لو أستورد من دولة خليجية غير الإمارات سيارة مصدومة ومصلحة تدخل ولا لا ؟!

[قطاع الأرماس]

السلام عليكم ورحمة الله
تعلمون وفقكم الله أن جمارك منفذ البطحاء مشددين على إستيراد السيارات المستعملة القادمة من الإمارات عبر منفذ البطحاء من ناحية التشييك عليها لمعرفة هل هي مصدومة ومصلحة ولا لا .. وإذا كانت مصدومة ومصلحة لا يدخلونها ..
المهم .. محدثكم ناوي يشتري من قطر جيب مصدوم ومصلح في قطر ويصدره للسعودية .. و ودي اتأكد هل منفذ قطر يطبقون نفس إجراءات البطحاء من ناحية التأكد من كون السيارة مصدومة ومصحلة ولا لا .. وجزاكم الله خير :)

[abo naser 1]

السلام عليكم

الي أعرفه ان المنافذ ما يتخلون مصدوم ام لا بس يطابقون الموتر المشكلة في شهادة المواصفات و المقاييس هم الي يكشفون عليها ويشيكون على المواقع مثل كارفكس وغيرة اذا صار مطابق بموجب الشهادة تطلع بطاقة جمرك يعني اذا صار بالموتر مشكلة وانت ماتعلم ما تكتشفها الا بالمواصفات والمقاييس

[المميـز]

:

اللي اعرفه في موضوع السيارات المصدومه
مطبق على السيارات الامريكيه فقط
لانهم يسجلون كل كبيره وصغيره في موقع خاص
وهيئة المواصفات والمقاييس يتعاملون مع المواقع هذي لمعرفة السيارات الامريكيه

قد يكون النظام تطور ولحق السيارات اليابانيه ولكن دول الخليج مايتعاملون مع هذي المواقع
اللي تتعامل معها امريكا

هذا من واقع معرفتي يمكن طبق نظام جديد بخصوص الياباني

لعل المجربين يفيدونك من خبرتهم ان شاء الله

:

[المواصفات]

السلام عليكم
بي واقع تجربتي الى الحين مابعد تنحل الجمرك ماعلية من الموقع عليه من السيارة شكل السيارة مصدومة و الأستمارة
المشكلة الكبيرة من المواصفات والمقايس
اهم حتى تشيك مايشيك على السيارة بس يدخل رقم الشاصي في موقع اتو شيك ويشوف كلمة SALVAGE خلاص يقولك روح بيعها تشليح ولا احرقها ... لية مادري حتى تشيك مايشيك على السيارة
بس انا الحين راح اشوف حل خت اوراق السيارة ورسلت امريكا
http://www.dmv.org/tx-texas/salvaged-vehicles.php
طبعن اهم شي لاتكون محترقة ولا غرق مصدومة لا عادي يعطونك ويحولون من SALVAGE الى Rebuilt
يعني تم تصليح طبعنا لازم دفع مبلغ رمزي 80ريال وراح اشوف حل ان شاء الله لانه في ناس ماتخاف الله تقول لي 10الف ريال علشان ورقة المواصفات اول تدفع 300ريال حق فص حتى افكر ارسل برقية بس مادري يجيني رد او لانه والله لي اكثر من 3شهور ما اقدر حتى اطلع في السيارة

[قطاع الأرماس]

جزاكم الله خير يا شباب على الردود .. لكن حتى تكونوا في الصورة .. السيارة هي جيب لاندكروزر مستعمل في قطر و وراد وكالة قطر ..وصدم في قطر وتم تصليحه في قطر :) لكنه مرشوش رش كامل :( .. فهل الجمارك راح يشوفون البوية ويتأكدون فيه رش ولا لا :)

[المواصفات]

عادي يدخل السعودية بدون مشاكل
توكل على الله

[abo naser 1]

جزاكم الله خير يا شباب على الردود .. لكن حتى تكونوا في الصورة .. السيارة هي جيب لاندكروزر مستعمل في قطر و وراد وكالة قطر ..وصدم في قطر وتم تصليحه في قطر :) لكنه مرشوش رش كامل :( .. فهل الجمارك راح يشوفون البوية ويتأكدون فيه رش ولا لا :)



الجمارك مالهم دخل هل مرشوش ام لا الكشف لدى المواضفات والمقاييس تسمى الشهادة بموجبها تطلع بطاقة جمركية

والي أعرفة ماني متاكد انهم يكشفون على الشاصية وباطنية السيارة هل هناك ضرر يخل بالمركبة وبعده يشيكون على المواقع وانت شاري سيارة بمواصفات خليجية ومستخدمة بالخليج ولا تسجل بهذه المواقع ولاتشتري الا بالخبر اليقين

[راعي المكشايت]

اذا الصدمه ما اثرت في الشاص تدخل لان المواصفات اللي يقولك اوكيه او لا تمر عليهم بعد حجز موعد عند المواصفات والمقايسس السعوديه
اذا قال البدي فيه رش قل انا صادم عليه في السعوديه ومصلحه الشاص سليم ما له حجه يتكلم

[قطاع الأرماس]

ابشركم يالربع الموتر دخل مع المنفذ بدون ما يشوفونه حتى .. رغم انه مرشوش رش كامل .. لكن وش سالفة هيئة ( المواصفات والمقاييس ) اللي تقولون لي وهل لازم أمر عليهم ولا لا ؟! علماً ان الموترمرشوش رش كامل لكن الشاص سليم والحمدلله

[Noz]

الاخ العزيز قطاع الأرماس بتحجز موعد مع المواصفات و المقايس ويشكون على سيارة من جميع النواحي وهم يعطونك شهادة المواصفات وبعدها تروح الجمرك تطلع بطاقة جمركية ، وبعد البطاقة الجمركية تفحص و تأمن وتصدر لوحات مرورية .
ان شا الله اكون افدتك

[كايد]

السلام عليكم صبحكم الله بالخير

يالربع نفس الاستفسار ...عن استيراد الجيوب الخليجية اذا فيها صدمة

يصدورنه او يردونه !!!!