المساعد الشخصي الرقمي

مشاهدة النسخة كاملة : اذاا انصلخ الكفر الي قدام وش تسوي؟


Alhzzen
05/09/2006, 06:52 PM
السلام عليكم ورحمة الله وبركاته

كيف حالكم
اذا انصلخ الكفر الي قدام وش تسوي؟؟
انا سمعت من واحد يقول لي اذاا كنت مسرع فوق 160 يقووووووول لي تنزلة D1 :confused: :confused:
انا مو مقتنع!!!!!!!!

الي انا اعرفه انك تحطة في N وتخلي السيارة تروح واذاا لفت عليك تحول انك تسايس السيارة على خفيف لان اي لفه تلفها جامدة بالطارة (الدركسون) احتمال تنقلب على طول



ياليت الشباب يشاركون معنا في الموضوع للاستفاده

ولتفااااادي كل شي على الخط عدم السرعه فوق 120 لان سرعه 120 تعتبر السرعه الي تقدر تصيطر فيها على السيارة



يالله خلنا نشوف ردودكم


شــــكـــــرا
الأخضر
05/09/2006, 08:28 PM
أخوي الحزين
إذا كان الموضوع صلخ فقط فما عندك مشكله .
ولكن إذا كان بنشر أو إنفجار في الكفر فهنا المشكلة فيجب عليك أول شيء تثبت الدركسون جيد بيديك أكرر ضرورة مسك الدكسون جيداً وترفع مباشرة رجلك عن البنزين ولا تلمس الفرامل ... ثم تبدأ بعملية التهدئة وستقل السرعة بطريقة سريعة ... ولا تضع القير في الفاضي لأن ذلك سيترك السيارة مسرعة ولن تتوقف بسهولة .. ولكن إذا خليتها بالنمرة فستقوم بمسك السيارة وتهدئتها بمساعدة المكينة .

وإذا كانت السيارة قير أتوماتيك وحبيت توقفها بسرعه نزل القير على إل 3 أو إل 2 مع أنني لا أفضل إستخدام القير الأتوماتيك في مثل هذه الظروف لحساسية الزائدة وقابليته للخراب بسرعه ... وأن السيارة سوف تقل سرعتها مباشرة بعد رفع الرجل عن دواسة البنزين .
وبالنسبة للقير العادي رجعه للرابع أو الثالث حسب عدد الغيارات أو النمر في السيارة وأنت مرتاح .
ابو-الوليد
05/09/2006, 08:29 PM
شكراً اخي الحزين على طرح الموضوع وانا في رايي ترفع رجلك عن البنزين وتثيت الطارة تمام لان اختلال التوازن في هذه السرعة خطير وخلي السيارة تهدي على مهلها من غير استخدام الفرامل ولو اضطريت تهدى السرعة d3 افضلك من الفرامل.
وفي الختام الله يبعدنا عن هذا الموقف والحذر واجب وخليك على 120 احسن لانك راح توصل للمشوار ب 160 او 120 الفرق دقايق قليلة باذن الله.

تحياتي لك
omiran
05/09/2006, 09:00 PM
السلام عليكم ورحمة الله وبركاته


تسلموا على هالموضوع وعلى المشاراكات وانا رأيي مع رأي الاخ اخضر فارى انه هو المناسب
Alhzzen
05/09/2006, 10:18 PM
يعطيييييييييييكم الف عافيه ماقصرتووو والله حلوول وطرق ولا احلى والتصرف في نفس الوقت حكيم



مشكورين ويعطيكم الف عافيه


شكرا
عاشق نيساني
06/09/2006, 06:41 AM
اول شي انك تتعنقط في الدركسون يعني كل تركيزك في الدركسون والطريق ولاتجي الفرامل ابد وحاول ترد النمره يعني اذا كنت تمشي بالخامس رده بالرابع لين يهدي الموتر اهم شي لاتجي الفرامل واذا بدا يهدي رده بالثالث وبعدين الثاني لين توقف
وثاب
06/09/2006, 01:35 PM
السلام عليكم ورحمة الله وبركاته


حقيقه اشكر الاخ الفاضل طارح الموضوع

فعلا الموضوع مهم وبالذات هذه الايام ومع انتهاء الاجازه حيث تبدا عودة المدارس وتزدحم الطرق
الله يرجع الكل سالم غانم ما يجيه ما يكدره

فيه نقطه مهمه ما تطرق لها الاخوان علما انهم ما قصروا في ذكر افضل الحلول لتفادي الانقلاب او الانحراف

اعود للنقطه المهمه وهي لحظة انفجار الاطار وهو سماع صوت قوي شديد مرعب احيانا يعدم الرفرف وانا اقول هذا الكلام ومن واقع تجربه في هذه اللحظه تنسى كل ما تعلمته من عدم مسك البريك والتحكم بالمقود وغير ذلك اول ما يحدث انفجار الاطار وسماع صوت الانفجار تبادر ومن غير شعور الى البريك وتحدث الكارثه

وبأذن الله محفوظين
عبدالرحمن السالم
06/09/2006, 01:47 PM
بالنسبة للقير العادي حطه على الفاضي وامسك الدركسون وحاول تخلي السيارة لا تلف
لايمين ولا يسار وحاول انك ماتضغط فرامل الا لين يوصل لـ 80 همن نزل نمر
اول شى اربعه وبعدين ثلاثه مع تضغط فرامل بشويش ليين تنزل تحت على الاكتاف

والحمد الله على السلامه
الأخضر
06/09/2006, 03:07 PM
أخوي دحيم آخر لفة
تحية طيبة ... وارجو الإفادة عن الحكمة من وضع القير العادي على الفاضي خصوصاً عند إنفجار الكفر والرغبة في تهدئة السيارة .

تحياتي .
ابوطاقية
06/09/2006, 03:21 PM
اذا كان الموتر دفرنسين الله يعينك لانك مارايح تقدر تحرك الدرقسون ثقيل جدا واذا سياره صغيره كل ماعليك التحكم بالدركسون بقوه وتهدية السياره بالنمره مع قليل من البريك
Alhzzen
06/09/2006, 03:27 PM
يعطيك الف عافيه اخواني على الردود الجميله
مشكورين وماقصرتووو

ويعطيكم العافيه


شكرا
تــــوني
06/09/2006, 06:04 PM
اهم شي لا تسرع والله يستر عليك وعشان تتفادى المشكلة من الاساس لاتفتح لها مجال
1- شيك على الكفرات قبل تمشي واحذر من الكفرا ت المخزنه استخدم ونوعيات الكفرات ذات قوة التحمل وسرعات مفتوحة والحرارة مفتوحة.AAA هذا هو رمزها أو AAw
2- عاير الهوا على حسب ثقل السيارة وحسب التحميل اذا زاد الحمل زود عيار الضغط والخطوط عادتاً من 30 الى 35 وكل مازادت الحمولة زود الضغط
3- لا تمسك الخطوط وقت الصيف الا من بعد الساعة 9 بالليل واذا انت مضطر لا تتعدى 120 اريح لعيونك واريح للسيارة والكفرات
4- اذا انفقع الكفر هذا شي اهم شد دركسونك ومشكلة الانقلاب هي من ربشة السايق ولا ترتبش وحاول تبعد عن التريلات
5- اذا نزلت السرعة عن 80كم /س استخدم الفرامل بس تهديه مو تمسك فرامل كنك مرتاع.
6- اذا استخدم القير التماتيك تحت سرعة 100كم/س مافيه مشاكل بإذن الله

وأولاً وأخيراً الحامي هو الله سبحانه وتعالى
Alhzzen
06/09/2006, 07:35 PM
يعطيك العافيه وماتقصر يالغالي


شكرا
عزااازي
07/09/2006, 11:16 AM
مشكوورين على الموضوع المممتاز
شمالي غير
07/09/2006, 12:36 PM
شكرا على الطرح الجميل والمهم ,
اولا السرعه ما بها خير , والفرق بسيط ما يستاهل انك تعيش مغامره بسببه ,وثانيا في حالة موقف مثل هذا الحافظ الله سبحانه وتعالى ومن ثم امورك واهمها المحافظه على الهدوء , ومن واقع تجربه لاتفك السياره من النمره اللي هي بها ولا تدعس البريك الين تشعر انك السرعه انزلت وانك مسيطر على الموتر وبعدين كل شيء تسويه جائز وابعد عن الاكتاف ولو تنزل بر افضل لك .

الله يحفظ الجميع واتمنى للجميع السلامه .
Alhzzen
07/09/2006, 04:46 PM
مشكور اخوي ماتقصر


شكرا