المساعد الشخصي الرقمي

مشاهدة النسخة كاملة : مالي الا الله ثم انتم .... ابي رايكم يالربعـ


ابوظافر
06/09/2006, 05:41 PM
مساكم الله بالخير
انا مقبل على شراء سياره وابي شوركم يالربع في السيارات اللي بذكرها

بترول
_________________________________
لاند كروزر جي اكس ار فل كامل او جيب هدد مواصفات في اكس ار <<<<<,, تنصحوني اخذ هدد تومتيك ولا عادي علما ان ميولي للتومتيك
________________________________
برادو فل كامل
________________________________
باثفندر فل كامل
________________________________

ولا تبخلون علينا يالربع في ارائكم


ابيكم تراعون ضروف ان الموتر يكون رزه في المدينه وقوي في البر ( ابي الموتر حق كته ) والميزانيه تتراوح
مابين ميه الف الى ميه وثلاثين كحد اقصى

اعذرونا على الاطاله وسلامتكمـ
بواسامه
06/09/2006, 05:53 PM
هلا بابو ظافر
لا تتعدى
جكس تماتيك
خفيف وعملي ومرغوب
او جكسار مستعمل اخو الجديد أرز على كلامك واكشخ اذا العايله كبيره

اذا العايله صغيره خلك على الباث مرغوب بالسوق اكثر من البرادو في حال البيع مستقبلا
وهذا رأيي
وقابل للرفض بكل سرور :d

واذا انت عزوبي لا تتعدى سزوكي امزححححححححح:d
ابوظافر
07/09/2006, 02:15 AM
بو سامه بيض الله وجهك

وانا عزوبي لاكن ابي مجموعه اراء وميولي هدد تومتيك وش رايكم
محمد العتيبي
07/09/2006, 02:22 AM
اخذلك ياطويل العمر

بترول سفاري 2 2006 قير تماتك وبتدعيلي اخذ جنط 16 مهب 17 لان ال 16 اقوى فزه وخذ لون لؤلؤي وركب كفرات بالون وشف الشكل
راعي المقانيص
07/09/2006, 02:49 AM
الاخ الغالي / أبو ظافر


لك مني الف تحية وتقدير أنت والاخوان الأعضاء

وبخصوص طلب الراي اقولك ياغالي اللاندكروزر محد يشاور عليه لانه شيك في الجيب وصبور وقطع غياره بكل محل وصيانته عند كل محل

واما بالنسبة للحيره الي عندك بين Gxr والهدد ( Gx ) اذا كانت رحلاتك خفيفة للبر انصحك بـ Gxr اما اذا كنت تبيه مايرتاح وقت الشتاء ومغازيك بعيده عليك بـ Gx الهدد والتوماتيك والعادي واحد وانصحك بالتوماتيك علشان الزحمات بداخل البلد
محمد العتيبي
07/09/2006, 04:21 AM
http://www.mekshat.com/pix/upload/images19/mk8996_vtca.jpg

شوف الشكل ولعلمك مكينته 4800 فتك بلا جكس بلافكس

ومعليش اسمحلنا يا صاحب الصورة
عاشق ربـع
07/09/2006, 09:15 AM
توكل على الله وخذلك هدد ...
أبو عابد1
07/09/2006, 10:13 AM
راعي المقانيص كفيت ووفيت ، وما قصرت مع الأخ أبو ظافر

يا أبو ظافر عليك بكلام راعي المقانيص تراه في محله ،،

لاندكرزر Toyota وارفع يدك Gxr4 أتوماتيك ( وتختار إما شنطة أو مقاعد ) وبراحتك ،،



وقول المثل : لولا اختلاف الأذواق لابادت السلع






أخوك المحب / أبو عـــابــــد
الدبل الثقيل
07/09/2006, 11:56 AM
أهم شيء اشتر جديد لاتاخذ مستعمل..
عاشق نيساني
07/09/2006, 12:28 PM
خذ الهدد ولا الباترول

اولا انا معي باترول 2006 سفاري 2 مواصفاته مراتب مخمل فاخر مكيفين وثلاجه وتخشيب دركسون مسجل كاست وسيدي

ونظام تحكم بالسرعه والمسجل عن طريق الدركسون وجنوط 17 وسعره 123 الف بس اللي معي القير عادي
اما التماتيك جربته يجي قيرين عادي وتماتيك بنفس الوقت واسمه تبترونيك
ومكينة الباترول4800 فتك والاحصنه 280 يعني انواع النشاط والاند الجكس ار والهدد نفس المكينه 4500 و240 حصان وفي الوزن الهدد اخف بشي بسييييييط جدا عن الجكس ار الا ان شكل الهدد اعندي افضل والحمدلله الباترول مايعيبه اي شي الا المراتب حقته مع المطامر في النفود


والجلد والتطعيس بدون تنسيم يخليها تتخلخل والباترول التماتيك نفس قوة المكينه لكن فزة العدي اقوى وفي الخط العادي يروح

والجكس ار زد جربت تماتيك وعادي فرق كبييييير العادي تحس انه اخف واقوى لكن التماتيك اريح بس بصراحه المواصفات الداخليه حقت الاند افضل من الباترول ومن رايي خذلك ياهدد او باترول وانشاء الله موفق اهم شي الموتر جديد
ابوظافر
07/09/2006, 03:32 PM
يالربعـ جعلكم ماتشوفون باسـ ولا عثور وكل اللي افادني الله يفتح له اموره

لاكن اخذ لي خليجي ولا بريمي وهل بيتغير شكله ؟

وياخوان اخذ لون اسود ولا لولوي ؟
ابوظافر
07/09/2006, 03:34 PM
وكم هو به في السوق الحين ؟ واي واحد اخذ من اليحي ولا الوكاله ؟
ولدزيد
07/09/2006, 03:38 PM
لا ياطيب خذ جكس (هدد) من معرض الفلاح او الصقر او المسند بلا باترول بلا وجع راس
راعي الهـــدد
08/09/2006, 01:05 AM
ابو ضافر

هلا بك

اسمع شور اخوك المجرب

والله ثم والله ان الهدد جي اكس مافيه اطلق منه واهم شي يكون عايدي انحش من التماتيك تراه ورطه بالتغاريز ولو يقطع الكهربا بالبر والله تروح فيها لا ينتش ولاهم يحزنون وكذلك بالتغريز ولاهوب عملي وحق جور

المهم نصيحة اخو خذ هدد جي اكس عادي شنطه ولا تاخذ سعودي خذ خليجي وراح تدعي لي

انا ونخوك تعبت من اشرى السيارات وارتحت يوم شريت هدد2006 خليجي وارد اليحي لولا عيب فيه ان شاء الله يزول وهو صوت الهوى وانت تمشي ولاكن الأخوان افادوني بحلول ان شاء الله تنفع

كل شي الا النيسان انحش ردي انا مجرب ونخوك

وانحش من الجخاخ على قولتهم (( باثفندرهم __ وبارادوهم __ وهايلكسهم __ وددسنهم دفرنسينهم )) وغيره من الي مايطربك ولا يوسع صدرك وقت الهداد والقناصه ونخوك

ارفع راسها يامال الشحم واستعن بالله واشتر تويوتا جي اكس هدد خليجي

بالعربي الهدد (( شــــــــــــــــــــــــــــــــــــــــــــــــي ــــــــــــــــــــــــــــــــــخ قوم لمنك دعست له ))

ارجو من الأخوان ان لايزعلون علي اهل الهايلكسات او غيرها
كلرز
09/09/2006, 04:11 AM
انصحك للي وجه لله باترول لاتعدى الباترول
تبي الورشات خذ في كس ار سأل مجرب
عاشق نيساني
09/09/2006, 04:40 PM
اخوي راعي الهدد ماقصر يعني عطاك الكلام الهدد مايعيبه شي بس اذا جا تماتيك يجي الموتر ثقيل وعزمه مايطرب يعني العادي

افضل وانشاء الله موفق بس لو تجرب السيارتين الباترول والاند افضلك عشان ترتاح وتكون مقتنع بنفسك بس اذا بتاخذ لاند يفضل قير عادي
مهاجر11
09/09/2006, 04:59 PM
الهدد الجديد لايتعداك
الشاقي
09/09/2006, 05:05 PM
انا اشتريت باجيرو بـ 110 من قبل ربيع العام وممتاز بالبر والديرة
بن فيصل
09/09/2006, 05:42 PM
خلك مع تويوتا وبس
هدد ولا برادو كل واحد له مواصفاته ومميزاته
هاوي الله
09/09/2006, 11:25 PM
على حسب كلامك >>>>>>>>>>>>>>>> مايصلح لك إلا Gx-r (ليمتيد) أوتوماتيك فُل اوبشن &
ملاحظة : آخر دفعه من موديلات 2006 الخليجي هو ( ليمتيد ) ومن مواصفاته = مثبت سرعه + شاشه صغيره >>>>> لايفوتك &
الرهدن
09/09/2006, 11:37 PM
الله يطعمك من خيره ويكفيك شره ويجعله معونة على الطاعة00آمين




.
ابوفواز
10/09/2006, 04:42 AM
اخوي توكل على الله وخذ جكس هدد عادي اذا كانك راعي بران
اما انك راعي ختات خذ تماتيك
وانا بنسبه لي لوا بشتري بشتري وارد اليحيى
لانه خذ مواصفات واصلي مالعب فيه
او خليجي
واذا كانك تبي تطنخ خذ فكس ار<اهه يلفكس ار>
عزم وقوة ومنظروهيبه
والله يوفقك ويكتب الي فيه خير لك