أيهم أكثر راحة فور F150 أو السييرا أو السلفرادو [الأرشيف]

مشاهدة النسخة كاملة : أيهم أكثر راحة فور F150 أو السييرا أو السلفرادو

أنصر نبيك

24/01/2013, 04:15 PM

كما هو في العنوان هناك مواتر بخيلة في التجهيزات والراحة فيها شبه معدومة نبي
النصائح من المجربين في الاستعمال اليومي والسفر فقد تضاربت الآراء ونريد معرفة
الصواب من ملاك الفورد وملاك السييرا والسلفرادو

تحياتي للجميع

نواف 94

24/01/2013, 06:38 PM

اخوي انا نفسك محتار بس صار ميولي اكثر للفورد خصوصن انه
1- اقوى مكينه و اوفر بنزين
2- الافضل مبيعا خلال 35 عام في امريكا
3- الافضل من ناحيت التماسك و المطبات وهاذا اهم شي
4- قوة القير وهو يقدر يسحب 11000 رطل يعني حول 5000 كيلو
5- من ناحيت التحميل والفات السريعه و ومانع الانقلب
6- والارتفاع و الامان

لكن الحق ينقال من ناحيت الشكل السييرا احلا وبرضو ال f150 اكثر هيبه

أنصر نبيك

24/01/2013, 11:38 PM

مشكور اخوي نواف على المداخلة والحقيقة اتفق معك السييرا شكلها أحلى وسعرها طبعاً أغلى
الفورد غمارة ونصف 112 الف والسيارة الغمارة الوحدة 128 الف منظر السييرا وخاصة من الامام مهيب
والفورد انا مجرب الفورد سياراتهم مريحة فهل ياترى ال f150 أكثر راحة من السييرا ننتظر الجواب من المجربين وأهل الخبرة

خناصر

25/01/2013, 01:41 AM

اسبيدر مان

25/01/2013, 02:21 AM

بنسبه لي جربت السيرا وراحته قريبه من راحة الباترول رغم اختلاف التعليق

النبع الصافي

25/01/2013, 02:33 PM

الفورد يخليك تدعي لأجدادك الذين ركبوا الخيول والحمير (أجلكم الله) ويخليك تذكر معاناتهم دائما

has-120

25/01/2013, 02:48 PM

الونيت الدوج و الشاص النيسان الجديد و التويوتا تـنـدرا
كلهم أريح من الفورد والجمس
من واقع تجربه

has-120

25/01/2013, 04:47 PM

بالنسبه للشاص النيسان المطب مريح لأنه يايات في الخلف
http://img.haraj.com.sa/userfiles30/2013-01-05/50e8804b7a26d.jpg
http://img.haraj.com.sa/userfiles30/2013-01-05/50e882014d6f5.jpg
و
كذلك الونيت الدوج رام يايات في الخلف
http://images.gtcarlot.com/gtgallery/photo.php?id=54052683

الـتـنـدرا
http://www14.0zz0.com/2013/01/25/13/571614772.jpg
http://www14.0zz0.com/2013/01/25/13/357967545.jpg

فرفور بريده

25/01/2013, 05:27 PM

الونيت الدوج و الشاص النيسان الجديد و التويوتا تـنـدرا
كلهم أريح من الفورد والجمس
من واقع تجربه

غريبه !!

ولا عشانه يايات ؟

عموما الجمس حتى وهو سست مريح .. ماتقدر تقول عنه غير مريح :good2:

دوج رام 98

25/01/2013, 06:54 PM

الدوج رام وبدون منافس
حقق المركز 36 عالميا لعام 2012
صحيح الفورد حقق مراكز متقدمه عالميا لكن السبب الأول لأرتفاع مبيعاته هو تعاقد فورد مع الجيش الامريكي

يزيد 999

25/01/2013, 08:32 PM

اخوي انا عندي f150 2004 وعندي تاهو 2005 والتاهو نسخة للسييرا والسلفرادو بالظبط وللأمانه الجمس 2006 وتحت اريح من ال f150 لكن الجمس الشكل الجديد جربت كذا واحد وكلهن فيها قساوة اذا كانك تقصد الموديلات الجديدة فما فيه اريح من الفورد

كــحــيــلان

25/01/2013, 08:55 PM

أنا شخصياً بعد انتظار طويل
بعد ما بعت ال VX-R 93
احترت كثيراً
لكن قررت و اشتريت Tundr 2012
صراحة لا يعلى علية
يكفيك أنه TOYOTA
بالتوفيق يالحبيب

أنصر نبيك

25/01/2013, 11:27 PM

من واقع تجربة لا السييرا و السلفرادو ولا الفورد F150 مناسب داخل البلد .
اذا كنت غير محتاج لحمولة ثقيلة اعني فقط عزبة الرحلة المعتادة .أخي الكريم خذها نصيحة من اخ لأخيه خذ افالانش وريح نفسك الا اذا كنت راعي قنص.

هلا اخوي خناصر الافلانش خلاص بيتوقف انتاجه والا هو موتر حليوه شكل وكلش
وخاصة الفل الكامل سعره نفس سعر اليوكن الدينالي

أنصر نبيك

25/01/2013, 11:29 PM

بنسبه لي جربت السيرا وراحته قريبه من راحة الباترول رغم اختلاف التعليق

يعني مقبول مع انه اغلى من السلفرادو والرام وF150
تحياتي

أنصر نبيك

25/01/2013, 11:31 PM

مشكور اخوي has-120 على الاضافة المفيدة
تحياتي

أنصر نبيك

25/01/2013, 11:35 PM

الدوج رام وبدون منافس

حقق المركز 36 عالميا لعام 2012

صحيح الفورد حقق مراكز متقدمه عالميا لكن السبب الأول لأرتفاع مبيعاته هو تعاقد فورد مع الجيش الامريكي

يعني الرام حقق المركز36 في النماذج التي طرحناها في الموضوع جميل جداً طيب
وش اللي حقق المراكز المتقدمة الاول - الثاني - الثالث أتحرى شوقاً لمعرفة الجواب
تحياتي

أنصر نبيك

25/01/2013, 11:36 PM

الفورد يخليك تدعي لأجدادك الذين ركبوا الخيول والحمير (أجلكم الله) ويخليك تذكر معاناتهم دائما

ههههههه أضحك الله سنك

أنصر نبيك

25/01/2013, 11:38 PM

أنصر نبيك

25/01/2013, 11:40 PM

أنا شخصياً بعد انتظار طويل

بعد ما بعت ال VX-R 93
احترت كثيراً
لكن قررت و اشتريت Tundr 2012
صراحة لا يعلى علية
يكفيك أنه TOYOTA

بالتوفيق يالحبيب

نعم الموتر الله يعطيك خيره ويصرف عنك شره ويعينك على الحصول على قطع الغيار التي
لايوفرها الوكيل حياك ربي

( الزاهر )

27/01/2013, 03:05 AM

السلفرادو ووسع صدرك
عن تجربه حليل ولين وقوه وسعة صدر

نواف 94

27/01/2013, 09:02 AM

http://i3.ytimg.com/vi/RUgOiGEkpms/mqdefault.jpg2:56http://s.ytimg.com/yts/img/pixel-vfl3z5WfW.gif http://s.ytimg.com/yts/img/pixel-vfl3z5WfW.gif (http://www.youtube.com/watch?v=RUgOiGEkpms)
ترجمة
Ford F-150 v/s Dodge Ram v/s Chevy Silverado v/s Toyota Tundra (Durabilidad) (http://www.youtube.com/watch?v=RUgOiGEkpms)

)

http://i1.ytimg.com/vi/TBuqOViOnDE/mqdefault.jpg3:05http://s.ytimg.com/yts/img/pixel-vfl3z5WfW.gif http://s.ytimg.com/yts/img/pixel-vfl3z5WfW.gif (http://www.youtube.com/watch?v=TBuqOViOnDE)
ترجمة
2011 Ford F-150 vs. The Competition - Dodge Ram and Chevy Silverado (http://www.youtube.com/watch?v=TBuqOViOnDE)

a 2011 Ford F-150 with

http://i3.ytimg.com/vi/fiBCyLv6MBI/mqdefault.jpg3:05http://s.ytimg.com/yts/img/pixel-vfl3z5WfW.gif http://s.ytimg.com/yts/img/pixel-vfl3z5WfW.gif (http://www.youtube.com/watch?v=fiBCyLv6MBI)
ترجمة
Ford F-150 "Hero" V6 EcoBoost Demo Test: Head to Head vs. Dodge Ram 1500 & Chevrolet Silverado Truck (http://www.youtube.com/watch?v=fiBCyLv6MBI)

Ecoboost "Hero" engine

http://i3.ytimg.com/vi/6Bf8TALCj_4/mqdefault.jpg1:20http://s.ytimg.com/yts/img/pixel-vfl3z5WfW.gif http://s.ytimg.com/yts/img/pixel-vfl3z5WfW.gif (http://www.youtube.com/watch?v=6Bf8TALCj_4)
ترجمة
2011 F-150 vs 2012 Ram vs 2012 Silverado (http://www.youtube.com/watch?v=6Bf8TALCj_4)

,

HD

http://i1.ytimg.com/vi/liDOa6SN0xU/mqdefault.jpg8:56http://s.ytimg.com/yts/img/pixel-vfl3z5WfW.gif http://s.ytimg.com/yts/img/pixel-vfl3z5WfW.gif (http://www.youtube.com/watch?v=liDOa6SN0xU)
ترجمة
Ford F-150 Ecoboost vs Chevy Silverado Duramax Pick-up Mashup ... (http://www.youtube.com/watch?v=liDOa6SN0xU)

على فكره ماقاطع السحب الكرفانه الفورد 6سلندر والسيارات الثانيه كلها 8

abobashair

27/01/2013, 09:19 AM

أنا عن نفسي جربت الافلانش والسيرا والسيلفرادو والإف 150
وكان أريحهم صراحة الفورد إف 150 وجلس معي 9 شهور وبعته قبل أيام وناوي على واحد جديد

أنصر نبيك

27/01/2013, 01:07 PM

السلفرادو ووسع صدرك
عن تجربه حليل ولين وقوه وسعة صدر

رأي مجرب جدير بالاحترام الف شكر لك ياغالي

أنصر نبيك

27/01/2013, 01:22 PM

جاسم الرفاعي

27/01/2013, 03:12 PM

اخوي انا اتاجر بالسيارات و جربت الفورد f-150 و جربت الدوج رام و جربت السيرا
افضل واحد جربته فيهم الفورد من ناحية الرساوه و هداوه على المطبات و شوارع التعبانه ناهيك عن خفت تحريك السكان و انظمة السيفتي توزيع البريك المفاجىء EBS على التواير و مواصفات الخيالية
(ترى يا جماعه والله الفورد تعدل مو على خبركم)

و من ناحية القوه جرب مكينة 5.0 و ادعيلي ترى مثلها راكبه على الموستنج الجديد 420 حصان

صريح المقال

29/01/2013, 11:11 AM

السلام عليكم ورحمة الله وبركاته :)

بحكم كوني أحد مُلَّاك الجمس السييرا الشكل الجديد حجم 1500 وهذا أصغر حجم بالجموس مثل F150 إذا مانيب واهم .

الموتر عندي غمارة وحده وهناك فرق عن الغمارة ونص والغمارتين سواء بقوة المطب أو بخفة النفس وأكيد الأثقل ألين مطب والأخف أقوا عزم :)

أيضاً الفئة الي عندي هي Z71 وهذا مصمم لـ(خارج الطريق-Off Road) وهذا يعني نظام امتصاص صدمات أقوى وأكيد دفع رباعي + Dif Lock قياسي بدون زر لتشغيله أو إيقافة (تماتيك)
ويقابله بالتندرا أظن الـ(TRD) لأني أشوف مكتوب عليه (Off Road) أيضاً،
وبالفورد ما أدري وش يقابله صراحة لكن ما يقارن بالرابتر مثلاً لأن الرابتر على قولتهم (يحلق أو يغرد خارج السرب) فلا المكينة بينهم مقارنة ولا باقي التجهيزات حسب ما قرأت ورأيت بالفيديو ولم أستعمل الفورد أبداً ولا أعرف أحد استخدمه .
ولكن الرابتر حسب مافهمت مخصص لخارج الطريق أيضاً ولا أقدر أفيدك في هالناحية كثير لجهلي بخصائصة :)

ذكر أحد الاخوان في رده انهم غير مخصصين للمدن والزحام وأنا أتفق تماماً معه، فأنا أعاني بشكل يومي من كبر حجم السيارة في مدينة الرياض وصعوبة زوايا الرؤية نوعاً ما وأنا أتكلم بحيادية وموضوعية بعيداً عن التعصب الأعمى وعشقي لسيارتي وافتخاري بأني أحد ملاكها، ولا أستطيع أن أتخيل حجم معاناة من اشترى غمارتين أو حجم 2500 أو 3500 !

بالنسبة لحجم 1500 الي معي فهو مخصص للمدن وللإستعمال الشخصي أكثر من غيره ويدل على ذلك ان حمولته قليلة نسبة لحجمه الكبير (أقل من 800 كيلو حسب كلام الشركة المنتجة وموجود على باب السيارة) وكان لي تجربة تحميل 40 كيس شعير(2 طن) ندمت على تحميلها لأني خفت على الدفرنس يصير فيه شي والحمد لله ان شاء الله انها ما ضرت ولا راح أكررها مستقبلاً .

الموتر يجي شد بلد بالخلف (3) سست (ريش) فقط لاغير .. إضافة للمساعد طبعاً .. وهذا يدل على انه غير مخصص للتحميل الشاق أبداً والثلاث سست (أو ريش كما يسميها البعض) بسيطة وواحدة منهن صغيرة جداً ولو أردت المقارنة بالشاص العادي فيه 11 سسته ! <<وأنا أقارن بالشاص لأني أعرفه ولا أعرف باقي السيارات الي أنت تبي تختار منهن .
والشاص ابو رفارف 7 سست ويقالك مهوب حق تحميل ! :)
مع العلم ان المكينة القابعة تحت كبوت الجمس ما تقارن بمكينة الشاص (5.3 ليتر للجمس و 4.5 للشاص)
والدوج حجم 1500 على فكرة أقواهم مكينة (هيمي 5.7 ليتر)

مدري ليش قارنت بالشاص لكن عشان محد يجي مدرعم :)
أنا كنت محتار بين الشاص والجمس لأني (وعلى عكس كثير من ملاكه مع الأسف) أريده لحاجة وليس للقيادة والمباهاة به :)
ولولا قسوة مطب الشاص (ووجود ما يمنعني من ركوبه) لكنت اشتريته .

.
...
.

الموتر الي معي مطبه قد يراه البعض قاسي ويراه البعض لين وهذا يعود لما تعودت عليه يعني إذا نازل من ياباني بتلقاه لين وإذا نازل من صغيرة بتلقاه ناشف وهكذا .. ولكن عموما حجم 1500 أخف وألين مطب من حجم 2500HD والـ HD ترمز إلى Heavy Deuty يعني استخدام شاق أو عمل شاق وهذا مفهوم الحجم 2500 حيث انه مصمم للأعمال الشاقة وهو يختلف تماما عن حجم 1500 بنظام التعليق والسست والتحميل والسحب ومكينته أكبر (6 ليتر) ومروحته على السير (عكس حجم1500 عندي مراوح كهرب ثنتين) لأنه كبير ومحتاج لمروحة ميكانيكية ومن الخطاء استبدالها بكهربائية ولكن يفضل البعض زيادة مروحة كهرب وهذا جيد .

وحجم 1500 أفضل بالقومة والإنطلاقة لخفة حجمة ولأن مراوحة كهرب بينما الـ2500HD يجيبك بعدين وقد يتعداك ولكن المفهوم هذا غير صحيح على إطلاقة .
لأن فرق حجم المكينة لصالح حجم 2500 يفيد في حجم الحمولة وخاصة في السحب لأنه مخصص للسحب أكثر من حجم 1500 ولكن ما يقارن بالدبل تاير الوحش حجم 3500 فهذا هو عملاق السحب ومصمم خصيصاً لسحب المقطورات .. ويسحب حتى 7 أطنان تقريباً .
وكل نوع من هالأنواع يقابلها نوع بالفورد سواء وجدته عندنا أو لا :)
والفورد عندها فئات أكثر حسب ما قرأت (F150-F250-F350-F650-F750) والأخير يعتبر أقرب للشاحنة منه للسيارة العادية ويعتبر من أكبر السيارات مكينة وحجم مسموح له يكون سيارة استخدام عادي .

عموماً المكينة الي على حجم 1500 بقوة (5.3 ليتر) وعدد أحصنه يصل إلى 315 تقريباً وهي على نفس قاعدة تصميم محرك (LS1) الشهير والغني عن التعريف ومعروف لأهل الترهيم ويركبونه على مواتر التطعيس أكثر شي وهي معروفة بقدرتها على استيعاب التعديلات والتطوير بشكل قوي يعني يبين فيها التعديل وتقدر ترفع عدد أحصنتها وعزمها بأمور عديدة بداية بالهوائيات من فلتر هواء وغيره ودبة وهدرز وبالبرمجة وانتهاء بتغيير البساتم وغيرها .. وحسب ما قرأت بإستطاعتك رفع قوتها من 315 وهذا شد البلد إلى 450 حصان وناس تقول إلى 500 ولكن راح تكلفك طبعا مبلغ وقدرة وأنا ضد الشي هذا ولا أؤيد الي يرفعون من عزم مواترهم ويقصرون من عمره الإفتراضي لا لشيء إلا لمجرد الإستعراض وهذا أمانة بين يديك ستسأل عنها وعن مالك فيم أنفقته .

والمكينة على نظام (Vortec) وهذا اختراع ثوري حسب ما قرأت (ثوري يعني ثورة في عالم المكاين) لأنه يعتمد على نظام حقن وقود شبيه بقوة الإعصار الي يدور حول نفسه ويزيد من قوته وهذا يخلي المكينة تعطيك قوة جبارة بأقل استهلاك ممكن وهذا يتضح في عزم الموتر الخيالي ولولا الله ثم أنظمة الكمبيوتر المساندة وأنظمة الفرامل المساعدة أيضاً ولا كان ما قدرت تمسك الموتر لا دعست له :)

والجمس يجي له نظامين يساندونه ويتحكمون في عزمة داخل المدن (بدونهم خطر تمشي فيه داخل الطرق وعلى الزفلت) والي هم نظام مانع الإنزلاق ونظام التماسك
نظام مانع الإنزلاق يخليه كفراته ما تدور يعني ما تفحط كثير (ولا تقدر تخليه ما يفحط لأنه أقوى من اللازم بكثير) لكن أول ما يفحط يحاول النظام يمسك الكفرات ويثبت الكفر على الزفلت وهذا النظام معروف في سيارات كثيرة .
نظام التماسك ما يخليه يميل ( مع انه بيميل معك لو لفيت ودعست لأنه مثل ما قلت قوي بزيادة ومكينته بحق جبارة ) ولكن في حالة انه حاص (مال - انحرف) معك بيشتغل النظام ويحاول يستعيد توازن الموتر .

والنظامين تطفيهم بزر واحد في حال دخلت البر لأنهم بالبر يعيقون السيارة ولازم تعطلهم وترجعهم لا مسكت الزفلت :)

.
...
.

الجمس الجديد يعيبه عدة امور من وجهة نظر تحتمل الخطأ قبل الصواب :)

1- المقدمة كبيرة جداً وهذي تعيق من التمتع بإرتفاعة يعني لازم تشيل من قدام اللحية وأحيان نص الصدام إذا تبي تستخدمه بالبر خاصة لأن وجهه نازل جداً وهذي شروط أمريكية صدرت في السنين الأخيرة تمنع رفع الوجه عن الأرض أكثر من كذا (عند التصنيع ولا أتكلم عن انك ترفعه بنفسك) يعني مالهم ذنب الجمس في حركتهم ذي :)
ولك الخيار تشيل من وجهه أو ترفعه بطقم ترفيع .

2- امتصاص الصدمات بالمقدمة فاشل كعادتهم الكريمة والحل تغيير المساعدات أو تدبيلها :)
وأهل الجموس يدبلون مساعداته من موديلات السبعينات وحتى اليوم والأسباب ما نحصرها لكن مكينته كبيرة وأكبر من قدرة مساعد واحد على تحملها (وأقصد مساعد البلد) فأنت بالخيار تغيره بأكبر أو تدبل وترتاح مضبوط.. والمشكلة ان الوجهية تلعب مع المطبات بشكل مزعج خاصة لاصرت راعي بر ولا بالديرة ما راح تفرق معك كثير .

3- ارتفاع المؤخرة بشكل لافت ويعيق الرؤية والمشكلة على الفاضي لأن طاقة التحميل فيه أقل من الددسن !
وعند حاجتك لرفع أو حمل أغراض من الصندوق بتعاني من ارتفاعه وإذا جيت تركب فيه صعوبة والله يعين الي عندهم مشاكل بالظهر عليه :)

4- مافيه مكان تحط فيه أغراضك الخفيفة إذا أنت راعي عدد وأدوات يعني بتلاقي المكان ورا المراتب حشر شوي (ضيق) والمرتبة ما تنزل بشكل كامل لاجيت تحط أو تشيل أغراضك من وراها .. لكن عندك مركاتين بالـ Z71 وحده لأغراضك العادية وحلوه ومساحتها زينه وتحت إذا رفعتها بتحصل نفس المرتبة الوسطية انها عبارة عن صندوق تقدر تخزن فيه أغراضك ويمديك تقفله بعد بمفتاح الموتر وهذي حلوة جداً ولكنها ما تكفيني لأن أغراضي واجد واضطريت أركب صندوق عزبة الأمريكي بالصندوق وهذا يجي جاهز للموتر عند السليماني .. ويعيب المرتبة الوسطية انها قاسية جداً لأنها مجوفة وسطحها قاسي عشان يتحمل الجلوس عليه فوجدت ان الي يركب معي بالوسط يعاني من قساوتها وشريت وسادة جيلي من ساكو وحليت المشكلة والحين طلعت أحسن مرتبة للجلوس هههه :)

ويمكن في أمور أخرى ما انتبهت لها .

أما بالنسبة للمميزات .. فهي لا تعد ولا تحصى :)

- السيارة مجهزة لتقبل تعديلات عديدة: سواء بالمكينة أو بالكفرات والجنوط والترفيع والصندوق تقدر تحط فيه صندوق أو تغطية كامل أو تشيل بابه بحركة وحده لو حبيت تلغي مقاومة الهواء .

-تانكي البنزين 90 لتر بحجم 1500 ويمشيك 500 كيلو بالديرة و600 أو حولها بالخط (مع العلم ان فيه بالشاشة مقدار استهلاك الوقود والمسافة المتوقع قطعها)

-المكينة فيها نظام توفير استهلاك يخليها تفصل 4 سلندرات في القيادة الهادئة وتشبك كلهن إذا دعست بنزين بدون ما تلاحظ الفرق وتقدر تشوفها أيضاً بشاشة المعلومات وتقدر بالبرمجة تلغي الشي هذا وتخليه شابك علطول 8 سلندر .
وقرأت ان النظام هذا ما يوفر شي كثير لكنه حلو ويوفر لو شي بسيط .

-الكفرات بحساسات تعلمك بضغط الهواء بشاشة المعلومات وإذا نقص تعلمك وتعلمك أي كفر .

- القير 6 سرعات !!<من موديل 2010 وطالع بعد ماكان 4 سرعات ونفسه قصير .
تماتيك وعادي (تبترونيك) سلس جداً والقايدة عن طريقة ممتعه .. بالتماتيك يريح بسرعه لتوفير الوقود وبالعادي عندك زرين +و- بعصا القير وأنت الي تعشق براحتك .
وأظن ولست متأكد حتى الآن انك تقدر تحول من عادي لتماتيك بأي وقت !

- ارتفاعه جميل وأنت بوسطه يعطيك رؤية أمامية جداً رائعة .. ولكن لها سلبيات انك ما تشوف الصغيرات الي وراك خاصة إذا لحمو فيك (بعضهم الله يهديه شوي ويدخل تحت الصدام من زود الطفاقة والمشكلة لو تربط بشكل مفاجئ ما تضمن ينتبه لك !
وهنا أنصحك إذا شريت ان شاء الله وحده من هالمواتر الرفيعة (وكلهن رفيعات الجمس والفورد والدوج) تركب هوك خلفي ما يحتاج فك ولا تلحيم تشتريه ويركب مباشرة على الي ظاهر من الموتر ودور شي طويل شوي عشان أهل الصغيرات ما ينشبون لك من ورا .

- العزم ما شاء الله تبارك الرحمن ويشهد له اقبال الناس عليه الموتر فعلاً مكينته مالها حل على قولتهم والله يستر منها أحيان تغريك بالسرعة وتجد نفسك بمواقف خطيرة .. وأنا مانيب راعي سرعة لكن تحكمني الظروف أحيان والقى الموتر يستجيب بشكل ممتاز .

- الدفلك Dif Lock قياسي بالجمس (ويجي بالتاهو واليوكن وغيره) بس أقصد الـZ71 بالذات مايجي بدون دفلك، على عكس بعض الجموس الي تجي 4X4 يمكن تكون بدون دفلك .

- نظام امتصاص الصدمات تقدر تطور فيه .. وناس جربت تدبيل المساعدات من قدام وركبو الغازية حقت المرسدس وحسب إفادتهم وأنا ما ركبت فيه ولا جربته لكن يقولون ولا جيب لكزس ! عاد يمكن يبالغون شوي <<بس شوي هههههههه :D

وفيه مساعدات مشهورة حديثاً اسمها بلستين وفيها تجارب لأعضاء هنا ركبوها ويمدحونها جداً جداً جداً <<ثلاث مرات للتوكيد والجزم !

.
...
.

المقصد ان الزين ما يكمل .. لكن تقدر تاخذ الناقص الي تقدر تكمله أزين من كامل وفيه الي ما تحتاجه :)
بمعنى أنا أشتري الي أقدر عليه وأعرفه .. شوي شوي أطوره بما يتناسب مع احتياجاتي .. بكذا وفرت على نفسي أموال كنت بأدفعها على مميزات أنا ما أبيها عشان ميزة أو ثنتين أبيهن .. وبنفس الوقت ركبت الي يصلح لي بالضبط وعلى راحتي بدون تكلف .

هناك مقولة أتفق معها وقد لا يتفق معي الكل ولكن يجب أن لا ننسى ان إختلاف الرأي لا يفسد للود قضية:

يقولون أهل الخبرة:
الدوج مكينته قوية وجبارة .. بس خراباته كثير مقارنة بالفورد والجمس وقطعة غاليه .
الفورد مكينته ضعيفة مقارنة بالجمس والدوج .. لكن عضلاته وباقي قطعة صلبه وتعيش معك وأسعارها رخيصة لا بغيت تصلح .
الجمس مكينته وسط بينهم وخراباته وسط وقطعه أسعارها وسط .
(وبالنسبه لي أطلب قطع من الخارج وأسعارها أقل بمقدار النصف عن الموجود هنا والجودة لا تقارن الخارجي أفضل بمراحل)

.
...
.
والجمس والسلفرادو يقال انهم نفس الشي تماماً مافيه فرق ولا أي اختلاف حسب ما قرأت وسمعت والفرق الوحيد في شعبية الجمس السييرا لدينا بالسعودية ورغبة المستخدمين فيه، بينما الشفر السلفرادو هو المفضل في أمريكا(ولو تلاحظ الاستخدام الأمريكي غالبيته ان لم يكن كله شفر) وفي الخليج بالكويت الشفر مرغوب أكثر من الجمس .

أتمنى أكون قدمت لكم شي مفيد .. وأتمنى انك انتبهت إلى عدم عدالة المقارنة حيث ان الأنواع تختلف والإختلاف شاسع ولو جاك واحد جرب الـHD بيقول قاسي وعكسه الي جرب الـ1500 وفرق بين F150 و F250 وفرق بين غمارة وغمارة ونص وغمارتين وصندوق طويل وصندوق قصير .. ومخصص لخارج الطريق أو عادي ويختلف موديل حديث عن قديم ... وهكذا يتضح عدم العدالة بالتقييم ويجب تحديد نوع بعينه والمقارنة مع ما يقابله من الشركة المنافسة :)
وأنت حددت نوع الفورد ولا حددت نوع الجمس أو الشفر، ولا حددت الفئة المستهدفة هل هي غمارة أو أكبر هل هي لعائلة أم لشخص واحد :)
يعني عدة امور لو انك حددتها أفضل لك وللي يجاوبك .

هذا مالدي فإن أصبت فمن الله وحده، وإن أخطأت فمن نفسي والشيطان .

والسلام عليكم ورحمة الله

rami52

29/01/2013, 12:18 PM

السلام عليكم ورحمة الله وبركاته :)

بحكم كوني أحد مُلَّاك الجمس السييرا الشكل الجديد حجم 1500 وهذا أصغر حجم بالجموس مثل F150 إذا مانيب واهم .

الموتر عندي غمارة وحده وهناك فرق عن الغمارة ونص والغمارتين سواء بقوة المطب أو بخفة النفس وأكيد الأثقل ألين مطب والأخف أقوا عزم :)

أيضاً الفئة الي عندي هي Z71 وهذا مصمم لـ(خارج الطريق-Off Road) وهذا يعني نظام امتصاص صدمات أقوى وأكيد دفع رباعي + Dif Lock قياسي بدون زر لتشغيله أو إيقافة (تماتيك)
ويقابله بالتندرا أظن الـ(TRD) لأني أشوف مكتوب عليه (Off Road) أيضاً،
وبالفورد ما أدري وش يقابله صراحة لكن ما يقارن بالرابتر مثلاً لأن الرابتر على قولتهم (يحلق أو يغرد خارج السرب) فلا المكينة بينهم مقارنة ولا باقي التجهيزات حسب ما قرأت ورأيت بالفيديو ولم أستعمل الفورد أبداً ولا أعرف أحد استخدمه .
ولكن الرابتر حسب مافهمت مخصص لخارج الطريق أيضاً ولا أقدر أفيدك في هالناحية كثير لجهلي بخصائصة :)

ذكر أحد الاخوان في رده انهم غير مخصصين للمدن والزحام وأنا أتفق تماماً معه، فأنا أعاني بشكل يومي من كبر حجم السيارة في مدينة الرياض وصعوبة زوايا الرؤية نوعاً ما وأنا أتكلم بحيادية وموضوعية بعيداً عن التعصب الأعمى وعشقي لسيارتي وافتخاري بأني أحد ملاكها، ولا أستطيع أن أتخيل حجم معاناة من اشترى غمارتين أو حجم 2500 أو 3500 !

بالنسبة لحجم 1500 الي معي فهو مخصص للمدن وللإستعمال الشخصي أكثر من غيره ويدل على ذلك ان حمولته قليلة نسبة لحجمه الكبير (أقل من 800 كيلو حسب كلام الشركة المنتجة وموجود على باب السيارة) وكان لي تجربة تحميل 40 كيس شعير(2 طن) ندمت على تحميلها لأني خفت على الدفرنس يصير فيه شي والحمد لله ان شاء الله انها ما ضرت ولا راح أكررها مستقبلاً .

الموتر يجي شد بلد بالخلف (3) سست (ريش) فقط لاغير .. إضافة للمساعد طبعاً .. وهذا يدل على انه غير مخصص للتحميل الشاق أبداً والثلاث سست (أو ريش كما يسميها البعض) بسيطة وواحدة منهن صغيرة جداً ولو أردت المقارنة بالشاص العادي فيه 11 سسته ! <<وأنا أقارن بالشاص لأني أعرفه ولا أعرف باقي السيارات الي أنت تبي تختار منهن .
والشاص ابو رفارف 7 سست ويقالك مهوب حق تحميل ! :)
مع العلم ان المكينة القابعة تحت كبوت الجمس ما تقارن بمكينة الشاص (5.3 ليتر للجمس و 4.5 للشاص)
والدوج حجم 1500 على فكرة أقواهم مكينة (هيمي 5.7 ليتر)

مدري ليش قارنت بالشاص لكن عشان محد يجي مدرعم :)
أنا كنت محتار بين الشاص والجمس لأني (وعلى عكس كثير من ملاكه مع الأسف) أريده لحاجة وليس للقيادة والمباهاة به :)
ولولا قسوة مطب الشاص (ووجود ما يمنعني من ركوبه) لكنت اشتريته .

.
...
.

الموتر الي معي مطبه قد يراه البعض قاسي ويراه البعض لين وهذا يعود لما تعودت عليه يعني إذا نازل من ياباني بتلقاه لين وإذا نازل من صغيرة بتلقاه ناشف وهكذا .. ولكن عموما حجم 1500 أخف وألين مطب من حجم 2500HD والـ HD ترمز إلى Heavy Deuty يعني استخدام شاق أو عمل شاق وهذا مفهوم الحجم 2500 حيث انه مصمم للأعمال الشاقة وهو يختلف تماما عن حجم 1500 بنظام التعليق والسست والتحميل والسحب ومكينته أكبر (6 ليتر) ومروحته على السير (عكس حجم1500 عندي مراوح كهرب ثنتين) لأنه كبير ومحتاج لمروحة ميكانيكية ومن الخطاء استبدالها بكهربائية ولكن يفضل البعض زيادة مروحة كهرب وهذا جيد .

وحجم 1500 أفضل بالقومة والإنطلاقة لخفة حجمة ولأن مراوحة كهرب بينما الـ2500HD يجيبك بعدين وقد يتعداك ولكن المفهوم هذا غير صحيح على إطلاقة .
لأن فرق حجم المكينة لصالح حجم 2500 يفيد في حجم الحمولة وخاصة في السحب لأنه مخصص للسحب أكثر من حجم 1500 ولكن ما يقارن بالدبل تاير الوحش حجم 3500 فهذا هو عملاق السحب ومصمم خصيصاً لسحب المقطورات .. ويسحب حتى 7 أطنان تقريباً .
وكل نوع من هالأنواع يقابلها نوع بالفورد سواء وجدته عندنا أو لا :)
والفورد عندها فئات أكثر حسب ما قرأت (F150-F250-F350-F650-F750) والأخير يعتبر أقرب للشاحنة منه للسيارة العادية ويعتبر من أكبر السيارات مكينة وحجم مسموح له يكون سيارة استخدام عادي .

عموماً المكينة الي على حجم 1500 بقوة (5.3 ليتر) وعدد أحصنه يصل إلى 315 تقريباً وهي على نفس قاعدة تصميم محرك (LS1) الشهير والغني عن التعريف ومعروف لأهل الترهيم ويركبونه على مواتر التطعيس أكثر شي وهي معروفة بقدرتها على استيعاب التعديلات والطوير بشكل قوي يعني يبين فيها التعديل وتقدر ترفع عدد أحصنتها وعزمها بأمور عديدة بداية بالهوائيات من فلتر هواء وغيره ودبة وهدرز وبالبرمجة وانتهاء بتغيير البساتم وغيرها .. وحسب ما قرأت بإستطاعتك رفع قوتها من 315 وهذا شد البلد إلى 450 حصان وناس تقول إلى 500 ولكن راح تكلفك طبعا مبلغ وقدرة وأنا ضد الشي هذا ولا أؤيد الي يرفعون من عزم مواترهم ويقصرون من عمره الإفتراضي لا لشيء إلا لمجرد الإستعراض وهذا أمانة بين يديك ستسأل عنها وعن مالك فيم أنفقته .

والمكينة على نظام (Vortec) وهذا اختراع ثوري حسب ما قرأت (ثوري يعني ثورة في عالم المكاين) لأنه يعتمد على نظام حقن وقود شبيه بقوة الإعصار الي يدور حول نفسه ويزيد من قوته وهذا يخلي المكينة تعطيك قوة جبارة بأقل استهلاك ممكن وهذا يتضح في عزم الموتر الخيالي ولولا الله ثم أنظمة الكمبيوتر المساندة وأنظمة الفرامل المساعدة أيضاً ولا كان ما قدرت تمسك الموتر لا دعست له :)

والجمس يجي له نظامين يساندونه ويتحكمون في عزمة داخل المدن (بدونهم خطر تمشي فيه داخل الطرق وعلى الزفلت) والي هم نظام مانع الإنزلاق ونظام التماسك
نظام مانع الإنزلاق يخليه كفراته ما تدور يعني ما تفحط كثير (ولا تقدر تخليه ما يفحط لأنه أقوى من اللازم بكثير) لكن أول ما يفحط يحاول النظام يمسك الكفرات ويثبت الكفر على الزفلت وهذا النظام معروف في سيارات كثيرة .
نظام التماسك ما يخليه يميل ( مع انه بيميل معك لو لفيت ودعست لأنه مثل ما قلت قوي بزيادة ومكينته بحق جبارة ) ولكن في حالة انه حاص (مال - انحرف) معك بيشتغل النظام ويحاول يستعيد توازن الموتر .

والنظامين تطفيهم بزر واحد في حال دخلت البر لأنهم بالبر يعيقون السيارة ولازم تعطلهم وترجعهم لا مسكت الزفلت :)

.
...
.

الجمس الجديد يعيبه عدة امور من وجهة نظر تحتمل الخطأ قبل الصواب :)

1- المقدمة كبيرة جداً وهذي تعيق من التمتع بإرتفاعة يعني لازم تشيل من قدام اللحية وأحيان نص الصدام إذا تبي تستخدمه بالبر خاصة لأن وجهه نازل جداً وهذي شروط أمريكية صدرت في السنين الأخيرة تمنع رفع الوجه عن الأرض أكثر من كذا (عند التصنيع ولا أتكلم عن انك ترفعه بنفسك) يعني مالهم ذنب الجمس في حركتهم ذي :)
ولك الخيار تشيل من وجهه أو ترفعه بطقم ترفيع .

2- امتصاص الصدمات بالمقدمة فاشل كعادتهم الكريمة والحل تغيير المساعدات أو تدبيلها :)
وأهل الجموس يدبلون مساعداته من موديلات السبعينات وحتى اليوم والأسباب ما نحصرها لكن مكينته كبيرة وأكبر من قدرة مساعد واحد على تحملها (وأقصد مساعد البلد) فأنت بالخيار تغيره بأكبر أو تدبل وترتاح مضبوط.. والمشكلة ان الوجهية تلعب مع المطبات بشكل مزعج خاصة لاصرت راعي بر ولا بالديرة ما راح تفرق معك كثير .

3- ارتفاع المؤخرة بشكل لافت ويعيق الرؤية والمشكلة على الفاضي لأن طاقة التحميل فيه أقل من الددسن !
وعند حاجتك لرفع أو حمل أغراض من الصندوق بتعاني من ارتفاعه وإذا جيت تركب فيه صعوبة والله يعين الي عندهم مشاكل بالظهر عليه :)

4- مافيه مكان تحط فيه أغراضك الخفيفة إذا أنت راعي عدد وأدوات يعني بتلاقي المكان ورا المراتب حشر شوي (ضيق) والمرتبة ما تنزل بشكل كامل لاجيت تحط أو تشيل أغراضك من وراها .. لكن عندك مركاتين بالـ Z71 وحده لأغراضك العادية وحلوه ومساحتها زينه وتحت إذا رفعتها بتحصل نفس المرتبة الوسطية انها عبارة عن صندوق تقدر تخزن فيه أغراضك ويمديك تقفله بعد بمفتاح الموتر وهذي حلوة جداً ولكنها ما تكفيني لأن أغراضي واجد واضطريت أركب صندوق عزبة الأمريكي بالصندوق وهذا يجي جاهز للموتر عند السليماني .. ويعيب المرتبة الوسطية انها قاسية جداً لأنها مجوفة وسطحها قاسي عشان يتحمل الجلوس عليه فوجدت ان الي يركب معي بالوسط يعاني من قساوتها وشريت وسادة جيلي من ساكو وحليت الشكلة والحين طلعت أحسن مرتبة للجلوس هههه :)

ويمكن في أمور أخرى ما انتبهت لها .

أما بالنسبة للمميزات .. فهي لا تعد ولا تحصى :)

- السيارة مجهزة لتقبل تعديلات عديدة: سواء بالمكينة أو بالكفرات والجنوط والترفيع والصندوق تقدر تحط فيه صندوق أو تغطية كامل أو تشيل بابه بحركة وحده لو حبيت تلغي مقاومة الهواء .

-تانكي البنزين 90 لتر بحجم 1500 ويمشيك 500 كيلو بالديرة و600 أو حولها بالخط (مع العلم ان فيه بالشاشة مقدار استهلاك الوقود والمسافة المتوقع قطعها)

-المكينة فيها نظام توفير استهلاك يخليها تفصل 4 سلندرات في القيادة الهادئة وتشبك كلهن إذا دعست بنزين بدون ما تلاحظ الفرق وتقدر تشوفها أيضاً بشاشة المعلومات وتقدر بالبرمجة تلغي الشي هذا وتخليه شابك علطول 8 سلندر .
وقرأت ان النظام هذا ما يوفر شي كثير لكنه حلو ويوفر لو شي بسيط .

-الكفرات بحساسات تعلمك بضغط الهواء بشاشة المعلومات وإذا نقص تعلمك وتعلمك أي كفر .

- القير 6 سرعات !!<من موديل 2010 وطالع بعد ماكان 4 سرعات ونفسه قصير .
تماتيك وعادي (تبترونيك) سلس جداً والقايدة عن طريقة ممتعه .. بالتماتيك يريح بسرعه لتوفير الوقود وبالعادي عندك زرين +و- بعصا القير وأنت الي تعشق براحتك .
وأظن ولست متأكد حتى الآن انك تقدر تحول من عادي لتماتيك بأي وقت !

- ارتفاعه جميل وأنت بوسطه يعطيك رؤية أمامية جداً رائعة .. ولكن لها سلبيات انك ما تشوف الصغيرات الي وراك خاصة إذا لحمو فيك (بعضهم الله يهديه شوي ويدخل تحت الصدام من زود الطفاقة والمشكلة لو تربط بشكل مفاجئ ما تضمن ينتبه لك !
وهنا أنصحك إذا شريت ان شاء الله وحده من هالمواتر الرفيعة (وكلهن رفيعات الجمس والفورد والدوج) تركب هوك خلفي ما يحتاج فك ولا تلحيم تشتريه ويركب مباشرة على الي ظاهر من الموتر ودور شي طويل شوي عشان أهل الصغيرات ما ينشبون لك من ورا .

- العزم ما شاء الله تبارك الرحمن ويشهد له اقبال الناس عليه الموتر فعلاً مكينته مالها حل على قولتهم والله يستر منها أحيان تغريك بالسرعة وتجد نفسك بمواقف خطيرة .. وأنا مانيب راعي سرعة لكن تحكمني الظروف أحيان والقى الموتر يستجيب بشكل ممتاز .

- الدفلك Dif Lock قياسي بالجمس (ويجي بالتاهو واليوكن وغيره) بس أقصد الـZ71 بالذات مايجي بدون دفلك، على عكس بعض الجموس الي تجي 4X4 يمكن تكون بدون دفلك .

- نظام امتصاص الصدمات تقدر تطور فيه .. وناس جربت تدبيل المساعدات من قدام وركبو الغازية حقت المرسدس وحسب إفادتهم وأنا ما ركبت فيه ولا جربته لكن يقولون ولا جيب لكزس ! عاد يمكن يبالغون شوي <<بس شوي هههههههه :D

وفيه مساعدات مشهورة حديثاً اسمها بلستين وفيها تجارب لأعضاء هنا ركبوها ويمدحونها جداً جداً جداً <<ثلاث مرات للتوكيد والجزم !

.
...
.

المقصد ان الزين ما يكمل .. لكن تقدر تاخذ الناقص الي تقدر تكمله أزين من كامل وفيه الي ما تحتاجه :)
بمعنى أنا أشتري الي أقدر عليه وأعرفه .. شوي شوي أطوره بما يتناسب مع احتياجاتي .. بكذا وفرت على نفسي أموال كنت بأدفعها على مميزات أنا ما أبيها عشان ميزة أو ثنتين أبيهن .. وبنفس الوقت ركبت الي يصلح لي بالضبط وعلى راحتي بدون تكلف .

هناك مقولة أتفق معها وقد لا يتفق معي الكل ولكن يجب أن لا ننسى ان إختلاف الرأي لا يفسد للود قضية:

يقولون أهل الخبرة:
الدوج مكينته قوية وجبارة .. بس خراباته كثير مقارنة بالفورد والجمس وقطعة غاليه .
الفورد مكينته ضعيفة مقارنة بالجمس والدوج .. لكن عضلاته وباقي قطعة صلبه وتعيش معك وأسعارها رخيصة لا بغيت تصلح .
الجمس مكينته وسط بينهم وخراباته وسط وقطعه أسعارها وسط .
(وبالنسبه لي أطلب قطع من الخارج وأسعارها أقل بمقدار النصف عن الموجود هنا والجودة لا تقارن الخارجي أفضل بمراحل)

.
...
.
والجمس والسلفرادو يقال انهم نفس الشي تماماً مافيه فرق ولا أي اختلاف حسب ما قرأت وسمعت والفرق الوحيد في شعبية الجمس السييرا لدينا بالسعودية ورغبة المستخدمين فيه، بينما الشفر السلفرادو هو المفضل في أمريكا(ولو تلاحظ الاستخدام الأمريكي غالبيته ان لم يكن كله شفر) وفي الخليج بالكويت الشفر مرغوب أكثر من الجمس .

أتمنى أكون قدمت لكم شي مفيد .. وأتمنى انك انتبهت إلى عدم عدالة المقارنة حيث ان الأنواع تختلف والإختلاف شاسع ولو جاك واحد جرب الـHD بيقول قاسي وعكسه الي جرب الـ1500 وفرق بين F150 و F250 وفرق بين غمارة وغمارة ونص وغمارتين وصندوق طويل وصندوق قصير .. ومخصص لخارج الطريق أو عادي ويختلف موديل حديث عن قديم ... وهكذا يتضح عدم العدالة بالتقييم ويجب تحديد نوع بعينه والمقارنة مع ما يقابله من الشركة المنافسة :)
وأنت حددت نوع الفورد ولا حددت نوع الجمس أو الشفر، ولا حددت الفئة المستهدفة هل هي غمارة أو أكبر هل هي لعائلة أم لشخص واحد :)
يعني عدة امور لو انك حددتها أفضل لك وللي يجاوبك .

هذا مالدي فإن أصبت فمن الله وحده، وإن أخطأت فمن نفسي والشيطان .

والسلام عليكم ورحمة الله

اجمل رد شفته وقريته من يوم عرفت النت الله يكملك بعقلك
هذي المعلومة استفيد منها انا قبل غيري
الف شكر لك اخي الفاضل ولكاتب الموضوع الذي بدا بالفكرة
تحياتي لكم

اكسبدشن 2012

29/01/2013, 12:57 PM

اذا شفت المقطع الاول اعتقد انك راح تختار فهي تتحدث عن الرساوة والراحة كما تطلب

للأسف عندنا حمى التقليد وتويوتا مثالا لا جودة ولا سلامة مع ذالك العالم طايحه فيها ليش يقول لك والله يمكن ابيع ،،

تميم2222

29/01/2013, 11:51 PM

ما شالله الامركي كله مريح .. مطبه