تحذير من البالون الماكسس مدعم بالصوررررررر

[بقيس]

بسم الله الرحمن الرحيم

السلام عليكم ورحمة الله وبركاته :..

فاجئني عيب في كفرات البالون الماكسس الفتنامية
وهي تتطاير قطع من ثلاث كفرات علما بأن الكفر تم تركيبه في اقل من شهرين
بمبلغ وقدره 470 للكفر الواحد موديله 2012 وهذا يدل على استهتار تجار الكفرات بارواح الناس
لذا جرى التنبية لابراء الذمة

حسبنا الله ونعم الوكيل

محبكم /
ابوحمد

الصور
1

http://im32.gulfup.com/WvLd1.jpg (http://www.gulfup.com/?JFU1Vg)

2
http://im32.gulfup.com/AKk72.jpg (http://www.gulfup.com/?ekjZtZ)

3
http://im32.gulfup.com/yGFb3.jpg (http://www.gulfup.com/?AgUfno)

[شمال حايل]

جزاك الله خير

[الكيد]

حسبن الله ونعم الوكيل

[ابوناصر التميمي]

حسبي الله عليكم

الحمدلله على سلامتك .

[الجنوبي]

جزاك الله خير

[عااشق نفود]

والله اني مثلك شريت طقم 2012 جلس شهر وانصلخ 2 وعدم علي النسافه والصدام وذبيتها بالبيت وشريت حجريات

[راعي المجهم]

هذه معاد تصنيعها في الإمارات يعني تجديد

والحذر الحذر لان حماية المستهلك نااااااااااااااااايمة

الي ما ينتبه لنفسه الله يرحمه

[ara888]

بيض الله وجههك

[ابواليوسف]

حسبي الله عليهم

الحمدلله على سلامتك . بيض الله وجهك

[راعي المكشايت]

الحمد لله على السلامه والحمد لله اناه جت على كذا هذا تنبيه من رب العالمين

لاكن انا الحين ابسال للخبره في الشراء من النت انا شفت طقم بالون عند ارامكس وكان جاي من خارج السعوديه هل هي متوفره مثل في امريكا او اي دوله اروبيه لانهم حريصين على الجوده اللي اعرفه ان بعض الدول مانعتها من البيع لعدم جودتها واقل امنا من قبل

[- بو فيصل]

الرقابه سيئه عندنا وهامشيه ولا تستطيع على من له سلطه طيب ردها على الضمان

للي يسأل عن النت راح تطلع عليك سعرها مرتفع جدا بسبب وزنها وحجمها

[لهايب نجد]

هذا الماكسس وما يجئ منه وأنا بصراحة عجزت اقتنع من جودة هالكفر ويأكثر اللي يمدحونه .
سيضل تقييمه في مخيلتي ( منحط )

[--M--]

الحمدلله على سلامتك ونصيحه اللي بيركب بالون الرمليه ياخذ
كفرات شاهين ممتازه

[ابو طاهر]

حسبنا الله ونعم الوكيل

صارت هذه الكفرات من اردى الانواع

ولك التقدير...

[الجوكر حسن]

الحمد الله على سلامتك يعطيك العافيه على النصيحه

[قلقانش]

النتيجه هذي طبيعيه ,,,

انت شاري وانا اخوك فيتنامي ,,

الكفرات تعتبر الخط الأمني الاول بالسيارة فلا تبخل على نفسك بزيادة المبلغ وتشتري النوع (التايلندي ) اذا كنت من اللي يرغبون ماكسس

أو انك تطلع لكفرات بالون افضل من الماكسس لان الماكسس يعتبر اخر درجة من البالون

الأفضل كا التالي :

1-سيم تاير
2-هيرو التايلندي
3-مالون


أو انك تطلع للشاهين سوموتومو الياباني اذا لك رغبة في الرمله .

الحمد لله على سلامتك اولاً واخراً وهذي تعتبر تجربة مفيدة لنا جميعا

أشكرك على طرحك ,

دمت بود .

[.راعي الطير]

فيه نوع جديد طالع من ماكسس وهي برزا وعلى كلام اللي جربوها يقولون صلحو العيوب اللي فيها

[مدهوش]

ما بالفار فار طاهر بريزا او ماكسس كلها ماركات خايسه وموزعها ووكيلها يستحق العقوبة

[مولع قنص]

والله توني مركبها قبل اربع ايام الى الأن تمام ما لاحظت شي

وما ركبتها الا بعد ماشاورت فيها ولا بالعاده اركب دنلوب عريض

الله يستر بستره

[ابوسند9]

النتيجه هذي طبيعيه ,,,

انت شاري وانا اخوك فيتنامي ,,

الكفرات تعتبر الخط الأمني الاول بالسيارة فلا تبخل على نفسك بزيادة المبلغ وتشتري النوع (التايلندي ) اذا كنت من اللي يرغبون ماكسس

أو انك تطلع لكفرات بالون افضل من الماكسس لان الماكسس يعتبر اخر درجة من البالون

الأفضل كا التالي :

1-سيم تاير
2-هيرو التايلندي
3-مالون


أو انك تطلع للشاهين سوموتومو الياباني اذا لك رغبة في الرمله .

الحمد لله على سلامتك اولاً واخراً وهذي تعتبر تجربة مفيدة لنا جميعا

أشكرك على طرحك ,

دمت بود .
اخوي ما فيه شي اسمه ما كسس تليندي هو نوع واحد فقط وهو كان بالسابق تايواني وكان من افضل كفرات البالون على الاطلاق

[ابوسند9]

فيه نوع جديد طالع من ماكسس وهي برزا وعلى كلام اللي جربوها يقولون صلحو العيوب اللي فيها
اخوي راعي الطير
هو نوع واحد ولا صلحو العيب ولا شي واسمها بريسا وهي اللى في موضوعنا هنا ولعلمك الوكيل عنده خبر انها مضروبه من يوم تحولت الصناعه من تايوان الى فيتنام

[وجعين]

نصيحه حتى السيام تاير فيها عيب مصنعي انا شايفها بنفسي على الطبيعه الي ناوي يركب لا يقرب البالون في الوقت الحالي لان اغلب الموجود مضروب الي ملزم يتوجه الى الشاهين وهو اقرب شي للبالون من ناحية الارتفاع وبجوده عاليه

[الصحافة 15]

طيب يالربع وش النوع الزين والمجرب في البالون مادام الماكسس ولا زمانه

[com.الطراعيز]

خايس بمعنى الكلمه

[abc11]

الله يعوضك خير ويستر على المسلمين

[ابوصالح77]

السلام عليكم ورحمة الله وبركاته
جزاك الله خير على التنبية
كفرات البالون ما هي مثل أول تتحمل الكرف والسرعة
يصلح تركبه موسم الشتاء بس
ويجب تجنب السرعة العالية يعني من ١٢٠-١٤٠ بالكثير
السيام تاير التايلندي مقطوع كما هو معروف
ويوجد تايواني على إختلاف درجاته
بالنسبة للهيرو جربته جودتة متدنية جداً تشلق معي مع النصف
الـ بريسا يمدحونه الربع إنه ما ينسم مع الجنب
والبالون توافيق
فلذلك ما مثل الدنلوب الحجريات وأسعارهن الأن نازلة عن أول بـ ٥٩٠ تقريبا
بالتوفيق

[العرندس909]

نفس الشيء صار معي
أخذت سيام تاير تايواني
وللأسف خذلني
حتى البائع كان معطيني ضمان
يوم رحت له و وريته كل الكفرات متشطبة
قال اللي انسلخ اعطيك نص قيمته والباقيات اذا انسلخن او انفجرن جبهن!!!!!!

لعب في لعب
وقال من أمرك؟ قال من نهاني؟

[d-max2011]

والله يا اخوان انا معي ماكسس أبو جمل لهن حول السنتين

ولا شفت منهن شي ..بر وحتيفه وشعبان ومزارع ولا شكن ولله الحمد


اللهم المسامير وغيره

لكن أتوقع مثل ما قالو الشباب مجدد او مصنع الامارات

والله يعوض عليك يالأخو ..

[ابوسند9]

والله يا اخوان انا معي ماكسس أبو جمل لهن حول السنتين


ولا شفت منهن شي ..بر وحتيفه وشعبان ومزارع ولا شكن ولله الحمد



اللهم المسامير وغيره


لكن أتوقع مثل ما قالو الشباب مجدد او مصنع الامارات


والله يعوض عليك يالأخو ..

ماشاء الله عليك سنتين انا كل 8 شهور طقم بس شكلك ما تجلدهم بالوعر جلد
وبعدين احب افيدك وخذ العلم مافيه شي اسمه مجدد الماكسس هو مصنع واحد في فيتنام لكن هي حظوظ لكن الغالب كلا يشتكي منها

[باترول - 91]

الله يستر


توني مركب البالون

[system]

يااخوان جميع البوالين باختلاف انواعها وصناعتها رمليه
عليها تحذير من الاستخدام على الطرق السريعه
فلا تشرهون اذا تقطع على الخط

شكرا لصاحب الموضوع....

[abo naser 1]

السلام عليكم

أخوان البالون خطر وهو صناعة زينة وشلون بعد ها العيوب سلامتك وراحت راسك من بنشر نسم صلخ الي يشوفة يقول بببلاش يا أخوان الي يبي شبيه البالون هنكوك دعسة الشاهين يجي 8 غاط كوري 100% وضمان سنة ويصلح لجميع الظروف حتى الحجريات دنلوب تجي 6 غاط فقط لا يهمك شكل الدعسة

[ls1.5700]

الله يجزاك خير وبيض الله وجهك على النصيحه

[ابونبيل]

المكسس ما تحصل الا واحد يمدح به مره او واحد يسب فيه

الكفر هذا حظوظ!

[abomohannad]

أسوأ كفرات شفتها هي الماكسس
أحذر الجميع من النوعية هذي


والمشكلة لايزال كثير من الناس يركب ويسأل عن هالشركة الخايسة

[ابو صالح 871]

حسبنا الله ونعم الوكيل

[شقاوي الشقاوي]

حسبي الله ونعم الوكيل تجار ماتخاف الله همهم المكسب

[هويدي]

جزاك الله خير

وحسبي الله ونعم الوكيل

[عااشق نفود]

انتبهوا انتهبوا يالربع
بس وش البديل الماكسس
مع العلم ان الجنط 17

[الصخرة]

انتبهوا انتهبوا يالربع
بس وش البديل الماكسس
مع العلم ان الجنط 17

مثل ماقالوا الاخوان انحش عن البالوون كله مضروب حاليا ،،،،،، وشريته خسارة خسارة خسارة

[بندرفهد]

نفس الي حصل معي مير حسبي الله عليهم

[مسير عليكم]

للاسف هذي كفرات ملبسه وليست جديده
والشف بطنها محكحك ولاهي متطابقه

حسبي الله ونعم الوكيل الواحد ماعاد يدري من وين يشتري الكفرات

[hail_ksa]

هذه معاد تصنيعها في الإمارات يعني تجديد

والحذر الحذر لان حماية المستهلك نااااااااااااااااايمة

الي ما ينتبه لنفسه الله يرحمه



فعلا معاد تصنيعها

[ابولمارالحربي]

سبحان الله وبحمدة سبحان الله العظيم

[شمس الخليج]

ياجماعه البالون ليس للسرعه او الاسفلت هي مصنوعه خصيصا للمناطق الصحراويه والدليل تاكلها بسرعه عند استخدامها بالمدينه

[zlzal]

نصيحه لااحد يركب بيلون كلها صناعه سعوديه

واماراتيه

[AL-OTAIBI]

الحمدلله ركبت ماكسس قبل 6 شهور و طلعت عليه حجر و رمل و خطوط بدون رحمة و ازيدك انه مشلخ لين قال امين و فيه مسامير ما شلتها للحين و ما اشتكى من شي

يمكن انك طحت في نوع مضروب

[الشيخ الظريف]

انا ركبت بريسا قبل خمسة اشهر وامشي عليه بالاسفلت والشجر والحجر والله انني لم اقوم حتى بتعبئة اي هواء ويشجعني على المغامره بدهس الشجر ولكن لاحظت عدم رساوة السياره وظهور صوت وزياده في صرفية البنزين

[بن مانع التميمي]

البالون عطيت الله


الدعوة كلها توافيق من ربك

[احب الحيا]

يا اخوي الناس فاهمين الباالون غلط. تراه كفر رملي يعني مهو للسرعه ولا حتا لمشاوير الديره.
فيه بيانات علا الكفر لو ان الواحد يعرفها ويتعامل فيها ما ظحكو عليه لا بنشري ولا وكيل كفرات. لاكن جاهل وتتعنفق مشكله

[ABO AZZAM 123]

طيب وش البديل ؟؟

[zlzal]

عندك دنلوب نقشه شاهين

[Cyber]

أعتقد انه تصنيع محلي

[procession]

حسبنا الله وكفى ...

[حسن الراشدي]

جزاك الله خير ع المعلومه و
الحمدلله ع سلامتكك ...