ودي أضيف تانكي بانزين على حق البلد *للباتروووول*

[جنط]

السلام عليكم ورحمة الله وبركاته


يا أخوان الله يمسيكم بالخير عندي باترول ربع ودي اضيف تانكي بانزين على حق البلد

وش رايكم وكيف جتني كم فكرة لاكن ودي بافكاركم حتى لو اوقف واشفط بلي عادي من

التانكي الاضافي


علمن بأني ما ارتحت للتانكي اللي يركب بدل حق البلد مثل الاسترالي وحق الانجاز

لكثره خراب الطرمبة



تحياتي لكم

[بن حـــمـــد]

وعليكم السلام ورحمة الله وبركاته

أخوي أنا عندي باترول ربع 2007 ومركب عليه تنك استرالي من عند الرماية ياخذ إذا مصفر 150 لتر بعد ما كان شد البلد حول ال 90 لتر، ولا شفت ولله الحمد أي مشاكل بالطرمبة ولا أي خلاف، و رحت وجيت عليه سفر وبران ومهنا خلاف ولله الحمد.

لكنه غويلي شوي ويكلف حول الخمسة ألآف لكن من وجهة نظري يسوى ويريحك.

أما سالفة خراب الطرمبة فسمعت عنها من الي يركبون المحلي لكن ما شفت أحد يقول أنها صارت معه وخربت الطرمبة، وإن جيت للحق أنا مااتوقع ابد ان حجم التنك له علاقة بخراب الطرمبة.

بالتوفيق

[sgl2002]

خراب الطرمبة مالها دخل بحجم التانكي

الطرمبة مايخربها الا تصفير البنزين

[جنط]

مشكورين يالحبااااااايب

بس انا ودي من الفضاوه اركبه بنفسي ويكون اختراع جميل و يستفيد منه الجميع

[بلوز بلوز]

انا مركب تانكي حديد جاهز وفيه كذا مقاس مفصل ممتاز جدا وله الان معي اكثر من سنتين وماعانيت منه ولله الحمد والشكر اكبر مقاس يجي اعتقد 140 لتر يركب مكان تانكي البلد وقيمته 750 ريال يابلاش

[][ســهم][]

مرحبا اخوي
اذا كان استخدامك قليل للتانكي الاحتياطي خل تانكي شد البلد
واشتر لك جراكل بنزين تحطه وتشيله زي ما تبي فيه نوع من الجراكل ما يهرب ولا تشم ريحه

[ابو فهد 1]

انا مركب تانكي حديد جاهز وفيه كذا مقاس مفصل ممتاز جدا وله الان معي اكثر من سنتين وماعانيت منه ولله الحمد والشكر اكبر مقاس يجي اعتقد 140 لتر يركب مكان تانكي البلد وقيمته 750 ريال يابلاش

وين ركبة من الي يبيعة

وشكرا

[خبايا انسان]

^^
نفس السؤال