المساعد الشخصي الرقمي

مشاهدة النسخة كاملة : رايك يهمني بالناتيفا ؟؟؟؟


هملول السحاب
16/01/2013, 09:26 PM
السلام عليكم

اخواني ناوي اشتري جيب ميتسوبيشي ناتيفا موديل 2007 او 2008 حسب ميزانيتي ؟

سؤالي للي جربوه :
كيف عزمه بالبر وبالطرق السريعة ؟
وكيف صرفية البنزين؟

انا عندي عايلة ولاني راعي مطامر وتفحيط بالنفود وسواقتي راكدة ولله الحمد..
معيض ديفيد
16/01/2013, 11:26 PM
السلام عليكم
اخواني ناوي اشتري جيب ميتسوبيشي ناتيفا موديل 2007 او 2008 حسب ميزانيتي ؟
سؤالي للي جربوه :
كيف عزمه بالبر وبالطرق السريعة ؟
وكيف صرفية البنزين؟
انا عندي عايلة ولاني راعي مطامر وتفحيط بالنفود وسواقتي راكدة ولله الحمد..

اللي أعرفه ان قطع غيار المستوبيشي نااااااااااااااااااااار بقووووة ...وتأكد من قطع غياره هل هي متوفرة ولا لا ..

وبيني وبينك الواحد منا في وقتنا الحاضر يتعب ويتبهذل على بال ما يحصل سيارة مستعملة نظيفة ..

تخيل خمسين ألف ماعاد تجيب سيارة عائلية مستعملة نظيفة ...!!!..

والسيارة العائلية الجديدة أصبحت مشروع الحياة ...يجلس الواحد يسدد فيها خمس سنوات وأكثر ...ومع السنوات الجاية راح تكون مشروع الحياة زي الأرض والبنيان ...محد يقدرلها ...


الشي اللي يقهر ان الهلكس في التسعينات ..!!

والاكسنت واليارس أقل فئة تقريباً في حدود الخمس والاربعين تكلفك ..!!!..وهي صغيرة بقوووة ...

والجيوب تعدت المائتا ألف وزيادة ...


الشاص الغمارتين الجديد 2013 قبل كم اسبوع سألت سوداني شغال في معرض قلت له كم الشاص الغمارتين 2013 الموجود عندكم ..

قالي بدون قزاز كهرباء ( 130000 ) ..!!...بمائة وثلاثون ألف ريال ريال ينطح ريال وبدون قزاز كهربه ...!!

وسيارات الهوندا والمستوبيشي نفس الحال ..الجديد منها غالي بقوووة ..وباقي السيارات نفس الحال ..

حتى الهونداي رفع خشمه يوم الناس توجهت له ...وبكره راح نشوف الصيني يحلقهم ...ويمكن حتى الأحذية ـ أنت والسامعين بكرامة ـ يرتفع سعرها لو تركنا السيارات ومشينا كعابي لمشوارينا ...

7
7
7
7

المستعمل تجيك مكروفة كرف الحمار وتنباع بمبلغ جامد مايستاهل ...عاد يقولولك لأنها مرغوبة ..!!!

ماذبحنا إلا كلمة مرغوبة ...


المهم ياغالي الله يعينك على البحث عن المستعمل النظيف ..

واعذرني لأني طولت وانا جالس أكلم نفسي ...


...
هملول السحاب
17/01/2013, 12:06 AM
بيض الله وجهك يامعيض

لكن بعد التوكل على الله سبحانه ثم التوجه لدول مجاورة بتحصل النظيف بأسعار مناسبه ان شاء الله.

انا حصلت بالكويت ناتيفا 2008 نظيف ماشي 50 الف بسعر تقريبا 40 الف وارض الكويت رملية وليست حجرية واغلب اللي يستخدمون سيارات الجيوب والدفع الرباعي قليل يطلعون للبر.
alanzikm
20/02/2013, 12:20 AM
السلام عليكم

اخوي انا معي ناتيفا 2007 لها سنه وشهرين معي السياره قطعها غاليه وغير متوفره بكل محل في الغالب لازم من الوكاله وصرفيتها مرتفعه شوي وحتى الصيانه مو كل الورش فاهمين فيها بس السياره عزمها حلو في البر والخطوط واحرص على النظيف عشان ما تتوهق بقطع الغيار مثلي وشيك على السياره كامله قبل الشراء حتى لو كلفك التشييك.
أطلال نجد
23/03/2013, 04:24 AM
السلام عليكم

أحد الأقارب اشتراها ٢٠٠٧ جديدة على وقتها وكرفها كرف ١٥ سنة في ٦ سنوات والآن يبي يجدد و يأخذ نفس السيارة
ناتيفا جديدة أو باجيرو سبورت


الشاهد أن الرجل ما يسمع فيها ولا يبي غيرها بديل أنت توكل على الله و رح للوكالة و اسأل عن القطع الأساسية و القطع المستهلكة و خذ فكرة عامة عن السيارة وعن مدى توفر قطع الغيار و الأسعار و بعدها أنت من يقدر يحدد هل السيارة مناسبة أم لا.


بالتوفيق
هملول السحاب
12/04/2013, 01:31 AM
بارك الله فيكم الجميع

ابشركم شريت واحد من الكويت موديل 2008 نظيف ماشي 70 الف والصراحة مب زي الباث فندر بس عزمه حلو ونشيط وصرفيته معقولة.

وبالنسبة للقطع سألت عنه بالكويت يقولون غالية بس الله يعين الحين كل شي صار غالي حتى التايوتا صار بالنار اسعاره.

ادعوا لي بالبركة وعسى الله يكفينا وياكم شر الحوادث والاعطال وشر خلقه اللي مايعطون خير
بحر الاشواق
22/04/2013, 05:38 PM
الف الف مبروك
انا قبل شهر ونص تقريبا شريت لي واحد 2008
السياره مريحه وعزله حلو المحرك هادي راسيه اقتصاديه اعبيها 91 فل ب 28 ريال يمشين 530 كيلو ماشاء الله داخل البلد
لكن يبقى مشكله العزم وعدم وجود تكييف خلفي
السياره تصلح للكشتات والتمشيه والتطعيس الخفيف وهذا سبب شرائي له
اما قطع الغيار غيرت الفحمات الاماميه والخلفيه مع الخرط وكلف 750 ريال علما ان الفحمات اصليه درجه ثانيه من الوكاله
والله يبارك لي فيه