كل ما يخص غزال النفود (( الهايلكس ))

[الهلي 2002]

يا شباب بالنسبه للاخوان اللي ارسلو لي استفساراتهم عبر الرسائل الخاصه
ارجو منهم اعادة كتابتها هنا لكي تعم الفائده للجميع

وانا في خدمة اصحاب الهايلكسات ..

تحياتي ,,

[الهلي 2002]

[QUOTE]كاتب الرسالة الأصلية ابو شجاع
السلام عليكم ورحمة الله وبركاته
ابي النصيحه يا اهل الهايلكس ابي اركب كفارت خط وش افضل والين كفر وابي جنوط مرسد س وين القاها وابي اصلح لها تبريز الجنوط وبركب لعابات سست ابي مقاسها الطول والسماكه وابي كتاوت انوار كويس وافضل شمعات ومراوح الكهرب تراي موتري موديله 95 غماره توني شاريه :D :D الله يطعمني خيره ويعديني شره ااااااامين قولوا امين:good: :p :light: انا من سكان الرياض [/QUOT


اخوي ابو شجاع ..
اولا بالنسبه للكفرات اذا كنت تبي لينه وتنفع للنفود خذ هنكوك مقاس 70\225
بس تاكد انه كوري مب صيني وتكون حرارته a\a

الجنوط \ يمكن تلقاها بالغرابي في شارع الجنوط

تبريزة الجنوط \ في محلات الزينه بالغرابي

اللعابات \ طولها يكون على حسب ارتفاع وجه الموتر .. مثلا ان كانك رافعه 3 سم فتطول اللعابا ت زود 3 سم عن طول لعابات الشد بلد
اما سمكها 1 سم ممتاز

المراوح \ اذا انت جازم عليها ارسلي رقمك في رسالة عبر مراسلات مكشات الخاصه

.. والله يعطيك خير الموتر ويكفيك شره

[هلكس]

السلاام عليكم ..

والله موضوع رائع جداااااا

وتسلم على المعلومات الي تبي تقدمها انشاء الله
بس عندي سؤال صغنون

انا معي هلكس وابي ارفع وجهه مررررررره بس المشكله ان المسمار طق الى النهايه
وش الحل الله يرحم والديك عن النار

شكرااااا

[أيمن]

عافاك الله أخوي العزيز على هالبادرة الطيبة، وكثر الله أمثالك ..
هناك عدة استفسارات وكذلك استشكالات أحتاجها ويحتاجها أغلب الشباب راعين البران ثم السؤال عنها في الموقع وجمعتها .. يمكن تفيدنا فيها :)
وهي على سبيل المثال لا الحصر :

1) "اللعابات" فهمت أن المراد بها هي رفع الموتر من الخلف، كيف يتم ذلك!! ومااللعابات؟! ، وللمعلومية فإنني قمت بترفيع موتري من الخلف عبر طريق فك السست ومن ثم تقويسها مما جعلها ممتازة بالحيل ومريحة، لكن ومع الزمن وثقل العفوش والتوانك، أحسست أنها نزلت .
كذلك ترفيع الموتر من الأمام كيف يتم؟، وللمعلومية فإني رفعته من الأمام عن طريق تقليب الحديدتين اللي تحت وكرب صامولاتها ، هل هناك طريقة أخرى أفضل؟.

2) وذكر في الموضوع قضية المراوح، وأنا في الحقيقة على خوف منها بأن لها تأثير سلبي على الموتر هل هذا الاعتقاد صحيح؟!، وهل هي فعلا مؤثرة في عزم الموتر إلى الزيادة؟ وما أفضل أنواع المراوح.

3) في موضوع سابق تم التطرق لـ (الفلتر الرياضي) ما فائدته وكيف يكون تركيبه وما آثاره السلبية على الموتر؟

4) من ناحية المساعدات أنا شخصيا مركب في الأمام مساعدت خلفية للمرسيدس أظن نوعها "Schas
"، وفي الخلف جبريال البيض، هل هن مناسبات وما تنصحني به؟

أعرف أني زودتها .. لا وزودتها زود بعد، لكن سعة صدرك أكبر دافع لهالأسئلة، ومالك إلا الدعوة الحسنة.
ياليت تذكر أثناء إجابتك عزيزي الورش وأرقامهم ووصفهم مع الأسعار وللمعلومية أنا في "الرياض".
وإن كانت هناك أشياء أخرى من الترهيمات والتلغيمات الخاصة بالهايلوكس فاذكرها لنا، ولك مني ومن الجميع أزكى وأعطر تحية ودمت في رعاية الله.

[الهلي 2002]

حياك الله اخوي هلكس ..
والحل هو قلب العمود اللي شايل المسمارين اللي انت شديتهم
طبعا افضل حل لك اذا كنت بالرياض انك تروح للورشه اللي بوصفلك اياها
وهم متخصصين في الاشياء هذي
هذا الله يسلمك اذا رحت للصناعيه القديمه اسال عن ميزان اليرموك ابد اذا وصلت له
بينه وبين الميزان 5 محلات تقريبا في نفس الصفه
واسم المحل (مرات) واللي يشتغل يماني اسمه ( مبارك )

تحياتي ,,

[الهلي 2002]

هلا والله اخوي ايمن ..

بالنسبه للعابات هي الحديدتين اللي ماسكات السست من ورى الى الشاصي
تشوفهن حديدتين موصلات السست بالشاصي
طبعا اذا فكيتهن وركبت اطول يرتفع الموتر من ورى
اما رفع الموتر من الامام فكما ذكرت هو قلب العمود وانصحك تروح لليماني مبارك
تراه فاهم فيها مره ..

بالنسبه للمراوح مالها اي تاثير على الموتر واذاكنت جازم عليها فارسلي رقمك عبر
الرسايل الخاصه وانا ادلك على واحد يركبها تمام .. اما الفلتر فعندي الامريكي الاصلي
اذا تبيه فهو ب400 ريال

اما المساعدات الاماميه فافضل شي مرسدس هذا ان كانك راعي مطامر
وافضل المرسدس بلاستاين اما النوع اللي اخذته فهو حليو
ومساعداتك الخلفيه ممتازه (جبريال ام طقه)

.. نضل في خدمة الهلي واصحابه

تحياتي ,,

[هلي 2003خليجي]

الله يسلمك يا هلي 2002 على المساعدات اللي تقدمها للشباب..

الله لا يهينك,,,

أنا توي طاق موتر جديد((زي ما قال هلكس)) ((الله يعطينا خيره ويكفينا شره))

وودي أركب فلاتر هل تنصحني بهن وإلا على المدى البعيد تضعف الموتر ..

وودي أركب توانك اللي تحت السيارة ((عند الإستبنة))وين أحصل الزين..

وودي((أدري إني أزعجتك بوودي))أبغى أركب جنوط مرسيدس نظيفه وين أحصلها...

وشكراًً تحياتي هلي2002...

[الهلي 2002]

حياك اخوي ياراعي الخليجيه 2003 ..

بالنسبه للفلتر انا بصراحه مااتعامل الا مع الاصلي اللي ب400 ريال
اما غيره من اللي في غرابي والا اللي يجيبونه من الامارات انا ماارتاح له
لان يقولون انه يدخل تراب وغبار .. وبالنسبه ل انه يضعف فليش ؟؟
كل القضيه سحب هواء زياده الى غرفة الاحتراق

اما التوانك فماني خبير فيها لكن اعرف اللي يركبونه الهلكسات هو اللي يجي
على حوايف الاستبنه واللي اعرفه انهم يركبونه في القصيم

اما الجنوط فانا دورت مالقيت .. يمكن تلقاها في الغرابي ..

(( والله يعطيك خير الموتر ويكفيك شره ))

تحياتي ,,

[أيمن]

هناك أيضا استفسارات حول أفضل من يركب المراتب المفصولة الأمامية للغمارتين، وكذلك أفضل المراتب التي بالإمكان تركيبها .. هل هي مراتب كامري أو كراسيدا أو صني أو ...

وهناك استشكال آخر .. وهو هل من المناسب جعل الموتر متساوي الرفع من الأمام والخلف؟ أم يكون نازل من الأمام أكثر من الخلف؟



(ملحوظة) أخوي الهلي 2002 رسالة خاصة في الموقع تنتظرك مع بالغ شكري

[ابوعبدالعزيز]

الاخ الهلي وش رايك بالهايلكس الدفرنسين
ولك تحيـــــــــــــــــــــــــــــــــــــــــــــــ ــــاتي

[ذيب حضن]

أخي الهلي 2002 تحية طيبة ولا يهون أحد
هل هناك هايلكس ديزل تيربو جديد كما سمعنا من مصدر غير مؤكد

[الهلي 2002]

حياكم الله شباب ..

ايمن .. اعتقد ان افضل المراتب كما شاهدت هي مراتب الصني
والتركيب عند الشلال او النافوره في عنيزه
وبالنسبه للرفع اعتقد ان انسب شي تخلي الخلف ارفع من الامام ب 5 الى 8 سم
لكن اذا خليته متساوي او اللى قدام ارفع ولو بقليل تراه يبي يغثك في
الرساوه,الصرفيه,العزم يبي يقل شوي في السرعات العاليه لانه يبي يصير في وجه الهوا
غير كذا الشكل اذا صار اللي ورى ارفع بيكون افضل ....


ابوعبدالعزيز .. الموتر ممتاز وخاصه اذا كان بخاخ .. بس طق له جنوط فكس ار
وكفرات اعرض وتمش بالنفود زي ما تبي ((مايقول لا)) ...


ذيب حضن .. والله حتى انا سمعت هالشائعه ولكن ماشفنا شي ...




هايلكس 2002 (( طله اقوى والناس ادرى ))
تحياتي ,,

[هلي 2003خليجي]

السلام عليكم,,,


رفع بكفرين على جيب ربع ((ماهي غريبه))


لكن رفع بهلكسات!!!:confused:


يا هلي 2002 وشلون ذولا يرفعون ..

ووش يسوون بالسيارة ...


تحياتي....


(((أنا شفت هلكس2001غماره))

[ابو علي القصيمي]

مشكور يالهلي على ما تقدم

انا معي هايلوكس 2002 وعندي بعض السئلة عنها ؟

س1 : وش افضل المساعدات << تراي مااعرف به شي >> اللي ورا واللي قدام ,؟؟
ووين احصل الساعدات جديدة ؟؟ وين احسن واحد يركبها ؟؟

.....وبعدين من هو << مبارك (اليمني) >> وباي ورشه ؟؟؟

س2 : بالنسبه لكل سي عن الترفيع والتطمين ؟؟؟

س3 : افضل ماطور هواء للهايلوكس ؟؟

[ابو علي القصيمي]

شي مهوب سي


وشكرا لك جزيلا

[الهلي 2002]

السلام عليكم ..

هلي 2003 خليجي .. حتى انا قد شفت غماره 2001 يرفع
وكان مركب جهه كفرات سلق وجهه عراض ومثل مايرفعون بالربع يرفعون
بالهايلكس يلعبون بالسست والكفرات ويشركون الدفرنس ويشيلها ...

ابوعلي ..بالنسبه للمساعدات قدام( مرسدس بلاستاين ) رح لاي محل
قطع غيار مرسدس تلقاها ب140 تقريبا
واللي ورى خذ مساعدات لاندكروزر خلفيه بس يبيلها تغيير القاعده
والا خذ جبريال الابيض ابو طقه ازين لك
والتركيب زي ماقلت عند مبارك اليماني وهذا تلقاه في الصناعيه القديمه
اذا رحت هناك اسال عن ميزان اليرموك وذا وصلت للميزان
تلقاه في نفس الشارع واسم محله (( مرات لتركيب وترهيم المساعدات ))
وذا تبغا ترفع موترك او تنزله تراه يعرف لها ..
وبالنسبه للمواطير فيه سوبر سفاري تراه حلو وب180 تقريبا
انا ماخذ لي اثنين من هالنوع ومرهمهن مع بعض طال مب صاحي مع
كفر الهايلكس .. بس اذا صرت منتب عجل فيكفيك واحد ....


تحياتي ,,

[راعي سمنان]

لوسمحت اخوي انا معي هايلوكس غمارتين ( 99 ) و ابي اركب مراتب مفصوله انت ذكرت مراتب الصني واحد الشباب يقول مراتب المكسما واخر يقول مراتب الكراون .....

انا سوالي :

ايهم الأفضل و الأريح ؟

من يركبها لي بالرياض ؟

هل تحتاج ترهيم ولحام او تركب في نفس مكان المسامير القديمه ؟

والأهم كم اسعار كل منها اخوي مع التركب ؟

مشكور اخوي على اجابتك على سوالي واسئله الأخوان

وسلااااامتك

[Makrof]

يا الهلي 2002
بنشدك عن مساعدات شفتهم يركبونها بالرياض لونها اصفر
الظاهر قيمه الواحد 052 ريال
وش را يك فيها وهل تنصح به
وبالنسبة لمساعدات جبريال وشي ابوطقة
شكرا

[الهلي 2002]

اخوي راعي سمنان .. زي ماقلت انا قبل اعتقد ان مراتب الصني هي الافضل
لانها اوذف واريح وتترك لك مساحه بين المرتبتين تفصل لك تكايه على كيفك
كذلك فيه مراتب الكريسيدا حلوه ولكن اعتقد الصني افضل ..
وبالنسبه للتركيب مااعرف احد يضبطها في الرياض ولكن اللي اشوفه من
بعض الشباب انهم ياخذون المراتب ويروحون يركبونها في عنيزه في
محلات التنجيد (( الشلال )) او (( النافوره )) .. طبعا يركبون هالمراتب
ويلبسونها مع المراتب الخلفيه عشان مايكون فيه اختلاف في اللون
وهذا جوال راعي محل الشلال في عنيزه يعطيك كل التفاصيل والاسعار
055174417


اخوي مكروف .. المساعدات هذي استراليه ولا اعتقد انها تنفع الا للجيوب
اما جبريال فهذ يصير فيه 3 طقات خفيفه وسط قويه ولونه ابيض
وهذا ممتاز للهايلكس ورا ......



تحياتي ,,

[المرصاع]

جزاك الله خير يا الهلي 2002 على مساعدتك للأخوان ............

في الحقيقة ماعندي سؤال بس حبيت أشكرك .............

تقبل تحياتي..........

[ابو علي القصيمي]

........ مشكور اخوي الهلي ........... ماقصرت .......

.... والله يجزاك الف خير ...............

[الهلي 2002]

الله مير يسلمكم يااخوان ..
ومشكورين على هالكلام ولو اني ماسويت شي ...

..... وترانا في الخدمه

تحياتي ,,

[وجه الخير]

السلام عليكم اخواني
اخي هلي2002 انا دورت للمساعد البلاستين ولم اجده واخذت جبريال ابو طقه وركبته بالامام والخلف وسويت الطقه علىR حسب مااضن انه الخفيف جميعهن ونا للان مانا راضي عليهن واريدكم ان تفتوني اي الافضل الجبريال او البلاستين بالامام ووش الفرق اللي بينهن

ونا اسف على الاطاله [COLOR=blue]

[أيمن]

عزيزي .. وجه الخير
من خلال تجربة بالجبريال، فما ينفع إلا للخلفي فقط أما الأمامي فما ينبغى لو بتراب .. :(
أما للبلاستين، فرح لأي ورشة في الصناعية المختصات بالمساعدات والسست ويفيدونك .

تحيتي

[وجه الخير]

السلام عليكم احبتي وعشاق الهايلكس، عندي استفسار بالهايلكس البخاخ طبعاً2002+2003 قالي لي رفيق انه طلع هايلكس2002 قد قطع شوط بالمشي يعني فوق35000 وقال فيه صفير زي الربع والشاص(اكيد فاهمين قصدي )في شكمانه وقال سألت خويي (راعيه) من الصفيره هل مركبها قال له انها من وكالته ولا ركب له شي وضهرت من وقت قريب..، ونا قلت مامعي الا اخوتي من منتداء مكشات بيفيدوني فيها هل الهايلكس البخاخ بيصفر او لا

وسلامتكم

[صقـ البدائع ر]

هلي 2003خليجي تبي التوانك الممتازه

شفهن في الغرب يعني بالرس بالصناعيه تلقاهن عن الصقعبي هو اللي يحوووفهن لك ويعلمك الزين ولا الشين تمام

ومع السلامه


باااااااااااااياااااااااااااااااات

[ابو شجاع]

السلام عليكم اخوي ( هلي 2002 ) وين القى ماطور سوبر سفاري وهل هو شنطه وكيف طريقة ترهيم الماطور اللـــــــــه لايهينك :D

[تلميذ شقران]

يا جماعة أسعفونا على هالرابط :
http://www.mekshat.com/vb/showthread.php?s=&threadid=5857

الله يجزاكم خير

[أيمن]

أخوي الهلي 2002
بانتظارك ..
ولك رسالة في الرسائل الخاصة بودي الاطلاع عليها ..

تحيتي

[كاشت1]

السلام عليكم,
ابي يا اخوي لوسمحت انك تشرحلي طريقة ترفيع الهايلكس
بالتفصيل اذا امكن.
واذا قدرت تتكرم توصفلي وين اسوي هالشي+وش المطلوب مني اذا رحت(فلوس ..........الخ)
مشكور اخوي وماقصرت واسف على الاطاله

[شوفان]

السلام عليكم ورحمة الله وبركاته
أنا عضو جديد فى منتدى المكشات أعجبتنى خيماته وما يطرح فيها من
مواضيع هادفة وحيويه فلم أجد بدا من التسجيل فيه والمشاركة معكم. فأرجو أن تقبلونى بينكم.

واما بالنسبة لمشاركتى الاولى فهى عبارة عن استفسار حول الهايلكس لأهل الخبرة.
وهو انى أريد رأيكم بالهايلكس الديزل وهل هى قوية.
وكذلك سمعت من بعض الزملاء أن عبد اللطيف جميل يقوم بطلب هايلكسات من الشركة بدون مكيفات ويقوم بتركيب مكيفات لها فى ورشه بجده. فهل هذا صحيح واذا كان كذلك فكيف اعرف أن هذه السيارة تم تركيب مكيفها فى جده أم شد بلد وماهو الفرق الظاهر بينها.
وتقبلوا منى خالص تحياتى........................

[ابو شجاع]

اخوي الهلي 2002 السلام عليكم ورحمة الله وبركاته اهنــــــــئــك بما تحضى به من شعبيه عند اصحاب الهايلكسات ولخبرتك الوفيرة في هذه السيارة المرغوبه في مدينة او براري سؤلي هوا هل لك خلفية في ترهيم بطاريه اخرى للسيارة لكي نستخدمها للاءضاءه او لجهاز الجارمن او لجهاز المراسلات بشرط ان يكون هناك منضم للكهرب بين البطاريتين لكي تشحن البطاريه الفارغه من المليانه علماّ بائني رايت هذه الطريقه في داتسن نيسان وشرحة لي الطريقة ونسيتها.................... الله لايهينك اذا كان عندك علم بهذا الموضوع ان تشرحه لي او تدلني من يرهم هذه الطريقه abu_shga3@hotmail.com

[الهلي 2002]

الاخ شوفان .. الهايلكس الديزل مجربه وهي ممتازه من الناحيه العمليه
واهم شي انها توفر دراهمك
اما كلامك عن عبداللطيف جميل فهذا صحيح .. يجيب الموتر بدون
كمبروسر المكيف ومسجل وخطوط ويركبها في ورشات ..

الاخ ابوشجاع .. للاسف ماعندي خلفيه عن هالموضوع
لكن حط له موضوع خاص يمكن احد يعرف له ...

[شوفان]

الاخ الهلى 2002
شكرا جزيلا لك على تفاعلك مع موضوعى.
ولكن السؤال هل يوجد فرق واضح بين الكمبرسر المركب فى جدة وبين شد البلد.
اذا كان لديك علم بذلك.............

[فارس الخرج]

الأخ الهلي 2002
وشي الفلاتر وما وظيفتها وهل تركب على الددسن 94

ولك جزيل الشكر

[أبوسليمان]

أخوي شوفان

أنا أنصحك لا تقرب الهلوكس السعودي
الهوا بارد لكن خروج الهوا ضعيف جداً
والمكيف يطلع أصوات تنسيم

تحياتي
أبوسليمان

[((( الحر)))]

الفززززززززززززززززعه!!!

http://www.mekshat.com/vb/showthread.php?s=&threadid=7755

[شوفان]

الاخ الهلى 2002 ......
والاخ أبو سليمان........
أشكر لكما هذا التفاعل مع موضوعى....

[الهلي 2002]

للاخ فارس الخرج ولجميع الاخوان
اللي يبي فلتر رياضي اصلي ماركة simota تراه موجود
ارسل لي رساله خاصه على الموقع وانا راح اعطيك رقم الجوال ..

الاخ فارس الخرج .. فلتر الهوا هذا يدخل كميه اكبر من الهوا للمكينه
فيكون الاحتراق اسرع وبالتالي عزم اسرع ..

[ابووليد]

الهلي 2002 انكانك خبير

عندي سؤالين:


1/ وش فايدة الحنفيه ؟

2/ وش فايدة الهدرز ؟

في الهايلكس او اي موتر


وتقبلوا تحياتي....

[الهلي 2002]

طبعا فايدتهن العزم لانه بيخرج العادم بشكل اسرع ..
والهدرز اقوى في التنفيس واخراج العادم لان مواسيره تجي اعرض
بينما الحنفيه او السده فتكون على نفس اقزوز الموتر شد بلد ..

[ابووليد]

مشكوووووووور على هذي المعلوميه


ووش رايك بالفلتر الامراتي؟؟؟


وهل فيه شي يقوي عزم الديزل ؟؟؟

وانكانك تعرف احد مركب مراوح على الديزل وش يقول فيها وفي الحراره


وهل الفلتر يركب على الديزل؟؟؟؟


معليش ابغثك بالاسئله بس تحملنا لخدمة ابو هلي2002

[فارس الخرج]

الأخ الهلي 2002 السلام عليكم ورحمة الله وبركاته

أنا أبي أشتري هايلكس بس مدري وش الأحسن السعودي والا الخليجي لأني دخت منكثر كلام هالناس أحد يقول السعودي أحسن والثاني يقول الخليجي أحسن

[الهلي 2002]

ابو وليد .. ماقد شفت احد مركب على الديزل مراوح ولكن سمعت انه ترتفع
عليه الحراره عقب 120 ..
اما الفلتر فهو يركب عليه زي اي موتر ثاني ....

فارس الخرج .. خذ خليجي ولا تشاور شف عندك في الرياض البازعي
وعبدالوهاب اليحيى كلهم يبيعون خليجيات
اجل عاجبك السعودي هو وخطوطه اللي تحوم الكبد ..

[ابووليد]

مشكوووووووووور

اخوي الهلي2002


وان كانك عرفت احد مركب مراوح على الديزل علمني لا تنسى


ويعطيك العافيه على المعلومات



وتقبلوا تحياتي...

[الهلي 2002]

ابشر والله ياابوليد .. مانيب ناسي ان شاءالله ....

-- وللتذكير اللي يبي فلتر رياضي ماركة سايموتا الاصلي تراه موجود

[أبو ريم]

السلام عليكم هلا اخواني واسف لتاخري على الموضوع
انا ابي اعطيكم معلومات الي اعرفها
اولا: ارد على اخوي شوفان
احب اني انبهك ان 80% من اكسوارت السيرات الي عند عبد الطيف جميل تركيب سعودي
يعني مكيفات الكوامري والهيلكسات وجيوب الربع كلها تركيبة سعودية 100%
مركبة في جدة في (معهد السعودي البريطاني) الي على طريق مكة -جدة
ثانيا: يقولون الشباب ان معارض عبد اللطيف جميل تركب الجنوط والتخشيبة والمسجلات
هنا في السعودية اوفر لهم وانا مدري عن الموضوع صدق والا لا


اما اخوي ابو شجاع
انا عندي هايلكس ديزل وحلو مرة بس الحرارة عادية تاصل النص وهي عملية بالبر
والمدينة والنفود واقتصادية يعني فل ب(21) لا تنضلوني ويمشيك500 كيلو زي السلام عليكم
وازيد عليك قوية تسحب المقطورة ولا تتاثر
ولكن عيوبها ما تمشي فوق 150 شل من راسك السرعة
والقومة شلها من راسك وترترة في المكينة ترترترترترترتر

وسلامتكم

[أبو ريم]

معليش اخواني نسيت اعلمكم الي يبي يركب توانكي فية ورشة في الصناعية القديمة
حلو وشغل مضبوط الوصف
اذا جيت من الملز وطلعت كبري السكة الحديدية تروح سيدا لا تدخل الخدمة امسك العام
تجيك الاشارة الاولى رح سيدا بعدها ادخل الخدمة بعدين تقريا 500 متر يجيك مسجد العويضة
قبلة خش يمين شارع وبعدين تمشي تقريا800 متر يجيك ورشة على اليمين لوحتها زرقا اسمها المواهب


هذا عندة تفصيل توانكي وتلحيم شبوك وكل الي تبي في التلحيم للسيارات


وسلامتكم

[أبو ريم]

السلام عليكم
اخوي الهلي 2002
ابيك تكتب معلوماتك عن جنوط المرسدس وش افضل شي
لاني تعبت مرة ركبت 15 بوصة 6انش وحك بالهوب الامامي ومرة ركبت 15بوصة و6.5 بوصة ونفس الحكاية وطفرت ابي الحل
وافضل كفرات لها

[أبوسليمان]

أخوي أبو ريم

أفضل أنواع جنوط المرسدس
هي 15 بوصه 7 أنش
ماتحك ولا شي وخفيفه
وهذي صورته
http://www.mekshat.com/pix/upload/images/12132.jpg
أفضل كفرات
يوكوهاما 225 على 70 ياباني ممتاز بالطعوس وممتاز بالخطوط والجادات
أو هنكوك 225 على 70 كوري ممتاز بالطعوس وجيد بالخطوط والجادات

وفيه بعض الشباب يمدحون الدنلوب والفايرستون
لكن مناحيتي أنا غير اليوكوهاما ثم الهنكوك لا تدور
وأنصحك نصيحه لا تقرب الي أسمه برجستون تراوه ماينفع ولا بهلله

تحياتي
أبوسليمان

[عنبري تمير]

http://www.mekshat.com/pix/upload/images/12132.jpg

أنا أوافق أبــــــ سليمان ــــــو
على أن هذه أفضل جنوط موجودة لدينا للهايلكسات
وأيضا أوصيكم بكفرات((((((((((((( أم خط))))))))))))))))


طيب يا ابو سليمان وبقيت ألأعضاءجنوط المرسيدس ماتركب على الددسن



http://members.lycos.co.uk/bdrrr/docs/mm.jpg

يارجال عطي الله الجيوب




http://members.lycos.co.uk/bdrrr/docs/pp.jpg

ملفقة من جد


http://members.lycos.co.uk/bdrrr/docs/cc.jpg

واليوكون الزاحف

http://http://members.lycos.co.uk/bdrrr/docs/aa.jpg


والشروكي الغالي في قطع الغيار

[أبوسليمان]

أخوي عاشق الددسن

للأسف ماتركب جنوط المرسدس على الددسن
لأن الددسن ست مسامير والمرسدس خمس
وزياده على ذالك فتحت الددسن الي بالنص كبيره
زي الجيوب بينما الهايلوكس صغيره زي السيدان
لكن فيه جنوط ممتازه للددسن الي هي جنوط الدوج
مناسبه للددسن ومقاسهاً 15 بوصه 7 أنش
ولو تلاحظ راعين الشيصان ال99 وتحت والسفاري ربع
يركبونهن لأنهن أخف وشكلهن حلو

تحياتي
أبوسليمان

[أيمن]

يعني 6.5 انش من جنوط المرسيدس ما تنفع للهايلوكس أبد !!
يالربع أفيدونا قبل ما نارط :(
وكذلك علمونا عن أفضل مخرطة تخرطهن، وأفضل من يصبغهن في الرياض وسعره رخيص ..

تحيتي

[أيمن]

( لقد تم إضافة هذا الموضوع إلى المواضيع المميزة والشيقة في هذه الخيمة (http://www.mekshat.com/vb/showthread.php?s=&threadid=8666) )
مع الشكر للجميع ،،
http://www.mekshat.com/pix/upload/images/flow12.gif

مشرف الخيمة

[فاقع الكنداسه]

الفرق بين الهلوكس الخليجي والسعودي

مواصفات الخليجي غمارتين جي أل أكس:
1: القزازه الي ورا تنفتح زي الشاص
2: الباب حق تانكي البنزين أوتوماتيك
3: حامل اكواب فوق المكيف
4: المسجل شد بلده (أكثر من ممتاز)
5: المكيف شد بلده (ممتاز وبارد جداً)
6: الخطوط الجانبيه شد بلده
7: السياره يابانيه 100% تصنيع وتجميع
8: نوافذ وقفل الأبواب والمرايات الجانبيه أوتوماتيك
9: طاره هوا (الدركسون خفيف)
10: جنوط سود مع الطياس
11: علامة تويوتا الي بالشبك الأمامي مذهبه
12: الكتابه الي مكتوبه بباب الصندوق (TOYOTA) تعكس النور

مواصفات السعودي غمارتين جي أل أكس:
1: الكتابه الي مكتوبه بباب الصندوق (TOYOTA) تعكس النور
2: حساسات بالصدام الخلفي ( بالبرد تخبط ليش مادري)
3: فايبر قلاس حمايه لصندوق
4: الخطوط الجانبيه تركب بجده (لا تعليق على الخطوط)
5: المسجل يركب بجده ( يختلف عن مسجل الخليجي وليس عملي )
6: المكيف يركب بجده ( يطلع أصوات وخروج الهوا خفيفه جداً جداً وبرودته لك عليها)
7: السياره تصنيـع ياباني وتجميع أسترالي ( تفكك بسرعه ) منب متأكد من النقطه هذي
بس الي متأكد منه أن الطبلون تم تركيبه بجده وكل المواد الي داخل الطبلون تجاريه
8: نوافذ وقفل الأبواب والمرايات الجانبيه أوتوماتيك
9: طاره هوا (الدركسون خفيف)
10: جنوط سود مع الطياس
11: علامة تويوتا الي بالشبك الأمامي مذهبه
12: ريموت كونترول (فتح وقفل الأبواب فقط)
هذا الفرق الي بينهن
منـــــــــــــــــــــــــــــــــــــــقول

[عبدالمجيد]

مشكورين على التوضيح الجيد

والحرامي هذا عبدالطيف جميل

من يحاسبه على العب هذا

[مشعل العيسى]

أخييي : الهلي 2002 ..

بيض الله وجهك على هالمعلومات الطيبة ..

اخوي عندي سؤال ..

انا معي هايلكس موديل 98 ... وش رايك بعض الناس يقولون غير المساعدات الأماميه والخلفيه خلها شد بلد .. وش رايك ؟ وش افضل مساعدات أماميه وخلفيه اركبها للهايلكس ؟ وهل كلامهم صحيح ان مساعداته الخلفيه شد البلد زينه او اغيرها ..

[بارود برنو]

اشكر الاخ هلي 2002
على هذى الموضوع الرئع وبذل المجهود لكي يفيدنا بما لدية من خبرة وتجارب وارجو ان يستمر هذا الموضوع الى مالى نهايه
تحياتي للجميع
بارود برنو

[ابو سالم3000]

اخوي هلي 2002 اشكرك على الجهد الرائع
لكن بغيت اسئلك وش افضل مساعدات اللي تخلي الهلي ترتاح وما تناقزعلما اني ماني براعي تطعيس
والسؤال الثاني هل طرمبة الديزل لها وزن يخلي سرعتها وعزمها اقوى واذا تعرف ورشه مظبوطه تدلني عليها

[بارود برنو]

السلام عليكم ورحمة الله
عندي جنوط مرسدس وبغا ارشها
ارشها بالفرن لماع والى عايدي بدون فرن (مستعجل)

[رحال الغربية]

أفضل مساعدات خلفية وأماميه هى Old Man وهى صفراء أسترالية ورياضية ومركبة عندى على الهايلوكس دفع رباعى وتكون على حسب نوع السيارة ولها أرقام مخصصة لكل سيارة نوع

وترى تلفيق وتركيب قطع غيار غير مخصصه للسيارة تضر ولاتنفع

بالنسبة للهايلوكس الديزل ومكيف الهواء من عبداللطيف جميل وإنه يركبها فى جدة غير صحيح عندما اشتريت سيارتى وبحكم علاقتى معهم دخلت مخزن الخمرة ومخزن الشريتلى ومخزن كيلو 14 وكذلك الميناء عندما تصل السيارات ووجدت أن كل السيارات بها مكيفات لكن من غير خطوط وراديو لكنها مجهزه بنوافذ كهربائية

هناك سؤال هل قيمة الهايلوكس الخليجى مثل الهايلوكس من عند عبداللطيف ؟

معلومة فقط أود ذكرها هنا عبداللطيف جميل هو المورد الرئيسى والوكيل الرئيسى لدول الخليج وشمال القارة الأفريقية وكل وكلاء شركة تايوتا فى هذه الدول هم وكلاء لعبداللطيف جميل وكذلك أنواع الهايلوكس كلها يتم تصديره من أستراليا

[بارود برنو]

وعليكم السلام ورحمة الله
الاخ بارود برنو شكرا على مشاركتك معنا من ناحيت الجنوط انا افضل انك ترشها بالفرن لاني انا امس سألت الربع
وعطوني اشكل وتوكلت على الله ورشيتها بالفرن 180ريال 5 جنوط وطلعت حلوة ما شاء الله وانصحك انك ترشها مثلي
اهرج نفسي وش اسوي دام الربع يبون كذا

[رش السحاب]

يا مال العافيه على الموضوع الجميل

اعجبني جدا لقب غزال النفود

اجل اكيد اهل الدداسن بيلقبونها غزال الحزوم

وفقك ربي واثابك احي الكريم

[al-wid]

اخوي هلي 2002 بارك الله فيك على موضوعك وجزاك الله الف خير...

وحبيت آخذ رايك بالنسبة لصوت الصرصرة الي اذا ضغطت الكلتش تروح الي في الهايلوكسات 2008 وش الحل لها برايك علماً بأني وديته الوكاله مرتين مره غيروا ربلة الكلتش والثانية فحمة الكلتش بس بدون فايده ...

ووش رايت بزيت سوبر شل الترا 7 ..؟

انتظر ردك ...

دمت بحفظ الله ورعايته..

[@قرناص@]

كفييت ووفيييت يالذيب..

والحقيقه موضوع مهم جدا لغزال النفوود

اخوي بسئلك عن هلي 2006 ديزل الموتر ماشاء الله عليييه زين بالحيل

بس المشكله بالبر غرازاته وااااجد ماعندك حل يالغالي وابي الموتر للبر

ياليت تفيدني..:j

ولاهنت

[al-wid]

للرفع للرفع للرفه

[al-wid]

اخونا هلي 2002 ننتظر نصائحك بفارغ الصبر...

[الرياضي1111]

ياشباب ترى الموضوع قديم شوي يمكن ماتلقون رد من هلي 2002
ويا @قرناص@ركب جنوط مرسدس وكفرات هانكوك 225ونسم عشره
وتمش ازين من البنزين

[شوفان]

يا اخوان وش رايكم بالهايلوكس الديزل هل يمكن تركيب عليها ماكينة بنزين.....

[ابو تمره]

ابغا افضل مساعدات لهايلكس 2004 غير المنورو

[سال السيل]

حياك الله اخوي هلكس ..
والحل هو قلب العمود اللي شايل المسمارين اللي انت شديتهم
طبعا افضل حل لك اذا كنت بالرياض انك تروح للورشه اللي بوصفلك اياها
وهم متخصصين في الاشياء هذي
هذا الله يسلمك اذا رحت للصناعيه القديمه اسال عن ميزان اليرموك ابد اذا وصلت له
بينه وبين الميزان 5 محلات تقريبا في نفس الصفه
واسم المحل (مرات) واللي يشتغل يماني اسمه ( مبارك )

تحياتي ,,
الله يعطيك العافية على توضيحك ..

يقولون مساعدات فكس آر للخلف مع لعابة وكعكات مع مساعدات فكس إضافة للوكالة(الأمامي) ..
هذا عند اليماني اللي وصفت ..
وأنا مريته قبل كم يوم واحترت وهذاني باطلع له هالحين وباركب اللي وصفت لك بإذن الله تعالى ..

طبعا سيارتي هايلكس 2006 ديزل .. ودمتم بخير حال ..

[سال السيل]

كفييت ووفيييت يالذيب..



والحقيقه موضوع مهم جدا لغزال النفوود


اخوي بسئلك عن هلي 2006 ديزل الموتر ماشاء الله عليييه زين بالحيل


بس المشكله بالبر غرازاته وااااجد ماعندك حل يالغالي وابي الموتر للبر


ياليت تفيدني..:j



ولاهنت

أنا احط 10و5 ..
أما خمسة بكفراتي هانكوك 225 ..
زي الحلاوة توني شاريه نفس مكوترك بالضبط ..
وكل شيء وكالة غير الكفرات ..
ويمشي معي بالثمامة زي الحلاوة ..
وهذا بالصيف ولا غرزت إلا يوم انسم بدون عيار ولا غرز بسوقف يوم نسمت زود مشى ولا أحسن منه ..

[سال السيل]

السلام عليكم هلا اخواني واسف لتاخري على الموضوع
انا ابي اعطيكم معلومات الي اعرفها
اولا: ارد على اخوي شوفان
احب اني انبهك ان 80% من اكسوارت السيرات الي عند عبد الطيف جميل تركيب سعودي
يعني مكيفات الكوامري والهيلكسات وجيوب الربع كلها تركيبة سعودية 100%
مركبة في جدة في (معهد السعودي البريطاني) الي على طريق مكة -جدة
ثانيا: يقولون الشباب ان معارض عبد اللطيف جميل تركب الجنوط والتخشيبة والمسجلات
هنا في السعودية اوفر لهم وانا مدري عن الموضوع صدق والا لا


اما اخوي ابو شجاع
انا عندي هايلكس ديزل وحلو مرة بس الحرارة عادية تاصل النص وهي عملية بالبر
والمدينة والنفود واقتصادية يعني فل ب(21) لا تنضلوني ويمشيك500 كيلو زي السلام عليكم
وازيد عليك قوية تسحب المقطورة ولا تتاثر
ولكن عيوبها ما تمشي فوق 150 شل من راسك السرعة
والقومة شلها من راسك وترترة في المكينة ترترترترترترتر

وسلامتكم
أبو ريم انا عندي ديزل 2006 ودي نتواصل ..
بس وشو موديل سيارتك ؟
ويقولون إن فك بلف الحرارة بالصيف ممتاز لكن ما ادري عن صحة الكلام وهل يشمل الديزل ؟؟

[riyadco]

يا اخوان وش رأيك بالهايلكس الدبل الخليج 2010 تنصحوني فيه انا اول مرة اشتري وانيت بحياتي ياليت تفيدوني عنه من ناحية القوة والممشى والراحة في السفر الطويل شاكرا لك من تجاوب معي

[111333]

مشكور على الموضوع والله استفدت كثير """"""""""""""""""""""""""

[الجارح2000]

أهلين يا شباب كيف حالك وانا سعيد أني أشتركت معاكم
يا شباب أنا أبي انصحكم في المساعدات أفضل شي مساعدات هم الصفران
أنا بصراحه انا جربت الجبريل ولا نفع معاي وما نفع اللي المساعدات الصفران

[((ابوملاك))]

الفرق بين الهلوكس الخليجي والسعودي

مواصفات الخليجي غمارتين جي أل أكس:
1: القزازه الي ورا تنفتح زي الشاص
2: الباب حق تانكي البنزين أوتوماتيك
3: حامل اكواب فوق المكيف
4: المسجل شد بلده (أكثر من ممتاز)
5: المكيف شد بلده (ممتاز وبارد جداً)
6: الخطوط الجانبيه شد بلده
7: السياره يابانيه 100% تصنيع وتجميع
8: نوافذ وقفل الأبواب والمرايات الجانبيه أوتوماتيك
9: طاره هوا (الدركسون خفيف)
10: جنوط سود مع الطياس
11: علامة تويوتا الي بالشبك الأمامي مذهبه
12: الكتابه الي مكتوبه بباب الصندوق (TOYOTA) تعكس النور

مواصفات السعودي غمارتين جي أل أكس:
1: الكتابه الي مكتوبه بباب الصندوق (TOYOTA) تعكس النور
2: حساسات بالصدام الخلفي ( بالبرد تخبط ليش مادري)
3: فايبر قلاس حمايه لصندوق
4: الخطوط الجانبيه تركب بجده (لا تعليق على الخطوط)
5: المسجل يركب بجده ( يختلف عن مسجل الخليجي وليس عملي )
6: المكيف يركب بجده ( يطلع أصوات وخروج الهوا خفيفه جداً جداً وبرودته لك عليها)
7: السياره تصنيـع ياباني وتجميع أسترالي ( تفكك بسرعه ) منب متأكد من النقطه هذي
بس الي متأكد منه أن الطبلون تم تركيبه بجده وكل المواد الي داخل الطبلون تجاريه
8: نوافذ وقفل الأبواب والمرايات الجانبيه أوتوماتيك
9: طاره هوا (الدركسون خفيف)
10: جنوط سود مع الطياس
11: علامة تويوتا الي بالشبك الأمامي مذهبه
12: ريموت كونترول (فتح وقفل الأبواب فقط)
هذا الفرق الي بينهن
منـــــــــــــــــــــــــــــــــــــــقول

اللي كاتب هالكلام معه هايلوكس خليجي 100%

كل هالكلام اللي قاله نصه غلط وهذي بعض الامثله

حامل الاكواب بكل الهايلوكسات وحتى بالصومالي !

والسياره اصلا تطلع من المصنع بدون خط وتركب فيذا لا خليجي ولا سعودي ومتأكد 100%

وكلهن تايلند

وبدون كلام ماله سنع

[مدور شاص]

السلام عليكم ورحمه الله وبركاته
اشكرك على المبادره الطيبه
ابوي شرى هايلكس 2011
وهلحين يبي يبيعه سألته ليش ؟؟
قال لي: الهايلكس غرزاتوه كثيره؟
ايش السبب اللي يخليه يغرز بسهوله علماً انها ليست اماكن رمله رمله يعني اماكن عاديه
وابوي من اول ماإشتراه ماغير ولا شي ابدا

[((ابوملاك))]

^^^^^^^^^

السبب من السواق مهوب من الموتر

ماتفرق معك شاص ولا ددسن 85

انت تسوقه مهيب هي تسوقك

شف ذا اللي يناطحون الطعوس مناطح على هايلكس

لكن الكفرات لها دور

كفرات الوكاله نحيفه وولا بريال

تقل كفرات عربيه

خله يركب يوكوهاما 225 على 70 <<< ليت احد يصحح لي الاسم اذا انا غلطان

[111333]

السلام عليكم ورحمة الله وبركاته

ياخوي انا ابي ارفع موتري من وراء ( هلي 2005 )

بس ابي طريقه ماتتعدى 500 ولا تضر بالسياره

وبعدين ابي اركب مساعدات قدام وش تنصحن به وياليت ما يصيررن غاليات

[بربنجي]

بيض الله وجهك الله يعافيك وجميع المسلمين
ما قصرت على خدمة اخوانك اصحاب الهيلوكسات
حفظك الله ورعاك

[حلم البحر]

حبيت اشكرك اشكرك
على خدمت اخوانك ومجهودك الطيب

[أمير العجمان]

شوفوا التاريخ أول


ترى الموضوع قدييييييم

[111333]

طيب وش فيها خبيت استفسر

[أمير العجمان]

اجل انتظر الى مايرد عليك

[ابو سعود2004]

هههههههههههههههههههههههاي محد لمك

[trooke]

السلام عليكم.....................انا عندي هلي 2004 غمارتين وابي اركب مساعدات شاص ورى عشان الراحه وابي نصيحتك

[يوسف العطوي]

السلام عليكم
ي اخوان عندي هايلكس 2002 ابغى اغير العداد حقها
هل فيه عداد يركب لها ولاكيف؟