المساعد الشخصي الرقمي

مشاهدة النسخة كاملة : ياخبراء الجمس HD2500 تفضلوا لو سمحتوا


المريخي،،،
22/01/2013, 01:11 AM
السلام عليكم
هذي اول مشاركه لي في منتداكم الجميل وإنشاء الله اكون ضيف خفيف عليكم
عندي استفسار بسيط أنا عندي جمس حوض HD2500 موديل 2009 مادري ويش أحسن جامبينات أركبها حق البر وشكرا
ساهر حايل
22/01/2013, 01:26 AM
هلا اخوي المريخي انا اخوي عنده نفس السيارة ولكن وش الجامبينات ؟؟ وانا اساله لك يابعدي
0راعي الجبيل0
22/01/2013, 01:47 AM
يقصد المساعدات اخوي ساهر حائل ..


والله اشوف الجبريل والمونرو ممتازات للتركات ..

ولكن اذا حصلت مساعدات البيلسن فهي زينة وقوية
GMC79
22/01/2013, 05:58 AM
لا تتعب نفسك وتخسر فلوسك لا منورو تنفع ولا جبريال تفيد غير البالستين لا تدور تلقاها في محلات قطع المرسدس
AVET
22/01/2013, 07:30 AM
مرحبا اخوي انا مابي الف و ادور و اقولك من غير منازع معاون امريكي اسمه فوكس لونه رصاصي اتعب على الزين و بتدعيلي بس على شرط اخذ المعاونات مع معاون السكان واستمتع بالقيادة
جنوبي قطر 999
22/01/2013, 11:05 AM
اشحالك يا المريخي الله العالم انك من قطر

اذا كنت من قطر انصحك بكراج الدفع الرباعي ركب عنده جمبينات استرالية لونها اصفر ممتازة

للعلم انا ركبتها على موتري شفر 2500-HD موديله 2010 غمارتين فرق معاي وصار اريف من قبل في الرمله و البر

واذا انت تعاني من شي معين روح له وعلمه بالي تشتكي منه وهو بينصحك وش اتسوي

كراج الدفع الرباعي في الصناعية شارع 38

اتمنى اني فدتك ولو بالقليل

تحياتي
جنوبي قطر 999
22/01/2013, 11:08 AM
هلا اخوي المريخي انا اخوي عنده نفس السيارة ولكن وش الجامبينات ؟؟ وانا اساله لك يابعدي

الجامبينات = المعاونات

جامبين = معاون

اهل قطر والامارات والبحرين يسمون المعاون جامبين

وتحياتي لك يا ساهر حايل