المساعد الشخصي الرقمي

مشاهدة النسخة كاملة : سؤال كم علبه زيت تاخذ مكينة الجمس الصالون حجم 2500


ذيب عالية نجد
11/02/2013, 07:38 AM
السلام عليكم ورحمة الله وبركاته
توني شريت جمس موديل 2005 سوبربان ونسيت اسأل صاحبها السابق عن زيت السياره كم تاخذ مع السيفون وبدون فياليت اللي عنده خبر عن الموضوع يعلمني وجزاه الله خير
مع شكري لكم سلفاً
GMC 111
11/02/2013, 10:49 AM
والله ياذيب انا معي سييرا 2004 حجم2500 ياخذ 6 علب مع السيفون

واتوقع انا موترك نفس المكينه اذا ماخاب ضني

وبيجي من يفيدك ان شاء الله
راعي سمحه
11/02/2013, 10:56 AM
مبروك الشرية الغالي .. يحتاج 6 لتر مع الفلتر .. وانصحك مع كل تغيير زيت تغير الفتلر / مثل شخص ياخذ دش بدون صابون .. لازم تغيير الفلتر ولاتنسى تغير زيت الجير مع الفلتر و زيت الدفريشن وتأكد من نوع الزيت .. وسامحنى يالغالي .. والله يباركلك حلالك .
عالم مجنون
11/02/2013, 08:02 PM
اولا وعليكم السلام ورحمه الله وبركاته
ثانيا انا مثلك كنت توي شاري سوبربان 2006 وعانيت معاناه يعلم بها الله اولا انه نوع الزيت ونوع الفلتر والكميه وليش زيت خفيف وليش زيت ثقيل .

*انا باشرح لك شرح بسيط من ناحيه الزيت ياخذ 5 علب بدون فلتر و6 علب مع الفلتر ( السيفون ).
*نوع الفلتر انا شريت فلتر من عند البناشر ومن عند محلات قطع الغيار ووجدتها كلها صيني مقلده ورديئه انا انصحك انك تشتري من الوكيل فقط فقط من عند الجميح او بالبيد او التوكيلات وافضلهم الجميح عشان السعر .
*نوع الزيت قبل كل شيء اذا موترك استخدام امريكي او سعودي يفرق اذا كان عندك الكارتير حديد غير زيت العادي سوبر شل او جي تي كله واحد , واذا كان الكارتير المنيوم غير زيت كاسترول 10/30 وانا افضل في كلا الحالتين غير زيت 10/30 ممتاز جدا يمشي من 4000 الى 5000 كيلو طبعا حسب ساعات تشغيل المحرك لان لاتنسى احنا دايم مخلين السياره شغاله من دون مانمشي بها وهذا طبعا يستهلك .
اما بالنسبه لزيوت الثانيه انا انصح لا تغير اي شيء منها اذا فيه شيء ناقص زود بس .


وبالتوفيق .
ذيب عالية نجد
12/02/2013, 03:06 AM
والله ياذيب انا معي سييرا 2004 حجم2500 ياخذ 6 علب مع السيفون

واتوقع انا موترك نفس المكينه اذا ماخاب ضني

وبيجي من يفيدك ان شاء الله

بيض الله وجهك وجزاك الله خير
ذيب عالية نجد
12/02/2013, 03:08 AM
مبروك الشرية الغالي .. يحتاج 6 لتر مع الفلتر .. وانصحك مع كل تغيير زيت تغير الفتلر / مثل شخص ياخذ دش بدون صابون .. لازم تغيير الفلتر ولاتنسى تغير زيت الجير مع الفلتر و زيت الدفريشن وتأكد من نوع الزيت .. وسامحنى يالغالي .. والله يباركلك حلالك .

ماقصرت طال عمرك على طاعته وجزاك الله خير
aazoooz
14/07/2013, 03:52 PM
مشكور وماقصرت لكن وش افضل زيت للمكينه 2500 6 لتر