ارحمونا

[aldrawy]

السلام عليكم ورحمة الله وبركاته ياجماعة الخير لقد شاهت في المنتدى صور لفياض الصمان شي خيال فاحببت ان اشد الرحال لها وفعلا ذهبت وبدات من ضلماء ووجتهالابا س بها ولاكن ليسة بالطيبه ثم مررت بعدة فياض منها بربك الحاج ودغيم وآلخمه والحاج وعدة فياض حتى السبوق ولكن لم اجد ربيع يستاهل العنوه انا لااجيد التصوير فاسمحولي لذا ارجو ممن يضعون المواضيع واخبار الربيع ان يتقون الله وشكرا

[هاه]

صادق
ارحمونا
بعض الشباب يتكلفون في التصوير مما يظهر المبالغه

[أحمد1400]

صـــــــــــــــــــــادق
والله

ربيع الصمان أول ما فزّ قبل شهر تقريباً كان أفضل من وضعه الآن
و العشب هناك أشهب و ذابل و لا يسوى العنوة وضرب المشاوير

[سراب57]

الكاميرا وبعض الزوايا تخليك تشد الرحال

والله انك صادق

[بندر الجدعاني]

فعلا الكثير من الناس يشتكي من عدم مصداقية بعض صور الربيع

فيه ناس تروح اماكن بعيدة عشان شافو صور

وتكون المفاجأة بالواقع المرير

[ابو_عبدالإله]

السلام عليكم


طبعا السبب هو الكشاته .. انا طبيت فيضة ام غرس قبل أكثر من شهر وكانت جنه ولا وطوها الناس إلا قليل ومنهم واحد حافر جزء من الفيضه لأنه مغرز بالسياره
وسبحان الله يوم سوينا غدانا جانا راعي جيب هو وعائلته ومعهم دباب .... أقسم بالله انهم حفروها حفر بالدباب .. أنواع التخميس لين حفروا الفيضه .. لدرجة حتى شغالتهم يوم تعب الشايب وعياله حفرت الفيضه !!!



بالله يا اخي تبي تشوف فياض وربيع وفيه ناس متخلفين أعدموها عدام !!؟



للأسف هذي ناس تلعب لعب ولاهم كفو .. ولا أقول إلا حسبي على القارمن اللي وصلهم لهالفياض .. لأنهم لو يقدرون الربيع كان ما سووا هاللون


وللأسف انا شايف تقرير موجود هنا مجموعة شيبان وقاشعين الرمث من عروقه الرطبه !!!!
المشكله يشبون في ساعه اللي أشبّه انا وانت في يومين .. قسم بالله مهازل يا رجل


انا قبل ما كنت مؤيد أحد يحمى له أرض .. ولكن سبحان الله دجت وشفت بعيني الأرض وشلون صارت
أجل بالله فيه عاقل يمصّع الرمث وهو على وجه حياة وخير ويكوّمه متر بمتر وبإرتفاع نصف متر ويولع فيه من شان دلّه وبراد !!!؟

طبيت هكالجو محمي له 13 سنه وشفت الفرق بينه وبين باقي الأرض وتمنيت لو كل الأراضي محميّه من أهل الحلال والكشّاته
أنا راعي حلال ولكن أتمنى لو انه تكون هناك محميات بكل المناطق ولا تفتح إلا شهور معينه فقط إذا فز العشب فيها

...

[سودانثيل]

تذكروا كلمتي: اذا استمر عدم اكتراث الكشاتة ودخولهم للفياض بسياراتهم وشب الضو في الفياض، واستمر الرعي على نفس مستواه هذا، بعد 10 سنوات لن تشاهدوا ربيع حتى لو رزقنا الله بوسم تاريخي!

[salih100]

اي والله انك صادق

[نديم المجره]

وانا كذلك وهقونا باخبار الربيع في الحدود الشماليه (الحماد) وذهبت من المنطقه الشرقيه في 21/2/1434 ورجعت بعد قطع مسافة 2844كم ولم اجد الربيع حسب الوصف
وكتبت قصيده من 20 بيت ولاتزال تحت الانشاء
واخر بيتين فيها اقول:
يامن يوصل صاحبي جل الاخبـــار = قولوا العريفي ما تهنا برحيله
جاكم من المشرق يبي شم الازهار = لكن رجع منكم بليا حصيـلــــه
......................................
وكذلك اشارك في بعض الابيات الهجينيه التي تخص فياض الصمان من قصيدتي (خباري عروس)

ياعزتي لكاشـت الصمـان = ارضه من النـاس ممليـه

تلقى البشر بالفياض الوان = حضـرن وبدو وحساويـه
وتلقى من اهل اليمن وعمان = ومن مصر تلقى وسوريـه
وهنود تلقى بهـا وافغـان = ورعيان مـن دون جنسيـه
والناس فيها تقـل ديـدان = مابيـن راكـب ورجلـيـه
حتى فياضه غـدة ريغـان = غبـراً تقـل خـد بوذيـه
وبالليل كنك علـى بركـان = كلٍ قبس بالمسـاء ضيـه
والبعض ناقص حيا وايمان = يرحـل ويتـرك قواطـيـه
خلوا الزبايل على القيعـان = في كـل الارجـاء مرميـه
وان جيتهم ناصحٍ باحسـان = ردوا بالـفـاظ سوقـيـه
وامنين ماتلتفـت جيـران = صكـوا عليـك الزقرتيـه
محشور في وسطهم بلشان = مالك مـع النـاس حريـه
لكثروا النـاس بالخليـان = خل الخـلا وخـل اهاليـه
وارجع لدارك قرير اعيـان = على الاقل بـه خصوصيـه
يقـطـعـك ياماكل الضبان = ياخي ترى الضب سحـليـه
يومٍ كفر بالرسول انسان = الضب اسلم عـلانيه
مر الحقيقـه ولا البهتـان = قولـي ولا اقـول مرويـه


الله يسعدك
تحياتي

[درجلان الشمال]

الصمان مايستاهل العنوه نهائيا

[ابوقشعان]

حلووووووووووووووو

[غيث الصحارى]

ياعزتي لكاشـت الصمـان = ارضه من النـاس ممليـه

تلقى البشر بالفياض الوان = حضـرن وبدو وحساويـه

وتلقى من اهل اليمن وعمان = ومن مصر تلقى وسوريـه
وهنود تلقى بهـا وافغـان = ورعيان مـن دون جنسيـه
والناس فيها تقـل ديـدان = مابيـن راكـب ورجلـيـه
حتى فياضه غـدة ريغـان = غبـراً تقـل خـد بوذيـه
وبالليل كنك علـى بركـان = كلٍ قبس بالمسـاء ضيـه
والبعض ناقص حيا وايمان = يرحـل ويتـرك قواطـيـه
خلوا الزبايل على القيعـان = في كـل الارجـاء مرميـه
وان جيتهم ناصحٍ باحسـان = ردوا بالـفـاظ سوقـيـه
وامنين ماتلتفـت جيـران = صكـوا عليـك الزقرتيـه
محشور في وسطهم بلشان = مالك مـع النـاس حريـه
لكثروا النـاس بالخليـان = خل الخـلا وخـل اهاليـه
وارجع لدارك قرير اعيـان = على الاقل بـه خصوصيـه





هههههههههههههههههههههههههه صح لسانك

[abosaadana]

احيانا اتمنى تصوير بنوراما علشان نشفوف المكان كامل على حقيقتها

[ساري بريدة]

ترى البرد له دور

[تساهيل1]

السلام عليكم


طبعا السبب هو الكشاته .. انا طبيت فيضة ام غرس قبل أكثر من شهر وكانت جنه ولا وطوها الناس إلا قليل ومنهم واحد حافر جزء من الفيضه لأنه مغرز بالسياره
وسبحان الله يوم سوينا غدانا جانا راعي جيب هو وعائلته ومعهم دباب .... أقسم بالله انهم حفروها حفر بالدباب .. أنواع التخميس لين حفروا الفيضه .. لدرجة حتى شغالتهم يوم تعب الشايب وعياله حفرت الفيضه !!!



بالله يا اخي تبي تشوف فياض وربيع وفيه ناس متخلفين أعدموها عدام !!؟



للأسف هذي ناس تلعب لعب ولاهم كفو .. ولا أقول إلا حسبي على القارمن اللي وصلهم لهالفياض .. لأنهم لو يقدرون الربيع كان ما سووا هاللون


وللأسف انا شايف تقرير موجود هنا مجموعة شيبان وقاشعين الرمث من عروقه الرطبه !!!!
المشكله يشبون في ساعه اللي أشبّه انا وانت في يومين .. قسم بالله مهازل يا رجل


انا قبل ما كنت مؤيد أحد يحمى له أرض .. ولكن سبحان الله دجت وشفت بعيني الأرض وشلون صارت
أجل بالله فيه عاقل يمصّع الرمث وهو على وجه حياة وخير ويكوّمه متر بمتر وبإرتفاع نصف متر ويولع فيه من شان دلّه وبراد !!!؟

طبيت هكالجو محمي له 13 سنه وشفت الفرق بينه وبين باقي الأرض وتمنيت لو كل الأراضي محميّه من أهل الحلال والكشّاته
أنا راعي حلال ولكن أتمنى لو انه تكون هناك محميات بكل المناطق ولا تفتح إلا شهور معينه فقط إذا فز العشب فيها

...






لافض فوك

هذا الرجل اعطاكم زبدة الهرج

واكرر كلمته ((((حسبي الله على القارمن)))
والا تلقاه في جحره رابض وفاكن الارض من اذاه

وانتظرو موسم الصيد القادم

حسبي الله على القارمن فعلا

[منصور العلي]

السلام عليكم



طبعا السبب هو الكشاته .. انا طبيت فيضة ام غرس قبل أكثر من شهر وكانت جنه ولا وطوها الناس إلا قليل ومنهم واحد حافر جزء من الفيضه لأنه مغرز بالسياره
وسبحان الله يوم سوينا غدانا جانا راعي جيب هو وعائلته ومعهم دباب .... أقسم بالله انهم حفروها حفر بالدباب .. أنواع التخميس لين حفروا الفيضه .. لدرجة حتى شغالتهم يوم تعب الشايب وعياله حفرت الفيضه !!!



بالله يا اخي تبي تشوف فياض وربيع وفيه ناس متخلفين أعدموها عدام !!؟



للأسف هذي ناس تلعب لعب ولاهم كفو .. ولا أقول إلا حسبي على القارمن اللي وصلهم لهالفياض .. لأنهم لو يقدرون الربيع كان ما سووا هاللون


وللأسف انا شايف تقرير موجود هنا مجموعة شيبان وقاشعين الرمث من عروقه الرطبه !!!!
المشكله يشبون في ساعه اللي أشبّه انا وانت في يومين .. قسم بالله مهازل يا رجل



انا قبل ما كنت مؤيد أحد يحمى له أرض .. ولكن سبحان الله دجت وشفت بعيني الأرض وشلون صارت
أجل بالله فيه عاقل يمصّع الرمث وهو على وجه حياة وخير ويكوّمه متر بمتر وبإرتفاع نصف متر ويولع فيه من شان دلّه وبراد !!!؟


طبيت هكالجو محمي له 13 سنه وشفت الفرق بينه وبين باقي الأرض وتمنيت لو كل الأراضي محميّه من أهل الحلال والكشّاته
أنا راعي حلال ولكن أتمنى لو انه تكون هناك محميات بكل المناطق ولا تفتح إلا شهور معينه فقط إذا فز العشب فيها



...




بيض الله وجهك

[abohmad]

العتب على القارمن هذا الكلام الصحيح

[abhs]

والله قطعنا الارض ولا شفنا شي
اهل الحلال والكشاته لعبو فيها
وانا والله اني مع اللي ما يطلع احداثيات الفياض الطيبه.
والله ان تهلكها العالم هلاك