قلص(مقطوره) مع حركات جديده

[مراكي الذيب]

السلام عليكم يالنشاما

مشاركه بسيطه وهي عباره عن قلص مجهز يتكون من التالي

1-خيمه, ثلاجه, بطاريه, سرير, معلوق ذبيحه، ماصورة كنود 5متر ,طاوله ,قز, تانكي مويه



http://www.mekshat.com/pix/gallary/data/images/jvn24.jpg

http://www.mekshat.com/pix/gallary/data/images/jvn09.jpg


http://www.mekshat.com/pix/gallary/data/images/jvn22.jpg

http://www.mekshat.com/pix/gallary/data/images/jvn50.jpg

http://www.mekshat.com/pix/gallary/data/images/jvn23.jpg


هذا صندوق تحطه جنب النار يحفظ اغراض الشاي والقهوه خفيف الوزن
http://www.mekshat.com/pix/gallary/data/images/jvn21.jpg

http://www.mekshat.com/pix/gallary/data/images/jvn15.jpg

http://www.mekshat.com/pix/gallary/data/images/safari1.jpg

نبي رأي الجميع او اي احد عنده افكار جديده تخص الكشاته و اهل القنص

اللي يبي يشتري مثل القلص هذا ترى لي عموله

:D

[فتى الوادي]

السلام عليكم ..
الفكرة جميلة جداً ..
لكن يبدوا لي أن قربعته واجد ..
ولو كان فيه مكان للطبخ ... علشان لو صار عج أو هواء قوي ...
من وين شريته ؟؟!! وكم سعره ؟! وهل تنصح به ؟
وشكراً لك

[القماري]

بصراحة أعجبتني وخصوصا صورة السفاري مع القلص
فكرة حلوة بس كم سعرها ( فل أوبشن):D

[اخو نورة]

السلام عليكم

والله ياخوي عاشق القمري انا ودي اشري مثله بس انشاء الله سعره يكون قد الميزانيه

[آل مهنا]

الاخ عاشق القمري.....

بالاول اشكرك على اطلاعنا على هذه العربه الجميله..... و على الصور الرائعه فعلا...

ثانيا بالاضافه الي اسئلة الشباب عندي اسئلة عن الخيمه (الابعاد , التصنيع , الشكل , وهل هي ضد المطر ام لا).

مع خالص تحياتي.

عنيد

[al-nashmi]

ماء شاء الله شغل مظبوط

اعجبتني صورالمقطوره وخاصه الصوره الاخيره وتخيلت نفسي جالس على الشداد وانت تقهويني من الدلال
البغداديات الزينات......
الله يبارك لك في المقطوره ولا تنسى تترك خزان الماء دائما مليان لانه اذا كان فيه ماء قليل تتمرجح المقطوره وتثر على توازن السياره


سؤال // ليش موجه مثعاب الدلال جهه دخان النار؟؟؟؟؟؟


وتقبل تحيلت اخوك/ النشمي

[مراكي الذيب]

اشكركم جميعا على الردود الجميله

اخوي فتى الوادي : مافيه قربعه اذا انت مركب رمانه

اما مكان الطبخ بالخيمه وهذي الصوره بس يبيلها شد


http://www.mekshat.com/pix/gallary/data/images/jvn04.jpg :D

اشتريته من الضويان بالرس ب 5000ريال
الصراحه انصح به لأن اغراضك دايما جاهزه اشبك واكشت:D

------------------------------

اخوي القماري واخوي اخو نوره: الميزانيه انشاءالله اكثر من قيمة القلص بس طلعو اللي تحت البلاط:D

------------------------------

اخوي العنيد: الخيمه تقريبا 2في 3 شراع ضد المطر من عند السنيدي للخيام في بريده

-----------------------------

اخوي النشمي :اتشرف بجلوسك معي على الشداد ومثعاب الدلال ماهو يم النار ماشاءالله عليك ملاحظه جيده فاتت علي:good: وبعدين ترى الدلال بعيده عن النار

[آل مهنا]

اخوي عاشق القمري.... الله يبارك لك فيها وتقطعها بالعافيه.

من وجهة نظري اعتقد 5000 ريال مبلغ شوي كبير.

لاتسألني عن البلاطه تراي يخوك بعتها....:D

مشكور اخوي .
عنيد

[اخو نورة]

بيض الله وجهك ووجه القارين

اخوي سؤالين اخيره
الاول هل السعر شامل الشراع والخيمه ؟
السؤال الثاني تليفون الورشه الله لايهينك

[الخادم]

اخوي مبروككككككككككككككك و هذا السنع الي يثلج الصدر

1- تكفى كم سعرة كامل
2- و الخزان كم لتر يشيل
3- فية ماطور كهرب


اخوك
الخادم:D :heart:

[مراكي الذيب]

اخوي عنيد السعر طبعا ممكن ينزل حسب المواصفات وعندهم بعد قلوص ثانيه ارخص ,لا وبعد خابرهم
شغالين على واحد كله فايبر قلاص لكن سعره اغلى.
----------------------------------------

اخو نوره : السعر شامل كل شي ماعدى البطاريه والاضاءه انا ركبتها

التليفون:063391116
---------------------------------------

اخوي الخادم: الخزان يشيل تقريبا 100لتر
اما الماطور ركبت بطاريه 70امبير ووصلت لها سلك شاحن من بطاريت السياره



طيب ماقلتو رايكم بالصندوق اللي تحطه جنب النار (الكلام للجميع)؟؟؟؟؟؟؟؟؟؟؟:confused:

[الخادم]

اخوي عاشق القمري

كل شي زين و خاصة لنا يالقصمان اهل البر 0
و الصندوق اكثر من ممتاز و هل هو جاي مع المقطورة ام مفصل وحدة ياخوي ,,,,,,,,,,,,,


اخوك
الخادم:heart: :good: :good:

[مراكي الذيب]

اخوي الخادم:good:

الصندوق من تصميمي واخراجي ,بدل ماتكون اغراض الشاهي والقهوه منثره يمين وشمال النار هذا سكر لا هذا هيل لا هذا قهوه ,كل علبه عليها اسمها ,ويكون فيه البيز والملقاط والليفه(الخلبه) والكاسات والفناجيل
يعني بس خذه وحطه جنب النار ودر الكيف:good:

[اخو نورة]

منتاز بالحيل والله الصندوق ويمنع كبكبة العزبه

عندي استفسار الله لايهينك ولايهين من قرا وكل مسلم
البطاريه يومنك ركبتها وحطيت لها سلك شاحن مهوب خطر على انه يجيه جرح والا ماء مثلاً؟
وتكفى اشرحلنا وشلون مددت لها من البطاريه الاصليه الله لايهينك ويا حبذا بالصور:o
معليش يالفحل تحملنا كثرنا عليك الطلبات .

[عروان]

صراحةً شي رائع.

يعني ماعاد يبيلك موتر حوض. ولا بعد صايرة مثل المخزن يعني بس دخلها بالبيت وأزهلها.

والله أعجبتني حيل مرررة. بس سعرها :hot:


بس لامانع من أقتباس بعض الافكار الحلوة الموجودة بالقلص.

مشكور أخوي على الموضوع الحلو.

تحياتي للجميع

[راعي العشــه]

عاشق القمري انت ماقصرت على الصوره ويعطيك العافيه عليها
بس ودي اعرف مكان التانكي وين فيه وعلى ماقال اخوي كم لتر ياخذ..
وشي ثاني ليه مافيه مكان على الجنب يخص الفاس والشيول ..
وفيه نقطه مافيه مكان للذبيحه احطه فيها :D :D ::confused:

[مراكي الذيب]

اخوي اخو نوره: بالنسبه للبطاريه شبكتها عاديه ,خذ سلك موجب من بطاريه السياره و بنهايته فيش تشبكه بالفيش الللي من القلص.
والسلك الثاني موجب من القلص والسالب من اي مكان بالقلص (تأريض) يصير كل مابغيت تشحن بطاريه القلص اشبك السلك وبعدين افصله على شان ما تفضي بطاريه السياره


-------------------------------

اخوي العشه: بالنسبه لتانكي الماء مكانه في اسفل القلص اما مكان الفاس والشيول موجود تحت الثلاجه.

اما بالنسبه للذبيحه لاتاخذها حيه حطها بالثلاجه :D

[aif]

حلو حلو حلو جدددددا

والله رهييب

لكن ( واحد يبي يعذرب .... ) ما يصلح لي :( :( :(

هذا يبي له واحد مثلك ياراعي القمري رااااااكد

حنا نقامز بالبر ونطييييييييييييييييييييييييييييييييييييييير


بس والله رهيبب الله يعطيك خيره ويكفيك شره

[نجمة سهيل]

شي جميل في غاية الروعه.مشكور اخوي عشاق القمري على هالموضوع وياليت اخوي تعطينا معلومات كامله عن المحل وموقع وتلفوناته . شكرا.

[مراكي الذيب]

اخوي aif:الله يسمع منك الظاهر ان كل الناس اركد مني لو تروح معي مره كان غيرت رايك, مره يوم وصلنا مكان الكشته واحد من الشباب حط على الأكل من الكاسات يحسبه ملح :D


------------------------

اخوي نجمة سهيل: كل المعلومات ذكرتها بالصفحه الأولى ,واذا فيه شي ما ذكرته ارجو التوضيح لأني ذكرت المكان ورقم التليفون والسعر .



وشكرا للجميع

[أبو داحم]

شكلي بشتري واحد بس عملي ولا لا:p

[مراكي الذيب]

اخوي ابوداحم :القلص عملي ومريح والدليل

شف البعارين نازله منه:confused: :D :D



http://www.mekshat.com/pix/gallary/data/images/CAMEL1.jpg

[بن قطر]

عاشق القمري
وين المنطقه الي انت فيه وفي اي سنه

[مراكي الذيب]

اخوي المرعب : المنطقه هي وادي العجمان ,السنه ديسمبر2002


وهذي بعض المشاهد الغريبه

هذا سميته الفطر العضيم واللي حوله كله نفود وغضى
http://www.mekshat.com/pix/gallary/data/images/fiter.jpg


وهذي سمكه كبيره وفوقها سمكه صغيره
http://www.mekshat.com/pix/gallary/data/images/fish.jpg

[الهرش]

خوي ما قصرت
وجزاك الله خير :good:

[الريم س]

ياخوي كمل جميلك واعرض الصور كلها يانحسك نحساه لا وذيبك منفصن عيونه

[صقاري]

الصور ما طلعت كلها ممكن تشوف لنا حل ؟

تعيد إدخالها أو تحذف المكرر وخصوصاً اللي ما يتعلق بالقلص ...

وشكراً ................

[مراكي الذيب]

اسمك الريم س طبعا لازم تشوف الذيب نعوووووم وبعدين مفلصن عيونه ؟؟؟؟؟الذيب ماينام




اخوي صقاري انت تعرف مشكلة المنتدى مع المستضيف لكن انشاالله بحاول انسخ الصور مره ثانيه



شكرا للجميع......

[قناص الهضبه]

الخ العزيز مراكي الذيب السلام عليكم ورحمة الله وبركاته
الرجاء ارسال سعر هذه المقطوره واين نجدها . اخوك قناص الهضبه

[مراكي الذيب]

اخوي قناص الهضبه السعر موجود بالصفحه الأولى الله لايهينك


وبعدين انشاءالله رايح تكون متوفره حسب الطلب بالمنطقه الشرقيه

[بن قطر]

كم طول في العرض في الرتفع

[حاطب ليل]

مشكور اخوي الذيب واعتقد عقب هالافكار الذيب بـيخاويك .... ولاكن ودنا بصورة للخيمه كامله وشرح للبطاريه

[مراكي الذيب]

الاخ المرعب :تقريبا الطول متر ونص في مترين الارتفاع تقريبا مترونص


الاخ حاطب ليل: الله يحييك الذيب ماياكل الذيب , بالنسبه للبطاريه شرحتها بالصفحه الاولى وهي شبكه عاديه مع سلك شحن من البطاريه الاساسيه

اماالخيمه ابشر بس خلني اصورها مره ثانيه


وشكرا للجميع

[أيمن]

( لقد تم إضافة هذا الموضوع إلى المواضيع المميزة والشيقة في هذه الخيمة (http://www.mekshat.com/vb/showthread.php?s=&threadid=8691) )
مع الشكر للجميع ،،
http://www.mekshat.com/pix/upload/images/flow12.gif

مشرف الخيمة

[أيمن]

( لقد تم إضافة هذا الموضوع إلى مواضيع المبتكرات والاختراعات (http://www.mekshat.com/vb/showthread.php?s=&threadid=12308) )
مع الشكر للجميع ،،
http://www.mekshat.com/pix/upload/images/flow12.gif

مشرف الخيمة

[akhan]

مشكوووووووووووووور

[كايد]

الله لا يهينك بكم القلص ذا وين الاقيه
وشكرا

[أحمد الغتم]

بسم الله الرحمن الرحيم
الشكر جزيل الشكر للجميع العملين والمشاركين في الموقع مكشاة علي المعلومات والنصائح الممتازه والموفيدة.
السؤل عن ( القلص ) او المقطور ان صح لي التعبير ؟؟ هل هو امن علي سرعات بين 120 و140 كليومتر في الساعة .؟؟؟؟؟ والسؤل 2 هل به موصفات امن ضد السرقــــــــة ؟؟؟؟؟؟؟؟ وتفضلو بقبول كل التحيه والاحترام .

[مراكي الذيب]

وعليكم السلام ورحمة الله وبركاته


الاخ احمد الغانم: الصراحه السرعه عند 140كلم خطره بدون قلص لكن انا جربته عند140 ما اختلف شي بالموتر .

امابخصوص السرقه اعقلها وتوكل .

[رحاااااال]

السلام عليكم ورحمة الله وبركاته،،،
شكراً لك أخي الكريم على الموضوع والقلص.
كل عام وأنتم بخير

[الأعصـــــار]

تسلم يامراكي الذيب على هالصور الحلوه
شغل عدل وحق واحد حركات تعجبني الترتيبات
الموجوده فيها والي أنت مسويها الله يعطيك خيرها ويكفيك شرها

[الضاري]

بصراحه منظره حلو

واللي زاده حلى اضافاتك علية

تستخدمه بالعافية ان شاء الله

[ابوذيب]

عيدك مبارك يامراكي الذيب ، توك تحطه بالمنتدى انا خابره معك قبل العام بالصيف يوم قنص الطيور وشفته واعجبني وفعلا يكون معك ماءك ومرعاك ،، بس ها السنه ماشفناك عند المزارع ، تحياتي لك وللجميع

[a.الخثلان]

صراحة والصراحة زينه


أحسن شيء الزولية






وما دامها معجبتك فلا يهمك أحد

يا مراكي الذيب تستاهل

[ABU-AL-3eeS]

حيالله اهل الصناعية كلهم

وشي ماهو غريب عليهم

تسلم يالذيب وعساك على القوة

لاتحرمنا شوفتك هالربيع .. :D

[محب الشمال]

اخوي مراكي الذيب ما شاء الله تبارك الله على المقطورة
بس ابي اسال عن صندوق القهوه والشاي وين القاه واذا انت صانعة ابي واحد مثله الله لايهينك أو اسمح لي اخذ الفكره واسويها عند نجار
واذا ممكن كم هاتف محل الضويات بالرس

والله يحفظك

[عاشق المزون]

طيب اخوي اقدر ادخل بالقلص الى النفود مثل الدهناء ولك كل الشكر اناء ناوي اشري قلص بس حب النفود منعني من ذلك بس للمعلومية ترى منيب جالس على جال النفود ابي اتعمق فية وشكرا

[أبوحسين2007]

متى يكون متوفر في المنطقه الشرقيه

[السماوي]

يا سلام شغل نظيف
ويامالكم من التطور يا عشاق البراري

[جرمان]

الفكره الصراحه روووووووووووووووووووووووووعه وجيده جزاك الله خير يالقالي

[محب الشمال]

جزاك الله خير وبارك الله فيك

اخوي مراكي الذيب عندي فكره ما ادري عن فايدتها بالنسبة للصندوق المعاميل
هل من الممكن انه نسوي للكاسات والفناجيل زي الغطاء ومقفل عشان مع الحركة والشيل والحط ما تطيح وتكون مثبته في نفس الصندوق
ارجو ان الفكره وصلت

[سحاب1111]

الله
والله امر مميز

[لحدان]

السلام عليكم يالطيب عجبني وايد التيدر

المشكله انا في الدوحه وابي واحد نفسه اذا تقدر تساعدني

oxo40@hotmail.com

[abo nakwa]

اعزائي بلا استثناء السلام عليكم ورحمة الله وبركاته اما بعد هذة مقطورة رائعة والله يبارك لاخينا بما رزقه ولكن هناك طريقة مقطورة في نظري انها افظل منها من ناحية السعر والاستخدام وهي بكل بساطة كلكم يعرف السيارات القديمة من نوع بكس مثلا كرلا بكي او مازدا او كرسيدا وعد واغلط الطريقة بدون تفرع ووجع راس وهي تجدونها بالتشليح او محذفات<?xml:namespace prefix = o ns = "urn:schemas-microsoft-com:office:office" /><o:p></o:p>

بأحواش البلدية المهم تشريها ما تتعدا 500 بودي فقط ثم تذهب بها عند السمكري ويتم قطع المقدمة والغمارة الامامية والبقاء على الخلفية بابوابها والشنطة فيصبح معك ثلاثة ابواب وبعمل كل ماتريد نت تانكي او ماطور هواء او او او فتكون جاهزة ولا يم سرقتها فهي مقام السيارة لها شبابيك وهي رائعة ولو تعلمونني كيف اظع لقطة فيديو تشوفونها فاللقطة عندي على الجوال ولكم خالص تحياتي <o:p></o:p>

[مراكي الذيب]

الله يعطيكم العافيه جميعا واسف على التأخير

.

محب الشمال:الفكره وصلت لكن ممكن تحط علبة الكاسات والفناجيل كلها بالدرج
لحدان : الله يحييك باالقصيم اي وقت
<TABLE class=tborder style="WIDTH: 500px; HEIGHT: 404px" cellSpacing=1 cellPadding=6 width=500 align=center border=0><TBODY><TR title="المشاركة 370015" vAlign=top><TD class=alt1 align=middle width=125>ساردار</TD><TD class=alt2>الله يعطيك العافيه</TD></TR><TR><TD class=thead colSpan=2>11/02/2006 06:46 AM</TD></TR><TR title="المشاركة 369970" vAlign=top><TD class=alt1 align=middle width=125>محب الشمال</TD><TD class=alt2>الله يجزاك خير .الفكره وصلت</TD></TR><TR><TD class=thead colSpan=2>08/02/2006 02:07 AM</TD></TR><TR title="المشاركة 367487" vAlign=top><TD class=alt1 align=middle width=125>جرمان</TD><TD class=alt2>الله يجزاك خير</TD></TR><TR><TD class=thead colSpan=2>03/02/2006 09:02 PM</TD></TR><TR title="المشاركة 364458" vAlign=top><TD class=alt1 align=middle width=125>السماوي</TD><TD class=alt2>الله يعطيك العافيه</TD></TR><TR><TD class=thead colSpan=2>01/02/2006 07:03 AM</TD></TR><TR title="المشاركة 362200" vAlign=top><TD class=alt1 align=middle width=125>أبوحسين2007</TD><TD class=alt2>الظاهر فيه محلات يبيعونها بالشرقيه</TD></TR><TR><TD class=thead colSpan=2>05/12/2005 03:45 PM</TD></TR><TR title="المشاركة 321754" vAlign=top><TD class=alt1 align=middle width=125>عاشق المزون</TD><TD class=alt2>والله انا ناقزت فيها بكل مكان لكن عمليه اكثر بالارض المستويه وخصوصا وقت القميري ياسلام.</TD></TR><TR><TD class=thead colSpan=2>05/12/2005 05:47 AM</TD></TR><TR title="المشاركة 321301" vAlign=top><TD class=alt1 align=middle width=125>محب الشمال</TD></TR></TBODY></TABLE>

[مسماري]

بارك الله فيك مراكي الذيب ..

والله شي يبيض الوجه انا عندي وحده ( مقطوره) صراحه فرق كبير بين المقطورتين اللي عندي مثل صندوق الونيت

ماخذها بالفين ريال ... اللي ابيه منك تعطيني المواصفات اللي جايه معها ماهو اللي شاريه انت واضفته لها

يعني ابي كم كلفت بعد الاضافات .. فضلا ليس امرا

اسرد كل الكماليات الي حاطها .. لانك راعي المكا شيت ونستفيد منك

اليكم هذا الرابط وشاهدو انواع المقطوراتhttp://www.ozebook.com/campertrailer/online.htm

[سلمان 111]

ماشاء الله

مراكي الذيب بعض الصور في ص 2 لم تظهر

ونريد مشاهدت جديد ر حلاتك الله يحفظك

ومشكور

[الرهدن]

السلام عليكم / أخوي

مقطورة رائعة00
لكن 00 الله يعينك على الضفضفة00 خصوصآ إذا معك ولد عجوز جاي معك كنه ضيف00
وراوه :D
أنت مثلي راعي دباعين واجد00




.
ملاحظة / الصورة المحنطة والله ما أرتاح لها حتى لو أفتاني من أفتاني00

غفر الله لك أخوي00
وأنت راعي بر 00إذآ أنت وسيع صدر00




.

[تايوتا]

مشكووووووووووور والله يعطيك العافيه

[خيال نجد]

أشكرك على هالموضوع الرايق واللي جاي في وقته وأقولك أنا أكثر واحد استفاد والدليل بعد أسبوع راح ارسلك صورة قلصي ههههههه

[abu naif]

اولاً السلام عليكم ورحمة الله وبركاته
اشكر اخوي مراكي الذيب على الفكرة الجيدة
وتراني بديت افكر اشتري جيب مصندق (ربع) لكن عن الاتزان كيف على الطرق
وتقبل تحياتي

[دايم البر]

السلام عليكم
بكل صراحه الصندوق هو اللي قوه اعجبني
الله يعطيك العافيه اخوي

الترتيب زين

[الكستنائي]

ماشاء الله

حركات بصراحة

شكرا للموضوع

[خالد555]

بارك الله فيك

[مسك الختام]

يعطيك العافيه

[راعي ساموده]

جزاك الله خير

[kal440]

مشكور راعى البر

[عقريص]

مبببببببببببببروك عليك القلص

[مكشات اماراتي]

ممكن ياخوي تعطيني عنوان الضويان بالظبط .. بالرياض ولك

مني الشكر

[إلياس المطلق]

تصميم في غاية الروعة ,,

[سيف الظفير]

فعلاً شئ ينومس

[االديحاني]

روعـــــــــــه

[كشات سنافي]

شي عجيب ..... بارك الله فيك

[مسير]

يعطيك العافية

[رعد النجدي]

ما شاء الله عليك
شغل مرتب ونظيف
هذا الرفيق الي ينراح معه مب طمالة ربعي
واكثر شي عجبني الحصني تحنيطه شغل 100%
احسبه حي اول ما شفته
ياليت تعلمني وين حنطته فيه عندي سلقه شقرديه ميته وحاطها في الفريزر ودي احنطها ومتردد اخاف ما القى احد يضبط التحنيط

[سنعوسي111]

بالعكس 5000 السعر الطبيعي وخاصة في هذا العصر

[قرم البر]

الصراحه قلص ولا حلا كامل والكامل الله سبحانه

[هواووي]

صراحةً شي رائع.
بيض الله وجهك

[عضـو قديم]

صراحةً شي رائع.
بيض الله وجهك
وياريت لو تزودونا بكيفية الاتصال بالمحل اللي يبيعها وهل له فرع في الاحساء

[د.البقعاوي]

موضوع مجرد تصفحة متعة...

[الشاص عز لهله]

والله شي طيب

[fars1]

اخوي والله الفكره حلوة مرة بس انت من وين شاريه وبكم؟؟؟

[internetq8]

السلام عليكم لاحظو تاريخ نزول الموضوع بالمنتدى !!

[رحال جده]

خيمه, ثلاجه, بطاريه, سرير, معلوق ذبيحه، ماصورة كنود 5متر ,طاوله ,قز, تانكي مويه

اتمنى لو تفيدنا بالصور لكل مما ذكرت من هذي التوابع

[راعي مشهور]

جزاك الله خير

[محمد1388]

هذه المقطورة روعة ارجو كم سعرها وين موجودة

[احضري وبدوي]

يعطيك العافيه
موضوع شيق
مازال موجود مثل هذا القلص؟

[الصدفانى]

مشكوووووووور

[عسل2020]

سلمت الأيادي

[عاشق الخرازة.]

اخوي عاشق القمري

كل شي زين و خاصة لنا يالقصمان اهل البر 0
و الصندوق اكثر من ممتاز و هل هو جاي مع المقطورة ام مفصل وحدة ياخوي ,,,,,,,,,,,,,


اخوك
الخادم:heart: :good: :good:
سلآمآت يآبوي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وش عنده؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مافيه اهل البر الا القصمآآآآآآآآآآآآآآآن؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
كل شي لكم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لييييييييييييييييييه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟
البر لابوك وانا مدري؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الحكم لـ آل سعوووووووووووووووووود
مهب لـ القصمآآآآآآآآآن
الله يستر عليك
بلا تعصب
مهب بس القصمآن
كل القبايل انا فدآهم
الله يديم حكم آل سعوووووووووووووود

[ابوعمرالعمري]

ماشاء الله تبارك الله

[ارطى النفود]

سلآمآت يآبوي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وش عنده؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مافيه اهل البر الا القصمآآآآآآآآآآآآآآآن؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
كل شي لكم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لييييييييييييييييييه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟
البر لابوك وانا مدري؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الحكم لـ آل سعوووووووووووووووووود
مهب لـ القصمآآآآآآآآآن
الله يستر عليك
بلا تعصب
مهب بس القصمآن
كل القبايل انا فدآهم
الله يديم حكم آل سعوووووووووووووود



ليش هالتحامل على القصمان اعوذ بالله من سواد القلوب الله يشفيك ومن على شاكلتك ... وبعدين القصيم مو قبيله علشان تتعصب يالحبيب .. القصيم منطقه و فيها من كل القبائل والاسر الكريمه.. تحابو وتعاونو ووقفو جنبا الى جنب فذاع صيتهم .. بدل هذه الترهات فل نخاف الله و نتحاب ونتعاون ونقف جنبا الى جنب فيذيع صيتنا عالميا .. الله يصلح قلبك