الباترول عندي عزمه ضعيف وش الحل [الأرشيف]

القابوعة

02/09/2006, 02:01 PM

اولا اخوي ما ودي اعزيك واقول احس الله عزاك في موترك ..:(

قبل كل شي لم تذكر الموديل ونوعه فهذا مهم جدا;)

ونصيحه اخوي الباترول عزمه ضعيف شد بلد :no: !! ولا قلت هذا الكلام الا يوم جربت تويوتا سياره فعلاً بكل ما المقاييس والمواصفات ولا تقارن بالباترول ابدا فالباترول حده القار لا يتعدى وارفق عليه وسوله صيانه كل اسبوع ويالله تسلم اما تويوتا (لاندكروزر - برادو - هايلكس وغيرها) امش وانت مطمأن ولا تسويله صيانه الا كل سنه من تربيطات واشياء صغيره تغيير ربلات .. وهكذا:good:
فأنصحك اخوي ولو اني طولت عليك :D .. بتويوتا .. تويوتا وبس ولا تودي سيارتك للمكانيكي ابد بيقول يبغالها كذا وكذا (وتعرفهم عاد انت وذممهم وسيعه جدا) اقصرها من اول وبعه واشتر تويوتا وعشر سنوات منتب حاط فيه الا بنزين وزيت ..
وفقك الله لما يحبه ويرضاه .. ويبقى هذا الكلام مجرد رأي شخصي لأخوك القابوعة ،،:rolleyes: :rolleyes:

طحنون

02/09/2006, 02:21 PM

انشاء الله تلقى الحل عند الاخوان

ولـد الدوادمي

02/09/2006, 02:34 PM

أخوي عطنا المديل وهل هو ربع او كامل

وابشر بسعدك

وترا يمكن تكون كربنه لان الموتر إذا كربن يضعف عزمه

GMC79

02/09/2006, 04:49 PM

كم الموديل؟
وكم ماشي؟
عايدي او تماتك؟
فيه مشاكل سبق واجهتك مشاكل قبل هذي؟

ابومحمد 16

03/09/2006, 02:51 AM

1- افحص طرمبة البنزين اذا كان الموتر بخاخ.
2- اذا كان كبليتر افحص الديلكو والكهرباء وغير فلتر الهوا وخذها من صاحب خبرة وتجربة مهوب سوالف مجالس

الرهدن

03/09/2006, 05:34 AM

أنا صاحب تويوتا وماذكر الأخ قابوعة فيه مبالغة00

يقول أخوي00
اقصرها من اول وبعه واشتر تويوتا وعشر سنوات منتب حاط فيه الا بنزين وزيت ..

هذا مبالغة ياأخي00 وش استفاد الوكيل إذآ00
أبصم بالعشر لويكون جيب تويوتا كذا كان الناس كلهم طاقين جيوب00
وحتى لو أرادت اليابان00 الوكيل يرفض وبكل أسنانه00

.

شبح الصحراء

03/09/2006, 05:39 AM

القابوعة التويوتا له مشاكله بعد خصوصاً مع احتراق وضعف قحمة الكلتش وهذا معروف والميزة الوحيدة لتويوتا على النيسان هو عدم الهرقلة بس والباقي النيسان احسن من التويوتا خصوصاً محركات النيسان أقوى .
الأخ السائل جرب تنظيف البخاخات أو التشييك على الكربليتر حسب نوع موترك .

تنوم

03/09/2006, 12:02 PM

السيارة نوعها باترول 98 قير تماتيك فل كامل 4 ابواب

أبو سيف السيف

03/09/2006, 12:14 PM

غريبة اجل يمكن البخاخات عندك يبغالها تنظيف أو الكربليتر

HAS123

03/09/2006, 12:30 PM

السلام عليكم ورحمة الله وبركاته
اخوي تنوم انا قبل 3 سنوات مضالي مثل قصتك بالتمام اشتريت باترول موديل 98 نوع سلقة بخاخ قزاز كهرب 4 أبواب ولاكن إذا احتما الموتر عزمه ضعيف جداً المفيد اني ماخليت ميكانيكي في البلد ماعرضت المشكله علية ولاكن دون جدوى حتى اني اتصلت براعيه الاول فقالي الموتر ماخليت ورشة مامريت عليها حتى شركة نيسان برضه دون جدوى فالنصيحة لاتتعب نفسك يالغالي الموديل هذا بالاخص تعبان لايهمك مع احترامي الكبير لصناع نيسان .

شبح الصحراء

03/09/2006, 12:58 PM

Has123 انت تقول اذا احتمى الموتر ضعف عزمه ، اظن الشي هذا له علاقة بفحمة الكلتش تكون تعبانة .

تنوم

03/09/2006, 01:25 PM

ياليت الي يعرف ميكانيكي متخصص بالبترول وصاحب خبره

الاتصال السريع

03/09/2006, 01:41 PM

انا عندي باترول سوبر سفاري موديل 95 بخاخ وقير تماتيك وعزمه ضعيف مره ورحت لعدة ورش وكل له رأي وآخر ما اشاروا علي به تغيير فلتر القير وتغيير فلتر البنزين وتغيير البواجي ولم يتغير شيئ يعني عبدك على عهدك

عاشق نيساني

03/09/2006, 04:25 PM

اخوي تنوم معليش بس اول شي عطنا المشكله يعني عزمه كان كذا من اول ولاتغير بعد فتره لان بصراحه الباترول 98 حتى القير العادي

عزمه ومكينته موب ذاك الزود بس القير العادي يساعده الدفع اخف من التماتيك والقير العادي اقوى بالفزه بس انت عطنا المشكله وانشاء الله نعطيك الحل
وطول بالك يا اخوي القابوعه يعني اذا صار الموتر نيسان خلاص ماينفع لا وانا اخوك انا معي باترول 2006 ومكينته 4800 ولا فيه هدد

او فكس ارالا وقاومته وابطت يروحون على الفتك انا معك الباترول من موديل 98 الى 2001 ماش عزمه موب ذاك

ازود لان مكينته 4500 و230 حصان لكن اللي يساعد الباترول انه خفيييييييف اما من موديل 2002 الى 2006 المكينه 4800 و280

حصان وغير كذا خفييييف وانواع النشاط ومعليش مع احترامي لكل حقين التيوتا صح ان فيه مواتر بالتيوتا في الفخامه والراحه ماتتقارن

بالنيسان لكن بالقوه في العزم والقير والمكينه اسمحلي يعني بالله اطق لي موتر ب200 الف او زود و8 سلندر وفي

الاخير يجيني موتر مايتعدى 120 الف ويروح علي في طعس او خط لا وغير كذا 6 سلندر بس المكينه وشي 4800و280 والفكس ار وش 4700250

عاشق نيساني

03/09/2006, 04:31 PM

يا اخوي تنوم اذا موترك بخاخ شيك عليه لان تنظيف البخاخ صعب شوي يبيله واحد فاهم الشغل وانتبه تنظف عند اي واحد

وبعدين وانا اخوك الصراحه ما ابي اضيق صدرك بس الموديلات 98 الى 2001 مهنا عزم وماباك التماتيك زي الحين الجكس ار

مع خويي تماتيك2005 والله انه يا الله يشيل نفسه بس انت شف يمكن من البخاخات

عضـو قديم

03/09/2006, 04:47 PM

يا الغالي اسمع اللي بقول

ركب لك ((( هيدرز )))

وبعدها قول صدق عضو قديم
وانت وبكيفك عاد تبي تطير بالموتر تبي تظرب حد خيط الطعس وانت واقف بدون سنه

شبح الصحراء

04/09/2006, 05:40 AM

الهدرز ما يضر المكينة؟ مجرد سؤال .

الوديع

04/09/2006, 06:52 AM

اخي المشكله صارت معي

غيرات فلتر الهواء

الانه غير نضيف

ولك تحياتي

تنوم

04/09/2006, 10:03 AM

الباترول عندي عزمه ضعيف وش الحل وين افضل ميكانيكي فهيم في هالامور الموتر تماتيك وبانزين

ولـد الدوادمي

04/09/2006, 11:49 AM

أخوي ترا يمكن كربنه الي عندك

وين موقعك انت

بالشرقية ولا وين ؟

تنوم

05/09/2006, 11:01 AM

<HR style="COLOR: #cccc99" SIZE=1> 

الباترول عندي عزمه ضعيف وش الحل وين افضل ميكانيكي فهيم في هالامور الموتر تماتيك وبانزين

تنوم

05/09/2006, 11:04 AM

موقعي الرياض

ابو خطاب

06/09/2006, 03:54 PM

ياجعلك...ياتنوم ...للكايين بورش 2006 ..400 حصان ..تخليك نطلق الارض..من النشاط.

ساري15

06/09/2006, 11:09 PM

الباترول عندي عزمه ضعيف وش الحل وين افضل ميكانيكي فهيم في هالامور الموتر تماتيك وبانزين

أخوي تنومه ::::::::::

شيّك على طرمبة البانزين .. أو غيرها أفضل ... الشغلة هذي صارت مع أحد الشباب ونفس طريقتك ...

وما خلا أحد ماجاه ... أخيراً .. مر على ورشه كذا لشغلة غير العزم ... وسأ له وش الحل بالعزم .. وفحص الموتر وقاله رح جب طرمبة بانزين وفلتر البانزين اللي هى الصفاية نقولها .. وغيرهم ويقل حسيت بالفرق ... فيه تغير

......... وانت جرب حظك وحاول ... ....

وهذى حد علمي ....

عيون الغلا

07/09/2006, 08:48 AM

مراوح كهرب وهيدرز ولا يدري أحد

m1m

08/09/2006, 02:30 AM

السلام عليكم :)

أنا صديق للباترول السفاري من موديل التسعين :) ... وحاليا 98 سوبر .. ونحن عائلة تملك الجيوب بأنواعها ... هذه المقدمة .. لا أقولها إلا لأخبرك أني لن أتكلم من فراغ .

مسألة تويوتا أو نيسان.. كلها مجربة لدينا وفوق موديل الـ2000 عني لا أرى في التويوتا الا الوكيل وتوفير القطع وورش الصيانة .. غيرها . ايام التويوتا ولت كل شي يخرب بسرعة

المهم بالنسبة لمشكلة ضعف العزم .. عندي في السيارة مركب طرمبة مرسيدس في الكبوت .. تطلع صوت زنة .. ما زنة المرسيدس .. لكن العزم جيد جدا.. ولدى أحد الأقرباء 98 مثله بالضبط .. ساق السيارة وشاف أن فيه فرق .. لكن ما حب يرقع في السيارة .. ركب له بواجي رياضية راس واحد دقيق .. وزان العزم ..

أقولها أن جيب الجكس أر 2003 لم يستطع أن يجاري السفاري بعد طرمبة المرسيدس في الخط .. مع أنه اتوماتيك ..\\

لا تسألني أين ركبت الطرمبة .. لأنه ليس أنا من ركبها .. لأني في الأصل سأرفضها .. لكن أحد الاصدقاء ركبها دون علمي وبعد فترة أخبرني بذلك ..أيضا ليست بتلك الصعوبة ستكون امتداد لوصلة ( لي ) البنزين الموصل للبخاخ

وحاليا أفكر ببواجي رياضية .. وفلتر هوا رياضي .. وحسب علمي أنها تزيد في العزم 20-30 %

ولكن إذا كان أحد ركب بواجي رياضية ممتازة للباترول بخاخ . يخبرنا عن النوعية الجيدة بدل التجارب ..

ابو نوره

08/09/2006, 08:22 PM

يااااااااخوي m1m طيب بعد طرمبة المرسدس كيف الصرفيه
انا ركبت بواجي بي ام راسين العزم ماتغير بس الصرفيه قلت
صار يمشيني 700كم على سرعة 140كم وسالت كم ورشه يقولون ما منها مشكله ابد

m1m

09/09/2006, 12:36 AM

ابو نورة .. البنزين ما هنا صرفية تذكر .. يوصل 600 إلى 650 مكيف + سرعة 150-160 لكن 120 يخيس البنزين

اليوم قمت بتجربة سوبر 98 توه مركب بواجي رياضية راس واحد دقيق كان اللي معي طيارة عنده .. بعد التجربة صار اللي عندي عزمه ضعيف عنده :) وقام هو بتجربة سيارته في الطعوس .. في السابق كان عنده لكلكة وتوقف إذا طلعة متوسطة الآن يقول الكفرات تدور ولا لكلكة ولا شي .

بإذن الله ساقوم بتركيب الرياضية .. لكني لا زلت متحير بين راس أو ثلاثة رؤس .. ولا عندي استعداد اخسر كم قرش على شان بواجي :) فإذا فيه أحد جرب ثلاثة روس يخبرنا

كلرز

09/09/2006, 03:39 AM

يخوان 98 بخخ وليس كبليتر

تنوم

09/09/2006, 09:19 AM

اخويmIm ياليت تخبرنا وين ركبت طرمبة المورسدس والبواجي واكون شاكرلك اخوك تنوم

m1m

09/09/2006, 12:40 PM

السلام عليكم ..

أخوي ذكرت أن أحد الاصدقاء هو من قام بتركيب الطرمبة وما أعرف الورشة .. لكن بحاول أسألة ..

أما البواجي الرياضية .. فهي موجودة في أماكن كثيرة .. لكن التركيب كان عند أبو عبد الله .. في ورشته في صناعية النسيم ..

لكن اصبر لا تستعجل على البواجي يمكن أحد يفيدنا عن أفضل من أم راس يمكن تطلع ام ثلاثة روس أزين من راس .. لكن المجرب راس واجد وممتاز

فيه أيضا فلتر هوا رياضي .. يمدحونه

ابوعبدالملك

09/09/2006, 12:51 PM

يا شباب اسعد الله اوقاتكم بكل خير افيدونا عن البواجي براس او راسين اوثلاثة روس وين نلقاها وكيف شكلها

القابوعة

09/09/2006, 02:12 PM

حيا الله الشباب المشاركين .. وبصراحه ما قصرتوا في الفزعه مع اخوكم في مشكلته في ضعف عزم سيارته .. وان كان لي تعقيب على الأخوان اللذين لم يعجبهم كلامي ،، أقول اولاً مقولة عريضه جدددددداً ولا يختلف عليها اثنين (بس انتم ممكن تختلفون!!) ان تويوتا افضل من نيسان - ومسئول عن هذا الكلام - فأود ان اكتب في منتدى الخيمة العامة تصويت في الأفضل (نيسان ام تويوتا) طبعاً وطبعاً وطبعاً من النواحي المختلفة - يعني لا يجي واحد من الشباب يقول نيسان ارخص وتويوتا أقوى (ابغى بشكل عام)
المهم انصح اخوي اذا كان بيحافظ على سيارته فليبقها كما هي وبعض الأخوان نقول تجاربهم فقالوا ليس هناك فائدة هذا السيارة وصنعت هكذا !!! فليس لدى اخوي العزيز إلا امرين احلاهما مر .. ام ان يبقي السياره كما يهي ام يشتري تويوتا ولو بموديل اقل !!
وكما قلت رأي شخصي وتحياتي للذين عقبوا على القابوعة .. ويقول بعض الاخوان معقول عشر سنوات لم اضع الا زيت وبنزين فأقول نعم نعم نعم ،، بشرط طلع السيارة انت من الوكالة ولا يسوقها الا انت وابشر بمركب يسرك .. وبالتوفيق للاخوان ،،

ترتر

10/09/2006, 10:52 PM

غير طرمبه البنزين ... وخذها من الوكاله انت بنفسك وتبي تدعي لي وخبرنا وش يصير

تنوم

11/09/2006, 08:23 AM

<HR style="COLOR: #cccc99" SIZE=1> 

اخويmIm ياليت تخبرنا وين ركبت طرمبة المورسدس والبواجي واكون شاكرلك اخوك تنوم

البيضاني

27/09/2006, 11:02 AM

أخي صاحب الباترول عند ضعف عزم السيارة فغالباً تكون من الفحمة البواحي أسلاك البواجي طرمبة بنزين
قم بأختبار ذلك بنفسك وما أجمل أن الانسان يكون واثق بنفسة وبتجاربة حيث أن معظم المكانيكين يجعلونها ضربة حظ وهذا ماريته في كثير من الورش واحذر يأخي من زيت سوبرشل حيث تم أكتشافه مؤخراً بأنه ينقص بدرجة ملفته للنظر
كيف تقوم بأختبار الفحمة والبواجي:-
1- عند السياقة داخل المدينة وعند المرتفاعات تحس بأن العزم يضعف تلاقائي0
2-بالنسبة للبواجي واسلاك البواجي قم بتشغيل السيارة لمدة 10 دقائق تقريباً ومن ثم قم بفتح غطاء السيارة الكبوت وحاول نزع أسلاك البواجي وملاحظة تغير صوت المكينة وعند وجود بوجي لا يتغير صوت المكينة فحاول فك البوجي ومحاولة السنفرة بلطف لمكان الكهرب إذا لم تتمكن يمكن زيارة ورشة قمة النظائر بشارع الستين المعارض النسيم ومحاولة مقابلة المهندس(أصرار) وسوف تجد لدية الحل أن شاء الله 0

الكاسر23

27/09/2006, 02:10 PM

أخوي تنوم
مشكلة سيارتكم يمكن تكون مشكلة في جميع السيارات القديمة، لكن لها حلول، وهذه الحلول تختلف من سيارة إلى أخرى، حسب نوعها والعناية بها، ولكن من التجارب اللي مرت علي، فإن أهم العوامل اللي تؤدي إلى ضعف العزم هي الكهرباء في السيارة، حيث يؤدي ضعف الكهرباء إلى ضعف العزم، وبالتالي فإن الحلول متوفرة ، والمطلوب هو :
1- تركيب بواجي جديدة أو رياضية.
2- تركيب أسلاك بواجي جديدة أو رياضية.
3- تشييك وتنظيف البخاخات.
وبإذن الله ستجد هناك فرق، كما لا تنسى نصائح الاخوان اللي سبقوني في الرد عليك.
وتقبل تحيات أخوك ابو محمد
الكاسر23

ماجلان

27/09/2006, 05:16 PM

أخي الكريم البيضاني

ماذا تقصد بالفحمة ؟

حـاتـم

28/09/2006, 02:36 AM

أخوي الغالي

انا كان معي باترول 98 س قير عادي

والنوع القديم فيه كم مشكله وهي

الحاراره يعني اذا موترك مافيه مشاكل ومكينته نظيفه

ركب مراوح كهرب وفك مروحه المكينه وانتبه لاتركبها الا عند واح فاهم علشان ماتتعطل عليك

والكهرب اذا ضعيف زد عليه

وعلى فكره اذا قصدك بالنمره الثانيه ترا كل الجيوب تبرد بثنين الباترول ال4500 والاندكروزر بكل انواعه تبي

والله العز الباترول الجديد الفتك الي مايبرد بالنمره الثانيه مثل الباقي

يعني الباترول القديم تبيه بالخفيف بالاول طبعا فالمراقي القويه مب كل مرقى مايرقاه الا بالاول

ولا ثقيل

واذا عندك اي استفسار

انا حاضر

وشكرا

أخوكم / حاتم

العافط

08/03/2021, 01:32 PM

السلام عليكم
سويت بحث في قوقل وطلع لي هذا الموضوع انا عندي نفس المشكلة باترول موديل 98 فل كامل تماتيك 4500 انجكشن.
العزم ضعيف بالمرة وأي طلعة يتردى العزم على طول, اذا لقيتوا حل لا تبخلوا علي به ولكم جزيل الشكر والتقدير
ملاحظة / انا موجود بالرياض