ما يلعب 5.7

[العقاري1]

السلام عليكم و رحمة الله و بركاته مساكم الله بالخير جميعاً ...
ندخل الموضوع علطول و هو إني كنت قبل أسبوعين طلعت من الرياض إلى دبي و عبيت من الخرج في أول محطة و يوم وصلت إلى المنفذ (البطحاء) كان البنزين قبل شرطة النص بوحدة عبيت في محطة المنفذ و كملت إلى دبي و جلست أدور أربع أيام و بعدين يوم نويت أتحرك من دبي عبيت فل و قلت خلني بشوف كم يمشيني من كيلو و ثبت السرعة على 140 كم / س بالضبط من دبي إلى الرياض بتانكي واحد و مشاني التانكي بالضبط 1005 كم إلى باب بيتي و عبيته ب 65 ريال 91 و باقي فيه حول ريالين ..
و على فكرة يا شباب إذا ولعت لمبة البنزين يمشيك بالراحة بالراحة من 150 إلى 200 من تجربة دائمة ..
حبيت أثبت للعالم اللي أشغلونا ببطل الدروب من أبو ظبي إلى الرياض بسرعة 90 أو 100 إن المفخرة من دبي إلى الرياض و سرعة 140 .
و عذراً على الإطالة .

[sgl2002]

الله يعطيك العافيه بس مالها داعي اخر سطرين لانها ممكن تسبب مشاحنه بين الاعضاء

[تساهيل1]

طيب

وش الحكمه

ومن مزعلك الحين يومنك جاي منطلدز .!!

بعدين وضح بالبدايه نوع السياره
وشكرا للمعلومه

[غبار الهجير]

اشتري باترول ولا اشتري مقبرة من داخل ومن زين العزم يا حبيبي الباترول بطل الدروب يقارن ب جيب لكزس موب لاند

[غبار الهجير]

الباترول اثبت نفسه بنفسه موب انت تحكم عليه انا ودي اعرف الي يشتري لاند ليش سعره غالي بالنسبه لمواصفاته يكفيك علامة نيسان شركة ابدعة في انتاج مكينة صح تجيك تيوتا بعد ما نزل الباترول تغير المكينه مع ذلك الباترول اقوى من الاند و الجيب اللكزس قومة وخط المشكلة الناس ماخذة في تويوتا مقلب اجل الشاص 176الف وين عقلي انا اشتريه ما رفع سوق تايوتا التالي الى الشريطية

[العقاري1]

معليش يا شباب بالنسبة للصرفية تزعل أو أنها إذا صارت للمفخرة صارت تزعل و بعدين الفرق في العزم أو القومة كم سيارة بينهم سيارة ثنتين تسوى كل هالإزعاج ...!!!!
و بعدين الصرفية ما صار عليها ضجة إعلامية و كم يمشي ..
لكن المنتدى هذا صراحة و بدون زعل كله طالعين بالباترول السما يا جماعة و الله إني حاط الموضوع بس بشوف وش بيقولون الخطيرين ..
و في الأخير ودي أحد من اللي معهم الباترول الجديد يجي و أجرب معه لأني أعطي اللكزس فرق من سيارتين إلى ثلاث نفس الفرق بين اللكزس و الباترول نفس القومة اللي في اليوتيوب اللي بين اللكزس و الباترول .

[ص ح ص]

الرجال قالكم تجربته ياشباب ,, مالها داعي المشاحنه , لكن في كلا الامرين الباترول يقارن باللكزس وبالنسبه للصرفيه ترجع لسعة التانكي ممكن الاند اكبر من الباترول !! ليس بالشرط انه اقل صرفيه ياعزيزي .

يبقى ان الحمد لله المحطات متوفره والواحد واقف واقف يايشتري يايصلي ,, ولسنا بحاجه ان نقطع مسافة 1000 كم بلا توقف ولله الحمد .

[العقاري1]

تدري يا أخي الفاضل إني ما أقارن أبشرك اللاند مع الباترول بظلم الباترول من ناحية المواصفات و معكم إن سعر اللاند مبالغ فيه على قلة المواصفات لكن له حسنات لا تخفى عليكم خلكم من ناحية مسكه للسعر لكن فيه قلة الخرابات و ما فيه قرقعة و بعدين صراحة كثير في هالمنتدى المرموق يذمون في اللاند الجديد ( المفخرة ) و يعيبون فيه بزيادة و يمدحون في الجيل القديم مع إن اللي جرب الجديد و الله ما يرك القديم أقسم بالله من تجربة لا من ناحية عزم و لا راحة و لا جلد و لا نفد و لا أي شي في بالك لكن فيه عيوب بسيطة صدامات و لا نبالغ فيها بعد و الشي الثاني ارتباط الثلاجة بالمكيف و رجاءً لا أحد يفتي من راسه يا جماعة الخير علشان الكل يستفيد و في الأخير سيارات لا صنعناها و لا شي ..
و لا أحد يزعل لأني متعني أني أكتب بنفس أسلوب اللي يكتبون عن الباترول .

[sgl2002]

كل واحد حسب استخدامه يختار الموتر اللي يريحه

انا لو يخيروني بين المفخره وبطل الدروب و هدد ٢٠٠٧ او فتك ٢٠١٣

اخذ الهدد او الفتك واترك المفخره وبطل الدروب لانها اصبحت سيارات مدنيه ونازله ونظام تعليقه مايساعد في البر ، بالعكس يعلق بسرعه بعكس القديم اللي امشي فيه ع الدفرنس ويزحف

وفي الاخير كل ع حسب استخدامه

[وطن العزة]

الله يعطيك خيره ويكفيك شره

وكلن يا اخوان ينام على الجمب اللي يريحه


والمقياس الحقيقي لكي نحكم على السياره , استخدام من خمس سنوات وفوق إذا ما كانت أكثر

[التعـ King ـديل]

على طاري بطل الدروب انا جاي من العين الى الرياض والمسافه تقريبا 1050 كيلو ووصلت لبيتي في حي الملك فهد شمال الرياض بتانكي واحد وعلى متوسط سرعه 140 كيلو متر وهذا الكلام عام 2010 اول مانزل وراجع مواضيعي وتلاقي كلامي فيها



لكن المنتدى هذا صراحة و بدون زعل كله طالعين بالباترول السما يا جماعة و الله إني حاط الموضوع بس بشوف وش بيقولون الخطيرين ..
و في الأخير ودي أحد من اللي معهم الباترول الجديد يجي و أجرب معه لأني أعطي اللكزس فرق من سيارتين إلى ثلاث نفس الفرق بين اللكزس و الباترول نفس القومة اللي في اليوتيوب اللي بين اللكزس و الباترول .

وابشرك انا واحد من الخطيرين اللي بيردون عليك على قولتك ،، الباترول الجديد تعطيه فرق سيارتين حسستني انه سيكل مب موتر ثمانيه سلندر و 400 حصان عزيزي راجع اليوتيوب مرجعك وتلاقي مقطع في قطر اللي يصور جيب لكزس واللي يقاوم جيب لكزس وابشرك الباترول معطي الاثنين مسافه تريلتين سطحه مب سيارتين ولا ثلاث زي ماقلت

[التعـ King ـديل]

تدري يا أخي الفاضل إني ما أقارن أبشرك اللاند مع الباترول بظلم الباترول من ناحية المواصفات و معكم إن سعر اللاند مبالغ فيه على قلة المواصفات لكن له حسنات لا تخفى عليكم خلكم من ناحية مسكه للسعر لكن فيه قلة الخرابات و ما فيه قرقعة و بعدين صراحة كثير في هالمنتدى المرموق يذمون في اللاند الجديد ( المفخرة ) و يعيبون فيه بزيادة و يمدحون في الجيل القديم مع إن اللي جرب الجديد و الله ما يرك القديم أقسم بالله من تجربة لا من ناحية عزم و لا راحة و لا جلد و لا نفد و لا أي شي في بالك لكن فيه عيوب بسيطة صدامات و لا نبالغ فيها بعد و الشي الثاني ارتباط الثلاجة بالمكيف و رجاءً لا أحد يفتي من راسه يا جماعة الخير علشان الكل يستفيد و في الأخير سيارات لا صنعناها و لا شي ..
و لا أحد يزعل لأني متعني أني أكتب بنفس أسلوب اللي يكتبون عن الباترول .


صراحه السطر الاخير كلام كبير :good2: هزئت عشاق الباترول


ابشرك تراني ارد عليك وعندي هدد عند الباب يعني مب تعصب :good2:

[ابوسند9]

الله يطعمك من خيره ويكفيك شره وكويس والله ما شاء الله الممشى حلو
لكن انا برد عليك في النقاط التاليه
الناس تتكلم عن الباترول الجديد من شان عزل الصوت والهدو ومكينه مهي صاحيه وديكور داخلي جميل والى الان ما سمعنا احد اشتكي من قربعه او ا عطال ومن موديل 88 الى وقتك الحالي واحنا نشوف الباترول بالبر وبالخطوط
اما سالفة البنزين هي تجربه وعرضة والناس اشوفهم بالعكس ما سمعنا ضجة زي ما تقول والحمد لله البنزين عندنا ارخص من الماء
والباترول الجديد ماشاء الله في من زملائي الان ما شيه معهم فوق 180 الف ودئم بالبر ولا اعطال ولا شي
بعكس المخفره اللى مره قير ومره دبل ونظام الفرامل وصوف وعكوس الخ وذا مو مصدق وانت بالرياض مره على مركز العضيب ورشة لند كروزر
اما مسئلة مسكة السعر فا اكيد اذا كان الجكسار موديل 2012 ب 230 الف وال 2013 ب 255 الف فا شي اكيد انه راح يمسك سعره وكل سنه زياده 20 الف بالموديل وباقي سيارات تويوتا هكذا وهذي سياسة ابو جميل والشاص 2013 يقولون ب 176 يعني اتوقع موديل 2015 ب 200 الف
اما من ناحية القربعه والله انه ابو القربعه اللى اذا انت مو راعي طرد وقنص وها الشي اشوفه مع زملائي رفارف متقصصه وانواع التفكك والبعض منهم رجعو للفتك
الشي الاخر والله العظيم واجد غيرو من المفخره للباترول الجديد بعد ما جربو الباترول وقالو فرق كبير وابحث بالنت وشوف كلام المجربين
اما اللي يقارن اللباترول ال 400 بالكزس ارجو انه يجرب الاثنين بالخط وفيه هواء قوي ويمشي 180 صدقوني ان لو تجرب اللكز س ان تقول حرام سعره انواع تنسيم الهواء ومره يجنح يمين ومره يسار
اخوي ارجو انك ما تزعل من الحقيقه ووالله لو المخفره افضل لا اشتريه اليوم قبل بكرى واكلمك من تجارب وتجارب من جرب الاثنين وليس يقولون

[آآآبو سعود]

صلوا على النبي وترى ماصنعنا فيها كلها ولا مسمار !!! لاكن من وجهة نظري البترول بالبر افضل واللاند بالخط السفر افضل

[tiger-ksa]

الزبده اخوي.إذا حسيت انه يقطع معاك رح غير طرمبه البانزين

[عااشق نفود]

ياشباب والله عيب عليكم تقارنون الاند بالباترول
مافيه وجه مقارنه يكفيك علامه التيوتا بس

[باوزير]

للعلم فقط gxr ٢٠٠٩ ماشي ١٣٠ الف النسيب شبك الدبل و عيا يمشي طفى السيارة و شغلها و طفاها مرة ثانية و عيت تمشي يحاول يفصل الدبل ما يفصل لين ما جيت و فصلت البطارية و شبكتها و فصل الدبل و مشت السيارة

و الحين دخلها الوكالة يقول بكرة لا فصل الدبل و انا و عيالي في البر مين بيفيدني و هذا كله صار امس و الجو براد و على الاسفلت مب في البر اجل كيف في البر

التويوتا جودة من ٢٠٠٧ و تحت اما الجديد جودته اقل×

[شاهين12]

معليش يا شباب بالنسبة للصرفية تزعل أو أنها إذا صارت للمفخرة صارت تزعل و بعدين الفرق في العزم أو القومة كم سيارة بينهم سيارة ثنتين تسوى كل هالإزعاج ...!!!!
و بعدين الصرفية ما صار عليها ضجة إعلامية و كم يمشي ..
لكن المنتدى هذا صراحة و بدون زعل كله طالعين بالباترول السما يا جماعة و الله إني حاط الموضوع بس بشوف وش بيقولون الخطيرين ..
و في الأخير ودي أحد من اللي معهم الباترول الجديد يجي و أجرب معه لأني أعطي اللكزس فرق من سيارتين إلى ثلاث نفس الفرق بين اللكزس و الباترول نفس القومة اللي في اليوتيوب اللي بين اللكزس و الباترول .


اولا :الله يعطيك خيره ويكفيك شره ،وصرفيه ممتازه للوقود.
ثانيا :الباترول البطل وvxr واللكزس سيارات ممتازه.
وليس المهم ان الجيب هذا او ذاك اقوى من الاخر.

المهم انظمة السياره ومواصفاتها ونشاط السياره مرضي للذي يمتلكها .
اما بالنشاط اكيد البطل انشط عزم .
لاكن لوباختار بينه وبين vxr اخذت الــvxr
وجهة نظر .

[sgl2002]

ياشباب والله عيب عليكم تقارنون الاند بالباترول
مافيه وجه مقارنه يكفيك علامه التيوتا بس

والله مدري وانا اخوك عن علامة تويوتا هي اللي بتنزل تدف معك اذا غرزت ، او بتصلح دينمو الدبل بدالك

[ابوكشتات]

والله مدري وانا اخوك عن علامة تويوتا هي اللي بتنزل تدف معك اذا غرزت ، او بتصلح دينمو الدبل بدالك
حلوه .... ههههه .