المساعد الشخصي الرقمي

مشاهدة النسخة كاملة : أين يقع أفضل مكان للتخييم قريب من الرياض !!!


ابو سعــد
06/09/2006, 08:14 AM
السلام عليكم ورحمة الله وبركاته جميعا ،،،
انا من عشاق هذا المنتدى ومن المتابعين له من فترة طويلة ، وماشاء الله اغلب الاخوان هنا متعاونين جدا وخبراتهم ممتازه وعالية جدا .
أرغب من اخواني مساعدتي في ايجاد مكان للتخييم (مخيم ثابت ) ، الجميع يعلم ان الاماكن القريبه مثل الثمامه وطريق القصيم ممتلئة ومزدحمه ولم تعد تشعر بأنك في البر .
أرجو ان يكون الموقع تتوفر فيه بيئة رملية (طعوس أو نفد )، لانني سأضع في المخيم خيول . واتمنى ان تكون المنطقة لا تبعد عن الرياض ب 150 كيلو بحد اقصى . وبارك الله فيكم
غضنفر
06/09/2006, 09:33 AM
شف طال عمرك
فيه محل بكر لم يستهلك بعد وغير معروف لدى كثير من الناس ويبعد 90 كيلو
وهو النفود التي مقابل منتزه سعد حول مصفاة ارامكوا وان شاء الله المنطقة آمنة وذلك لوجود دوريات المجاهدين
وان ما اعجبك المحل عندك النفود التي حول الخرارة تبعد عن الرياض 50 كيلو
ابو سعــد
06/09/2006, 01:30 PM
شف طال عمرك
فيه محل بكر لم يستهلك بعد وغير معروف لدى كثير من الناس ويبعد 90 كيلو
وهو النفود التي مقابل منتزه سعد حول مصفاة ارامكوا وان شاء الله المنطقة آمنة وذلك لوجود دوريات المجاهدين
وان ما اعجبك المحل عندك النفود التي حول الخرارة تبعد عن الرياض 50 كيلو
بارك الله فيك ،، منطقه جيده بأذن الله وخصوصا انها على كلامك بكر .
ما رأيك اخي الكريم بالحفنه ، هل ترى انها مناسبه .
الأخضر
06/09/2006, 02:40 PM
أبو سعد سلمك الله
مادام إنك تبي تحط مخيم ثابت فإحرص على عدم البعد مره . وتقدر تختار الجهة الأقرب لمقر سكنك بالرياض فإذا كنت في الشرق فأنسب موقع اللي ذكرلك الأخ بلاك باث وهو نفود الدهنا وإذا جيت غربي النفود في ثلاث فياض أو رياض الأولى الجنوبية شمال الطريق مباشرة جنب المصفاة من شمال والثانية عنها شمال بحول عشرة كيلو والثالثة روضة خريم المعروفة .
ولو دخلت على قوقل تشوف الموقع على الطبيعة وتختار على كيفك .

وبالنسبة لشمال الرياض فعندك النفد اللي شمال العاذرية تجيها من طريق القصيم ... وأول ما تفرق من طريق القصيم وتتجه شرق تجيك النفد على يمينك إزرق في طرفها وروق . أو أمش قدم شوي يجيك برج الجوال على يسارك شف المنطقة اللي شماله حلوة للكشاته والعوايل والمخيمات وعشبها أغلبه رمث وإذا ربعت كلها خزامى ...
وإذا حبيت اقرب ... فبعد ما تمشي على طريق القصيم 45 كيلو يجيك معبر جمال أطلع معه ولف يمين وبار الشبك وأنت متجه شمال حول 3 - 4 كم ودور لك محل زين ولكن ترى هذي المنطقة مخلوطة جبال ومغطى بعضها برمل بسيط ويحدها شمال شعيب مهوب شين التخييم على جاله .

أما بالنسبة لأهل غرب الرياض وجنوبه فأعتقد أنسب شيء لهم جهة المزاحمية وطريق الحفيرة .
تحياتي .
امبارك
06/09/2006, 04:14 PM
السلام عليكم ورحمة الله وبركاته،،،

والله ما بقى في الرياض بر زين.. لكن مادمت في دائرة نصف قطرها 150كم.. فلا تعدى هالمحل..
بس بشرط.. ما نلقى بعدين في محلكم شبوك وخشب وقراشيع واكياس شعير.. إتفقنا؟ قل تم!

المحل سهل وقريب.. بالنفيد (تصغير نفود) اللي عند الخاتلة.. تقول وين الخاتلة؟؟ اقولك تمشي مع طريق القصيم حتى يجيك مفرق الحسي.. بعدين تطلع مع المفرق وتلف يمين بإتجاه الرياض مع الطريق القديم.. 3-4 كم يجيك مفرق رويغب على اليسار.. لف وبعد كم كيلو يجيك مفرق الخاتلة على اليسار.. لف يسار وطب الديرة وتعدهم شرق وإلا شمال.. والله يجعله منزل مبارك.. آمين.

تحياتي
صائد الفوائد
06/09/2006, 04:37 PM
نفود الزويلات على بعد 50كم من الرياض بعد ما تتعدى تفتيش الرياض الخرج بنص كم وانت متجه للخرج لف يمين وتمشي خمسة كيلو تلق النفود عن يمينك
ابوظافر
06/09/2006, 05:14 PM
فيه محل بكر لم يستهلك بعد وغير معروف لدى كثير من الناس ويبعد 90 كيلو
وهو النفود التي مقابل منتزه سعد حول مصفاة ارامكوا وان شاء الله المنطقة آمنة وذلك لوجود دوريات المجاهدين <<< انا اايد اخوي بلاك

والله يوفقك اخوي
ابو سعــد
06/09/2006, 10:13 PM
أبو سعد سلمك الله
مادام إنك تبي تحط مخيم ثابت فإحرص على عدم البعد مره . وتقدر تختار الجهة الأقرب لمقر سكنك بالرياض فإذا كنت في الشرق فأنسب موقع اللي ذكرلك الأخ بلاك باث وهو نفود الدهنا وإذا جيت غربي النفود في ثلاث فياض أو رياض الأولى الجنوبية شمال الطريق مباشرة جنب المصفاة من شمال والثانية عنها شمال بحول عشرة كيلو والثالثة روضة خريم المعروفة .
ولو دخلت على قوقل تشوف الموقع على الطبيعة وتختار على كيفك .

وبالنسبة لشمال الرياض فعندك النفد اللي شمال العاذرية تجيها من طريق القصيم ... وأول ما تفرق من طريق القصيم وتتجه شرق تجيك النفد على يمينك إزرق في طرفها وروق . أو أمش قدم شوي يجيك برج الجوال على يسارك شف المنطقة اللي شماله حلوة للكشاته والعوايل والمخيمات وعشبها أغلبه رمث وإذا ربعت كلها خزامى ...
وإذا حبيت اقرب ... فبعد ما تمشي على طريق القصيم 45 كيلو يجيك معبر جمال أطلع معه ولف يمين وبار الشبك وأنت متجه شمال حول 3 - 4 كم ودور لك محل زين ولكن ترى هذي المنطقة مخلوطة جبال ومغطى بعضها برمل بسيط ويحدها شمال شعيب مهوب شين التخييم على جاله .

أما بالنسبة لأهل غرب الرياض وجنوبه فأعتقد أنسب شيء لهم جهة المزاحمية وطريق الحفيرة .
تحياتي .
بارك الله فيك ،، ومادام انكم وصيتوا على المنطقة اللي شرق الرياض انت والاخ بلاك باث فانشاء الله اني لازم اشوفه واكيد انه بيناسب دامكم وصيتوا عليه ..
وبالنسبه للمنطقه اللي عند المعبر ما تصلح لان طبيعتها زي ما ذكرته انت سابقا مخلوطه .
ابو سعــد
06/09/2006, 10:18 PM
السلام عليكم ورحمة الله وبركاته،،،

والله ما بقى في الرياض بر زين.. لكن مادمت في دائرة نصف قطرها 150كم.. فلا تعدى هالمحل..
بس بشرط.. ما نلقى بعدين في محلكم شبوك وخشب وقراشيع واكياس شعير.. إتفقنا؟ قل تم!

المحل سهل وقريب.. بالنفيد (تصغير نفود) اللي عند الخاتلة.. تقول وين الخاتلة؟؟ اقولك تمشي مع طريق القصيم حتى يجيك مفرق الحسي.. بعدين تطلع مع المفرق وتلف يمين بإتجاه الرياض مع الطريق القديم.. 3-4 كم يجيك مفرق رويغب على اليسار.. لف وبعد كم كيلو يجيك مفرق الخاتلة على اليسار.. لف يسار وطب الديرة وتعدهم شرق وإلا شمال.. والله يجعله منزل مبارك.. آمين.

تحياتي
تم طال عمرك ،،، عموما انا قبل ما اطق الخيمه اروح واحفر حفرة للقمامه وانت بكرامه اجمعها فيها وقبل ما امشي اشب فيها ودافنها ،،، وجزاك الله خير على النصيحة جعل جنسك واجد ..بس هالخاتله لازم اوقف عليها . لان المخيم بيصير ثابت . وانشاء زيارتكم له واجبه علي يا اخوان وبرد عليكم في نفس الموضوع اذا الله اراد وخيمنا وبزودكم بالصور .
بس ياخي اخاف هالمنطقه فيها جن ،، غريبه قريبه من الرياض وما فيها احد ....:D
ابو سعــد
06/09/2006, 10:21 PM
نفود الزويلات على بعد 50كم من الرياض بعد ما تتعدى تفتيش الرياض الخرج بنص كم وانت متجه للخرج لف يمين وتمشي خمسة كيلو تلق النفود عن يمينك
فعلا كلامك على متمه اخوي بارك الله فيك ،،، وربعي وجامعتي كلهم هناك من الخرج ،، بس احاول اشمل او اشرق طال عمرك ... الف شكر لك على حرصك

اخي ابو ظافر شكرا على نصحك وانشاء الله بزور هالمكان وخصوصا ان اغلبكم وصى عليه ،، جعل عمركم طويل ونشوفكم في مخيمنا على خير ..
(((القناص)))
07/09/2006, 05:48 PM
السلام عليكم ورحمة الله وبركاتة
اخوي ابو سعد انا أأيد اراء اخواني لكن فية محل يصلح لك يابوسعد طال عمرك
رمل ويبعد بالكثير 100كيلو من الرياض بعد فيضة الخفس أولا: الخفس امسك طال عمرك خط الثمامة الين يجيك مفرق الطوقي يمين خلة سيد لاتلف الين يجيك بقالة خشب على اليمين بعدها على طول ملف رملي عاد على حسب اختيارك رح وان شاء الله بتلقى الي تبي
وفية اذا تعديت المفرق بكم كيلو على اليسارمحلات حليوة نص ونص والله يوفقك بس لاتنسى تعزمنا في المكان الجديد
اخوك (((القناص)))
ابو سعــد
09/09/2006, 09:12 AM
الله يجزاك خير اخي القناص ،،، وعلى توصيفك المكان شكله جيد
وابشروا ان شاء الله بالحق وما يلحق