فايده الهدرز ومضاره !!!!

[آآآبو سعود]

السلام عليكم ورحمة الله وبركاته
ياخوان انا اسمع واشوف الكثير يركب الهدرز وما ادري بالضبط وش الفايده منه هل صوت بس ولا وش وهل له مضار على السياره خصوصا للباترول القديم ودمتم بود ارجوا من اصحاب الخبرة الافاده

[آآآبو سعود]

معقوله كل هالمشاهدات ولا فيه علم ؟

[المميـز]

الهدرز فائدته يريح المحرك بحيث يخرج اكبر كميه من الهواء للخارج ولتخفيف الضغط على المحرك

وعلشان تكمل فائده الهدرز تحتاج الى فلتر رياضي بحيث يزيد قوه المحرك والهدرز يريح المحرك من

ضغط الهواء .. مع العلم الهدرز المزعج ضرره اكبر من فائدته لانه بدون شخلاته وبكذا الهواء يطلع

من المحرك وعند رفع الرجل عن دواسه البنزين تلاقي الهواء يرجع للمحرك مره ثانيه..

الانواع
1/ الهدرز الاماراتي حق مصنع السويدي ويعتبر افضل الانواع واجودها
2/ الهدرز السعودي حق مصنع العتيبي بالدمام ويعتبر نوعيه جيده
3/ الهدرز البحريني الاستيل وهذا اقوى الانواع واغلاها

جميع الانواع تقوم بنفس المهمه

التركيب
1/ السويدي كامل بالامارات ب 1200 ريال للباترول 97 وتحت و1500 ريال للباترول 98 وفوق
2/ السعودي 1600 للباترول 97 وتحت و2000 ريال للباترول 98 وفوق
3/ الاستيل اسعاره نار وغالبا ماينزل عن ال3000



واذا اردت المزيد من الردود عليك زيارة الموضوع
http://www.mekshat.com/vb/showthread.php?t=323892

[GMC 111]

الهدرز طال عمرك يعطي قوه للمكينه لانه يخلي المكينه مريحه موب مكتومه يطلع هواء اكثرر

اما عن اضراره ماله اي ضرر بالعكس يزيد عزم الموتر وتقل صرفيت البانزين

لاكن اذا كان الهدرو الي مركبه موب اصلي اكيد بيلعب بالموتر

[abo naser 1]

السلام عليكم

أخوي اذا موترك صافي ونشيط بدون نقص زيت ولا حرارة ركب هدرز وعشان تكمل فرار و مراوح وبتشوف موترك شي ثاني خفيف نفس ويسحب أكثر اما اضرار الهدرز أكيد تأخذ من عمر المكينة بس بنسبة بسيطة ولا هي حسوفة على خلطة اليابان 4200 حمارة المكدة و أنصحك بالهدرز البحريني معدن المنيوز لا تأخذ الاماراتي الحديد

[آآآبو سعود]

لاهنتوا جميعآ واشكركم ع المشاركه ( ومنكم نستفيد )

[sgl2002]

ياكل من عمر المكينه ويسبب نقص

[باسل2000]

على حسب تجربتي للهدرز

أنه يختلف من سياره لأخرى

أحيننا تحس بالفرق في بعض السياراة وبعضها كنك ماركبت هدرز

لاكن لا تتصور ذاك الفرق الكبير قد لاتشعر بالفرق

واذا دخلت في عالم التعديل والترهيم عليك بإضافة التالي وأبداء بالاهم
1- مراوح كهرباء
2- هدرز
3- فلتر
4-فرارات
6-اسلاك بواجي + بواجي رياضيه
هذا الترتيب حسب القوه الناتجه

وإذا تبي تحس بكل الي فوق ركب كمبيوتر وبرمجه وأهلا بك في عالم الطياران :)

[راعي المجهم]

يسبب نقص لزيت المكينه

[آآآبو سعود]

يعطيكم العافيه ماقصرتوا

[صقر الهيجاء]

اسأل مجرب الهدرز يشرب بنزين وينقص زيت يعني خل علبة زيت ورى المرتبه يمكن تحتاجها وتقبل مروري;):D

[hail_ksa]

الأخوان اللي فوق وتكلموا عن نقص الزيت محد منكم تكلم عن استخدامه للموتر !!




هل الهدرز يسبب نقص زيت للمكينه للي استخدامه عادي ومايجور على الموتر ؟؟؟؟؟؟

[آآآبو سعود]

دامه ينقص زيت ويشرب بنزين مشكله والله طيب وش الحل الثاني علشان يخف الموتر ويقوى عزمه

[abo naser 1]

دامه ينقص زيت ويشرب بنزين مشكله والله طيب وش الحل الثاني علشان يخف الموتر ويقوى عزمه


أخوي ابو سعود اذا موترك ماعلية فرارات ولا مراوح ركبها وشف الفرق يصير خفيف نفس وبيفرق معك

[خبايا انسان]

انا مركب هدرز على موتري باترول 93 كربريتور ,, الحراره صارت خفيفه والموتر صار يفز بالخط << حتى لو بالخامس

وكذلك صرفيه البنزين قلت بشكل واضح وفرق كثير ,,


وبالنسبه لنقص الزيت ,, الموتر قديم < < انا اغير كل 3000 كيلو وما اعاني من نقص ولله الحمد ,,


بالعربي مو يجيني واحد مكينته خربانه من اول فيها بلى ويركب هدرز وبعدها يقول والله الهدرز خرب موتري ؟ ؟


واذا تبي تفاصيل اكثر راسلني على الخاص

[آآآبو سعود]

الله يعطيكم العافيه على التفاعل والتوضيح وبالنسبه للفرارات ماركبتها لاكن بركبها في اقرب وقت انشاء الله وبركب مراوح كهرباء لاكن وش افضل نوع من مراوح الكهرباء

[qr07]

مراااوح مكسيمااا اكيد او سوبارو... تحياتي لك

[ذيب شراوة]

معلومات مفيدة
انا افكر اركب هدرز لموتري ومراوح كهرب

ياليت نعرف اسعارها بالقصيم او الرياض