المساعد الشخصي الرقمي

مشاهدة النسخة كاملة : بخصوص كفرااات ماكسس


سعــود
15/02/2013, 03:12 PM
السلام عليكم ورحمة الله وبركاته
ياخوان انا ناوي اليوم اركب كفرات ماكسس 10 على 15
على هايلكس دبل 2012 اللي عنده فكره او خلفيه عنهم لايبخل علي بالنصيحه
عسى ربي يرزقه بالجنه اللي يفيدني قبل اشتريهن
سعــود
15/02/2013, 06:33 PM
سبحان الله وبحمده سبحان الله العضيم
الشهراني12
15/02/2013, 07:10 PM
السلام عليكم

والله ياخوك مقدر افيدك بشيء

عندي هايلوكس دبل 2010 وابي اغير لهاجنوط وكفرات

والله مدري وش المناسب لها فأتمنى الشباب يفيدونا
Anwar abdulla
15/02/2013, 09:15 PM
واحد من الشباب مركبها على فورشنر ولا يمدحها والظاهر ان الهايلوكس الدبل نفسه ويقولون ان ماكسس او ماجت كانت زينه الحين اشوف نظرة الناس تغيرت عنها

انا كنت بركبها على الباثفندر وهونت عنها وركبت تويو قبل شهر وشوي ولا لاحظت عليها شي لا خط ولا بر ولا داخل المدينه وسعرها زين مقارنه بالكفرات الثانيه

والخيره فيما اختاره الله .. بالتوفيق
بن نويشر
16/02/2013, 02:26 PM
ركب ولا تشاور ...
كفرات لك وللزمن ...
انا مركبها للمره الثالثة ، ويارب لك الحمد ما اشتكيت منها ابدا ..

وللمعلومية كنا مجموعة مكونة من 3 سيارات ودخلنا في منطقة يكثر فيها العاذر .. كفراتهم تخفست الا محاكيك .. وعلى فكرة سيارتي فورتنشر ، وركب نفس المقاس بس انتبه للتاريخ ..

موفق خير ،،
سعــود
16/02/2013, 08:16 PM
بن نويشر والاخوان اللي ردو فوق بيض الله وجيهكم كلكم قلت وقولك الفصل الحين اركبها وانا مرتاح عسى ربي يجزاك بالجنه
الشهراني12
17/02/2013, 02:47 PM
سعود .. وش نوع الكفر بالضبط وياليت المقاس ووش نوع الجنط الي مركبه
حر اليدين
18/02/2013, 09:33 AM
السلام عليكم ورحمة الله وبركاته


فيه نوع مكتوب عليه bravo 760 ماكسس ركبته على ددسن دبل طقمين مقاس
235/75/15 حلو في الخط و في النفود وفي الجبل والتحميل كويس مير اني ما شلت اغراض ثقيله بالحيل ولين ومطبه حلو وسعره مناسب وكل طقم كد معي سنتين تقريبا وغيرته وفيه نص عمر احتياطا مني ولا شكيت منه وهو صناعة تايلنديه ويقولون تقنيه المانية ونصحت به كذا واحد من اخوياي وركبوه ويمدحونه هذا والله اعلم

تقبل تحيتي
سعــود
22/02/2013, 07:18 PM
سعود .. وش نوع الكفر بالضبط وياليت المقاس ووش نوع الجنط الي مركبه

هلا اخوي تم تركيب الكفرات امس ولله الحمد نوع الكفرات ماكسس اسمها 10 على 15 كذا بس
والجنوط جنوط الوكاله للهايلكس الدبل 2012 ولله الحمد من امس الصباح لليوم يمكن اللي انا ماشي عليهم فوق 1300 كيلو بر وزفلت ارتحت للكفرات مره في الطعوس فرق عن كفرات الوكاله يععجبنك وبالارتفاع حلو مررررره عكس البالون انصح وبشده عنهن لان اخوي مركبهن ومع الاستخدام خربت الدوده والدركسون نظرا لثقل الكفرات ولاتنسى انه يحك بالرفرف نسيت اقولك نوع كفراتي تايلندي وسلامتكم
زلزال طويق
23/02/2013, 09:34 AM
ماكسس حلوه مررره وجيدة وعملية افضل من كفرات الوكالة بكثيرررر وتتحمل في البر خاصة في المناطق الجبلية

ولها تجربة معي اكثر من سنة
سعــود
03/02/2016, 09:04 PM
عودة للموضوع بعد مضي 3 سنوااااات تقريبا من التجربة :good2: والان بحول الله سيتم استبدال الكفرات ماكسس بكفرات ماكسسس بعد التجربة الناجحه ودمتم
ابن عكاش
07/02/2016, 10:54 AM
ماشاء الله تبارك الله
لاهنت كم مقاس الجنط 15 ولا 16 انش
الصيادالمليح
09/02/2016, 08:39 AM
عودة للموضوع بعد مضي 3 سنوااااات تقريبا من التجربة :good2: والان بحول الله سيتم استبدال الكفرات ماكسس بكفرات ماكسسس بعد التجربة الناجحه ودمتم


حدثنا لا هنت عن تجربتك لكفرات ماكسس من ناحية الاستخدام و الصوت و الاعتمادية جزاك الله خيرا
سفاري سوبر
11/02/2016, 02:43 AM
ماكسس قبل ثلاث سنوات كانت من اجود الكفرات وافضلها

لكن الان سيئه جدا وانتبهو ياشباب صارت تحبل من الدعسه

ومطبها قاسي شوي وهاذي تجربتي مع هالكفرات