وش افضل محل يركب بطاريه اضافيه ؟؟؟؟؟؟؟؟؟؟ ادخل وشاركنا رايك

[أسير المساري]

السلام عليكم ورحمة الله وبركاته

ياأخوان نبي نفيد ونستفيد من هالموضوع بخصوص افضل ورشه او كهربائي يركب بطاريه اضافيه وتمديداتها لاني بصراحه كنت ابي اركب بطاريه اضافيه عند ورشة سوافي لكن قريت موضوع عن ورشتهم وغيرت رأيي 100% لان اللي يسبونهم واجد وحسب كلامهم وفي ذمتهم ان اسلاكهم هي اسلاك كهرب حقت بيوت وكم واحد قال انها احترت وذابت وبغى يحترق موتره وواحد يقول ان فيه شخص احترق موتره ويالله لحق يطفيه
الان نبي اهل الخبره او المجربين يعطونا الكلام الاكيد عن افضل ورشه تركب بطاريه اضافيه

معلومه مهمه : انتبهو ترا تمديدات السياره يعني الاسلاك لازم تكون ناعمه ليست كأسلاك البيوت .

[التسوله]

عليكم السلام اخوي اسير
اذا كنت بتركب بطارية اضافية فقط بدون الاضافات الثانية
ارشح لك ورشة سوافي
(مركب عندهم البطارية والتجهيزات كاملة من ثلاث سنوات على جيب في اكس ار 2006 والحمدلله ما فيه مشاكل ايضا قطعهم اللي اعرفه عنهم انها اصلية ويحرصون على الزين عشان كذا سعرهم غالي شوي وايضا تمديهم مخفي وكانه وكالة) اذا كنت بالرياض
اذا كنت بالقصيم ركب عند عروق الشمال (دخلت ورشتهم وشفت شغلهم ما عليه بس الصراحة ما جربتهم)

[ابو صالح الرس]

شف يالغالي انا قبل فترة ممدد وكنت متردد ما بين السوافي او العثيم ببريده لكن شف
عندك بمحافظة الرس محل اسمة الصحراء بشارع المالية الصراحة شغله نظيف وحلو
وعندك محل جديد توه فاتح شباب سعوديين اسم المحل تمديدات تلقاه على طريق الملك عبد العزيز وانت متجه لم قصر بن عقيل

لكن انا اشتغلت عند الصحراء تخلي موترك عنده يوم واحد يشتغل به من الصبح ما تجي 8.30 بالليل الى وهو داق عليك يقولك خذ موترك والصراحة وللامانة شغله نضيف

[أسير المساري]

شف يالغالي انا قبل فترة ممدد وكنت متردد ما بين السوافي او العثيم ببريده لكن شف
عندك بمحافظة الرس محل اسمة الصحراء بشارع المالية الصراحة شغله نظيف وحلو
وعندك محل جديد توه فاتح شباب سعوديين اسم المحل تمديدات تلقاه على طريق الملك عبد العزيز وانت متجه لم قصر بن عقيل

لكن انا اشتغلت عند الصحراء تخلي موترك عنده يوم واحد يشتغل به من الصبح ما تجي 8.30 بالليل الى وهو داق عليك يقولك خذ موترك والصراحة وللامانة شغله نضيف

شكرا على مرورك وننتظر اراء الاخوان


عليكم السلام اخوي اسير
اذا كنت بتركب بطارية اضافية فقط بدون الاضافات الثانية
ارشح لك ورشة سوافي
(مركب عندهم البطارية والتجهيزات كاملة من ثلاث سنوات على جيب في اكس ار 2006 والحمدلله ما فيه مشاكل ايضا قطعهم اللي اعرفه عنهم انها اصلية ويحرصون على الزين عشان كذا سعرهم غالي شوي وايضا تمديهم مخفي وكانه وكالة) اذا كنت بالرياض
اذا كنت بالقصيم ركب عند عروق الشمال (دخلت ورشتهم وشفت شغلهم ما عليه بس الصراحة ما جربتهم)

شكرا على مرورك وانا ابي اركب بطاريه اضافيه ولمبات كبوت وشنطه وسلك ثلاجه ومحول كهرب وخوفي من سوافي هو نوعية اسلاكهم

[التسوله]

العفو نفس اللي انا مركبة بالضبط ما شاء الله لا قوة الا بالله ما اشتكيت الى الان ولله الحمد

[صعافيق 911]

مساء الخير

ممكن توضح مشكله اسلاك البيت مع العلم انه اقوى بالتحمل !!!!!

[كواليس]

محل حمدان الزنيدي مقابل الجامع الأوسط بالزلفي من جهة الجنوب يركب بطاريات إضافية وانا مركب على الهايلوكس من سنتين ولله الحمد ماشفت أي ضرر .

[Ra3e]

الصبي لايرخص علييك ,, شغل وكاله

وصفهم مخرج 15 رح يمين اول اشاره يمين علطول تجيك الورشه على يدك اليمين

مزبط عندهم موترين سييرا و اف جي ومشاء الله تبارك الله شغل لايعلا عليه ,,

[0راعي الجبيل0]

ركب جهاز رفيق الدرب افضل مليون مرة من اي تركيب غير احترافي للكهربائية
وعيبهم اذا فضت البطاريتين زاد الحمل على الدينمو وقل عمره الافتراضي
وجهاز رفيق الدرب يشحن البطاريات بالتتابع فاذا انشحنت الاولى حول الجهاز على الثانية
وتقدر تركبه بنفسك ماهو شغل سوافي وغيره شفت فواتيرهم بصراحة مايستاهلون المبلغ الخرافي اللي يوصل حول 2000 ريال على شغل مايسوى 100 ريال

تحياتي
ابوحمدان

[أسير المساري]

العفو نفس اللي انا مركبة بالضبط ما شاء الله لا قوة الا بالله ما اشتكيت الى الان ولله الحمد

عسى الله يتمم عليك ويبارك لك ولاتشوف شر


مساء الخير

ممكن توضح مشكله اسلاك البيت مع العلم انه اقوى بالتحمل !!!!!

اسلاك البيت وانا خوك مصممه لتعمل داخل الجدار ماعليها لاحراره ولا رطوبه وكل ماصار سلك النحاس ناعم وكثيف كل ماصار يتحمل الحراره اكثر وهذا مايناسب السياره


محل حمدان الزنيدي مقابل الجامع الأوسط بالزلفي من جهة الجنوب يركب بطاريات إضافية وانا مركب على الهايلوكس من سنتين ولله الحمد ماشفت أي ضرر .

اشكرك ولكن انا ودي بشي حولي بالرياض


الصبي لايرخص علييك ,, شغل وكاله

وصفهم مخرج 15 رح يمين اول اشاره يمين علطول تجيك الورشه على يدك اليمين

مزبط عندهم موترين سييرا و اف جي ومشاء الله تبارك الله شغل لايعلا عليه ,,

اروح يمين وانا جاي من وين ياليت توضح اكثر وانا خوك وشكرا على مرورك الكريم



ركب جهاز رفيق الدرب افضل مليون مرة من اي تركيب غير احترافي للكهربائية
وعيبهم اذا فضت البطاريتين زاد الحمل على الدينمو وقل عمره الافتراضي
وجهاز رفيق الدرب يشحن البطاريات بالتتابع فاذا انشحنت الاولى حول الجهاز على الثانية
وتقدر تركبه بنفسك ماهو شغل سوافي وغيره شفت فواتيرهم بصراحة مايستاهلون المبلغ الخرافي اللي يوصل حول 2000 ريال على شغل مايسوى 100 ريال
تحياتي
ابوحمدان

كلامك سليم بس المشكله ماعرف اثبتها في الموتر وياليت توضح وانا خوك الفرق بينها وبين البطاريه الاضافيه العاديه

[ابو عزام الشمالي]

أنا ارشح ســـوافي
علماً اني مركب من عند بطارية إضافية وتمديد اسلاك للأفياش ومحول كهرب الافياش 3
واسلاك كنود ولمبات كبوت ولمبه للتانكي
من سنه وزود ماشاء الله
طبعاً هايلكـــس


توكل على الله ورح لهم بس

[الشيخ الظريف]

اذا كنت ببريده ترى العثيم سعره معقول وشغله مضبوط

[خبايا انسان]

اذا كنت بالرياض عندك المنديل والفالح شغلهم ممتاز

[راعي المجهم]

نصيحة اقرا هذا الموضوع قبل الخساير والمشاكل

http://www.mekshat.com/vb/showthread.php?t=561565

[صقار الوشم]

وعليكم السلام

ارشح لك ورشة الصبي

واحد من العيال معه هدد 2012 ومركب عندهم بطارية اضافية وافياش كهرب داخل الموتر .. وسلك للثلاجة

وشغلهم ماشاء الله ممتاز ممتاز جداً

وانصحك به

ووصفهم في الرياض مخرج 15

وانت جاي من الشمال على الدائري الشرقي (من مخرج 13 - 14 ) ادخل مع مخرج 15 يمين(يصير وجهك غرب) ثم اول اشاره خذ يمين امش شوي بيجيك على اليمين ورشه صغيره

[أسير المساري]

أنا ارشح ســـوافي
علماً اني مركب من عند بطارية إضافية وتمديد اسلاك للأفياش ومحول كهرب الافياش 3
واسلاك كنود ولمبات كبوت ولمبه للتانكي
من سنه وزود ماشاء الله
طبعاً هايلكـــس


توكل على الله ورح لهم بس

اشكرك أخي الكريم على مرورك


اذا كنت ببريده ترى العثيم سعره معقول وشغله مضبوط

اشكر مرورك الكريم ونبي شي يكون بالرياض وانا خوك


اذا كنت بالرياض عندك المنديل والفالح شغلهم ممتاز

المنديل والفالح وين محلهم وهل جريت شغلهم ارجو التوضيح



وعليكم السلام

ارشح لك ورشة الصبي

واحد من العيال معه هدد 2012 ومركب عندهم بطارية اضافية وافياش كهرب داخل الموتر .. وسلك للثلاجة

وشغلهم ماشاء الله ممتاز ممتاز جداً

وانصحك به

ووصفهم في الرياض مخرج 15

وانت جاي من الشمال على الدائري الشرقي (من مخرج 13 - 14 ) ادخل مع مخرج 15 يمين(يصير وجهك غرب) ثم اول اشاره خذ يمين امش شوي بيجيك على اليمين ورشه صغيره

جزاك الله خير اخي الكريم وورشة الصبي هي اكثر شي ينصحوني به واشكرك مره اخرى على الوصف الدقيق

[سـهم الجزيرة]

بعد اذنك اخوي أسير
نبي احد يفيدنا بخصوص الشرقية
وين المحلات الي بالشرقية تركب بطارية اضافية و شغل مرتب

وصلوا على النبي الهادي

[علم162]

توي مركب عند الصبي شغله زين لكن انتبه لازم تفهم انت وش رايح تركب لاتعمت وبس لانه بيقولك وش عنده بعض الناس يقول ركب وبس لازم تقر فاللمبات ليد والا صفرا وش تفضل عددهن وماطور الهوا النوع وهل ينفع والا لا كم تحتاج من فيش سلك الثلاجه هذي نقطه هامه لازم تفهم انه يمدد سلك بكذا طريقه سلك والا فيش ولاعه لانه اذا ركب وانت موافقه وماتري وجبت الثلاجه لقيت ماينفع تشبك السلك لازم تحدد حجم البطاريه والنوع المهم صحصح لاتهبد وبس

[أسير المساري]

توي مركب عند الصبي شغله زين لكن انتبه لازم تفهم انت وش رايح تركب لاتعمت وبس لانه بيقولك وش عنده بعض الناس يقول ركب وبس لازم تقر فاللمبات ليد والا صفرا وش تفضل عددهن وماطور الهوا النوع وهل ينفع والا لا كم تحتاج من فيش سلك الثلاجه هذي نقطه هامه لازم تفهم انه يمدد سلك بكذا طريقه سلك والا فيش ولاعه لانه اذا ركب وانت موافقه وماتري وجبت الثلاجه لقيت ماينفع تشبك السلك لازم تحدد حجم البطاريه والنوع المهم صحصح لاتهبد وبس

شكرا لك اخي علم مو مشكله انا عارف وش ابي ولكن سؤالي عن جودة البطاريه اللي يركبها ونوعية الاسلاك اما الدينمو المحول والثلاجه هذي عندي اساسا



بعد اذنك اخوي أسير
نبي احد يفيدنا بخصوص الشرقية
وين المحلات الي بالشرقية تركب بطارية اضافية و شغل مرتب

وصلوا على النبي الهادي

حياك اخوي سهم والموضوع للفائده العامه خذ راحتك وان شاء الله الاخوان يفيدونك

[الفارع]

ركب جهاز رفيق الدرب افضل مليون مرة من اي تركيب غير احترافي للكهربائية
وعيبهم اذا فضت البطاريتين زاد الحمل على الدينمو وقل عمره الافتراضي
وجهاز رفيق الدرب يشحن البطاريات بالتتابع فاذا انشحنت الاولى حول الجهاز على الثانية
وتقدر تركبه بنفسك ماهو شغل سوافي وغيره شفت فواتيرهم بصراحة مايستاهلون المبلغ الخرافي اللي يوصل حول 2000 ريال على شغل مايسوى 100 ريال

تحياتي
ابوحمدان

حدث العاقل بما لا يعقل فان صدق فلا عقل له .... كيف يطلب 2000 ريال في شغل مايسوى 100 ريال اخوي اعذرني على الرد ولكن انا جربتهم في ثلاث سيارات لي شخصياً غير سيارات اخوياي اللي سوو عنده ولا قد حصل من شغلهم اي مشكله .

[0راعي الجبيل0]

حدث العاقل بما لا يعقل فان صدق فلا عقل له .... كيف يطلب 2000 ريال في شغل مايسوى 100 ريال اخوي اعذرني على الرد ولكن انا جربتهم في ثلاث سيارات لي شخصياً غير سيارات اخوياي اللي سوو عنده ولا قد حصل من شغلهم اي مشكله .

سوافي يشتغل بسيارتك ولايخليك تشوف شغله
وشفت اسلاكه اللي مركبها ماتسوى كل الدعاية له
وانا عاقل اشتغل بيدي واستخدم اسلاك كهرباء مخصصة للامبير العالي للفولتية DC وهو يستخدم اسلاك رديئة على ماشفت
ولكن اذا انت ماتعرف بالكهرباء فما الومك لانك لاتصدق
وكل واحد ينام على الجنب اللي يريحه
المنتدى هنا مليان دروس من امثال اصيل حجازي وبدوي جنوبي وكبسولة وغيرهم وهدفهم ان الناس اللي ماتعرف تتعلم
ولكن للاسف مازال هناك اشخاص يفكر ان تغييرة فيوز هي من عجائب ناسا
ولايصدق كل نصيحة قيلت له لانه جربهم ولاشاف مشاكل
اللي اقوله وواضح في ردي الاول مايستاهلون حتى اتعنى لهم على شغل شفته وقيمته

وعندك الموضوع هذا خذ فيه لفه وشوف

http://www.mekshat.com/vb/showthread.php?t=357519

وعندك اليوتيوب مليان افلام تعليمية وطرق لاضافة بطارية اضافية وغيره الكثير

http://www.youtube.com/watch?v=-et_e1u2WiA


http://www.youtube.com/watch?v=-wr2QAbWXvA

وفيه مواقع لشركات تنتج خامة ممتازة من الاسلاك والافياش والضفائر الجاهزة وعلى الطلب للسيارات

وتاخذ شيء منهم وانت مطمئن لجودة الخامة

واشهرهم
www.painlesswiring.com (http://www.painlesswiring.com)

وهذا الرد لصاحب الموضوع لانه سألني على طريقة الشحن بالتتابع
فهي بتركيب اجهزة متخصصة لهذا العمل
ومنها مثلا هذه القطعة وهي صناعة امريكية تأتي كاملة بكل اغراضها وتتحمل الى 500 امبير ..
وميزتها مثل ماقللتك هي انها تسمح بتعبية البطارية الاساسية ومن ثم الاضافية بالتتابع بعكس مايقوم به بعض من يركبون البطاريات الاضافية وهي ان البطاريتين يتم شحنهم بالتوازي فيكون حمل على الدينمو في كل مرة تشغل السيارة بعد استخدام البطارية الاضافية وغيرها فيه صناعات صينية وتايوانية جودتها لاباس بها وتحصلها عند المحلات المتخصصة

وهذا ملف يشرح طريقة عملها وطريقة تركيبها ..

http://www.painlesswiring.com/Manuals/40121.pdf


http://www.painlesswiring.com/webcatalog/plarge/40121.jpg



تحياتي
ابوحمدان

[الفارع]

مشكور ابو حمدان على الرد وعلى سعة صدرك ... ولكن حتى الموضوع اللي هاجموا فيه الورشه كان في الاصل بسبب خلاف مع صاحب الورشه وفيه ردود تثبت تجارب شخصيه وتمدح شغله ... وبالنسبه لي ما فيه مره واحده قد جيت اسوي عندهم شي ويردني صاحب الورشه اني مااشوفهم وهم يشتغلون بل اني كنت استمتع على شوفة العمال وهم يشتغلون لانهم يشتغلون في نظري باحترافيه ...... على اني والله ما اعرف شي بالنسبه للاسلاك والقطع لكن يظهر لي ان صاحب الورشه عنده امانه .. اكرر شكري لك

اخوك ابوعبدالعزيز

[0راعي الجبيل0]

مشكور ابو حمدان على الرد وعلى سعة صدرك ... ولكن حتى الموضوع اللي هاجموا فيه الورشه كان في الاصل بسبب خلاف مع صاحب الورشه وفيه ردود تثبت تجارب شخصيه وتمدح شغله ... وبالنسبه لي ما فيه مره واحده قد جيت اسوي عندهم شي ويردني صاحب الورشه اني مااشوفهم وهم يشتغلون بل اني كنت استمتع على شوفة العمال وهم يشتغلون لانهم يشتغلون في نظري باحترافيه ...... على اني والله ما اعرف شي بالنسبه للاسلاك والقطع لكن يظهر لي ان صاحب الورشه عنده امانه .. اكرر شكري لك

اخوك ابوعبدالعزيز

هلابك اخوي ابو عبدالعزيز ..
والله أنا مازعلني الا يوم وراني أخوي الفاتورة للشغل وشفت الخامة المستخدمة
وكانت التكلفة فوق الالفين ريال لاشياء شفتها لاتستحق المبلغ الخيالي هذا بصراحة وصاحب الورشة لا أعرفه ولا اسبه ولا اذمه والله يرزقه من واسع فضله ويرزق المسلمين
وانا انتقادي على الشغل وعلى الناتج النهائي للتركيب بصراحة ماعجبني مع ان اخوي مركب عندهم ويمدحهم ولكن تقييمي انا الشخصي والله اشوفه اقل من المستوى اللي اخذه
وهنا لتبادل الاراء والخبرات والتعلم من العثرات
والحمدلله مع وجود تقنية المعلومات الان اصبح الكل على بينة وفيه من الدروس على اقل تقدير ادرس وتمحص في اليوتيوب والمواقع قبل ماتذهب لاي ورشة لكي تكون على بينة
وأحب اضيف شيء وهو عدم حصول مشكلة من ناتج التركيب السيء لايثبت انه تركيب ممتاز ولاعليه خطر
فالجودة الرديئية هي خطر كامن فليش انا اعيش هذا الخطر وانا اعرف انه خطر
والله يكفيك ويكفي المسلمين شر الكهرباء ومشاكل السيارات وان شاء الله ماترى مكروه منها
واعذرني على ردي الحاد والغليض عليك سابقا

تحياتي
ابو حمدان

[صمت الجروح]

طيب في عنيزة او البدايع فيها احد يعمل تمديدات للبطاريه الاضافيه

[استحملك]

حطو أوبتيما تغنيك على الإضافيه

[ولد الغلباء]

الصراحة انا جربت الرماية بالرياض شغلهم احترافي بس عيبهم الزحمة شوي لان مافيه الا فني واحد

[فكوني]

ياجماعة الخير وفقكم الله ,,,,,انا رائي والله اعلم بأنه لاحاجه لتركيب بطارية اضافية,لان بطارية السيارة مصمصه لها وبعض الملحقات البسيطه,ماله داعي اشغل اجهزة كثيرة على البطارية وشكرا,مجرد رائي

[بدر الثوري]

انا مجرب عروق الشمال بالقصيم شغلهم جيد وعمالتهم فلبينية
نصحني اجيب الواير معي 10 ملم خصوصا ان كان عندي شد وثلاجة في الحوض

[has-120]

أفضل محل هو بـيـتـكـم
ما فيه احد حريص على سيارتك مثلك

إلا إذا فلـوسـك واجـــد
وما تبي تتعلم

أعط الخباز خبزك لو ياكل نصفه

[صمت الجروح]

في عنيزه فيه احد يضبط التمديدات

[مخاوي الدهناء]

للامانه شغل ورشه المنديل بالرياض ممتاز

جدا من حيث الاسلاك والتركيب والفيوزات

وحتى السعر

انا مركب عنده بطاريه لي تقريبا الان 3 سنوات

ولله الحمد ما اشتكيت من شي ابدا

فانصحك ورايح تدعيلي

بالتوفيق ،،،،

[برق الصمان]

أخوي مخاوي الدهناء وين فيه ورشة المنديل لو تكرمت

[أطلال نجد]

السلام عليكم ورحمة الله

واحد من الزملاء اشتغل عند ورشة الصبي ويمدح تعاملهم و شغلهم و أسعارهم مناسبة.


موفق للخير

[waleedalfaleh]

عندك ورشة الصبي مخرج 15 في الرياض الموقع مقابل محلات الاتصالات