تأمين التعاونية يستهبلوا؟

[hussien18]

السسسلام عليكم ..

ياشباب انا معي موتري اس اس 2007 .. قبل سنة اشتركت بتأمين التعاونية شامل بـ 1700 ريال .. رحت قبل الاختبارات بسألهم عن التجديد بـ 1500 ريال ,, المهم
ماقدرت اجدد لان السيارة ماكانت موجودة كنت جاي بسيارة اخوي .. الامس رحت لهم وسألت عن سعر التجديد يقولي 2600 ريال .. قلت في قلبي الموظف هذا شكله جديد وجايب العيد .. المهم سلكت معاه ورحت سألت الموظف الثاني يقولي السعر 1700 ريال نفس سعر السنة الماضيه .. كل واحد يعطيك سعر .. كأنك جالس بحراج .. :D:D

بالموقع مكتوب يصير خصم 15% اذا جددت للسنة الجديدة اذا ماعندك حوادث .. المهم لو حسبناها خصم 15% تصير 1500 ريال .. اقول للموظف ليش قبل اسبوعين تقولوا لي 1500 واحين موظف 2600 وانت تقولي 1700 .. رد علي يقول مادري كيف حسبتها لك قبل اسبوعين.. عجبني الرد صراحة .. لاحظو الفرق بين الموظفين 900 ريال .. يعني الي بيشترك بتأمين عندهم يروح اكثر من مره ويسأل اكثر من موظف اذا يبي سعر اقل.. عجيب امرهم ..

لو طريق الدوام مافيه شاحنات ما احتجت الى شي اسمه تأمين لكن تعرفوا الي معاه شاحنة ما يعترف فيك اذا شافك بالشارع .. ويتجاوز بدون ما يعطيك اي اهمية .. لان عنده شي اسمه تأمين شامل ينزلك ويتفاخر .. والله وانا بطريقي للتعاونية بغيت اسوي حادث والسبب راعي شاحنة الله يهديه ضربت فرامل من 80 الى 30 .. طبعا فجرت ام البوري ولا اهتم اصلا .. بغيت اخذ رقم اللوحة وابلغ عليه لكن ماحد راح يدق لي خبر..

الي يفهم بالتأمين ياريت يفيدنا .. وكيف طريقة تأمين سند بلس.. هل هو كويس وكم يكلفني مع العلم ان عمري 22

وبغيت اغير كفرات سيارتي ايش تنصحون افضل نوعية رخيصة وكويسه .. مع العلم ان الحالية يوكوهاما وقاسية على المطبات وواصواتها على الطرق السريعه مزعجه

وشكرا

[s0s]

أنا بغيت أأمن عند التعاونيه ولكن شفت سعرهم مره مرتفع فـــ رحت إلى شركة (ميد غلف) والله فرررررق بين السماء والأرض في السعر والتعامل .... والله يوفقك

[بدوي جنوبي]

أذكر أمنت ب 380 حتى نسيت أسم الشركه
يعنى ما اهتميت في نوعية الشركة أمنت عشان النظام عاوز كدا

ونمشي على الله ،،

[ابو فهد...]

تكافل الراجحي حلو ورخيص

[شعيب الحزيمي]

تكافل الراجحي حلو ورخيص


ياليت تفصل بارك الله فيك

طريقتهم ومعاملتهم واسعارهم

ومواقعهم

[فرفور بريده]

امن عند ارخص واحد ضد الغير

فايدته اصلا تمشي امورك بالمرور .. واذا صدمت لاسامح الله والخطأ عليك عطه التأمين وخلاص

[Badr 888]

السلام عليكم أخوي ،،،سبب ارتفاع التأمين بسبب ارتفاع الدية من مائة ألف إلى ثلاث مائة ألف

[Xtrema-2]

اخوي اي فرع رحت للتعاونية ؟

[حكيم المجالس]

: : :

: :

أخوي نصيحة أستعجل ب التأمين ..

ولا تتحسف على المبلغ لأن ال أس أس لو ينكسر أسطب بس , أضرب قيمة التأمين في 3 :(

و بالنسبة لأسعار التأمين أحسبها معه حبه حبه , لأنها زي الباقات ..

مثلا التأمين تحت ال 21 و الخدمة على الطريق و نسبة الخطأ تغير من سعر التأمين ..

و أنصحكك ب التعآونية أسرع بتخليص المعاملآت ..

بالتوفيق ..

[سيف وقلم]

السؤال
بسم الله الرحمن الرحيم
سؤالي على التأمين الإجباري فلاستخراج ترخيص قيادة لا بد من دفع رسوم التأمين وأيضا لفتح اعتماد بنكي وإتمام عملية الاستيراد لا بد من دفع هذا التأمين كذلك سؤال عن التامين الشامل على الحياة والبيت والسيارة وهو اختياري وليس إجباريا؟
والسلام عليكم ورحمة الله وبركاته


الإجابــة


الحمد لله والصلاة والسلام على رسول الله وعلى آله وصحبه أما بعد:

فالتأمين التجاري سواء كان على رخصة القيادة أو على السيارة أو على التجارة وغيرها لا يجوز، وقد تقدم الكلام عن التأمين بالتفصيل والحكم الشرعي لكل نوع في الفتوى رقم: 472 (http://www.islamweb.net/fatwa/index.php?page=showfatwa&lang=&Option=FatwaId&Id=472) فلتراجع.
فلا يجوز للمسلم تعاطي عقد التأمين التجاري إذا كان هذا باختياره، أما إذا أجبر على ذلك، ولم يستطيع التخلص منه، ولو بالحيلة فيسعه ما يسع المكره على الفعل أو الترك، وإثمه على من أكرهه.
لكن يجب عليه الدخول في أقل المخالفات وليؤمن على الحد الأدنى المقبول منه قانوناً لأن الضرورة تقدر بقدرها.
وعلى القائمين على التأمين، والذين يجبرون الناس عليه أن يتقوا الله، وليعلموا أنهم يتعاطون القمار، ويأكلون أموال الناس بالباطل، ومن حمل الناس على الدخول في هذه العقود بقوة القانون، فهو على خطر عظيم حيث نصب نفسه مشرعاً ومبيحاً لما حرمه الله.
والله أعلم.


المصدر (http://www.islamweb.net/fatwa/index.php?page=showfatwa&Option=FatwaId&Id=25925)



يا اخوان التأمين التجاري الشامل حرام, أمن ضد الغير وإثمه من ألزمك.أشوف فيه تساهل من البعض .

[الحربي حاتم]

بسم الله الرحمن الرحيم
التأمين تلاعب بالمواطن ومصالحة وجيبه حال كل الخدمات خاصة وعامة في هذا البلد طاسة ضايعة لنا الله والى الله المشتكى وحسبنا الله ونعم الوكيل