريمي
راعي الهـــدد
08/09/2006, 12:37 AM
انا طلعته من اليحي شهر 6 هجري 1427 وتمام التمام خذت فل كامل 2006 فتحه اسبيرين ونش ودف لك ومكيفين وطبعا ثلاجه و((( دبل هههههههههههههههه)) اشتريته 137500

ومن احسن مايكون بس فيه عيب قاهرني الى الآن الصوت صوت الهوى لو امشي مائه يطلع الصوت


تنبيه (( ترى اخلاقهم لك عليها تعاملهم بالعربي ماهوب طيب لأنهم ضامنين سلعتهم ماشيه ))

ولا احد يرد علي يقول ماهوب صحيح والله انه صحيح وكثير صار له معهم مواقف ماهيب طيبه مره تعامل غير طبيعي يالله يكلمونك وكانه يمن عليك يوم يبيعك
والسسسسسسسسسسسسسسسسسسسسسسسسسسسسسسسسلام

على العموم هو افضل الموجود
عريدان
16/09/2006, 01:49 PM
الأخلاق تصير خثاق إذا جت عند الفلوس والبزنس الردي في تجارنا
.
القناص6
05/10/2006, 04:26 AM
انا انصحك بالبريمي
الوفدي
07/10/2006, 06:40 AM
نصيحة مسلم لمسلمين اهربوا عن عبداللطيف جميل وتشوفون العز

الجي اكس القطري فل كامل الراديو والسي دي ياباني

-------------------------- فيه ثلاجه

----------------------- الكزاز اوتماتيك رائع ومخشب

--------------------- فيه ونش

--------------------- يجي منه شنطه والكفر الاحتياطي خلفي وليس تحت

-------------------- فيه فتحه في السقف

------------------- اتحدى وكيل تايوتا بالسعودية يوفر هذه المواصفات
هواوي
08/10/2006, 05:44 PM
الاخ الرفدي

السلام عليكم ورحمه الله وبركته

ممكن اذا ممكن ولا عليك امر

كم يكون سعر القطري اذا كان نفس بالمواصفات الاتيه

1- شنطه والكفر الاحتياطي خلفي وليس تحت ((مهم جدا ))
2- فيه ثلاجه
3- القزاز اوتماتيك رائع ومخشب
4- ونش
5- قير عايدي
6- الدبل قير وليس زر
7- فيه فتحه في السقف
8-هل يوجد في مثبت سرعه


واخيرا اسم الوكيل ورقم تلفونه واسم المتعارف عليه للجيب الهدد في قطر
MEKSHAT.COM
08/10/2006, 06:02 PM
السلام عليكم

سيارات اليحي قد تكون جيدة ، ولكنها مجهولة المصدر !!!

بعض الأخوة الأفاضل يقول أنها يابانية 100% وهذا مجرد كلام غير مؤكد .. وسأكتب لكم لاحقا عن الدول التي يتم تصنيع اللاندكروزر فيها.

والذي يثير الشك أن اليحي لا يعطيك البطاقة الجمركية للسيارة ولا أي أوراق رسمية تثبت مصدرها .. وهذا أمر يثير الشك والاستغراب

ونصيحتي هي أن تأخذ بريمي من عند معرض الفلاح بالنسيم ، ولدية ميزة أنه يوفر لك مع السيارة كرت ضمان رسمي ومختوم من وكالة عبداللطيف جميل ، ويقوم كذلك بتزويدك عند الطلب بجميع الأوراق الرسمية للسيارة وبدون خوف أو تردد

ومبروك مقدماً
MEKSHAT.COM
08/10/2006, 07:29 PM
السلام عليكم



إكمالاً للموضوع .. أقول
حتى منتصف هذا العام 2006 يوجد لدى تويوتا 52 شركة تصنيع في 27 دولة وتسوق منتجاتها في أكثر من 170 دوله

<O:p</O:p
أرفق لكم رابط من الموقع الرسمي لتويوتا ، ويحوي جدول تفصيلي لجميع المصانع ومواقعها وموديلات السيارات المصنعة فيها.


رابط الجدول التفصيلي (http://www.toyota.co.jp/en/about_toyota/manufacturing/worldwide.html)
<O:p</O:p

وبنظرة سريعة ستجد أن اللاندكروزر بأنواعه يتم تصنيعه في عدة دول ومنها:<O:p</O:p
بنغلادش - الصين - كولومبيا - كينيا - فنزويلا - فيتنام


لذا ينبغي الحذر من الموزعين .. والحرص على التأكد من الأوراق الرسمية
وبالتوفيق للجميع<O:p</O:p
ابوصالح 111
10/10/2006, 04:32 PM
ياخوان الف شكر لكم

وابشركم اخذت جي اكس 2007 وارد البريمي واخذته من معرض الجود
لون ذهبي مواصفات جي اكس ار فل كامل

جنوط في اكس ار(17) انوار زنون كشفات ارضية (ضباب) تخشيبه كامله حتى الدركسون تخشيبة في اكس ار
حتى المرايه فيها بوصله

فل كامل ماعدا ونش مافيه لانه الى الان مانزل جي اكس 2007 بريمي ونش

اخذته من معرض الجود

وعقبال الجميع
ملاعب الريح
10/10/2006, 06:47 PM
1000 1000 مبروك الله يطعمك من خيره ويكفيك شره
وتبليه بالعافيه

(ملاعب الريح)
راعي الهـــدد
10/10/2006, 07:12 PM
ابو صالح مبروك



مبروك



مبروك



مبروك



الله يطعمك خيره ويكفيك شره آآآآآآآآآآآآآآآآآآآآميـــــــــــــــــن




كم طلع عليك سعره ؟؟؟
راعي الحزم
12/10/2006, 05:39 AM
ابو صالح هل فيه جناح انا شفت صورة هدد فيه جناح وجنوط في اكس ار

وكم تكفى سعره ارجو الرد
واذا معك رقم للمعرض ترانا مانستغني
anas
14/10/2006, 07:10 AM
ما شاء الله تبارك الرحمن الله يعطيك خيره ويكفيك شره ، وخير ما اخترت .
ابوصالح 111
15/10/2006, 04:54 AM
الاخوه الافاضل

ملاعب الريح
راعي الهدد
ملاعب الحزوم
اناس

الله يبارك لكم وعقبال الجميع

اي نعم الموتر جناح اسبير علاق ياعني فوق
سعره 152 الف

والله مااعرف رقم تلفون بس هم في معارض النسيم واخي راعي الحزم اذا انت مانت في الرياض ابشر اجيب لك رقمهم وترى لهم وكلاء في المناطق الثانيه انت في اي منطقة وراح اعطيك رقم وكيلهم

ومعليش ع التاخير لذهابي مكه للعمره وعقبال الجميع