المساعد الشخصي الرقمي

مشاهدة النسخة كاملة : اي سؤال عن البليزرات القديمه .. تفضل وابطح سؤالك


تيتشر
04/09/2006, 07:21 AM
مستعد للاجابه عن اي سؤال يتعلق بالبليزرات القديمه من موديل 91 وتحت
وسلامتكم
بدر
GMC79
04/09/2006, 07:35 AM
س/تجي قير عايدي الى موديل91؟
وجزاك الله خير
بليزر
04/09/2006, 07:41 AM
يا اخي
انا موظب القير والمكينه وتعبان في الموتر
ولكن اسمع صوت تفتفه عندما ادوس على البنزين وعجزة انا ويا الورش نعرف مصدره
وش الحل؟
وهل هناك ورشه بالرياض تهتم بمثل هالنوع من السيارات وإصلاحها ؟ لإني غالبا ما ادخل ورشه إلا يتعوذون منها وخاصة عند توظيب القير يالله حصلتلي هندي وافق(من الفرحه :eek: مانا مصدق) انه يوظب القير
شعيب المسمى
04/09/2006, 06:43 PM
وهذي اول مشاركة لي بالمنتدى الموسوعة
وهذاي باطرح لك كم سؤال مع ذا البليزر بس وسع صدرك:p
1_عندي القير ثقيل بالتعشيق من الاول للثاني ومن الثاني للاول الا بغيت ارد النمرة وطبعا القير عايدي(الكلتش جديد).

2_وش افضل المساعدات الدبل يعني كل كفر مساعدين ووين القى كراسي التدبيلة علما اني مركب مونور اللي نص زيت ونص غاز بدون دبل.

3_عندي القزاز تبع البيبان بطيء مرة يالله ينصك.

4_عندي العرموطة اللي تمسك العمود جهة القير منكسرة علي ونا مسرع وطاح العمود بس فكني الله والسؤال وين القاها فيه لاني دورت بالصناعية القديمة ولالقيتها والمتر واقف ثلاث شهور بسبتها وهل تنصحني اغير القير وهل له انواع ووش افضل نوع؟.
شاكر لك,,
اخوك شعيب المسمى
بليزر
06/09/2006, 08:17 AM
الأخ / شعيب المسمى
اظاهر انا إلي ابجاوب على الأسئلة عن خوينا الي تأخر عنا
1- القير ثقيل عندك في التغيره غير زيته الى نوع خفيف نوع موبيل
2 - بالنسبة للمساعدات انا مركب مساعدات نوع اتوماتيك تقدر توزنه حسب الرغبه يعني تقدر تخلي الموتر لين او جفس حسب النمره إلي تختاره
حيث ان به ثلاث وزنيات وهذه المساعدات غاليه لكنها قويه وتتحمل نوعها الله يسلمك جبرايل
3- بالنسبة للعرموطه خذ بدالها وحده اخت الجديده من محل السعودي وهاك تلفون صاحب المحل اسمه عبدالله 0505464340
وسامحني ان كنت غلطان بس كل قلته عانيت منه والله يكتب لك الأجر على صبرك على الموتر
بليزر
06/09/2006, 08:20 AM
4 - آسف بالنسبه للقزاز غير الدنمو بنوع تجاري قيمته 80 ريال وبيصلح معاك
شعيب المسمى
06/09/2006, 02:11 PM
ياهلا والله باخوي بليزر
الظاهر ان معاناتنا وحده مع البليزرات:D :D
بس عز الله انها مواتر حديد مب ذا التاليات لو رفستة انعفط شاصة :p
نرجع لموضوعنا القير سلمك الله من الثاني للثالث مامثلة ويمكن تكون المشكلة بالزيت بلاه مبطي ماغير
والمساعدات انشالله اخذهم بس مدري وين يباعن فيه خبري بهن فالصناعية القديمة اللي حول بنك الرياض يبيعهن شايب له مستودع عليه لوحة جبريال
ومحل السعودي ابسير عنده انشالله

وشف ياخوي التقطيع اللي بموترك حصل معي وديته لورشة ممتازة وزن لي البلوف وشبك عليه جهاز يازن فيه دخول الهوا مع البنزين بالكلبليتر وغير صفاية البنزين وركبت له بواجي سبلت فاير وميزتها ماتخرب بسرعة ولاتضيع البنزين وتراها راسين عقب هذولي كلهن صار الموتر من احسن مايكون
والله يعينك وما قصرت يالغالي بكل اللي قلته لي,,
عبد الصمد
06/09/2006, 02:28 PM
السلام عليكم

ودي اسأل عن اسعار البليزرات في الرياض؟
و هل المديلات القديمه 74 - 79 متوفره بكثره؟
و وين افضل مكان تنصحونا ندور فيه بليزرات ؟
بليزر
09/09/2006, 08:08 AM
الأخ / عبدالصمد
السلام عليكم ورحمة الله وبركاته
البليزرات تلقاها في تالي المعارض يعني اذا دخلتلك معرض انصى تاليه هذا مكانها لإنه ما يسأل عنها إلا ناس مخصوصه
على كل حال نصيحتي لك اذا نويت تشتري لايهمك إلا البدي وإلا داخله كله رايح تغيره حتى لو قالولك انه نظيف ومتعوب عليه
فإن كان عند استعداد وترتاح نفسك بالورش فحياك الله وإلا لاتقرب
GMC79
12/09/2006, 08:51 PM
وانا ياجماعة من يجاوب على سؤالي
وراكم سافهيني؟
شعيب المسمى
14/09/2006, 02:09 PM
الاخ Gmc79 البليزرات اغلبها حسب علمي انها تجي تماتيك بس يحولونها عادي
والعلم عند بليزر ولايهونون الباقي
شعيب المسمى
تيتشر
18/09/2006, 08:24 PM
السلام عليكم
اعتذر لظروفي القاهره
اولا الاخ Gmc79 لاما يجي موديل 91 قير عادي
ثانيا الاخ بليزر انا اتوقع ان البلوف ما شد عليهن لان المشكله اصلا عندك مو واضحه
ثالثا الاخ شعيب المسمى .. بالنسبه للمساعدات انا ارى ان مساعدات جبريل 3 طقات افضل شي .. بالنسبه للقير اعتقد يمكن من الدسك او الحذاف ( مو متأكد ) وبالنسبه للعرموطه بعلمك بنهاية ردودي على واحد لا تودي بليزرك الا له
رابعا الاخ عبدالصمد بالنسبه للموديلات اللي ذكرتها انت موجوده ولكن بكميه اقل عن الثمانينات

هذي نصيحه لكل واحد معاه بليزر
فيه واحد بتشليح الحاير عنده تشليح خاص بالبليزرات والجموس من 91 وتحت اسمه ابو علي .. هذا فاهم شي اسمه بليزر او جمس وعنده بليزرات نظيفه وعنده قطع ان بغيت يبيع عليك وبنفس الوقت يضبط الموتر وخصوصا المكاين والقيور والدفرنسات .. وهو افضل شخص عرفته فاهم بالبليزر سواء بالصناعيه او اي مكان .. وهذا رقمه 0503489984
واتمنى اني اكون افدتكم
Dr.Mubasher
19/09/2006, 10:26 PM
السلام عليكم ورحمة الله وبركاته
ابي استفسر عن سعره بليزر موديل 78 لونه اخضر مع فضي
موتر نظيف من الداخلية وبديه وبويته ومحركاته نظيفه والدبل فرار
وراعيه الاول
امريكي ومحافظ عليه ومضبط له قفل مركزي ومركب له مرايا كهرب
القير عادي ومغير له 4 مساعدات جبريل جديده
ياليت تفيدوني كم يستاهل ؟؟
الموتر نظيف ومفحوص واستمارته فيها سنتين ونص تقريباً
ياليت تردون لي خبر كم يسوى لاني ماابي الموتر يروح علي ..
تيتشر
23/09/2006, 12:57 AM
لا يتعدى ال 14
Dr.Mubasher
23/09/2006, 08:31 PM
أخوي تيتشر

كل عام وانت بخير وشهرك مبارك

ابشرك اتكلنا وشرينا الموتر والله يعطينا خيره ويكفينا شره
وشاكر لك اهتمامك بارك الله فيك
جيبي جايزلي
27/10/2010, 02:08 AM
سوال لو تكرمتو عندي بليزر موديل 87 قير عايدي
الفرار حق الدبل اذا فريت الفرار اليمين يدور العمود والفرار اللي يسار تفره ولا ما تفره ما ياثر بشي
يعني العمود حق الدبل لا يتجاوب الا من الفرار اليمين
طرربان
05/10/2015, 01:25 PM
رقمي برسلك كم صوره عن بليزر عطني سعر له
ومبدئيا السياره بليزر 82 ماكينه350
جير تماتيك كل شيء شغال على كلام راعيه
طالب 20500
حسين السبيعي
13/10/2015, 12:51 AM
ياليت يا اخوان من معلومات عن محلات قطع الغيار سوا جديد او تشليح عن الجمس 91 او البليزر91 لنهم نفس القطع مايفرق الطول يفيدنا مشكور