بخصوص صوت الهواء في النوافذ اريد الحل

[ابولمياء11]

السلام عليكم ورحمة الله وبركاته
اخواني الكرام عندي فورتشنر موديل 2008 مشكلتي معه صوت الهواء في النوافذ او ربلات الابواب لا يدخل معها هواء ولكن الصوت مزعج ولقد ركبت الاطار اللاصق ولكن لم ياتي بنتيجة واصبح يأتي مثل الصفير اذا كان الهواء في الخارج قوي
اخواني من يوجد لديه حل لهذه المشكلة ارجو ان يفيدني ويفيد الاخواني وكذلك من يعرف محلات في القصيم او حائل لديهم الحل ارجو ان يعطيني اسماء هذه المحلات
ولكم الشكر الجزيل

[أبو هشام راشد]

وعليكم السلام ورحمة الله وبركاته
لا تركز أكثر السيارات المرتفعة نفس المشكلة لكن جرب ركوب سيارة مماثلة في جو مماثل
اذا تبين لك اختلاف فنظف الأبواب وربالات الزجاج الأمامي والخلفي واسلك طريق صحراوي ثم طريق سريع ثم لاحظ أماكن دخول الغبار من عند الأبواب والزجاج الأمامي أو الخلفي فاللي تجد عليه غبار فحتاج تشوفه له حل لأنه يسبب الضجيج وبالتوفيق

[ابولمياء11]

شكرا اخوي ابو هشام
انشاء الله سوف اعمل بنصيحتك

[الشهراني12]

اخوي ابو لمياء

هذا عيب مصنعي بالفورتشنر والهايلوكس من 2006 إلى 2013..

والسبب نفس الجلده الي تمسك القزاز .. ولا لها حل لا عندك الوكاله ولا غيره

لاني اعاني من نفس المشكله وبلشت ولا لقيت لها حل

[المرن]

أنا شاكن في سماكة زجاج النوافذ
اتوقع رهيف

[راعي المطافيل]

شرحك سرااا انا نفس مشكلتك لكن يوكن
واستسلمت للواقع
تقبل مروري

[عاشق الاخطار]

النسبه للتصفير يروح اذا لزقت لزق شفاف عريض على الربل بس تنسيم الهواء موجود <<< مجربه

و بالله التوفيق للجميع

[hamido]

لا تتعب نفسك كان عندي واحد ودخلته الوكاله وغير ربل .... التنسيم موجود بس الصفير راح

[سـهم الجزيرة]

اعاني من نفس المشكلة...
احد الاعضاء يقول انه حل المشكلة انه وضع ربل عريض و راح الصوت, وصار يعاني من الباب انه ما يسكر إلا بالقوة.

[فيصل البهيشي]

أكتبوا فاليوتويب (حل لمشكلة الصوت في الهايلكس) وأدعوا لي بالتوفيق والسداد

[المنيعي1]

انا جربت الهايلكس
تصفط المرايات ويروح الصوت

[ممتر البران]

مشكلة الياباني كله حتي اللكزس
والامريكي فيه حقه
قد ما تدفع تاخذ

[ابوسند9]

الله يكون بعونك
جميع سيارات تويوتا هكذا وحتى اللكزس والامريكي

[السرحان502]

أخوي انا عندي باترول وكان فيه تنسم والحمد لله تقدر تقول خف 85% غير قرقعة الباب

الحل يا طويل العمر

1 الربله الي على البدي "مب الي في الباب" فكيتها ودخلت فيها لي مكيف صحراوي

2 مساكات البيبان حطيت عليها قطعة اسفنج لاصق حق الزينة الي للابواب

وقريب انزل موضوع لا 2 ما توقع عندك مشكلة فيها
لا تنسونا من دعاكم

[abooodi111]

ابعقب على كلام الأخوان من غير قصور فيهم جميعآ حلها بسيط جدآ مايكلفك الا قطعة منديل تبرمها وتدخلها فالربله طبعن بتلقى مكان لها الي هو في نص الريله مجرى بسيط دخل المنديل بعد ما تبرمه بشكل جيد وراح يختفي الصوت والي عنده استفسار للتوضيح اكثر واتمنى اكون افدتكم من واقع تجربه في التويوتا

[abooodi111]

طبعآ ماتحطها الا في المكان المايل فقط يعني مقدار منديلين فقط

[السبع2]

هلا اخوي
صوت الهواء يروح وبطريقة سهلة
سويتها على ثلاث جيوب gxr وراحت
افتح القزازه وشف المجرى اللي تحرك فيه القزازه
اسحبه من مكانه من الزاويه ، نظفه وحط سلكون بس لا يكون واجد
رجع المجرى لمكانه وكبسه بيدك وامسح السلكون الزايد بقطعة قماش

[معي باث]

أخوي انا عندي باترول وكان فيه تنسم والحمد لله تقدر تقول خف 85% غير قرقعة الباب

الحل يا طويل العمر

1 الربله الي على البدي "مب الي في الباب" فكيتها ودخلت فيها لي مكيف صحراوي

السلام عليكم انا سويت مثل اخينا في سيارتين الاولى هايلكس ٢٠٠٨ غماره وحده والثانيه في هايلكس ٢٠١٠ غمارتين واختفى الصوت تمام وراح اركبها في الفور شنر قريبا

[مواطن مدني]

ونا نفس المشكلة كابرس 2012 صوت هواء ومع الوقت قامت تصفر وديتها الوكالة قالوا بنبدل الربلات وطالبينها اذا وصلت بلغناك واليوم مرسلين مسج يبوني اجيهم لكن احس ماراح تضبط
لأنهم يبون يبدلون الربل الخارجي ونا احس المشكلة في الربل الداخلي اللي تدخل فيها القزازة لاسكرتها
انا لاحظت لما يطلع صوت الصفير انزل القزازة شوي لمسه خفيفة يروح الصفير ويرجع اكيد منها
اما الربلة اللي الخارجية اللي دار مادار على الباب مايجي منها صفير لكن صوت الهواء الخفيف منها
اشوف الفني بالوكالة جاب ورقه A4 حطها على حفة الباب وسكره نص الورقه داخل وقام سحب الورقة وطلعت بسرعة
يعني واضحة العزل خرطي في هالمواتر ..

[abohmad]

تعيير البيبان عند كراج اللى يسمكرون السيارات اعتقد هو الحل الانسب والانتباة الى الربلات والله اعلم

[sameer_1798]

إذا فيه شق بربل القزاز سده بسليكون وربلات البيابان كامله ادهنها بفازلين وخله ينشف 4 ساعات والابواب مفتوحه ....... تراها وحده بوحده مجربها وصوت الهواء راح
بنسبة 90 %

[المناعي2]

مرحبا ياربع و الله من كلام بعض الربع في ناس أجيب حبل نيلون و يكون مب سميك أو هوز ألي يجيك حق الاكسوجين حق حوض سمك الزينة و يدخلونه في ربلة الباب بس بحذر و يكون أفضل مع أشوية زيت حتى يخفف الاحتكاك و بتوفيق أن شاءالله..

[عمررالعتيبي]

نعم فيه حل وسأشرحه قريبا بإذن الله

[عقووول]

اخوي كان فيه واحد بالمنتدى حق نيسان

ومعه التيما

وحل المشكله من صوت الفتحه والابواب

حط فازلين على الربل وفتح الابواب في الشمس الين لانت ومن بعدها

والصوت رايح

[الشولة]

السلام عليكم أخي الكريم
حل الفورتشنر إنك تحط في الربله الخارجية سلك حق الدش الأسود وهو راح يزيد عرض الربله حقت الباب و تصير تطبق على الباب كامل و ممكن في البدايه يصعب تسكير البيبان شوي إلى ما تتعود عليها.
أما إذا كان الصفير بسبب مسامير السله العلويه فلازم إنك تسكرها مضبوط و تحط عليها سيلكون طبعاً اللي شايلين السله يصير الإزعاج عندهم زياده و يصير يدخل مويه مع الفتحات بعض الأحيان عشان كذا يلزم تسكيرها تماماً.
أما إذا كان الصفير بسبب ربلة الشباك فهذي غثى الصراحه و ممكن إنك تحط منديل و تسكر عليه الشباك و تشوف إذا خف الصوت معناته لازم تغيرها أو تشوف لك أحد الحلول اللي طرحوها الشباب.

[غيث 6]

الحل لمشكلتك انك تروح لورشة النويصر للتضمين في الصناعية القديمة بالرياض ياخذ على الباب حدود 100ريال للباب الواحد لكن باذن الله راح تنتهي مشكلتك مع التنسيم والتصفير واسال مجرب

[فرار]

كل الجلد لها عمر وينتهي خذها جديده وركبها ورتاح

[aoodiy]

أنا ايست منها مافي حل

[الحااايلي]

كل الجيوب بهن تنسيم عادي


تم الإرسال بواسطة iPhone بإستخدام Tapatalk

[وسيع الصدرر]

انا عندي نفس مشكلتك بس الوقت الحاضر انحلت لاني قبل كنت امشي من 140 الى 160 الان ما اتعدا 120 ولاعاد سمعت تنسيم الهوا ابد