تنبيه للجميع من شركة التوكيلات

[stranger]

السلام عليكم جميعا
حبيت احذر اخواني من شركة التوكيلات وسيارة اكسبديشون 2013 .
احد الزملاء اشترا اكسبديشون 2013 وحبينا نباركله عليها حب يورينا السيارة المهم وحنا نشوف الموتر فتحنا الباب الخلفي ( الشنطة ) وكانت اول مفاجأه المسامير العلوية باين عليها انها مفكوكه لان البوية طايرة منها وباين كثرة الفك والشد على المسامير والمفاجأة الثانية عند رغبتنا مشاهدة النظام الجديد لغطاء التانكي ويمكن البعض عارف انه اصبح بدون غطاء فقط لسان أمان داخلي المهم الجلد حول غطاء التانكي باين عليها االبوية فحبينا نقطع الشك باليقين مرينا اليوم الخميس 19/3/1434 مركز البريدي في النسيم وتفاجأنا بأن السيارة كلها مرشوشة ولكن بدون سمكرة .
اخذ خوينا التقرير وعلى الوكالة ارسلوة للصيانه تعرفوا ويش قاله مدير الصيانة ( ضحك وقاله كل السيارات الي جاية من امريكا نرشها عندنا في الوكالة ) واخذه على اكثر من سيارة جديدة بدون لوحات واتضح انها كلها مرشوشوه حسب لون السيارة تلاقي الجلد مرشوشة نفس اللون .
فنصيحتي لمن يرغب الشراء يتأكد من هذي المشكلة

[أبوفيصل 2007]

لاحول ولا قوة الا بالله

[ابومارية]

شلون ترشها بالوكاله فوضى هي .... ياحبيبي هذا شغل مصانع دهان متعوب عليه بدون لمس بشري بمواصفات عالميه

وتجي وترش المواتر عندك بحوش المستودع

واذا ماخاب ظني والعلم عند الله فالوكيل مجبور يصرف ألوان مختلفه فيقوم برش الغير مرغوب به ويصرفه علينا

حسب الله ونعم الوكيل على هالتجار

[بن نويشر]

معقوووووولة

[stranger]

والله هذا الي صار وان شاء الله يوم السبت راح انزل لكم الصور وتقرير البريدي

[نفود بريدة]

ببساطة كذب عليكم مدير الصيانة وكلامه غير صحيح على الإطلاق
لا تمشون السالفة , خير إن شاء الله لعب هي
طالبوهم بسيارة جديدة وإن رفضوا لا تخلونهم كلموا فورد الشرق الأوسط وهذي معلومات التواصل معهم :
المجاني بدبي 8008971409
دولي 0097143326084
E-mail: menacac@ford.com
فاكس 0097133272994

وإذا ما تجاوبوا معكم , ارفعوا قضية على توكيلات الجزيرة
ترا ما خلا هالشركات تنصب على الخلق إلا يوم خليناهم

انتبه أن تمرر السالفة مرور الكلام , وعسى الله يعينكم وينصركم عليهم .

[سالم الجبيل]

ببساطة كذب عليكم مدير الصيانة وكلامه غير صحيح على الإطلاق
لا تمشون السالفة , خير إن شاء الله لعب هي
طالبوهم بسيارة جديدة وإن رفضوا لا تخلونهم كلموا فورد الشرق الأوسط وهذي معلومات التواصل معهم :
المجاني بدبي 8008971409
دولي 0097143326084
E-mail: menacac@ford.com
فاكس 0097133272994

وإذا ما تجاوبوا معكم , ارفعوا قضية على توكيلات الجزيرة
ترا ما خلا هالشركات تنصب على الخلق إلا يوم خليناهم

انتبه أن تمر السالفة مرور الكلام , وعسى الله يعينكم وينصركم عليهم .


كلام سليم +1

[بدوي جنوبي]

لحظه يا الربع
انا عندى نفس النوع موديل 12
بالنسبه للبويه اللى على الجلد اللى خلف غطاء التانكي البنزين
كل السيارات نفس الشي لاحضتها على أكثر من سياره في الوكاله
وبالرغم ان سيارتى أماراتيه فيه آثار بويه خفيف على الجلد . وأشوف انه طبيعي

اما المسامير الحمد لله ما لاحظت اى آثار تدل على انه تعرضت للفك

[المميـز]

:

اذا كانت فعلا مرشوشه ومعه مايثبت ذلك ومسؤول الصيانه اعترف بهذا الرش
انصحه يتوجه الى وزارة التجاره لتنظر في وضعه

والله المستعان

:

[سيف الحرب]

بقى شي مادخل فيه ضحك على المواطنين؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[a1s1am]

بيض الله وجهك على النصيحة وكثر الله خيؤك

[stranger]

انا اشكر كل من شارك ونصح في هذا الموضوع وطبعا كانت نصيحتي له انه ما يسكت ويقدم شكواه على الوكيل في الشرق الاوسط ووزارة التجارة رغم اني غاسل يدي من وزارة التجارة ولكن لا بد من اتخاذ اجراء ضدهم وان شاء الله راح اطلعكم على كل الي يصير مع زميلي اول باول

[وطن العزة]

الله يجزاك خير على النصيحه , و الله ينصرك عليهم وما يضيع حق وراه مطالب

وما عليك من وزارة التجارة ما حولك أحد >>> راسل الشركه الأم ... أذكر نفس سالفتك صارت مع راعي يوكن قبل

سنين أتوقع اني قريتها هنا أو في منتدى ثاني المهم انه بعد ما سحبوا عليه الوكاله ولا ردوا له اي اعتبار راسل الشركه

الرئيسية وعطوه جديد