المساعد الشخصي الرقمي

مشاهدة النسخة كاملة : ودي بس مالها مكان الكبوت مليان وين ممكن احط البطاريه الاضافيه


الربذي
03/09/2006, 12:15 PM
السلام عليكم يامكشاتيين جميعا
معي باث فايندر مابلكبوت مكان اقدر ادخل يدي معه لانها فل كامل(( والكامل وجه الله سبحانه وتعالى ))))
يعني تخبرون مثبت السرعه وايضا جهاز الاي بي اس
ممكن واحد عبقري يقولي وين ممكن اضعها مشكورا
محبكم
الربذي
03/09/2006, 08:56 PM
يعني 21 زائر كلهم مثلي لافكار جديده
فلان بن عفتان
03/09/2006, 09:04 PM
الحل سهل ,,,,,

أشتر بطارية الشحن ,, شغل الي تبي على بطارية السيارة وإذا فضت شغل السيارة ببطارية الشحن ......
Abo Nader
03/09/2006, 09:31 PM
السلام عليكم...

والله أخوي أنا معي النص الي يجي بدون مثبت و الله ما لقيت مكان....

بس شف العليان عنده مثل ما قال أخوي فلان....
الربذي
04/09/2006, 05:15 PM
تصدق فكره حلو اخي ابو عفتان بس اخاف يوهقني يوم من الايام
كم سعره ياترى وش صناعته
هلا باخونا نادر اخي
فيه احد الاعضاء الاكارم اخونا صياد ارماح يقول ان المهندس ابوفهد واعطاني رقم جواله يركب لك لو تبي عشر بطاريات بس مادري اين تقع ورشة ابو فهد
ياليت صياد رماح يمر ويفيدنا
ونحن بنتظاره
وبصراحة فكرة اخونا فلان حلوه وممكن تساعد غيرك بلا لبق السياره لاتلبق وميزته متنقل يعني اي مكان ممكن تاخذة معك
مثلا قبل اسبوع طلعت ابي اروح لدوام لقيت من لااعلم تارك السويتش مفتوح وفاضيه البطاريه طبعا السياره داخل الكراج وشلون ادخل السياره الثانيه لشركها
لازم ادف السياره خارج الكراج طبعا اخذ وقت واحراج طلب المساعده خصوصا لايوجد اقرباء لي قريبين مني
فلان بن عفتان
04/09/2006, 08:30 PM
أخوي الربذي ,,,

في أحد الأيام عملت تجربه , حيث قمت بفصل الأسلاك الموجب والسالب عن بطارية السيارة وقمت بشبكها ببطاريه الشحن ,,,, وكانت النتيجه اني قدرت أشغل السياره 10 مرات متتاليه ...وللعلم كانت بطارية الشحن فيها النصف فقط ..

النوع الي عندي إيطالي وله عندي خمس سنوات ,,, النوع الموجود عند العليان صيني ماينفع أبد ,

ملاحظه ( لقد قمت بتبديل السلك الموجب الموجود ببطارية الشحن بنوع عريض حتى ينقل كهرب أكثر أثناء عمل الإشتراك )
الربذي
16/09/2006, 05:45 PM
تخيبوا قصدي تخيلو دورته عند السنيدي ماحصلته وايضا عند جيان ولم اجده وهو عرفت شكله اسمه بوستر وقيمته 380 ريال
نمر بن حثلين
16/09/2006, 06:22 PM
الربذي لا يفوتك ذا النوع

اسمه فورتك الشركه اعتقد انها امريكيه بس تجميع صيني

http://img.epinions.com/images/opti/15/cf/Vector_VEC020_Jump_Start_System_VEC020_Shop_Tools-resized200.gif


تحصله عند ساكو

وانا صخصيا مجربه من 4 سنين وشغال زي القشطه

وميزته انه صغير الحجم ووذف وكله ملح :D
غالي
16/09/2006, 06:56 PM
طيب اخوي حاول يثبتون لك البطاريه الاضافيه بالشنطه ويمددون لها الاسلاك لين الكبوت
ترا عادي البطاريه بالشنطه مهيب خطره واكثر السيارات الالمانيه بطارياتها بالشنطه مثل البي ام والبنتلي وغيرهم
واذا ركبتها حاول تفصل لها غطى يكون من بلاستيك مقوى يحميها من الماء وغيره ولاتحط حديد لاتلتمس
والله اعلم
الربذي
16/09/2006, 10:55 PM
السلام عليكم
اخوي نمر بن حثلين اشكرك لهذا الاضافه والصور المملوحه وراعيها صراحه حلو بكم سعره
غالي ياغالي هلا بك اضن فكرتها صعبه لان ليس هناك مكان بسياره صعب شف الباث وانت تحكم لازم تكون بارزه وقد تسبب الكثير من الاذى وايضا حيز وانا ادور الوساع
ابو عاذر
17/09/2006, 12:34 AM
أخوي الربذي تحية طيبة :-

الحل عند أخوك ابو عاذر عليك بورشة سوافي بالرياض / حي السلي يركبون لك بطارية أحتياطية في الباث وشغل شغل وكالة مع بعض الاضافات أن أرت ذلك مثل (( محول كهرباء 600/300 وات ،،،، أنوار في الكبوت مع فاصل ،، ماطور هواء تايقر النوع الكبير ))

تركيب البطارية الاحتياطية بــــــ 600 ريال مع الاضافات التي ذكرتها لك بــــ 1200 ريال

وصف موقعهم كاتالي :-
الدائري الشرقي متجه جنوب / مخرج 18 تدخل النفق ثم تأخذ يسار(( متجه شرق )) تجيك أشارة تأخذ من عندها يمين (( متجه جنوب )) ثاني دخلة يمين بعد كبينة المكالمات تدخل معها ثم ثاني دخلة يسار الورشة في الوجه 0

عليك بهم يا سنايدي والشغل مضمون 0

مع تحيات اخوك ابو عاذر
برق تميم
17/09/2006, 01:09 AM
حياك ا لله اخوي الربذي والله شف وانا اخوك ابعطيك راي انت وش الي تبي تشبكه على البطاريه اذا تبي تمدد مثلا لمبه وتثبت ماطور الهواء وتشبك سلكه على البطاريه شد البلد وسلك الآيكوم صدقني ما يضر البطاريه الا طبعا اذا تبي تشبك ثلاجه فهذا شي ثاني عموما
فيه محول بوستر باك ممتاز ويطول معك وكد ومد وهذي صورته وعند العليان 340 ريال عليه عرض ويبي يرتفع سعره ومعه شاحن كهرب وشاحن ولاعة سياره وتشبك عليه لمبه 12 فولت الي على الولاعه



http://www.mekshat.com/pix/upload/images20/mk21015_po.jpg
ابوعزيزm
17/09/2006, 01:26 AM
مالك إلا البطارية المتنقلة

عطنا صورة للكبوت يمكن نبحث عن مكان لها :)



http://www.homaidanalturki.com/myfiles/1156596065.gif
راعي الهـــدد
17/09/2006, 08:41 AM
الله ينفس كربك

ههههههههههه
النداوي HZ2AF
17/09/2006, 09:45 AM
الأخ ابو عاذر هل يوجد صور
وهل يركبونها في الكبوت
كشته 111
17/09/2006, 10:40 AM
الاخ ابو عاذر انا معي باث فندر ورحت لمحل بطاريات با الغرابي وطلبت منه يركب بطارية احتياط واعطاني فكرة وهي باختصار ( بطارية الباثفندر 12 فولت المقاس الكبير وفية بطاريات 12 فولت مقاس صغير ويمكن تجي ثنتين جنب بعض وحدة للتشغيل ووحدة احتياط ... لكن كان معي صريح وقال ان البطاريات الصغيرة اللي عندة ماهي اصلية ولازم عشان ينجح الموضوع وجود بطاريات اصلية تتحمل السلف القوي حق الباثفندر ) وانا حبيت اطرح الموضوع لكم للدراسة ...... ودمتم سالمين والسلام عليكم ....
شبح الصحراء
17/09/2006, 09:41 PM
طيب ليش ما تدور مكان تحت الموتر ويرهمون لك قاعدة للبطارية (بس بعدها عن تانكي البنزين والكنداسة) واظن انسب مكان مؤخرة السيارة من تحت .