الجيب الهدد Gx وارد اليحي ( معلومه ) [الأرشيف]

راعي الهـــدد

06/09/2006, 10:43 PM

السلام عليكم ورحمة الله وبركاته

اهلا بكم اخوتي بهذا المنتدى

ارحب بالجميع وأقول (( ارحبوا يارجال ترحيبة قحطان ))

ويؤسفني ان يكون اول موظوع اكتبه هنا يكون سؤال لاكن مافي اليد حيله

سؤالي ماهي عيوب الجيب الهدد الجي اكس الي يورده اليحي وهو معروف وارد اليحي خليجيه مائه بالمائه كمواصفات

هل فيه عيوب وبالأخص لمن يملك جيب هدد جي اكس هل يسمع صوت الهوا وهو يمشي او انا موسوس هههههههه

ارجو الرد ولكم فائق احترامي وتقديري وباذن الله ترون ما استطيعه من مواضيع عن القنص والفله

anas

07/09/2006, 01:40 AM

يا اخي يصدر منه صوت بعد140كلم مزعج جدا يكرهك في التايوتا وسنينها !!!
واعتقد هذا الموضوع يهمك:
http://www.mekshat.com/vb/showthread.php?t=55747

راعي الهـــدد

07/09/2006, 08:36 PM

عبيثراني

07/09/2006, 09:34 PM

اخي راعي الهدد السلام عليكم ورحمة الله وبركاته
كنت اعاني مثلك المشكلة نفسها حيث اشتريت Gxهدد من اليحى2006 منذ ثلاثة اشهر وكان هناك صوت هواء مزعج وكنت اعتقد انه من الفتحه ولاكن اتضح لي انه من مسامير البرشام للقزازه الاماميه هناك اربعه على اليمين واربعه على اليسار حيث ان احدها لم يكن موجود اصلا من المصنع مما يسبب دخول الهواء(يفضخ الراس)وقمت ببرشمته 0
والحمدلله لم اسمع هذا الصوت بعدها
آمل ان تكون مشكلتك نفسها

ابو عاذر

07/09/2006, 09:57 PM

اين بقية الأخوه يفيدوننا بمعلوماتهم

يعني اتوجه للمعارض ابيعه ياخوي انس

والله قهر جمعت كل ماوراي ودوني وفي الأخير اجد هذا العيب فيه بس اتمنى ان تكون وسوسه مني وغير صحيح انه عيب

آمل من الأخوه افادتي بالصحيح وخصوصا من يملك مثله 2006 GX

تكفون يالربع ردو علي لاحرمكم الله الأجر

mzlom2007@hotmail.com
أخوي راعي الهدد تحية طيبة
وش هذا الكلام تعيب الموتر ومافيه عيب وبعد تبغى تبيعه وأنا ابو عاذر أبوه ما في موترك الا الزين تبغى تفرط في الزين (( طير الحباري يا ريش العين قرناس )) أترك الهواجيس ولا تفرط فيه ،،،،،،،،،،،،،،،، أما بالنسبة لصوت الهواء فهو عادي في الجيوب التويو تا والنيسان ولو تروح لورشة النويصر و رشة ابن مرضاح ( السفريات ) تجد الكثير من الجيوب يعمل لها فتل لربلات الباب وتسكير لدخول الهواء أثناء السرعة مع الضمان وأن كنت بدقق من الاحين فراح تتعب بكره بطامر به في الصمان والدهناء والشمال في الربيع أن شاء الله وبيطلع فيه صوت قرقعه هل بتقول فيه عيب :confused: :confused: :confused: خل عنك الاوهام والجيب مبروك وغير زيته وشيك على ماء الرديتر وعب بنزين وتوكل على الله (( الخوي السنافي وين بغاه رفيقه أبشربه بر وبلد ))
مع خالص تحيات أخوك أبو عاذر

anas

07/09/2006, 11:44 PM

اخي راعي الهدد/ انت ما قلت انك شريته في موضوعك.... لكن اما تبيعه عشان صوت هواء من الشبابيك الجانبية ؟؟ هذا ضرب من الجنون.
وما دام انك شريته خلاص امسكة على خط الى سرعة 160 كلم وراح تسمع الصوت اكيد اذا كان فيه لفحة هواء..

عضـو قديم

07/09/2006, 11:55 PM

ياشباب انا من قطر وكان عندي Gx موديل 2005 جير عادي اول ماطلعت الموتر من الشركة كان من اروع ما يكون ولكن صارت معي سالفة وانتبهت لها بعدين وهي كنت مسافر الامارات وكنت ماشي 140 وفتحت الدريشة اللي على يميني
انا فتحتها وعينك ما تشوف الا النور ومن بعدها صار معي صوت الهوا ورحت للشركة وبدلوا لي الفريم الربل الاسود اللي يجب على حد الدريشة وجربت الموتر واختفى الصوت وانصحوني الشباب اني ما افتح الدرايش وانا مسرع
وهذا اللي صار معي

راعي الهـــدد

08/09/2006, 12:04 AM

هلا بكم جميعا

اخي عبيثراني

جزاك الله خير على توجيهك وعسى يكون من المسامير الي قلت لاكن كيف ابرشمه وش تقصد معليش واين موقعه اريد ابحث عنها

_____________________________

اخي ابو عاذر كفو والله لاتعتزي تكفى اطلب ووالله ما اردك بمطلوبك تبي ما ابيع خلاص والله ما ابيع وريحتوني بردودكم الحلوه وصدقت اخوي بس والله ماهي اوهام

انا لو امشي مائه او تسعين اسمع صوت مو عادي يعني ترى شريت فوق ثلاثين سياره في السنون الماضيه (( حلوه سنون صح )) لو اعد لك ما خلصت وشفت ان الصوت هذا غير طبيعي

بس كرما لو تدلني وين الورش هاذي الي تقول باروح لهم اذا امكن طبعا بعد ما اشوف طريقة اخوي عبيثراني ممكن تكون من المسامير

_____________________

اخي انس اتمنى ان يكون اسلوبك ارفع من كذا عفى الله عنك

بس ترى ماهو جنون هذا شي يسمى عيب بالسياره وبعدين سياره تشريها قرابة المائه واربعين الف وتجد هذا العيب هذا ليس جنون هداك الله ربما خانك التعبير

راعي الهـــدد

08/09/2006, 12:06 AM

اخي عضو قديم هلا بك

بس ما اتوقع ان كل من فتح الدريشه وهو مسرع تخرب الربلات مستحيل

بس لعلها وافقت معك على كذا

ابو عاذر

08/09/2006, 12:59 AM

أخوي راعي الهدد تحية طيبة :ــــ عناوين الورش التي طلبت كالتالي :

ورشة النويصر

هذا عنوانهم ورقمهم وجوالهم

الرياض – المنطقة الصناعية القديمة ( صناعية دوار الخرج ) – ت / 4480233 جوال / 0505232097

ورشة ابن مرضاح (( السفريات ))

عنوانهم لا يحضرني أرقامهم

الرياض/ المنطقة الصناعية القديمة ( صناعية دوار الخرج )/ مخرج 17 (( متجه غرب )) / ثاني أشارة بعد نفق سكة القطار تأخذ يسار إلى أن يجيك شارع كبير تأخذ معه يمين تكون الورشة على يسارك بعد 500 متر بالمارية عليها علم في أعلى هنقر الورشة في الامام

راعي الهـــدد

08/09/2006, 01:10 AM

مشكور يابو عاذر وجعل ربي يوفقك بكل مقناص وان تكون مبارك بكل شي

بس عسى ماهمب غالين بالأسعار

راعي الهـــدد

08/09/2006, 01:12 AM

عبيثراني ارجو توضيح موقع المسامير الي تقول الله لايحرمك الأجر

راعي الهـــدد

08/09/2006, 09:07 PM

ارجو من الأخوه افادتنا اكثر

ودمتم طيبين

هاوي الله

08/09/2006, 11:00 PM

سلم لي على وارد اليحيى وبس أشهد إنه موووووووووتر &

anas

08/09/2006, 11:19 PM

اخي راعي الهدد معليش ما قصدت الكلمة وخاننا التعبير ولكن اقصد انه مع مميزات الهدد الرائعة لا يمكن ان يفرط به شخص لسبب كهذا وآسف مرة اخرى .

راعي الهـــدد

09/09/2006, 12:31 AM

آسفك مقبول ووالله اني حملتك على احسن المحامل يا اخي انس

__________________

فتى البران مشكور على التزكيه (( ههههههههههههههههه))

بس ممكن تفيدنا عن المشكله هاذي

عبيثراني

09/09/2006, 06:07 PM

اخي راعي الهدد آسف على جعلك تنتظر

المسامير توجد بجوانب القزازه الاماميه بداخل الزيق الاسود هناك اربعه على اليمن واربعه على اليسار وهيى لثبيت الازياق الربل حول القزازه،ولو تحسستها باطراف اصابعك ستعرف مكانها ولوناها اسود0

لقد وجدت احداها منسي من المصنع ماركبوه الخساس فقمت بتركيب مسمار والحمدلله لم اسمع الصوت ثانيه0

عموما لو ماعرفت مكانها مر حقيين القزاز بيعلمونك عنها 0

امل ان تكون المعلومه وصلت وتكون اخر مشاكلك مع الهدد 0

كذلك نصيحه لاصحاب الجيوب GXوGXR بنزين او ديزل بتركيب الفرار للدفرنس الامامي بسعر 480 عند السليماني بطريق الملك عبدالعزيز فهوا يريح السياره من بعض الاصوات خاصه بعد سرعة120 كذلك انا ركبت مراوح كهرب عند واحد من الشباب بحي الفيحاء مخرج 16بسعر 800

والحقيقه اصبح لدي سياره اخرى اتحدى بها اصحاب اللكزز والمرهمات حقين ام دباب وغيرها
http://www.mekshat.com/pix/upload/images19/mk22050_gpj 1.jpg

وهذي صوره امل ان توضح لك المقصود

راعي الهـــدد

10/09/2006, 01:49 PM

اضح جدا وساتفحصها بعد العصر وارد لك

انت فتحت باب جديد (( وش المراوح الي ركبت وماهي فائدتها واين تركب في السيارة ))

عذرا على الأزعاج وكثرة الأسئله

وياليت تخش معي ماسنجر فيه بعض العلوم ودي اوصلها لك

عبيثراني

10/09/2006, 06:58 PM

اخي راعي الهدد
تحيه طيبه
يوجد بحي الفيحاء شاب سعودي اسمه عبدالرحمن متخصص بتركيب مراوح كهرب على الجيوب ماعدى الديزل لعدم جدواها
ووصف محله مخرج 16 بأتجاه الشرق خامس اشاره ديور تجي محطة فيها صراف الراجحي 0محله فتحه وحده بجانب المشحمه0
جوال :0552222006 ولابد من اخذ موعد مسبق للتركيب0الحقيقه تنقال الرجال شغله نضيف جدا 0 والمراوح حقت سوبارو0
بالنسبه لعمل المراوح ، طبعا المروحه الرئيسسه تنشال مع الغطاء وتركب مراوح الكهرب محلها وبكذا يخف الجهد على المكينه
فترتاح وترتاح مخباتك من كثر صب البنزين لانك بتوفر في استهلاك البنزين وانا جربت ذلك
آمل ان اكون وضحت المقصود

راعي البير

10/09/2006, 10:53 PM

اخوي راعي الهدد السلام عليكم.موترك ما فيه الا العافيه ( اقر عليه ويطيب ):D امزح معك.موترك يا طويل العمر ما يبي الا اسبوع في البر يدور الدخل والصفاري والقميري ويطيب خله يشبع من الغبار والعج ويطلع كذا :good: الله يزوجك:j :D

السالمي

11/09/2006, 01:44 AM

آآآآآآآآآه ياوارد اليحيي

على كثر ما اكره الجيب التايونا

على كثر ماحبيت الجي اكس وارد اليحيي خصوصا لاجاك اسود وفل ابشن

هذا هو اللي حببني في التايوتا والا غيره خياس

الجيب التايوتا يا جي اكس وارد اليحيي او في اكس ار فل كامل نص ونص هذي ماتنفع

راعي الهـــدد

11/09/2006, 04:30 PM

مشكور اخوي عبيثراني على التوضيح وجزيت الجنه

لكن الا ترى ان تحويل المراوح الى كهربائيه ربما يكون فيه خطر على السياره في البر من ناحية لو تعطل شي ابلكهرباء او شي ما ربما تقعد بها او انا غلطان

مشكور ياراعي البير على الدعاء

وترى عرفتك ولو انك ورى جدار ههههههههههههههه

عبيثراني

11/09/2006, 07:20 PM

عزيزي راعي الهدد تحيه طيبه
بالنسبه لاعطال السياره في البر ممكنه والحافظ الله سبحانه ولاكن اكلمك عن نفسي وتجربتي مع مراوح الكهرب ، انا سبق ان ركبتها في جيب قديم منذ اكثر من عشر سنوات ولم يكن هناك احد على حسب علمي يركبها ولاكن كنت انا واحد الاخوه نتحدث عنها فقمت بتركيبها كمغامره (مراوح ستروين)وقمت بتغير الدينمو من عادي(على الدعسه)الى الكتروني حق التماء 0
وماخليت بر الاوطيته بهالسياره ولاشفت خلاف والحمد لله
ويكنك ان تمر الاخ عبدالرحمن الذي اخبرتك عنه لترى طرايقته في التركيب000000000
عموما انا حصلت فائده ممتازه مع البخاخ لان الكربريتر يختلف كما تعلم وامل ان يستفيد جميع الاخوه
00وماذا عنك ومشكلتك لم تخبرنا هل انتهت ام لازالت
وشكرا

راعي الهـــدد

11/09/2006, 07:28 PM

اخوي عبيثراني

الله يجزاك الف خير

معلوماتك تمام بس انا بنضري والله االعالم انك لو ريحت المكينه من سير المروحه بيكون دفعها اقوى ولاشك بس هذا ممكن يضر القطع الداخليه بالمكينه لأنه سوف تدفع اكثر من الدفع المتوقع لها (( يعني مثل البزر الي تنشبه بقفى الموتر وتسرع بالموتر ورجليه بالأرض وتطلب منه يتابع مشي معك )) هههههههههه حلوه صح

بس اتوقع فيه ضرر على السياره وعلى العموم ان باصبحه بكره واشوف طريقته ورأيه ولا قصور برايك عبيثراني ودمت طيب

اما عن مشكلتي الى الآن قائمه وبكره اروح لأهل الزجاج يفكون الربل الي قلت ويشوفون المسامير

وتسلم يالغالي

ولد الشيوخ

11/09/2006, 08:18 PM

مشكوووووووووووووور أخوي

عبيثراني

11/09/2006, 11:35 PM

عزيزي راعي الهدد تحيه طيبه

الجيب لم يخصص للسرعات العاليه وحتى اذا كان يقبل سرعه عاليه ، ولا اعتقد ان فيه انسان بسرع اكثر من 160 في جيب بصفه دائمه الا اذا كن مهووس بالسرعه 0
حد الواحد 140 الى 150 بالكثير لان كلما دعست زاد صرف السيارة للبنزين و140 معقوله جدا مع الهدد لان كفراته سخاف ،كفانا الله شر الحوادث واخواننا المسلمين ،فاذا كانت سرعتك معقوله لم تتأثر المكينه كما قلت بالعكس بتكون مرتاحه ومبسسسسسسوطه
وشكرا
والله يحفظنا والمسلمين من كل شر
عسى منتب من هالي يسرعون

راعي الهـــدد

11/09/2006, 11:41 PM

مشششششششششششششكور على التوضيح عبيثراني

ودمت لنا طيبا معافى

والسرعه تكون لازمه بعض الأوقات وبعض الأوقات تصير هبال

على فكره انا بانتضارك بالماسنجر

راعي الهـــدد

12/09/2006, 11:35 PM

تفحصت القزازه الأماميه مافيها اي مشاكل

بس الله يدلني على الي فيه خير آآآآآآآآآآآآآآمين

راعي الهـــدد

13/09/2006, 12:21 PM

يانتضار مزيد من نصائح الأخوان وتوجيهاتهم

خصوصا من يملك نفس السيارة

راعي الهـــدد

16/09/2006, 01:19 PM

يا اخوان تكفون حل

الأزعاج لا زال موجود

ومسامير القزازه تمام

ابو عاذر

17/09/2006, 12:51 AM

يا اخوان تكفون حل

الأزعاج لا زال موجود

ومسامير القزازه تمام

أخوي راعي الهدد تحية طيبة :-
السيارة هل وديتها لورشة النويصر أو ورشة بن مرضاح ( السفريات ) كما قد أوضحت لك في رد سابق :confused: :confused: :confused:
شيك على السيارة عندهم وأنا أنتظر ردك على ذلك0

مع تحيات اخوك ابو عاذر

راعي الهـــدد

17/09/2006, 12:59 AM

ابو عاذر نصحني واحد من الأخوان

يقول لاتقرب من المرضاخ او النويصر يقول شغلهم ماهوب الي تبي ويمصونك مص يعني اسعارهم دبل الدبل

فاستخرت من الذهاب لهم

الا اذا لم اجد حل فسأضطر للذهاب لهم

alfadghosh

17/09/2006, 01:08 AM

يعطيك العافيه

ابو عاذر

17/09/2006, 01:15 AM

ابو عاذر نصحني واحد من الأخوان

يقول لاتقرب من المرضاخ او النويصر يقول شغلهم ماهوب الي تبي ويمصونك مص يعني اسعارهم دبل الدبل

فاستخرت من الذهاب لهم

الا اذا لم اجد حل فسأضطر للذهاب لهم

راعي الهدد

أحد الزملاء معه GXR 2002 راعي قنص و مطاليع بالبر كثيرة من يوم تطلعه من الوكالة وهو موديه لـ بن مرضاح ومسوي له تظمين شمعات وصدامات وتسكير مداخل الهواء بالبيبان وفتل ربلات الابواب من اجل منع دخول الهواء وصوته المزعج اثناء السرعات العالية بـ 1600 ريال ومن ذلك الوقت والسيارة كأنك مطلعها توك من الوكالة لاصوت هواء ولا قرقعه ( خفيفة بعض الشي ) والسيارة لها خمس سنوات وماشية 250 ألف

فالكل الخيار ،،،،،،،،،،، مع تحيات اخوك ابو عاذر

راعي الهـــدد

17/09/2006, 02:02 AM

اخوي ابو عاذر بس موتري جديد وكاله ربما اذهب به لهم وياخذون 1600 ولا استفيد زود شي

فهل افهم من كلامك ان كل من طلع من الوكاله جيب ويبي القنص والبر لابد يذهب به لهم

ام انه لن يختلف زود شي

راعي الهـــدد

04/10/2006, 01:57 PM

توصلت في الأخير ان موتري مافيه الا العافيه

وانها مجرد حرص زايد

وفحصت عند كم واحد ولا فيه الا العافيه

واشكر كل الأخوه الذين ساعدوني بردودهم ومشاركاتهم وبالأخص اخي عبيثراني وانس وفتى البران وراعي البر وجميع من شارك
وابو عاذر الله يرفع قدركم ويعلي منزلتكم ويكرمكم بالجنه آمين

القناص6

05/10/2006, 04:28 AM

انا انصحك بالبريمي

راعي الهـــدد

06/10/2006, 02:41 AM

البريمي على ما اضن الدبل ليس قير وانما زر

ومشكور على مرورك ومشاركتك

ودمت طيبا معافى

راعي الحزم

06/10/2006, 03:20 AM

تفحصت القزازه الأماميه مافيها اي مشاكل

بس الله يدلني على الي فيه خير آآآآآآآآآآآآآآمين

اخوي اذا كانت كفرات الموتر شد بلد اعطيك طريقة تريحك
بع كفراتك مع الجنوط واشتر اجنوط لكزس 2006 مع الكفرات وشف الفرق
صوت الهدد من الكفرات هذا شي اكيد

راعي الهـــدد

06/10/2006, 03:27 AM

اخوي راعي الحزم حنا نتكلم عن صوت الهوى واضنه مع القزاز بس في الأخير مثل ماذكرت صار طبيعي ولا فيه شي

بس زود وسوسه ههههههههههه

اما بخصوص الكفرات والجنوط الي قلت فشفتها على كم جيب هدد

بس متردد من ناحيتها

اخاف اخسر ولا فيه فود

بس منضرها رهيب مره

وانا ماهتم زود بالمنضر

اهم شي عندي خدمتها لي بالبر

وسؤال اوجهه لك

انا اقنص الجبل دايم

هل تصلح كفرات الجنوط الي قلت للجبل

لأنها عريضه

اضن ان كفرات الهدد الدقاق افضل من العريضه بالنسبه للي يقنص الجبل وبالعكس للي يقنص السهل او النفود

هل كلامي صحيح

ودمت طيبا معافى

راعي الحزم

06/10/2006, 01:09 PM

كلام صحيح وانصحك تخلي الجنوط الأساسية عندك تستخدمها شتاء والجنوط حقت الكزس تركبها في الصيف ووقت السفريات مريحة جدا وقت السفر

راعي الهـــدد

06/10/2006, 04:43 PM

اخوي راعي الحزم

ماتشوف انها شغله فك وركب

وبعدين ممكن جلوس الكفرات بدون استخدام يضرها او عادي مايضر

وماهي افضل طريقه لحفضها من اجل ما تخرب او يجيها شي

الله يهديك بس دخلتها براسي وشكلي بكره متوجه للغرابي وشاريها

اذا تعرف محل جيد يبيعها اخبرني وجزاك الله خير

ودمت طيبا معافى

فرزالوغى

07/10/2006, 03:34 AM

اخوي راعي الهدد:

انا معي هدد 2006 شاريه من اليحيى على اول نزوله السوق..وما شاء الله ما شفت منه الا كل زين
امشي عليه الى 180 والحمد لله مافيه اي صوت..
.مع ان عندي في اكس ار 2003 وفيه صوت قوي
من بعد 140 ورحت به للوكاله (عبداللطيف) وظبطوه ولا عاد فيه الا كل خير ..بس عقب البهذله

الوفدي

07/10/2006, 06:39 AM

نصيحة مسلم لمسلمين اهربوا عن عبداللطيف جميل وتشوفون العز

الجي اكس القطري فل كامل الراديو والسي دي ياباني

-------------------------- فيه ثلاجه

----------------------- الكزاز اوتماتيك رائع ومخشب

--------------------- فيه ونش

--------------------- يجي منه شنطه والكفر الاحتياطي خلفي وليس تحت

-------------------- فيه فتحه في السقف

------------------- اتحدى وكيل تايوتا بالسعودية يوفر هذه المواصفات

راعي الهـــدد

07/10/2006, 03:22 PM

فرز الوغى الله يبارك لك

وقلت لك ماعندي اي مشكله راحت الأصوات

ودمت بخير

_________________________

اخوي الوفدي

اشكر لك مرورك وحقا ماقلت

عبداللطيف توفي ولاكن ابنائه من بعده حراميه درجه اولى حسبي الله عليهم

اين حماية المستهلك

اين الرقابه من وزارة التجاره

اجل يركبون لك مسجل وراديو صيني واكسسوارات صينيه والغريب الناس الى الآن تشيل منه والله عجيب

طبعا غير التعامل الزفت والغالى الزايد عن حده

الله يرد المضالم لأهلها آمين

الرهدن

08/10/2006, 12:31 AM

عجزنا نعرف لكم ياشباب00
أشري هدد وإلا لالالالالالا00

.

راعي الهـــدد

08/10/2006, 02:51 AM

الرهدن تبي رايي

اذا كان الجواب نعم

فاسمع باقول لك وجاوبني بالصدق

فلوسك زاهبه

البخور

08/10/2006, 03:21 PM

أنا معي واحد وارد اليحي موتر رهيب (كلن يمدح بقله)الصوت الي تقول إذا ماخاب ظني من الشباك لأن الصوت عندي نزل الشباك اللي في باب السواق لأن الصوت بالنسبه لي منه بأختصار نزل الشباك شعره وبيروح الصوت