تجمع المياه داخل غطاء المكينه

[sss123]

السلام عليكم ورحمه الله وبركاته

عندي مشكله في مكينة 75 ياماها
وجود ماء داخل غطاء المكينه حاولت اعرف من اين
مصدر الماء مالقيت حل
شيكت علي اللي الخارج من الراس لايوجد تهريب
وشيكت علي جلد الغطاء الخارجي بعد مظبوط
والمشكله الاعظم انه بعد مااطفي المكينه اسمع
صوت تاكل زي ماتقول اسيد
ياكل جسم المحرك اقرب ماله غليان يجلس 15 دقيقه او اكثر وهو يتاكل
والصور راح تبين اكثر مكان التاكل مع وجود ماده بيضاء مختلط مع رصاصي

هذه الصوره توضح مكان تجمع المياه وصدور الصوت
http://img.tapatalk.com/d/13/01/20/9a6y9y6e.jpg



هذه تبين وجود الماده البيضاء مع العلم بانها ليست املاح مترسبه

http://img.tapatalk.com/d/13/01/20/9ubeqe9y.jpg





http://img.tapatalk.com/d/13/01/20/uta6ydur.jpg


ايش السبب من رايكم وطريقه الخروج من هذه المشكله

[sss123]

منظر عام لمعرفة مكان التجمع
http://img.tapatalk.com/d/13/01/20/utyru2as.jpg

[الواهج]

هل سبق وان احترت المكينه
هل المكينه واففه فترة طويله

[م/عبدالله]

وعليكم السلام ورحمة الله وبركاته

ازيد على كلام اخونا الواهج بعض الاستفسارات
هل فكيت البواجي .. ووجدت ماده بيضاء قريبه الى الرصاصي
هل يوجد لديك دفع ماء من الخلف قوي .المبوله
هل يوجد بلف حرارة
هل يوجد ماء يتزايد في الخروج اثناء التشغيل من نفس الحوض
اسفل المكنه .

ننتظر ردك

[sss123]

الواهج:مهندس عبدالله الله يعطيكم العافيه بالنسبه
لاستفسارتكم
قبل سنه وزياده سخن الراس ولقينا المجري مسكر من الاملاح وفكينا البلف حق الحراره ونضفنا المجري
من تقريبا اسبوعين ولعت لمبة الحراره وتفاجأنا بوجود مياه بنفس المنطقه بس كانت نظيفه من غير غليان او ترسبات
وفكينا الراس وحصلت واحد من المجاري مسكر
وتم تنظيفه وتغيير الوجه وتغيير البواجي
بالنسبه للمبوله انا اشوف انها ضعيفه نسبياً
والشباب يقولون طبيعيه ومااقتنعت الي لما فكينا الجربوكس ولقيت الجلده سليمه
هذا اللي حصل



بانتظاركم

[sss123]

بالنسبه للبواجي ماخذيت بالي منها ولا قربت لها
والماء بنظري يوصل حد معين ويوقف يعني مايزيد


ايش المشاكل المتوقع حدوثها

[م/عبدالله]

اولا ... ضروري تفك البواجي ونتأكد
انه مافيه خلط ماء عندك .. بعد ماعرفت ان لديك سخونة سابقه
للاطمئنان فقط . ومن ثم نشييك على الضغوط وهذا مهم

عندي شك .. ان يوجد لديك تهريب من الماسورة النحاسيه
اللي تعشق مابين المحرك والجيربكس وتوصل الماء الى الاعلى
اذا كان فيها كسر او خرم .. سوف يسبب ارتفاع حراره لديك

ولكن خلينا نشوف موضوع البواجي اولا ونشييك على الضغوط



صوت التكسر اللي تتكلم عنه ... فعلا لديك حرارة وعاليه جدا

[wafi6556]

ماشاء الله الحراريف مجتمعين
ابو محمد ولا يهون الواهج
ماتلاحظون لي الهراب الخارج من المكينه وسلك البوجي جايها البلل من فوق...اعتقد والله اعلم ان التهريب في اعلى المكينه...ولا وش رايكم

بالنسبه للماده البيضاء وهذا مجرد تحليل
اعتقد انها ترسبات ملح...كيف طلعت ؟
المكينه واضح انه فيها ترسبات ملح قويه وعندنا منطقة مافوق الشكمان(الموجوده في الصور) داخله في دورة التبريد لكن فيها سدد وتسخن وقد تصل لدرجة الغليان والماء عليها جاي من التهريب يتبخر ويبقى الملح والصوت قد لا يكون تفاعل كيميائي لكن صوت غليان الماء فوق الشكمان
تحياتي لكم جميعاً

[sss123]

الله يعطيكم العافيه راح اشوف البواجي هل فيها خلط ولالا
وارد عليكم

[sss123]

ص/م الخير علي الجميع بالنسبه للبواجي ابشركم سليمه وشغلت اللنش مشوار ? كيلو
بعد مارجعت لقيت الامور سليمه لايوجد ماء ولا ترسبات
ابغي الافاده هل ممكن الماصوره النحاس تسوي كذا

[م/عبدالله]

نعم تسوي ... كذا ... كمان شيء ثاني مهم
فك بلف الضغط ... ونظفه من الممكن يكون مسدود
راجع الدروس من اجل تعرف طريقته ومكانه

[م/عبدالله]

ماانتبهت لرد الوافي .... وهو شرح منطقي
ماشاء الله عليك ... يابو رامي

عموما
في مثل هذه الحالات التواجد بجوار المحرك
هو افضل لقطع الشك باليقين . حتى التي بها اصوات وخشونه

[sss123]

الله يجمل حال الجميع
و ماقصرتوا جميعا
وبشاير الخير بهطول الامطار
جعلتنا نتوقف عن الخروج للبحر
جعلها الله امطار خير وبركه علي الجميع
تقبلوا تحياتي

[عقام الرايس]

حالة غريبة فعلا ...

فيه صرة علوية لاخراج الماء جاية على غطا الراس من ناحية البواجي .. وظيفتها تنظيف مجاري الماء اذا صار سدد بدون الحاجة لفك غطا الراس ... احتمال تكون منحلة شوي او فيها تهريب ( مع انه يوضح فيها اثر الملح اذا كانت تهرب )

مجرد احتمال ومشاركة والله يجيب الخير