المواصفات والقايس غير مطابقة

[المواصفات]

السلام عليكم
شريت سيارة من الأمارات واطلعت مصدومة
وانا ما ادري عنها من المعرض وجيت ودخلتها السعودية
ورحت والمواصفات والمقاييس الرياض
جاني موظف وقالي الأوراق وسددت 300ريال
وعيطته اوراق السداد
وخذ رقم الشاصي وشيك وقالي السيارة غير مطابقة وعطاني ورقة
وقلت له شنو الحل قالي رجعها قلت مافي حل ثاني قالي بيعها تشليح انا انصدمت
قلت له انا ماخذ ها على الفحص ومن الكلام قالي مافي فايدة هذا
كلمة المعرض الي في الأمارات قالي ما اقدر اخدمك خت السيارة على الفحص.
والحين انا متوهق السيارة كنت امشي عليها لوحات تصدير اكثر من شهرين
وهذا صورة من ورقة المواصفات والمقايس
http://im19.gulfup.com/l8gZ1.gif (http://www.gulfup.com/?yow1Bb)
اشتري السيارة وفي الأخير اوديها ابيعها تشليح
وراني صورة من الصدمة قالي هذا سيارتك والصدمة كان في قدام الشبك والنور والخلف الصدام الخلفي
والباقي كل شي سليم ايرباج سليم وكل حاجة سليم ولا ادري وين اروح فيها الشكوى الله
اتمنا احد يساعدني

[ahmed8883]

الله يعينك

صحيح كلامك
الى اعرفه ان السيارات الامريكيه القادمه عن طريق الامارات
ماتمشي بالمواصفات


لاكن
سمعت ان بالواسطه تنحل امورك
تدفع حول 3000 ريال

والله اعلم

[الحربي حاتم]

بسم الله الرحمن الرحيم
عسا الله يعينك ويفرج همك وكربتك ويعوض عليك والله غبن المفروض فيه حل جذري في المملكة للمشكله يعني تردني للحرامي اللي سرقني ماهو مرجعلي فلوسي عطني حل إما يمشون أوراقك ولا يعوضون الخساير حقتها أما بيعها تشليح ولا غير مطابقة للمواصفات من يد ظالم ليد ظالم وحسبنا الله ونعم الوكيل وأسأل الله العظيم رب العرش العظيم أن يعوض عليك أضعاف ماخسرته

[has-120]

حلها بسيط عند الشريطيه
اشتر من التشليح مثل سيارتك
وطبق رقمها على سيارتك وتنحل المشكله
تبي تسلم اصدم النظام بالنظام

[المواصفات]

بسم الله الرحمن الرحيم


عسا الله يعينك ويفرج همك وكربتك ويعوض عليك والله غبن المفروض فيه حل جذري في المملكة للمشكله يعني تردني للحرامي اللي سرقني ماهو مرجعلي فلوسي عطني حل إما يمشون أوراقك ولا يعوضون الخساير حقتها أما بيعها تشليح ولا غير مطابقة للمواصفات من يد ظالم ليد ظالم وحسبنا الله ونعم الوكيل وأسأل الله العظيم رب العرش العظيم أن يعوض عليك أضعاف ماخسرته


مشكور اخوي على الدعاء والله يعطيك العافية


اخوي has-120
مستحيل تضبط اني اروح التشليح واخذ سيارة مثل سيارتي
لانها ياخذون رقم الشاصي

والله يكتب الى فيه الخير والصالح
والله يسهل الأمور

[التعـ King ـديل]

انت رحت للمواصفات والمقاييس جرب تمر مركز الفحص اللي جنب الفحص الدوري يمكن يمشونها لك

[المواصفات]

المشكلة لازم ورقة المواصفات والمقاييس بعدين من الميناء الجاف اخذ ورقة واروح الفحص الى الحين وانا متعلق بين المواصفات والمقاييس والميناء رحت الميناء قالو مانعطيك ورقة لازم تروح المواصفات والمقاييس والله قهر

[Magellan]

حركات مالها داعي من المواصفات والمقاييس
المفروض فيه موقع قبل ماتشتري السيارة من الخليج او امريكا تابع للمواصفات والمقاييس ،تدخل فيه رقم الشاص عشان تعرف مطابقة او لا عشان تتأكد قبل مايشتري الواحد مو اذا وصلت قالوا غير مطابقة
عموما فيه واحد عضو معنا هنا اسمه ابوعاذر شغال بالمواصفات والمقاييس راسله يمكن يفيدك

[0راعي الجبيل0]

^^^^^
العيب ماهو في المواصفات والمقاييس العيب في انظمة دولة الامارات وهي الوحيدة من دول الخليج اللي تستقبل سيارات salvage او ماتعرف بالتشليح وهي الدولة الوحيدة اللي يدخل عن طريقها كل بضاعة مغشوشة وفيها خطر على المستهلك واولها الاطارات
والشخص قبل مايروح يشتري سيارة ويخسر قروشه المفروض يسأل والنت فيه منتديات كثيرة موجود فيها تجارب الناس فمثل ماهو سأل الان عن الحل كان المفروض سأل قبل مايشتري والله يعوض عليه باخير منها
وعندك الكارفاكس اشتراك غير محدود لمدة شهر تشيك على اي سيارة عن طريق الجوالات الذكية واشتراك مايتعدى 100 ريال
واذا ماعندك بطاقة ائتمانية عندك موقع حكومي تدخل فيه رقم الشاسيه ويطلعلك اي حادث صار للسيارة ونوعه او غرق او اي شي وببلاش
وهذا هو الموقع. :
www.nicb.org



تحياتي
ابوحمدان

[التعـ King ـديل]

المشكلة لازم ورقة المواصفات والمقاييس بعدين من الميناء الجاف اخذ ورقة واروح الفحص الى الحين وانا متعلق بين المواصفات والمقاييس والميناء رحت الميناء قالو مانعطيك ورقة لازم تروح المواصفات والمقاييس والله قهر


انا اقولك فيه مختبر فحص معتمد جنب الفحص وليس الفحص الدوري بس ناسي اسمه

المهم موقعه وانت على الخدمه ووالورش والفحص يمينك بعد الشارع حق الفحص اللي من جهه كليه الاسنان يجي شارع بتشوف المختبر وانت بالخدمه عليه شينكو ابيض ادخل يمين مع الشارع وادخل عليهم وعطهم 300 ريال يمكن يمشونك وتخلص امورك

[المواصفات]

اللهم انى أعوذ بك اليوم فأعذنى وأستجيرك اليوم من جهد البلاء فأجرنى وأستغيث بك اليوم فأغثنى ,وأستصرخك اليوم على عدوك وعدوى فأصرخنى وأستنصرك اليوم فانصرنى, وأستعين بك اليوم على أمرى فأعنى وأتوكل عليك فأكفنى وأعتصم بك فأعصمنى وامن بك فامنى وأسألك فأعطنى وأسترزقك فارزقنى وأستغفرك فأغفر لى وأدعوك فأذكرنى وأسترحمك فارحمنى.

[راعي المكشايت]

الله يعينك اذا الصدمه ما اثرت في شاص السياره تقدر تخليها سعوديه انا قد دخلت سييرا في باب يمين صلحته في ابو ظبي وجبته للسعوديه والحين سعودي من شهرين كيف يقول انها غير مطابقه اكيد الشاص فيه انعواج او تلحيم او توصيل
واذا سيارتك سالمه قروشهم

[المواصفات]

والله يا اخوي راعي المكشايت

الشاصي سليم 100%
حتى يوم شفت صورة الصدمة بس الصدام القدام مع الشبك والنور
والصدمة الخلفية صدام الخلفي وانا لحضة من اول ماشريتها شفتها الصدام القدام في رشة قالي تجميل ومن هل كلام وفاحص السيارة في مركز راقي في الأمارات قالي السيارة 100%

[abo naser 1]

الله يعينك

صحيح كلامك
الى اعرفه ان السيارات الامريكيه القادمه عن طريق الامارات
ماتمشي بالمواصفات


لاكن
سمعت ان بالواسطه تنحل امورك
تدفع حول 3000 ريال

والله اعلم


السلام عليكم

أخوي كلام الأخ احمد صحيح فيه ناس ب 3000 ريال تخبر الديرة الله يرحم المسلمين ما يمشون الى بالرشاوي جميع الدوائر الحكومية تعقيد في تعقيد واجراءات اسميها تعسفية كله عشان تروح للمعقب حلال الأمور حسبنى الله عليهم.....

[المواصفات]

3000ريال تهون اليوم واحد قالي 10الف ريال مادري كيف ادفع مبلغ كبير
والله قهر ادفع 10ريال

[ابوماجد-1]

الله يعينك وانا كنت مفكر اروح للامارات اشتري سياره

لكن مدام الامور كذا اغير راي احسن