المساعد الشخصي الرقمي

مشاهدة النسخة كاملة : اللي عنده حل يدخل


ربان الخليج
23/01/2013, 02:41 AM
سلام عليكم...هل هناك حل لتخفيض صوت الماكينه 150ياماها او200 اوالتقليل من الضجيج وقت اللفاح..لاني الاحظ اذا لفحت بطراد ماكينه 75يكون الضرب اكثر والصيد اوفر..والصوت له دور كبير وقت اللفاح..تحياتي
م/عبدالله
28/01/2013, 04:25 PM
اخوي ريان ... اولا اعتذر عن التأخير

بخصوص استفسارك ... هذا وضع 200 و150 مابينهم فرق كبير
التشغيل في 2 استروك عالي وكثيرة الاهتزاز ... مافيها حيله
من الخارج تعمل بطانه للغطاء وتلبسه جلد ... هذا يخفف من الضجيج
الخارجي .
عقام الرايس
30/01/2013, 09:05 AM
ممكن تطول الوتر اكثر عشان ما يهج السمك من صوت المكاين

على فكرة احنا نسميه مجرور وانتو في الشرقية تسموه لفاح وان شاء الله بعد نصف فبراير فالك طيب بس الايام هذي ما اعتقد فيه شغل كثير

تحياتي
ربان الخليج
01/02/2013, 12:11 PM
اخوي ريان ... اولا اعتذر عن التأخير

بخصوص استفسارك ... هذا وضع 200 و150 مابينهم فرق كبير
التشغيل في 2 استروك عالي وكثيرة الاهتزاز ... مافيها حيله
من الخارج تعمل بطانه للغطاء وتلبسه جلد ... هذا يخفف من الضجيج
الخارجي .
الله يعطيك العافيه مهندس عبدالله.. وماحد يلومك والله يالغالي..زين تلحق ع كل هالطلبات..والله يجزاك خير ويعطيك طولة العمر انت وباقي الاخوان../تحياتي
ربان الخليج
01/02/2013, 12:30 PM
ممكن تطول الوتر اكثر عشان ما يهج السمك من صوت المكاين

على فكرة احنا نسميه مجرور وانتو في الشرقية تسموه لفاح وان شاء الله بعد نصف فبراير فالك طيب بس الايام هذي ما اعتقد فيه شغل كثير

تحياتي
اخوي عقام الرايس .. يعطيك العافيه.لكن حنا بحرنا يتشكل العمق من5متر وانت طالع الي 30تقريبا.وكل عمق له وزنيه .واذا طولت خيط المجرور تختلف الوزنيه اللي بين قاع البحر والمجرور .ضف الى ذلك تعثره بالشوارات والقراقبر. ويقل الضرب ..لدرجه انك تشوف معك طراد اخر يلفح وهو يطلع وانت تتفرج..وهذا سر الوزنيه..وبالنسبه للكنعد / الديراك /عندنا .بعد موجه البرد الاخيره تكدس عندنا بالجبيل..والحمدلله خير..والاسبوع الماضي 28خباط خلال 5ايام.اوزانهامن2الى4كيلو.ومادام البرد موجود الى الان سيبقى .ويخرج مع خروج الشتاء.../تحياتي لك
عقام الرايس
02/02/2013, 09:05 AM
الى 30 فقط ؟

عموما حبيت اسالك وش نوع المجرور ( اللفاح ) الي يستخدم عندكم ؟

هل جربت المجرور بدون اثقال .. اذا ما جربته جربه وراح تدعيلي بس ابحث عن النورس او اماكن تواجد اللعفه ( الساردين ) ومد المجرور بمسافة طويلة حتى تبعد عن المحركات وخل المشي على 10

اما اذا كنت تستخدم الغاطس ( الي على شكل قارب احمر ) فيمكنك ان تقصر المسافة بينه وبين القارب وتطول المسافة الي بينه وبين العظمة او السمكة الوهمية وماراح يوصل الارض ان شاء الله

تحياتي
ربان الخليج
02/02/2013, 09:41 PM
الى 30 فقط ؟

عموما حبيت اسالك وش نوع المجرور ( اللفاح ) الي يستخدم عندكم ؟

هل جربت المجرور بدون اثقال .. اذا ما جربته جربه وراح تدعيلي بس ابحث عن النورس او اماكن تواجد اللعفه ( الساردين ) ومد المجرور بمسافة طويلة حتى تبعد عن المحركات وخل المشي على 10

اما اذا كنت تستخدم الغاطس ( الي على شكل قارب احمر ) فيمكنك ان تقصر المسافة بينه وبين القارب وتطول المسافة الي بينه وبين العظمة او السمكة الوهمية وماراح يوصل الارض ان شاء الله

تحياتي
اخوي عقام الرايس..المجرور اللي نستخدمه مجرور اثقال /مسابيح / بالععظمه اوالملعقه..واكثر صيادين الشرقيه مركزين هالايام على الكنعد /الديراك / بهالطريقه .لان الكنعد له اشهر معدوده اذا لم تستغلها.راح تنتظر الى الموسم الجاي.وهو من منتصف شهر 9ميلادي الى دخول الصيف..عندنا بالشرقيه..بعد هذه المده مستحيل تجده الا في شهر9 القادم..
وقد سمعت ان الكنعد موجود في البحرالاحمر على طول السنه.. وخصوصا جيزان وفرسان.حسب ماذكر لي احد صيادين فرسان.
وبالنسبه للنورس موجود بكثره ولكن اكثرمانجد تحته اسراب/راس/التونه..وانت تعرف ثلاجة التونة عندنا ماتتعدى50ريال..
وبالنسبه للغاطس /البورد /موجود عندي بس مابعد جربته ..يعني يبي له قعده.. ومكاين اللفاح موجوده بس استخدمها غالبا للهامور مع سمكه وهميه مقسومه مع النصف لكي تلعب في الماء وغالبا مايفضل اللون الازرق واللون البرتقالي..
وراح اجرب اللي قلت لي ..بس الكنعد الحين شاغلنا شوي لانه موجود وفي اخر ايامه.. وكلها كم اسبوع ويودعنا..
اطيب تحياتي لك
عقام الرايس
03/02/2013, 02:13 PM
صدقت في جيزان الديراك أو الضيراك أو الكنعد متوجد بصفة مستمرة تقريبا وهي تعتبر المنطقة الاولى في صيده وتصديره ولكن اذا اتجهت شمال يقل هذا التواجد ويكون على شكل ماشي ياتي عدة مرات في السنة اكثرها شهر مايو وفي هذا الوقت تشوف الصيادين مشغلين اتاريك الاضاءة في الليل ومشعلين الدنيا كانك داخل على هجرة وهاتك تسحيب ، طبعا هذا في الليل اما في النهار شغل المجرور كما تفضلت اما بالمسبحة او المجرور العايم بالعظمة او الملعقة او الغاطس ....

تحياتي