ارتفاع اسعار التشاليح

[فيصل التميمي]

السلام عليكم
ذهبت الى التشاليح لشراء سلاسل حقت باب الصندوق للشاص لان شريته بدون سلاسل مادري هل ابوجميل ماحطهن او ان المعرض فاكهن المهم في الموضوع
اسئل عنها في التشليح يقول 250 ريال والثاني نفس الاول والثالث يقول 200 ريال هالزوله يحطون السعر من الراس
وامر محل السباكة واشتري لي سلسله ب 9 ريال واروح للحداد واظبط لها قاعدة ب10 ريال
وانتهت القصة شف كيف يلعبون علينا
حبيت فقط التنبيه

[راعي المجهم]

فيه بدائل كثيرة عن قطع السيارات

ولكن عشانها للسيارات يرفعون سعرها

حصل عندي تنسيم مواصير المكيف من الجلد

سألت عن سعرها عشانها للمكيف قالي الوحدة بـ 10 ريال

ورحت شريتها من محل قطع غاز طقم كامل فيه 200 حبة بـ 20 ريال

تركب للدوافير والقزوز الطبخ

نفس الي في محلات قطع الغيار الي تركب للمكيف

وجبتها للكهربائي وقلت له نق الي تبي ورد الباقي

[SGL]

أعوذ بالله هذولا ماهو فهمين كلمت تشليح زين أنا رحت التشاليح أبي واير الشنطة اللي تفك فيه الشنطة من عند كرسي السايق ولقيته قلتله كم قال180من الآخر تركته ورحت الوكالة تتوقون بكم لقيته 80ريال الزول زاد100مدري من وين أخترعها هو لو قال من البداية100كان أشتريتها و20الزايدة حقت فكه للواير والسالفة الثانية رحت تشليح دايم يجلس فيه صاحبه ومعروف أنه أخلاقه طين يتكلم من طرف خشمه جيته أبي اليد اللي تقفل الباب الخلفي للحوض حقت هايلكس قلت خلني أشتريها من تشليح جاهزه لونها أبيض لاأرش ولا شي بس أركب يوم قلتله بكم قال ماأبيعها لحالها أبيعها مع الباب الخلفي كامل اللي مكتوب فيه تيوتا قلتله وش أبي فيه أخذه وش أسويبه أركبه على واجهة الموتر ههههه والله رد علي وقال ماتبغاه خله غيرك ياخذه لاتشغلنا حرام أني نويت أمصعه بكف وعدل أخلاقه بس الواحد مايبي يتمشكل مع الناس

[التعـ King ـديل]

على فكره 50% من قطع التشليح عندنا اغلى من الوكاله

والعامل يعطيك سعر من راسه ولا يدري عن شي ،، قبل خمس سنوات كان عندي باترول 99 وحبيت اغير طبلونه ليزر المهم دقيت على تشليح الرياض ورد علي اكرم السوداني المهم قلت له ابي طبلون ليزر حق باترول قالي ب 1200 ريال قلت شكرا وقفلت وبعد يومين قلت ياولد رح جبه ب 1200 والله يعوضك خير المهم رحت له وقلت ابي طبلون ليزر انا كلمتك قبل كم يوم بالتلفون قالي بكم قلت لك قلت ياولد فرصه قلت انت قلت لي ب 500 كامل مع الافياش قالي لا ممكن قلت زتمويه قصده 600 قلت يمكن على العموم ابيه ب 500 تعطيني ولا مشيت قال خلاص اختر الطبلون اللي تبي ونفكه لك واخذته ب 500 ريال مع انه يقول بالتلفون 1200

[abo naser 1]

التشاليح عالم آخر أسلوبك وطريقتك في التعامل معهم يحدد السعر
أبعد عن التشليح المزحوم والتشاليح المشهورة و الي في واجهة التشاليح وابحث عن الي صاد ولاتحقر تشليح تقول ايه ماعنده شكله داج وسبحانه تلقا حاجتك وبسعر اخو البلاش
قبل أسبوع بحثت عن عكوس باترول الي يقول الواحد ب 300 والي يقول ب 250 وفي الأخير لقيت واحد صاد يحك راسه يبي يستفتح واخذت الأثنين كاملة بمساميرة ورمانه ب 250 ريال لا وبالضمان اخت الجدد وسبق وان اخذت واحد من فترة ب 100 ريال والشواهد كثيرة جداً خصوصاً في القطع الغير نادرة

[
B]والسبب في ارتفاع الأسعار هو السيطرة الكاملة والشاملة على التشاليح من قبل الأجانب مافيا واتفاقيات على رفع الأسعار ومحاربة من يخالف ذلك حتى الي يبيع سيارة مصدومة وهو في مصيبة اول ماتدخل مثل يسوم ب 30 تعداهم تبحث عن سعر أفضل التلفون يشتغل موتر جاي كذا مواصفاته أكسرة يعني ب 26 والضعيف يدور محد يعطية بال وفي الأخير يرجع لأبو 30 هاه ماتبية ب 32 عاد يرد الزول بكبرياء شوف انا صامل ب 28 تبيع شوي والا الرجال باع فاضي هو صطحات وهم وفي الأخير ينزل السعر وفي الأخير يبيع الزول المكينة لحالها ب 28 والباقي مجاني يفصله تفصيل والموتر يسوى بحالنة مايقل عن 38 الف

هم اتفقو على اخراج ابن البلد من التشاليح والأسواق والخضار والتجارة بمجملها والخير والبركة في البيع والشراء وأصبحنا نبحث عن وظائف ونكد على المخالفين والمتخلفين

أملنا بحكومتنا تصحح الأوضاع وتطرد المخالفين وتحد من العمالة بأذن الله ترخص الأسعار والناس ترزق وتروح العطالة وخيرنا لنا مايصدر للخارج[/B]

[Salamah.y]

عليكم السلام و رحمة الله و بركاته

,

صدقت والله , التشاليح و ما ادراك ما التشاليح
المشكله أغلب القطع اللي عندهم ماله قاعده من حيث السعر
واحد يقول لك بـ ألف , و الثاني يقول لك بـ 200 ~
و متأكد اثنينهم ما يعرفون السعر الحقيقي في الوكاله

و كله كوم , و بيع القطعه كامله كوم ثاني
تجيه تبي هوب , يقول لك لازم تاخذ الدفرنس كامل

شغلتهم غير منظمه أبد للأسف
الله يرزقهم و يهدينا وياهم و لا يحيجنا لهم ولا يحدنا عليهم

[فيصل التميمي]

اشكركم اخواني على المرور على الموضوع والتعليق
لاكن لابد ان يكون لهم تنظيم وطريقة تقييم القطعة من ناحية الاسعار

[bad boy]

المشكلة مو بس بالاجانب المصيبة العظمى من التجار وأهل الواسطات هم من سهل للاجانب
ان يكون لهم كلمة في التشاليح والورش والاسواق والمحلات !!
أنا لي مايقارب أربع سنوات احاول اني القى ارض بالصناعية أحقق فيها حلمي
واستاجرها من البلديه وللاسف مالقيت كلها اراضي بيضاء يملكها تجار يتحكمون
بالاسعار ويتنازلون عنها بمبالغ خيالية !!
حتى اني حصلت ورشة شبة فاضية وبدون عمال عارضها صاحبها للتنازل
باخر الصناعيه واتصلت عليه وسالتها لقيت الاخ عارضها بـ800 الف ؟؟
وبعضها يوصل للمليون !!
وبالاخير تبقى احلامنا حبيسة لعقولنا !!
بسبب تاجر جشع !!

[محمد عجاج]

أعوذ بالله هذولا ماهو فهمين كلمت تشليح زين أنا رحت التشاليح أبي واير الشنطة اللي تفك فيه الشنطة من عند كرسي السايق ولقيته قلتله كم قال180من الآخر تركته ورحت الوكالة تتوقون بكم لقيته 80ريال الزول زاد...

عن جد التشليح أغلى من سعر الوكالة

[Anwar abdulla]

استغرب من اللي يدرعم للتشليح بدون مايسأل عن السعر بالوكاله!!

اغلبهم يعطونك سعر خيالي عشان يدري انك ماراح تكاسره الا بمبلغ بسيط
اعطه السعر اللي بخاطرك واذا نفسه شينه التشاليح مليانه

[ساكن طيبة]

انا مره رحت ادور ترس الخامس لكامري 99 لقيته بالتشليح ب500 واروح للوكاله واخذه جديد اصلي ب300 ريال

والشوااهد كثييير

[فيصل التميمي]

بيض الله وجيهكم ياخواني وكلامكم في محله والمتضرر من التشليح كثير خاصة انه يستغل من الاجانب في بيع قطع الغيار والاسعار الخياليه

[PATHFINDER 4]

صار لموترنا يوكن حادث للوجه
رحت لسوري قال ابعطيك كامل الوجهية 10.000

سألت احد الاعضاء وقال انا ماخذ نفس القطع 4000


6000 ريال وين بتروح ؟؟

[الجوكر حسن]

الله يعين بس

[الحربي حاتم]

بسم الله الرحمن الرحيم
بارك الله فينا وفيك
صدقت والله إنها صارت معنا أكثر من مرة وبإستمرار . الحرامية واجد ومايردعهم النظام الفاشل اللي عندنا حسبنا الله ونعم الوكيل

[راعي الصنف]

الاسعار تزيد بشكل واضح الخميس والجمعة .. يعني لا تروح الا وسط الاسبوع ون حصل الثلاثاء يكون افضل علشان يكونون داجين اربعة ايام .. ويبي يبيع ..

[بدران الدوسري]

حصلت معي

كنت أدور مرتبة خلفية للهايلكس ... المهم أنا سامع أنها جديدة في الوكالة مايقارب الـ 800 ريال

تغاليت الوكالة قلت خلني أنقز للتشليح .. وحطيت في رأسي قبل ما أروح أن زادت عن الـ 200 ريال مانيب شاري

دخلت الساعة 10 الصبح وعلى رواقة ولانيب مستعجل , أول محل عطاني من راسة وقال 850 قلت الوكالة أرخص منك تستبهل علي أنت ؟ قال أن المرتبه بفكها من موتر جديد ومن هالخرابيط قلت فمان الله بس

وثاني محل لقيتها بـ 650 وثالث محل بـ 550 وعلى هالحالة ألين خذتها بـ 150 من محل في أخر التشليح

وكنت سائلة على عجلة وأنا شبه حاقر المحل

والحمد لله أني ما أستعجلت

[شاهين12]

اسعار التشليح حظ ونصيب احيانن تاخذ القطعه ارخص بواجد عن الوكاله والعكس صحيح ايضا.

و حتى فروع الوكاله يختلف عندهم قيمة القطعه .
مثلا تشيك على ثلات محلات فروع تابع لوكالة تويوتا معتمده.
تجد اختلاف بقيمة القطعه وهذا حاصل معي وفرق بالسعر واضح.. .

[مخ سعودي]

سبق ان غيرت اديتر ماكسميا 2002 من بن ماضي لكن قمت بالذهاب للتشليح بحكم انه ارخص ووجدت ان سعر الاديتر 600 ريال وفي بن ماضي 600 ريال لكن جديد عرفت ان الدعوى فوضى

[العنابي 616]

التشاليح فيها نصب عظيم الله لا يحوجنا لهم

مرة احتجت باب راكب أمامي للاندكروزر رحت للتشاليح أسأل عنه و لقيت اسعار خيالية من 1600 إلى 800 و أبو 800 مسمكر و محلي ما اقتنعت بالأسعار و خليتها
رجعت يوم ثاني و قعدت أنبش بالتشاليح الصادة و لقيت باب نظيف ما دقه الشاكوش و الحمدلله أخذته ب 350 ريال

[فيصل التميمي]

على العموم ياشباب لابد من التركد وعدم الاستعجال عند شراء القطه خاصة التشاليح الكبيره والمشهوره

[الشامخ 66]

حسبي الله ونعم الوكيل
قبل امس كنت بالتشليح أبحث عن باب شنطة للفورشنر لقيت سعره 5000 ولي يقول 6000
كل واحد يحط سعر من راسه اين الرقابة عنهم والله المستعان

[راعي الرود]

وش تتوقعون اذا الدعوه سايبه بالتشليح ولا فيه اي جهه حكوميه تراقب هناك

[شنطة عده]

قاعده ثابتة
اذا الله قدر عليك تحتاج قطع غيار من التشليح
قبل تروح اعرف سعر القطعه اصلي وتجاري

[باسل نجد]

لا وغير الغلى الفاحش أن بعض القطع اللي يفكونها لك تجارية تم تركيبها على السيارة من قبلهم او من صاحبها الأول .
ويبيعونها لك على أنها أصلية ويقولون لك شف نفكها قدامك من سيارتها ، والله أعلم بنياتهم .
وقد سمعنا من قبل أنهم يوضبون القيرات والمكاين الرجيع ويحطونها في سيارات تالفة عندهم ويوهمون المستهلك المسكين أنها شد الوكالة .
وذمتي برية منهم ومما يفعلون

[sgl2002]

اول شي ماهو كل شي ناخذه من التشليح

الا الحاجات الغاليه والنادرة يعني زي الكمبروسر والباكم والدفرنسات والقيور والمكينه هذي اللي تستاهل تروح عشانها التشليح لان فرق السعر واضح

اما الحاجات البسيطه فالافضل اخذها من الوكاله


وثاني شي ؛ لو عندنا وكلاء صاحين كان ما انحدينا ع التشاليح

وعلى سبيل المثال ؛ الله يقطع الحمراني ولا يوفقه مثل ما احتكر علينا النيسان وكرهنا فيه غير ان النيسان حبيب يقبل الترهيم من اي موتر ثاني

[sgl2002]

وفيهم نصب التشاليح

رحت ابي اشتري دينمو للباترول قالي ب٨٠٠ قلت ورني اياه يوم شفته الا وهو ماليزي ب١٥٠ جديد في السوق


واقعد ادور انا وياه يالله حصلت حق وكالة نيسان المكتوب عليه هيتاشي

[أبوعذااب707]

انا صدمني واحد وشرد قبل 6 شهور ولليوم ما عرفته حسبي الله عليه
الشاهد وديت السياره لورشه بالصناعيه ومريت التشاليح حصلت كل القطع عندهم اغلى من سعر الوكاله
حتى جسر الصدام لقيته بالتشليح ب 600ريال وبالوكاله 300
يوم اتهاوش مع السوداني قال ذا شد بلد
يدورون اي عذر عشان يطيرون الاسعار
لكن شهاده حق تشاليح الدمام الي على طريق بقيق ﻻحظت عندهم كل شي بنص السعر حق الوكاله

[ممتر البران]

على فكره 50% من قطع التشليح عندنا اغلى من الوكاله

والعامل يعطيك سعر من راسه ولا يدري عن شي ،، قبل خمس سنوات كان عندي باترول 99 وحبيت اغير طبلونه ليزر المهم دقيت على تشليح الرياض ورد علي اكرم السوداني المهم قلت له ابي طبلون ليزر حق باترول قالي ب 1200 ريال قلت شكرا وقفلت وبعد يومين قلت ياولد رح جبه ب 1200 والله يعوضك خير المهم رحت له وقلت ابي طبلون ليزر انا كلمتك قبل كم يوم بالتلفون قالي بكم قلت لك قلت ياولد فرصه قلت انت قلت لي ب 500 كامل مع الافياش قالي لا ممكن قلت زتمويه قصده 600 قلت يمكن على العموم ابيه ب 500 تعطيني ولا مشيت قال خلاص اختر الطبلون اللي تبي ونفكه لك واخذته ب 500 ريال مع انه يقول بالتلفون 1200





ومشرف بيع وشرا

[المعرقب]

هلا خوي تشاليح وما ادراك متشاليح عماله نصابين ولا العن منهم الى سعودي والمثل
ان رحت عند نصابين خلك مثلهم المهم كنت ادورلي دعامه بترول الربل سود الي في صدام الامامي لقيتها عند واحد سوداني ومعروف انه مختص بنيسان بكم يزول قالي نبيعها بصدام كامل بكم قالي 500 وذا تبيها لحالها 700 المهم قهرني قلتلة تلعب علي يزول وش رد قال عجبك او امشي المهم قلتله تعرف تكلم من سكة المهم قلتله انا في المباحث معك اقامه الى ورجال قام يرقل المهم جاني سعودي يركض طلع زول لأقامه
ومتخلف سعودي بكم تبيه قلتله معاد ابيه والمهم لزم قلتله 30 قال عوض فكها
وصار هذا شغلي في تشاليح

[الهواء نسري]

هلا اخواني
اما اصحاب التشاليح جربناهم . معظمهم فيهم جشع وطمع مو طبيعي خاصة اذا سالت ورجعتله ثانيه يدري انك محتد عليه .ويعاند اكثر ....ملاحظة يا اخوان قبل لاتروح لتشيلح سعر قطعتك عند محلات قطع الغيار والا الوكالة
لان اصحاب التشاليح احيانن يعطونك سعر اغلا من الوكالة او اصحاب القطع غيار ..الله يهدينا وياهم .لكم مني خالص التحايا

[العطاوي a511]

تبون الصراحه اللي يروح التشليح وهو غير محتد يعني مالقى القطعه بمحلات الغيار مايعرف يصرف عمره وهو اللي طمع التشاليح فينا
التشليح كنا نروحله اول عشان رخيص اللحين وش نبي فيه اغلى من الوكاله حسبون كل من يجيهم محتد عليهم

[الحميضاني]

سلام عليكم
والله اكثر التشاليح نصابين قبل فتره رحت للتشاليح ابي عوامه للسفاري 96 كبريتر اللي 300 والي 400 واخر شي اخذتها من الوكاله بــ140

[الجوكر حسن]

تبون الصراحه اللي يروح التشليح وهو غير محتد يعني مالقى القطعه بمحلات الغيار مايعرف يصرف عمره وهو اللي طمع التشاليح فينا
التشليح كنا نروحله اول عشان رخيص اللحين وش نبي فيه اغلى من الوكاله حسبون كل من يجيهم محتد عليهم


ههههههههههههههه انا اشهد كفو على الكلام الحلوووو :D

[أبو جراح11]

هو بس التشاليح

اليوم كنت عند محل قطع غيار سيارت أبي طقم سيور للمتوتر
قلت لة كيف الأسعار مانزلت مع السيارات؟؟؟
قال السيارة الرخيصة قطع غيارها غالي
ينزلون هنا ويرفعون هناك !!!!!!

[بريق اللجين]

هلا اخواني



اما اصحاب التشاليح جربناهم . معظمهم فيهم جشع وطمع مو طبيعي خاصة اذا سالت ورجعتله ثانيه يدري انك محتد عليه .ويعاند اكثر ....ملاحظة يا اخوان قبل لاتروح لتشيلح سعر قطعتك عند محلات قطع الغيار والا الوكالة


لان اصحاب التشاليح احيانن يعطونك سعر اغلا من الوكالة او اصحاب القطع غيار ..الله يهدينا وياهم .لكم مني خالص التحايا


كلامك ياخوك عين العقل سعر قبل تروح للتشاليح
مره كنت ادور مسكه باب حق كرسيدا وهذا قبل يجون الحرامية اللي غزو التشاليح والمحلات اخذتها ب 50 ريال وطلعت تجاري بعد وسعرها في المحلات 20 ريال التجاري والاصلي من 150 وفوق وخلاص ماعاد اروح الامنحد عليهم ومرة كنت ادور زيك نيكل حق ددسن 2002 وقته كان الجديد طقم وفوق ال 700 ريال في الوكالة ورحت التشليح وانا ابي حبة وحده اللي على رفرف الصندوق والقاها ب 70 واخذتها ب 50 تخيل اني اكاسرة وانا افكها لانه لو قال ب 100 اخذتها