المساعد الشخصي الرقمي

مشاهدة النسخة كاملة : افزعوا لنا يا اهل المكشات وش البديل عن كفرات البالون ؟


أبو مسعود
03/02/2010, 01:58 AM
السلام عليكم
عندي صوت أذا دست بنزين و لفيت الدركسون ورحت لواحد صديق لي و قال أنصحك تروح طائر الهيدروليك في صناعية الخليج و رحت لهم المهم فحص سيارتي واحد سوري و قال الدودة يبغى لها أصلاح مع تغيير الكراسي و قالي السعر شامل قطع الغيار 700 ريال يا شباب أنا ودي أتأكد أنه صادق وأن السعر معقول لأني معاد أثق في حقين الورشات مع العلم ان السيارة جي أكس آر 2003
شاكر و مقدر للجميع
ابومشخص
03/02/2010, 02:26 AM
الحل تمر على اكثر من ورشه 3 او 4 ورش
عشان تتأكد من كلامهم
واتفق معه بس على شغل يده ا>ا في قطع اشترها بنفسك
abo tayyar
03/02/2010, 02:26 AM
أبو مسعود أنا كان معي لومينا وسويت اصلاح عند الطاير الصراحه شغلهم نظيف بس من ناحية القطع ما جربتهم .. رحت لم الوكاله واخذت اصلاح دوده وخليتهم يركبونه وانا واقف فوق روسهم داخل لأني مثلك ما أثق فيهم حقين الورش وتأكدت أنه ركب نفس القطع اللي جبت أنا على الدوده وأخذوا على شغل اليد 200ريال كاني ما نيب واهم مع ضمان 4 شهور .. وإذا قالوا لك نعطيك وحده مصلحه وناخذ الرجيع ما انصحك بهالشي لانك ما تضمن القطع اللي فيها ولا تضمن الدوده نفسها يمكن تعبانه كم شهر وتخرب عليك ثانيه ......

تحيااتي ,,,
abo naseer
03/02/2010, 08:39 AM
حياك الله لاتعدى ورشة الضحيان اللي بانسيم
ناس متخصصين تايوتا
معاملهم من 97 الى الاسبوع اللي راح
موقعهم خلف الضحيان لقطع الغيار اللي بصناعية النسيم من غرب
ولد وايل
03/02/2010, 08:46 AM
نصيحة مجرب رح لصناعية العويضه وهناك مصنع اسمه الطائر
معلم ابوسليم

متخصصين هدروليك
كامل 700ريال مع الضمان

وربي ماعاد ترجع لهم
مقلع الرمث
03/02/2010, 08:55 AM
والله الدوده مشكلتها مشكله فيه واحد من الشباب صلح فيها الين انفقع راسه وخساير وماراحت ولاجت وبالاخير شراء جديده بالتوفيق
المميز99
03/02/2010, 09:17 AM
حياك اخوي أبو مسعود

أنا اعرف ورشه في صناعية النسيم الي على طريق الميه

وقد سويت فيها كذا مره وشغله ممتاز جداً ولا اذكر اني رجعت له من ضمنها كان فكسار 98 كراسي الدوده وتهريب وضبطه لي

عموماً هذا رقمي دق علي وانا اوصف لك مكان المحل واعطيك اسم الشخص ورقمه واتوقع الجيب مايتعدى 450
0551055101 أبو نواف
النايف999
03/02/2010, 09:44 AM
انا كلفتني 1200 كبس ربلات وكراسي مع ميزان كامل

سويتها عند اليرموك - مع العلم ان ماكان في السياره شي الا مجرد ميلان بسيط ووديته العضيب وقال نفس الكلام

سيارتي جيب لكزس2002

اذا بستخدم اشتغل صح -
أبو مسعود
05/02/2010, 11:55 PM
الله يعطيكم العافية جميعا
ابو أنس2010
06/02/2010, 12:15 AM
انا معي جي اكس آر2003 قبل سنه لاحظت تهريب زيت من الدوده بس مافي صوت وقبل شهرين طلع صوت عالي للدركسون ورحت لورشه متخصصه بالتويوتا وقلوا لي لازم تغير الدوده كامله لانه من موديل 2003 وفوق ماينفع تغيير طقم اصلاح بعد كم شهر ترجع تهرب زيت ورحت لميكانيكي أثق فيه وقال نفس الكلام ورحت أخذتها من الوكاله بـ 3040 ريال كامله مع الاذرعه وركبتها ولله الحمد السياره من احسن ما يكون
الجوف......
ابوزياد 11
10/12/2012, 12:06 AM
��السلام عليكم ورحمة الله وبركاته��
كيف الحال يا اخوان بارك الله فيكم نبي الجميع يستفيد من هذا الموضوع من واقع تجربة وليس بالقيل والقال
حول افضل كفرات بالون موجودة بالسوق وخصوصا بعد ازدحام السوق بالانواع والشركات
وكذلك بعد انقطاع العملاق سيام تير ( تايلندي ) وليس التايواني الدارج بالسوق
واتمنى تعم الفائدة للجميع طبعا يحدد المجرب جنط 16 و17 والمقاس وشكرا
بن لويحق
10/12/2012, 09:19 AM
والله الناس وانا اخوك تمدح الهيرو لاكن واحد من اخوياي مركبه ولايمدحه يقول ثقيل مره على الكوتر ورجع ركب الماكسس
وانا مركب الماكسس من سنه وعيبه الوحيد لازم كل بين فتره وفتره تزيده هواء
سعيد المعمري
10/12/2012, 10:56 AM
الهيرووو مقاس 16 ممتاز افضل من الماكسس و شكلة احلى
مالقيت اسم ا
10/12/2012, 11:16 AM
الماكسس مقاس 900 ( 8 غاط ) مافيه كلام عيبه تزيد هواه كل فتره جنط 16
لهايب نجد
10/12/2012, 02:47 PM
والله ياجماعة مالقيت ازين من السيام تاير بس للمعلومية تراه انقطع والبديل له في السوق الان اسمه سيم تاير ويبيعونه على انه سيام تاير
البديل الثاني هو البالون الدانلوب بس عيبه بعد شهرين الى ثلاث شهور يبدأ ينقص هوا نقص خفيف لكن عملي وجودته حلوة
لا تناقشني في الماكسس مخيس ابا عن جد كل ما حاولت اغير فكرتي عنه واركبه لازم يخمبق معي لا انصح به ابدا ولا يستاهل سعره , وادري انه بيجيني واحد ويقولي كل حقين المقانيص يركبونه اكيد بيركبونه لانه كان ارخص كفر راعي المقناص يركبه اربع شهور ويرمية اما المستخدم العادي يبيه يخدم معه على الاقل 8 شهور
انا رحت اركب قبل يومين ومالقيت دانلوب وركبت سومو تومو نوعية توها نازلة تاريخها جديد ابجربها وابلغكم
_ فيه نوع اسمه اكمي هذا فاشل فاشل فاشل ومن تخلف اللي صنعه والدليل على فشله حاط له سهم لاتجاه الكفر عند التركيب , طبعا ركبته وما كمل شهر وانفتق من عند النقشة 3 كفرات مع العلم ان تاريخهم جديد بس ماعليهن ظمان
المالون ال 16 فاشل وعمره 3 شهور اما ال17 عملي اكثر وعيبه كبره
الهيرو 16 ماجربته اما ال17 روعة بس متي تلقاه
وحبيت اقولكم يا شباب كفرات البالون ما تتحمل تحميل انا اكثر ما يخرب علي كفرات ورى عشان الحمل
واستخدامي شرس , اكثر كفر بالون طول معي الدانلوب 10 شهور
هذي تجربة شخصية نقلتها لكم فقط لا غير
ابوزياد 11
10/12/2012, 11:59 PM
يملا العافية الي ترجدكم ما تفارقكم شكرا لكم ونتمنى المزيد من الآراء والمشورة

واتمنى تزويدنا بلاسعار وخصوصا سعر الهيرو جنط ١٦ مقاس ٩٠٠
مكشآتي للآخر
11/12/2012, 12:06 AM
انا تجربتي مختلفـة . لاكن تبين لـك قطعيآ بالكفر الافضل ..
المقارنة هي : ماكسس+كفرات بالون صينية+سيم تآير
::: طرق الحكم بالافضل :::
إولا في حالة المشي على كفريـن (الشل) او بمآ يشتهر(الرفع)
لاحظت انه كفر ماكسس حدة بالكثير 10 رفعات الا الكفر منفجر فيك او صابة شي
الصيني لارفعت فية ينسم الهوا من الفتحات واضطريت إركب بمآ يسمى الكفر الداخلي الغبي الاسود اللستك الي تقل كفر سيكل .. وماطول وإنفجر
السيم تآير تقريبآ 6 شهور مركبة وكل ويكيند تقريبآ إرفع فية ولا تسحك نهائيا وتشوفة تقول جديد
فوق هذا انا معبية هوآ 100 لاكن قوي يتحمل صراحة
وماتندمت اني شريته . .
طبعآ هذا الكلام قبل 3 سنين الحين الحمد لله ركآدة .. ض1
راع المعنا
02/02/2013, 07:40 PM
بسم الله الرحمن الرحيم

السلام عليكم ورحمة الله

يالله حي الكشاته واهل البر

نبيكم تشيروون علينا وش الكفرات الزينه للبر

اول كان البالون مريحنا ولا عليه كلام
بس اللحين زي ما انتم عارفين اغلب البوالين فاشله وتنسيم وانسسلاخ وغيره

نبي كفرات تقوم مقام البالون في الوعر والحجره وكفرات تصبر

اللي مجرب نوعية طيبه يشير علينا

الله لايهينكم
sgl2002
02/02/2013, 07:51 PM
فيه الشاهين
وفيه كفرات الشاص الشد بلد
ابو محمد 276
02/02/2013, 08:06 PM
في بوالين بالشرقية خويي ركب منها صينية وانا ما جازت لي لأنها صينية ويقول انها رخيصة مركب مقاس 17
الكفر الواحد ب 420 ريال اسمها روديو .
راع المعنا
02/02/2013, 08:12 PM
الشاهين حلوات
بس عيبهن جوانبهن ضعيف

بالنسبة للبوالين اللي تقول يابو محمد تحتاج من يجربهن
ولا يعيبهن انهن صيني لأن اغلب اللي بالسوق مثل جودة الصيني وأردئ
بس فرق السعر عشان سمعتهن بالسوق

شاكرر مروركم
راع المعنا
02/02/2013, 08:12 PM
الشاهين حلوات
بس عيبهن جوانبهن ضعيف

بالنسبة للبوالين اللي تقول يابو محمد تحتاج من يجربهن
ولا يعيبهن انهن صيني لأن اغلب اللي بالسوق مثل جودة الصيني وأردئ
بس فرق السعر عشان سمعتهن بالسوق

شاكرر مروركم
الثويرات
02/02/2013, 09:44 PM
الشاهين أشقه بصبعي مع جنبه
حفيد بن صعصعة
02/02/2013, 10:33 PM
كفرات ابو لبنه DUNLOP من افضل الكفرات وفي نظري احسن من البالون في البر ممتازه والخط والسفر ايضا ممتاززه
اكستيرا
02/02/2013, 10:59 PM
السلام عليكم اخوي انا ارا الشاهين السوموتومو ممتازه جدا
راع المعنا
03/02/2013, 12:26 AM
ايهم تقصد ابو لبنه يا اخوي وياليت اذا عندك صوره له
هل هو الليً اللبنه اللي كان يجي بالجيب العشه الربع القديم
والا الكفر اللي يجي مع الجي اكس القطري ؟
وبالنسبة للشاهين سوماتومو اخوي اكستيرا
هل انت مجربه بالوعر ؟

ولاهنتوا على تفاعلكم
بدر العبدالعزيز
03/02/2013, 12:47 AM
ابو لبنة ممتاز بس مطبه شييين و قوي و يكسر الموتر بالوعرة

مالك الا البالون
السناعيس .f16
03/02/2013, 09:16 AM
السلام عليكم ورحمة الله وبركاته
كيف الحال ان شاء الله طيبين

يا اخوان افكر
اركب كفرات بالون على هايلوكس دبل
اشوف في ناس يمدحون في البالون وفيه يسبون البالون ماكسس
افضل مقاس (825)او (900)؟
هل هو ثقيل على الموتر في الزفلت وغيره ؟
في ابي ارائكم و شوركم علي اركب او لا
لانى خايف اركب البالون وخسر يطلعن فيهن عيب او ثقال بلحيل
وشــــــــــــــــــــــــرايكــــــــــــــــــــ ـــــم
ابوسند9
03/02/2013, 01:32 PM
اخوي راعي المعنا
لا يوجد بديل عن البالون اذا انت راعي وعر لكن ان لقيت شي زين عطنا خبر مهب تركب وتهج ههههه
وبعض الشباب الظاهر ما يدري ولا يعرف فرق الكفر العادي عن البالون ما يدري اننا نطرد وحنا نمشي طبلون الموتر
وكل اللي ذكرو تحتاج هواء عدا اللي ذكر اخونا ابو محمد
Salamah.y
03/02/2013, 10:02 PM
البالون زينات على الجمس و الباترول و الأف جي و الشاص و الربع ابو رفرف

,

اما الهايلوكس , مالها الا كفرات بلادها
او انك تحط شياهين ,, البالون راح تكون كبيره بالحيل عليها و ثقيله

و انت ابخص ~
شت قان
03/02/2013, 11:03 PM
عيب الجكسار الدوده والباور والجلد بلوف وبس
ابو خالد 111
04/02/2013, 09:32 AM
السلام عليكم
عندي صوت أذا دست بنزين و لفيت الدركسون ورحت لواحد صديق لي و قال أنصحك تروح طائر الهيدروليك في صناعية الخليج و رحت لهم المهم فحص سيارتي واحد سوري و قال الدودة يبغى لها أصلاح مع تغيير الكراسي و قالي السعر شامل قطع الغيار 700 ريال يا شباب أنا ودي أتأكد أنه صادق وأن السعر معقول لأني معاد أثق في حقين الورشات مع العلم ان السيارة جي أكس آر 2003
شاكر و مقدر للجميع


اخي الفاضل / طائر الهيدروليك اكبر نصاب لان صناعية الخليج مافيه الا طائر الهيدروليك وواحد هندي قبله بالزاويه

انا رحت له ابيه يغير لي علبة الدركسون قالي ب 250 ريال علما بان موتري باترول 92
وقالي الدوده فيها تهريب بسيط بيكلفك 350 ريال

تركتهم ورحت للصناعيه القديمه ودرورة اكثر من محمل ولقيت اقل سعر ( نسيت اسم الورشه هي بالشارع الثاني اللي خلف ميزان المجد واليرموك ) وصلحت العلبه ب 100 ريال مع لي من عندهم والدوده ب 250 ريال


اتمنى اني افدتك تقبل مروري ودمت :