المساعد الشخصي الرقمي

مشاهدة النسخة كاملة : بغيت خدمه من مرتادي فرضة المزروعيه بالدمام


يوسف ناصر
07/02/2013, 06:39 PM
السلام عليكم ورحمة الله و بركاته

اخواني الاعزاء

كيف اعمل لي مربط للطراد في المزروعيه لان المنزل حقهم تعبان مره و المنزل الجديد الي بيسوونه وقفو شغل و لا كملو و دمر المنزل القديم زياده و تعبت منه و العربيه تعبت و الطراد تخدش من العربه لانه مايركب عدل الا بالموت و صرت ما اتعب من الرحله اتعب من تطليعة الطراد
فيا ليت تخدموني و تدلوني على احد يسوي لي ربطه و افتك من وجع الراس و سحب الطراد و تنزيله و تطليعه
شاكر لكم تعاونكم مقدما
بدر12
07/02/2013, 11:58 PM
فعلا منزل المزروعيه دمار في دمار
لكن انا اقولك نصيحة مجرب اكثر من سرقة صارت هناك واحد من الشباب راح قيره
الاسبوع الي فات بلتحديد يوم الخميس واحد مسوي نفسه ضريف قطع حبل طراد علشان يضحك اخيوياه
ضرب في الحجر الي قدام
شيل حلالك بيتك و الله يبارك لك فيه و يعينك على النزيل و الشيل
يوسف ناصر
08/02/2013, 03:15 AM
انا لله و انا اليه راجعون

لا حول و لا قوة الا بالله

يعني الواحد وش يسوي المنزل دمار و المقاول وقف الشغل عن الجديد و دمر القديم ازود من ماهو مندمر

و ان تركته لعبو به الي ما يخافون الله

ما اقول الا امرنا الى الله و ان شاء الله المقاول يكمل شغله ويظبط المنزل عدل

لان اتوقع باقي بس الصبيه مادري ليش ما سواها انا شفت قالبين مصبوبين و الباقي ما صبهم

تتوقع الاسمنت خلص من السوق و الا ايش

شكرا اخوي بدر شكلي باروح فرضة القطيف انزل القارب من هناك منزلهم تمام

بس في مشكله انه كله قراحات عاليمين و اليسار و لا في لمبات ارشاديه بس مثبتين فلينات و في عمود بالثبر ما يبين و بالليل الله يعينك لازم يكون نظرك ٦/٦ عشان تشوف او ترسم لك مسار عالجهاز غير كذا بتظرب بالقراح

شكرا مره ثانيه اخوي بدر و ربي يعطيك العافيه و اسمحولي عالاطاله

تحياتي للجميع
بدر12
08/02/2013, 05:53 PM
ياخوي حاظرين بس القطيف مافيها شي و المحادق بعيد و كثير مابضرب الصدر بلقراح الئ اذا عندك مسارات

تبي الصدق انا انزل من الرمل ارحم لي من المنزل طول رقمة التيدر شوي و جوك حلو
يوسف ناصر
09/02/2013, 02:03 AM
يا هلا اخوي بدر

ما في الا مثل ما قلت من الرمل

بس المشكله اذا من الرمل يبيله موتر عدل لان طرادي ٢٥ قدم ثقيل يبيله ٨ سلندر

بس يعين الله يا رجال و ربك يفرجها
النموذجي
11/02/2013, 01:52 AM
السلام عليكم اخ يوسف ممكن هذا الرابط يفيدك ان شاء الله


http://www.mekshat.com/vb/showthread.php?t=544325
kharshoum
18/02/2013, 07:48 AM
السلام عليكم ورحمة الله وبركاته
اخوي العزيز شوف كلام اخونا النموذجي صحيح 100% في الدمام مالك غير الكسندر خذ الكلام ولو بغيت اتواصلك معاه واجيبه لين عندك أبشر من عيوني وراح ينفعك في أشياء كثير من تنظيف وتصليح وغسيل ودهان وممكن يطلع معك البحر لو بغيت ويمرلك عالطراد كل يوم يشيك عليه :good2:
يوسف ناصر
20/02/2013, 01:31 AM
مشكورين اخواني على التفاعل معي و الله يجعله بميزان حسناتكم

باكلمه و الله يقدم الي فيه الخير

مع اني خايف من السرقات بس باتوكل على الله
حسين الاحمد
25/02/2013, 01:55 PM
والله يا الربع انا من الناس الي اعاني بمثل ما يعاني الاخ ولا يمكن اكثر منه بشوي والسبب راجع للتيذر لانه نازل وبصراحه تبهدلت من كثر ما يطق با الصخر ويم منقشع بيب ويوم فاك الحام خلوها على الله ما في حل يعني يا الربع غير انه نسحبه الى البيت انا اقترح مجرد اقتراااح ان واحد يتولى المنزل ويعيد تشييده ويطلب من وجوه الخير ان يسوون قطيه وانا من الناس الي راح اقط بس تعلمونا وش التكلفه
يوسف ناصر
26/02/2013, 05:56 PM
هلا اخوي حسين كيف حالك

حاليا جالسين يسوون منزل جديد بس مادري على حساب من

حاليا صبو قوالب الاسمنت بس باقي يركبونها مكان المنزل عاد شوف متى

هم بدو شغل من شهر محرم الي طاف ان شاء الله يخلصونه هاليومين
حسين الاحمد
07/03/2013, 02:21 PM
الله يسمع منك ويبشرك الله با الخير على ها الخبريه الحلوة والله .. تدري اني كرهت طلعت لبحر والسبب المنزل وربي كرهته ولا ولو تلاحظ حاط اعلان لطرادي ابي ابيعه لأنه صرلي يمكن 7 شهور ما طلعت البحر والسبب المنزل لعن ابو خير التيذر وصار حالته لله على كل حال رحم الله الديك على الخبر الحلو والله يسمع منك ويوم يخلصون تشييده علمني تكفى يا الطيب