سلفرادو غماره ونص 2500 او 1500 محتار وشتنصحوني في

[شحبار]

السلام عليكم
الواحد مايستغني عن مشاورات اخوانه ونصايحهم
سلفرادو غماره ونص 2500 او 1500 محتار وشتنصحوني في
انا عاجبني 2500 لكن يقولون ثقيل بالفزه 1500 اخف عشان كذا ترددت وابي رايكم

[طحنون]

مساءالخيراذا انك راعي تحميل وسحب وكرف خذ 2500 واذا انك سفريات وكشتات وسرعه وتبي الخفه في الحركه خذ 1500 حتى ركوبه اسهل ومريح بالسفر وللعوائل ولا يطامر

[asxz]

انا معي سييرا 2500 يكفيك هيبته ويجي دبل ارضي
اما 1500 وجه نازل واذا حملت عليه لو شي بسيط نزل ميزته انه اريح من 2500 ويفصل على 195

[نفود بريدة]

من واقع تجربة للموترين
خذ 1500 إذا أنت : تحب الوذافة + تبي الراحة + ما أنت براعي حلال + راعي كشتات مواسم + راعي سفريات
أما 2500 خذه إذا أنت : ما يفرق معك الحجم والثقل + تضحي بالراحة من أجل زيادة الإعتمادية + راعي حلال وكرف وتحميل على الموتر .

وكل الموترين طيبات , استخر ثم توكل على الله , والله يوفقنا وإياك .

[شحبار]

الله يجزاكم خير عشان اهل الرأي مثلكم سالنا ان شاء الله بعد كلامك راح اخذ 1500 لاني راعي كشتات وديره ماني راعي حلال وتحميل حدي خيمه وعزبه

[Faisal14]

بقولك شوري موب تعصب
انا معي 2500 ومعي تورس 2012
والله بعد ماشريته اني ماحرك التورس
من ناحية القومه الي يقولك ثقيل مع احترامي ماجربه
الي معي يوصل للتغيره الثالثه وهو يفوحط
ويقطع بأول تغيرتين بعد
ورحت على حق زميلي 1500 قومة وخط
مادري لان حقه وكاله ولا ايش
بس فرق شنيع بالعزم ماتوقعته صراحتا
لكن يوم سقت الـ 1500 انا اشهد له بالراحه صراحه
يعني من الاخر : تبي قوه , تحمل يعني راعي جلد خذ 2500
تبي راحه خذ 1500 وطلعات بر خفيفه
وازيدك من الشعر بيت
القير والكارونه والدفرنس يعني كلها اقوى في 2500 عشان كذا قليل تلقى قير 2500 ضارب الا بعد جور عظيم
والله اني اكتب الرد بدون اي حياديه او تعصب لان نهايتها حديده صانعينها الاميركان لا انا ولا انت
وشكرا

[Shqra]

الـ ٢٥٠٠ يتفوق على الـ ١٥٠٠ في الاعتمادية والتحملة والصبر وطبعاً أفضل من الـ ١٥٠٠ كمواصفات المكينة والقير والدفرنس والمساعدات ،، لكن الـ ١٥٠٠ يتفوق عليه في الراحة وإذا تبي الراحة لاتاخذ ٢٥٠٠ لأنه متعب

وهي مسألة حبك للموتر إذا حبيته بتتعود عليه زي اللي يسوقون الشاص والجموس الكلاسيكية

[راعي سمحه]

السلام عليكم اخواني الاعزاء .. انا من الامارات من بوظبي ومع بداية الموسم مالي غني عن حبايبنا في السعودية.. انا عندي 2500hdدبل كابينةz71 موديل اخر 2008 و تاهو2010 .. يعني مجرب الموتر في الخليج كامل بل2500 صراحه ماعليه كلام للكشتات والرحلات بس استعمال يومي في الموقف العامه في الدواير الحكومية وبعض المشاوير داخل المدن شوي صعب لانه حجمه كبير شوي من طول وعرض .. اما بخصوص الفزه وسرعة في الخط ماعليه كلام بس برمجة ناجحة من الاخ هشام الملا ونسى الموضوع 235كم في جيبك على جي بي اس. شوف نفسك وصل استخاره والله يوفقك.

[سيف الظفير]

نصيحة لوجه الله 2500HD غماره ونص 2013 وخذ لون احمر

عليه هاالجميحيات اللي تطرب العين شوفها


وأبشر بالمكينة والقير والعزم والتورك الجبار

والتحمل والقدرة العالية القوية في كل الظروف


كل اللي ذكرته فوق لاننا نملك ولله الحمد واحد جديد ويشهد الله عليه فلتر أصلي امريكي + برمجة SLR + اقزوز سستم شكمانين صوووت طرررررررررب ما تتخيل جماله الله يبارك لنا فيه


والموتر يطلب الهدد بشكل مرة قوي

وفي الخط الفكسار يبطي يروح عليه

http://img811.imageshack.us/img811/5948/hd2500.jpg (http://img811.imageshack.us/i/hd2500.jpg/)

هذا هو وهو توه طالع من الوكالة

[راعي سمحه]

سمعت عن الخوي الاصيل ولد حموله ونشمي فهو 2500hd

[مسير عليهم]

مثل ماذكرو الشباب اذا انت راعي تحميل وكرف خذ 2500 واذا حملك خفيف وطلعاتك خفيفه خذ 1500
لكن 2500 اصبر واقوى تحمل ومعي 2500 موديل 2009 من سنتين واستخدامي قليل لكن استخدمه للتحميل والسحب والحمدلله اموره ممتازة