تجربتي مع الكعكات

[الصقر الاشقر]

السلام عليكم
انا يا شباب مليت من شكل الموتر وهو طامن طبعا هايلوكس موديل 2012 دبل
فقلت برفعه من قدام كعكات ومن الخلف سسته اماراتيه

وفعلا رحت وركبت قدام واحد ونص سانتي وورى سسته
وصار من احلى ما يكون

وبعد يومين او ثلاثه رحت للبر وانا امشي الا والموتر يهبد وجهه من جهه من اليسار ( علما اني ما اكلت اجرف او مطب) رجعت للديره ورحت لمكنيكي وفحص السياره
وكانت المفاجأة
......
.....
....
...
..
قال لازم تغير طقم مساعدا لان قاعدة المساعد الي بطرف المساعد من تحت انعوجت وصارة زاوية تسعين
والجهه اليمنى بدى المساعد يتقوس لكن ما انعوج

وفعلا غيرت طقم مساعدات اصلي ب800 ريال
والحمد لله على كل حال ويا جعلها خيره

طبعا صار الموتر نازل الان بحكم اني ما ركبت الكعكات
والمكنيكي يقول السبب الكبير لاعوجاج المساعد هي الكعكات
وقال ايضا ممكن ان المساعد ما تركب زين عشان كذا انعوج المساعد

....
وهذي تجربتي حبيت انقلها لكم باختصار

ولدي سؤال : بديت اهوجس اني اركب يايات استراليه من عند الرمايه
لكنن هل الرمايه يضمن شغله ؟؟؟
يعني لو صار لي زي الموقف هذا هل يضمنه لي؟؟
والي ركب اليايات يعطيني رايه والسعر لا هنتوا

وفق الله الجميع

[خبايا انسان]

ما اتوقع ان السبب من الكعكات !! ,, اضن والله اعلم ان السبب ان المساعدات الاماميه بلد ومعروف انها لينه مقارنه بمساعدات المرسيدس او الاسترالي وغيره << ومع الكعكات صارت المساعدات البلد ممغوطه على الاخير << وهنا حصل الي حصل ,, مجرد تحليل والله اعلم

[التعـ King ـديل]

المعروف عند اهل الهايلكسات اذا رفعو الموتر من قدام يركبون مساعدات مرسيدس لانها اقوى من مساعدات الوكاله

وانا اضم صوتي لكلام اخوي خبايا انسان

[najd star]

اضم صوتي لكلام الشباب الي قبلي

[hail_ksa]

الكعكات على الياي بإذن الله آمنه وتجاربنا اهل البترول ولله الحمد بدون مشاكل