المساعد الشخصي الرقمي

مشاهدة النسخة كاملة : مفاضلة يا فاهمين الألماني


قناص الأشهب
10/02/2013, 11:56 AM
السلام عليكم ورحمت الله وبركاته
الموضوع ومافيه ناوي أشتري مورسيدس فئة e بغيتها للدوام والسفريات اللي وقتها قصير
وأخترت هذي الفئه بالذات لأنها أقتصادية وعملية والألماني بعد الله تعتمد عليها من حيث السلامة
ودورت في المعارض من موديل 2007 / 2010 والأسعار فيها تفاوت للنظيف من 70 ألف / 110 ألف لأن فيه أمريكي وسعودي
ما أطول عليكم طمر علي واحد وخرب التكتيك وقلي ليه ما تأخذ بي أم دابليو فئه 5 يقول نفس الشئ من حيث الجودة والأعتمادية والأقتصاد ونا صراحة أعجبتني من ناحية الشكل ولكن ما اعرف عنها شئ من ناحية الصيانة وقطع الغيار
المطلوب وش الأفضل المورسيدس أو البي أم
من ناحية الصيانة والخدمة وقطع الغيار وذا رشحت وحدة وش أفضل مكينه منها لأن فيها الأربعه سلندر وفيها السته سلندر ولماذا
دمتم بخير
مكشآتي للآخر
10/02/2013, 12:01 PM
بقولك حاجة بس احس انها مالها دخل بالموضوع ...

انت الحين لما تمشي بالشـآرع وش السيارات القديمة الاكثر تشوفها مرسيدس ولا بي ام دبليو؟؟
بالمعنى الاصح


مرسيدس تعـمر معك أكثر من البي ام دبليو..ثاني شي صراحة فئة ال E ماعمري جربتها ماقدر احكم عليها..
مدهوش
10/02/2013, 12:23 PM
السلام عليكم

بخطم عليكم خطمة الله يكفينا شرها :D:D الحين لما تمشي بالشارع وتشوف السيارات قدامك حاول تطرح بالك وتعد السيارات الألمانية اللي مع الناس كم نسبتها 2% او 5% اممممم خل نتهور ونقول 20%

دور السلامه وانا اخوك وهج عن الداب وشجرتها ... ادري اني خطمت لكن (حشر مع الناس عيد)
قناص الأشهب
10/02/2013, 07:59 PM
الله يجزاكم خير
والألماني مناسب لي ولما احتاجة من المواتر وياليت اللي بيفيدني ويكون مجرب ولة سابق تجربة
رحال السراة
10/02/2013, 11:05 PM
والله ياذيبان واحد من الشباب معه مرسيدس يقول والله يا كرف يكرفها وهو في منطقة جبلية ومع ذلك صبورة
وصيانتها أسهل من أي الماني أخر عدا عن قطع الغيار الرخيصة ( أعتبرها رخيصة لأني سعرت كم قطعة في محلات القطع مع زميلي )
وكانت أسعار القطع مفاجئة بالنسبة لي طبعا أصلي وسعر معقوووووول جداً !! بل أحيان أرخص من الياباني ..
الزبدة استخر وتوكل على الله وأهم شي لاتطري البي ام نهااااااااائي تراه مصيبة في القطع والصيانة
والبيع بأقل من نصف الثمن اللي شريت به أو اقل اذا فيها خراب ماصلح !! ولا له شهرة بالشرق الأوسط ككل مثل المرسيدس ..
شيء أخر تحمل المرسيدس للحرارة ممتااااز جدا ..
انا من عشاق السيارات الألمانية والسويدية خاصة ( فولفو وساب ) لكن لقلتها عندنا بالمنطقة الجنوبية و
لا يوجد اماكن صيانة لها صرفت النظر هذا بالنسبة للسيارات السويدية اما المرسيدس الميزة فيه تحصل له ورش بكل مكان

استخر وشاور وتوكل على الله ...
قناص الأشهب
11/02/2013, 08:48 AM
والله ياذيبان واحد من الشباب معه مرسيدس يقول والله يا كرف يكرفها وهو في منطقة جبلية ومع ذلك صبورة
وصيانتها أسهل من أي الماني أخر عدا عن قطع الغيار الرخيصة ( أعتبرها رخيصة لأني سعرت كم قطعة في محلات القطع مع زميلي )
وكانت أسعار القطع مفاجئة بالنسبة لي طبعا أصلي وسعر معقوووووول جداً !! بل أحيان أرخص من الياباني ..
الزبدة استخر وتوكل على الله وأهم شي لاتطري البي ام نهااااااااائي تراه مصيبة في القطع والصيانة
والبيع بأقل من نصف الثمن اللي شريت به أو اقل اذا فيها خراب ماصلح !! ولا له شهرة بالشرق الأوسط ككل مثل المرسيدس ..
شيء أخر تحمل المرسيدس للحرارة ممتااااز جدا ..
انا من عشاق السيارات الألمانية والسويدية خاصة ( فولفو وساب ) لكن لقلتها عندنا بالمنطقة الجنوبية و
لا يوجد اماكن صيانة لها صرفت النظر هذا بالنسبة للسيارات السويدية اما المرسيدس الميزة فيه تحصل له ورش بكل مكان

استخر وشاور وتوكل على الله ...

الله يجزاك خير
اما بخصوص القطع فأنا سئلت عن قطها رخيصة وارخص من قطع الكامري الا في الأكسسوارات