يأ أهل الجيش والخيل...رأيكم؟؟

[امبارك]

السلام عليكم ياأهل الطيب والخيل..

من عنده دواء للهزة في جيب الباترول؟.. موديله 2006 سلقه عايدي وأربع أبواب من الوكاله.. على 100 يبدا يرجف!!.. وسبق أني رصصته مرتين.. وحول المية والعشرين تسمع صوت يروح ويجي مثل صوت المروحة!!.. والعجيب أن عصا القير أنفصل قبل فترة وصلحته بـ 200 ريال.. وش الرأي؟؟

تحياتي

[برنس777]

أخوي مبارك السلام عليكم ورحمة الله وبركاته :
أقتراحي عليك أنك توديه للوكاله وللمعلوميه أن هزة الخلل في الترصيص تجي عند الثمانين وعند المية والعشرين وكذلك إذا كنت متخوف من القير ماعليك إلا إذا طلعة الرجفه الي على الميه أنك تفصل القير وإذا أستمر الصوت يكون من غير القير ( ولكن أخوي وش نوع الرجفه هي با الدركسون ولا بالقير ولافي خلفي السياره ولا وين وضح أكثر للإفاده ) نصيحتي لك لا تستعجل بتصليحه إلا عند واحد معروف والسلام ختام

[امبارك]

شكراً على سرعة الرد يالحبيب..

إن شاء الله.. ابجرب رأيك وأرد عليك .. الله يجعلنا جميعاً من أسباب الخير.. آمين