رأيكم يهمني : اللاند روفر

[upload]

السلام عليكم ورحمة الله وبركاته ومغفرته ورضوانه


اخوكم طالب منكم خدمة

لدي مبلغ اقترضته بحدود 160 الف

واريد شراء سياره لاند روفر

فأريد رأيكم في هذه السياره وما افضل نوع منها وما عيوبها

وبارك الله فيكم دنيا وآخره

[abo naser 1]

السلام عليكم

اخوي دام مشتري بقرض وملزوم بالسيارة لاتعدى الياباني باترول لاند كروز او تاهو يوكن صيانه سهلة واسعار القطع و الصيانة بالنسبة لغيره معقولة وعند البيع يجيب قيمة وشرايه جاهز....

الاند روفر غلاء قطع بشكل جنوني صيانه معقدة غير عملي اذا ما قورن با الياباني وعند البيع بتراب الفلوس مايجيب ربع قيمته وزبونة قليل...

عندنا موديل 99 من وكالته غيرنا كل شي جديد وفي كل عاير يوقف من وكالتة يعلم الله المكينة والقير والدفرنس والطرمبة والحساسات و و و و و والى الأن ماشبع ما أظمن اروح عليه البقالة والي يشتري ها النوعيات من المواتر رصيدة ملايين يشتريه جديد وبعد سنتين يذبه في ظهر الطفران الي يبي التشخيص

[upload]

رفع الله قدرك واعلى شأنك

كفيت ووفيت إن شاء الله

[أبوفيصل 2007]

الرند روافر عن تجربة من اخي
الصيانة باسعار عالية + قطاع الغيار غالية _ تشتري السيارة بثمن عالي وعند البيع ينزل السعر بشكل كبير
والسيارة حساسة مررررررررة
عليك باليوكن او الاندكلوزر سيارة ثمنها فيها عن البيع والشراء والقطع الغيار والصيانة مناسبة

[دحيم الفزعة]

السلام عليكم ورحمة الله

إذا بتدعي على واحد قل له عساك تشري لاند روفر


هذي مقولة جاري معه لاند روفر مبهذله ومتمسك فيه للآن يقول عقب هالخساير منيب بايعه والمشكله موتره مستمر بالمعوكس

[abuslman88]

عليك بالياباني قوة ومتانة وراحة وسعره فيه وعند البيع ما يخيبك ابد ابد

[.أبوعبدالرحمن]

و عليكم السلام ورحمة الله وبركاته


أسأل الله أن يرزقك بالموتر إللي يرضي خاطرك

ولكن بما أن المبلغ قرض فلا أنصحك باللاند روفر صحيح أنه موتر ممتاز

وفخامة عالية وقوة مكينتة جبارة ولكن هناك أمور قد تجعلك تتخلى عن كل

شي في هذه السيارة .. وهي غلاء قطع الغيار وصعوبة الصيانة وعدم رغبة

الأغلبية في شراء السيارة لو بغيت تبيع فيما بعد .. فمن رأيي ومن وجهة نظري

أنك تبحث عن الباترول أو اللاندكروزر أو اليوكن أو التاهو أو الاكسبدشن وكلها

سيارات تعتمد عليها بعد الله سبحانه وتعالى وكذلك توفر قطع الغيار وسهولة الصيانة

وتجدها بكل مكان سواءا في المدن الكبيرة أو المدن الصغيرة أو بعض القرى


والله يسهل أمرك

[عبدالعزيز-1]

بما انني من هواة الرنج روفر ومن مقتنيه منذ الازل
فأنا اتفق مع الاخوان فيما قالوه

انصحك بالامريكي سواء يوكون او تاهو او اكسبديشن

[abosaadana]

بما ان مقترض فا اني اقترح عليك باللكزس او باترول ٤٠٠ حصان او دينالي او فكسار
الرنج او لاند روفر بغض النظر عن قيمه قطع غياره او صعوبه صيانته فا النصب في صيانته سهل جدا بحكم جهل المكانيكيين في صيانته و عند المراكز المتخصصه فيه تجد احيانا خرب سهل جداً وما يكلف مال ولا وقت يقول لازم تغير
كذا وكذا ولازم تجلس السياره عندهم يوم او اكثر لي اهام الزبون بصعوبه الخلل وهات يافلوس

[upload]

رائعين وفقكم الله لكل خير وفتح الله ابواب الرزق والهداية لكم ولذراريكم ورفع الله قدركم

كفيتو ووفيتو وبيض الله وجوهكم يوم تبيض وجوه

[sgl2002]

هذي سيارات مخصصة لفئات من المجتمع

انت تبي موتر ماتحط فيه ريال لين ينتهي القرض ويمسك سعره ومايعرف الا دق سلف وامش


عندك بفلوسك هذي تشتري لاندكروزر مستخدم بسيط
او اللي انصحك به باترول رفارف سود فتك

مكيفين وقير عادي وعش حياتك مابه مكان مايوصله

[الايام]

اللاند روفر ماله اي تاريخ مشرف مع اجدادنا ما شروه ولا يحبون طاريه لا اهل النفود ولا اهل الجبال... حتى اهل اليمن اهل الوعوره والغثا مايجيبون طاريه الا بالشينه (انا ما ادري ليه يسمونه جيب)من واقع تجربه وكان عندي دسكفري..يتلفت يدور الورش ..هل تصدق اني لا اخاطر واذهب به الى البر وعيالي معي لايمكن اكيد بيطفى في مكان ما مع انه اخو الجديييد

الغطرسة والعجرفه الانجليزيه متأصله فيه هو ومن صنعه
البي ام دبليو والمرسيدس تنازلو وعرفوا ان مالهم باع في التكييف فأستعاروا كبروسرات التويوتا ومراوح النيسان
اما هؤلاء القوم فلا.. وخل سياراتهم بتسبودهم

(((فراااااااااااااااااااااااااااارك من المجذوم يا اخي)))