المساعد الشخصي الرقمي

مشاهدة النسخة كاملة : ورشة التميز والمواهب هذا ماحصل معي ومالي الى القصيم


المعرقب
30/01/2013, 11:38 PM
سلام عليكم ورحمة الله وبركاته

من كثر ماسمعت عن ورشة التميز وعن جودة شغلهم قررت الذهاب لهم المهم
كلمت الهندي وعلمته اني ابي افصل سله علويه الموتري ربع نيسان قالي مافيه مشكله
كم يالغالي قالي 1400 ريال سلامات ليه قالي كذا سعر قلت خلني اتصال على المدعو
محمد المصري المهم رد على ويكلمني من راس مناخيره قالي مانفصل سله علويه
نفصل سله خلفيه طيب الهندي يقول نفصل المهم سكرت والحمدلله قلت خلني اروح للمواهب وشوف المهم رحت وقالي خذ موعد 2 شهرين اف اف صار موعد مستشفى
وقلت وغير هلاكلام مافيه المهم كم تفصل قال 950 ريال ياساتر ونصحني قال روح القصيم المهم طقة في راسي اروح للقصيم وبغيت من اهل القصيم يفزعولي
ابي ورشه ممتازه في القصيم يفصلي هسله الي ماسكه معي ويعطيني رقم الورشه
علشان اكلمه قبل لامشي لهم واخذ موعد
وشكرا
ابوصالح3
30/01/2013, 11:59 PM
والله شي يقهر واحد يحلف وواحد يستغفر هالهندي والمصري ,,, الله يعينك على هالعماله السائبه

عموما تفصيل السلة بكل مكان

لكن نصيحة دور مستعمله بالتشليح واصبغها وركبها ارخص واوفر

وبالتوفيق يالغالي وان شاء الله الاخوان بالقصيم يفيدونك
abosaadana
31/01/2013, 01:26 AM
ورشه الوادي في الرس بالقصيم شغلهم جيد جدا وارخص من المواهب و المميز
وفيه الضويان بالرس بعد بس اشتغل في العاب الاطفال من مراجيح وخلافه كان شغلهم جيد جداً
ABO-NaiF
31/01/2013, 03:07 AM
القصيم بريده مقابل اسواق التمور
من الشرق مرشوشه راكبه للصالون
اخبرها ب٤٥٠ والربع اكيد ارخص
اي استفسار حاظرين
المعرقب
31/01/2013, 07:09 AM
بيض الله وجيهكم وماقصرتو على تفاعلكم معي
راعي طفات
31/01/2013, 08:56 PM
مصنع الوادي للتوانك ( القصيم – الرس / المنطقة الصناعية – شرق شركة الكهرباء )

ت : 063331596

وجهة نظري ومن خلال تجربة تأخذها بدون رش بوية وترشها في ورشة متخصصة بالبوية , لأن رشتهم للبوية بعد فترة يتغير اللون للأصفر !!


ولعلك تبحث فقد تجد مستعملة للبيع

وفقك الله
«نجم الخير»
31/01/2013, 09:04 PM
عليك بالورشات اللي مقابل سوق التمر من شرق ببريده اما الباقي يبالغ بالسعر تقول يبيع ذهب عليك
قناص مزاجي
01/02/2013, 06:48 PM
ياخي عندك ورش الصناعيه بجنب المواهب تفصل لك وبنص القيمه

ليه تروح وتعب نفسك وشغلهم 100%
أبوعبدالله202
02/02/2013, 06:23 PM
اخوي الصناعية القديمة
خل السالم عاى يمينك واتجه شرق بعد الاشارة بشوي على اليمين ورش حدادة وتشوف السلات عندهم على الباب
انا مفصلها عندهم ب450ريال للباجيرو
راعي الفيوجن
04/02/2013, 03:45 PM
اخوي رح لورشة الرحيلي علي شارع الخبيب مقابل سوق التمر. انا مفصلها عنده قبل اسبوع لواحد من العيال وسعرها 320 ريال مع العلم الرحيلي من القدامى في بريده
حرقوصي
05/02/2013, 08:38 AM
يمدحون التشليح عندهم كل شي
NissaN 1990
05/02/2013, 08:51 AM
السلام عليكم
أنا أشتريتها من محل كبير ومعروف في حفر الباطن ب 450 ريال وممتازه وقويه وأي اضافه مثل المضله ومعلاق الذبيحه بأسعار رمزيه بس الأسعار اللي ذكرتها مبالغ فيها
شف سلة المقناص اللي يفصولنها في الكويت ب 750 ريال بس المشكله كل شي عندنا استغلال