معي 80 الف ريال وابي سياره

[محتار11]

السلام عليكم ورحمة الله وبركاته
كيف حالكم يالربع
انا مسجل بالمنتدىى عشان ابي نصيحتكم لي

معي 80 الف تقريباً وان زاد شي بيزيد 5 الالاف ريااال بس

وابي سياره ومحتار
بالبدايه كنت ابي سوناتا الجديده البانوراما مو مشكله نص فل
بعدها استشرت اخوي قال كورلا
وبعددها كلمت صديقي قال خذلك اوريون مستعمل نظيف من الكويت
واخوي الصغير مقروشني يقول خذلك اكورد 2008 او اي موديل بنفس الفلوس اللي معي
وانت برايكم بشنو تنصحوني فيه انا ماكان في بالي مستعمل لكن مدري وش اسوي

ياليت تنصحوني بشي يريحني ويطمني وبعد مادري من وين اشتريها انا الحين بالدمام
هل اشتريها من الكويت او الامارات او السعوديه طبعاً انا اشوف الكويت اقرب لي

ياليت اللي عنده خبره بهالسوالف ينصحني

نزلت هالموضوع لان ماعندي وقت افر الوكالات والمعارض النهار قصير ودوامي للساعه 4 العصر

[v506]

خذ لك هايلكس غمارتين خليجيه ولا جبها من الإمرات
موتر خط وبر وتحميل موتر شييك

[مدمن الشات]

عزيزي هناك سيارات دفع رباعي موديلها 2013 سعرها حول 80

[الدريهم اصلي]

ياخي ان طنت راعي سفر وبر وطلعات ووناسه لاتتعدا الهايلوكس
وان كنت منت راعي بر ولا شي خذ كابرس اس اس مستعمل يريح بالك ياخوي ..

[أبوغيث 2003]

ما فيه مثل الجديد

الجديد له طعم ثاني ومريح نفسياً

والسوناتا حلوه وفخامته ممتازه مقارنه بالمواتر اللي من نفس مستواه


انا ارشح لك السوناتا بما انك تبي تاخذه جديده


السوناتا الملاحظه اللي اشوفه به هو العزم موب ذاك الزود

فإذا العزم ما يهمك ,, وعندك نيه تستخدمه فوق 3 سنوات

فأنصحك بالسوناتا شكله زين ويكفي انه تشتريه جدييييده


واهم شي الاستخاره


عسى ربي ييسر امورك ويكتب لك اللي فيه خير

[رحال السراة]

السلام عليكم ..
أول شي ابعد عن الهوندا اشششرررد !!
نصيحة محارب سابق معها ! والله لا خرب شي لتضرب أخماس بأسداس , صح سيارة ماعليها كلام لكن اذا خرب عليك شي او غيرت أي زيت من القير أو الدركسون وخلافه من خارج الوكالة قل على موترك السلااام !!
اول شي طلبك وش هو سيارة مدنية ولا بر ولا دفع رباعي ؟؟
انا عني في المدني الأوبتما ممتااااازة وسعرها روعة وماخذة 5 نجوم في اختبارات السلامة ,,
عن البر الونيتات نافارا هايلكس ايسوزو ووو
عن الدفع الرباعي اكستيرا , كيا دفع رباعي او هونداي ووو
اسعارها حلوة ومقبولة

[سبع الخلا]

مافيه سيارة ماجربتها ... وخلاصة تجاربي خذ لك جيب لكزس rx 2005 وفوق يكون شاشة . واحرص على النظيف والمشي القليل . ورايح تدعيلي باذن الله . مواصفات وحجم وشكل وخفه وفخامه واعتمادية وهيبة وتعدد استخدامات ودفع رباعي وارتفاع (وعلامة) وراحة في السفر و اقتصادية وسعر معقول وتوفر قطع غيار في كل مدينة . وامان. كان معي واحد وبعته واخذت لفه طويله عريضة مع السيارات بما فيها اوروبيه والآن سوف اعود اليه ان شاء الله بكل ثقه . لأني مالقيت احسن منه بسعره يجمع كل المواصفات اللي احتاجها ( اسأل مجرب ولا تسأل طبيب) والمعذرة على الاطاااله.

[شخيط]

يارجال السوناتا تحس انك راكب سيكل ع الخط واخوك يبيك تشتري اكورد عشانها حقت هجوله وانا انصحك بالاوريون قوه وعزم ورساوه

[نور نور]

عندي غماره هايلكس 2013 اصفار واللوحه 13 لرياض

[ديفون]

لايفوتك الشيروكي ليبرتي على كيفك استاندرد 71 الف

[ديفون]

او سيارة هونداي توسان جربتها جيدة

[مالك سلمي]

خذ لك كامري نظيفه ووفر قرشك الابيض ليومك الاسود هذي نصيحه وانت براحتك

[أبوراما]

باختصار
راعي بر وكشتات :::: هيلوكس
راعي خط وتبي رزه :::: الاوريون

وللعلم تويوتا تتميز عن باقي الشركات ششششيك ومرغوبة عند البيع

[أبو الوليد 14]

لو تحدد نوع استخدامك للسيارة
كم عدد اللي يركبون معك في الغالب؟
تبيها دبل ؟
تبيها ونيت ؟
استخدامك بر ولا خطوط ولا للاثنين ؟

وقتها تحصل اجابة لان الشباب كل واحد بيمدح السيارة اللي يرغبها.
بيجيك من يمدح الشاص ومن يمدح كراون فكتوريا وشلون بتحدد!!

[ممتر البران]

يارجال السوناتا تحس انك راكب سيكل ع الخط واخوك يبيك تشتري اكورد عشانها حقت هجوله وانا انصحك بالاوريون قوه وعزم ورساوه
هههههههههههههههههههههههههههه اما انت عز الله انك تجيب العلم
يمكن اخوه عاقل

[خالد بن دعزوز]

اذا عندك سيارة حاليا تمشي حالك .. فخلك على سيارتك والحر جايك ..
واحفظ قروشك ومامثل لا دقيت على الهاتف المصرفي وقالك رصيدك هو 80 الف
ازين من سدة النفس ويقولك رصيدك خمس الاف ولا عشرة ..
وابعد عن شور اخوك لانه يبي السيارة اللي تجوز له هو .. هههههه
وهذا حال اغلب الاخوان



وبالاخر والاهم من كل شي انك اذا اتخذت قرارك على سيارة معينة فلا تنسى تصلي الاستخارة
والله يوفقك

[البعير المغوار]

خذ المازدا ٦ الجديده ب٦٨٠٠٠ الف ستاندرد صناعه يابانيه وسعر رائع.