المساعد الشخصي الرقمي

مشاهدة النسخة كاملة : استفسارعاجل من اهل الخبرة


هاوي4
17/02/2013, 06:05 AM
اشتريت شيهانه جبلية قبل شهر ونصف تقريبا طبعا انا هاوي تطيير واحب اتفرج على الطير يجي ويروح على الملواح وماني من اهل القنص والروحات والجيات احب اطلع كل يوم في العصر واستمتع بالتفرجه على الطير وفي صباح الخميس والجمعه اطلع اتونس على الطير انا والاصدقاء المهم شهر ونصف الطير يلاعب الملواح طررررب والحين صار الطير عاصي يطق مرتين على الملواح ووقف بعيد وانادي له احاول انه يرجع للملواح مطنش وصار كانه يتفرج علي مادري ويش الحل والطير صحته جيدة وممتازة والحمد لله صراحة تحيرت وطفشت لانه صار مرررره عاصي ومطنش واحيانا اذا جيت له يهرب مسافه ويوقف مع اني ماطلع فيه الا وهو جايع واذا جيت وقربت منها تجي على الحمامة وتعلفها كاملة هل هناك حل ساعدوني جزاكم الله خيرا
وليف الجرح
17/02/2013, 06:29 AM
كثر ملاعب الطير يخرب طبعة هذا الي اعرفة
مع العلم اني ماني من هل الطيور لكن احبها
هاوي4
17/02/2013, 06:49 AM
كثر ملاعب الطير يخرب طبعة هذا الي اعرفة
مع العلم اني ماني من هل الطيور لكن احبها

مشكور ماقصرت فيه ناس عندهم طيور وما اثرت فيها كثر العب على الملواح وما يعطوها عشاها الا بالتلواح اعتقد ياخوي فيه مشكلة بس انا ماعرفتها لاني توني مبتدي ماكملت شهرين واكيد ان الاخوان عندهم الحل وانا والله ماعجبني في الطيور الا الملواح لانه ملاعبة الطير تونس ياليت الصقارين الكبار اهل الخبرات يساعدونا
ابوسعود 22
17/02/2013, 07:35 AM
يمكن انها صنيع اقصر عليها من العلف وتشوفها مثل اول
البحري ولبري
17/02/2013, 08:07 AM
سلام عليكم ... اهذي طريقة مايسويهااا الا الطير الي عدته ملياانه تقصر علية ولا شنذر الطير اما ملاعب الطير بلملواح من الا شياء لاساسية لكي يستعد طير لياقته وبعض الشواهين تمل من الملواح تبي الهدد فتفكله حمام والله اعلم ونصيحة ان تكون مع صقاقير لكي تستفيد اكثر من الخبرات المتنوعه
هاوي4
17/02/2013, 08:36 AM
سلام عليكم ... اهذي طريقة مايسويهااا الا الطير الي عدته ملياانه تقصر علية ولا شنذر الطير اما ملاعب الطير بلملواح من الا شياء لاساسية لكي يستعد طير لياقته وبعض الشواهين تمل من الملواح تبي الهدد فتفكله حمام والله اعلم ونصيحة ان تكون مع صقاقير لكي تستفيد اكثر من الخبرات المتنوعه

عشت على المعلومة الطيبة ولاهانو الباقين وين الاقي الشنذرة رحت عند العطارين واكثرهم قالو مانعرفها او يمكن لها اسم شعبي غير الشناذر وهل هناك شيء يؤدي نفس مفعول الشناذر ممكن تفيدوني عن هذا الموضوع
هاوي4
17/02/2013, 09:04 AM
يمكن ان الطير صنيع

مشكور ماقصرت
ابو سالم3000
17/02/2013, 09:07 AM
شيهانه وكل ليله تعشيها حمامه احمد ربك انها لالحين عندك ما طارت وخلتك اقصر عليها العلف مره وتبي تطربك على الملواح.
هاوي4
17/02/2013, 09:16 AM
شيهانه وكل ليله تعشيها حمامه احمد ربك انها لالحين عندك ما طارت وخلتك اقصر عليها العلف مره وتبي تطربك على الملواح.

مشكور على النصيحة صقارنا ابو سالم طيب افضل طريقة للعلف هل هي حمامة كاملة ولا يوم بدون ويوم عشاء ويش الافضل يعني الوزنية المفروضة
نجم404
17/02/2013, 09:56 AM
كل يوم صافق يعني نصف حمامه
هاوي4
17/02/2013, 09:59 AM
كل يوم صافق يعني نصف حمامه

هل هناك مدة معينه او استمر على نصف حمامه دائما مشكور على التنوير
(هزاع)
17/02/2013, 10:31 AM
اتصل بي بفيدك باذن الله
Abu Hamad2
17/02/2013, 11:02 AM
اسمع يالحبيب

انت الطير لاتغير طبعه اما صنيع او فيه مشكله . لا تقول والله صحته زينه

ترا القلاع يسوي كذا وانا اخوك واحيان الفحص ما يكشفونه

على العموم شف قياسها واظبط الوزن عليه
وحمامه كل يوم والله واجد عليها وانا اخوك
هاوي4
17/02/2013, 11:13 AM
اسمع يالحبيب

انت الطير لاتغير طبعه اما صنيع او فيه مشكله . لا تقول والله صحته زينه

ترا القلاع يسوي كذا وانا اخوك واحيان الفحص ما يكشفونه

على العموم شف قياسها واظبط الوزن عليه
وحمامه كل يوم والله واجد عليها وانا اخوك

مشكور أخوي على المعلومة المفيده انشاء الله اشوف قياسها واظبط الوزن عليه
وللمعلومية طولها 13,5 × 14 ماهو الوزن الافضل لكي تستمر معي على الملواح
جزاك الله خيرا
قرناس ثالث
17/02/2013, 01:15 PM
افضل وزن لطيرتك والعلم عند الله هو 740 وجرب وان شاء الله تطربك
دولاار
17/02/2013, 01:31 PM
اول شي بالتوفيق وجعلها ان شاء الله تونسك وتنومسك
الشي الثاني بما انك تقول كانت معك على الملواح تمام وفجئه الطير تغير عليك.. فقبل سوالف العلف والوزن والشنذره وهالكلاام
افحص طيرك بالمستشفى يمكن في الطير التهاب والا شي وانت ماتدري
واذا طلع الطير سليم ذيك الساعه مثل ماقالولك الاخوان العلف والميزان وامورك تكون كلها في السليم
وبالتوفيق
هاوي4
17/02/2013, 06:18 PM
افضل وزن لطيرتك والعلم عند الله هو 740 وجرب وان شاء الله تطربك

مشكور اخي على المساعدة
هاوي4
17/02/2013, 06:26 PM
اول شي بالتوفيق وجعلها ان شاء الله تونسك وتنومسك
الشي الثاني بما انك تقول كانت معك على الملواح تمام وفجئه الطير تغير عليك.. فقبل سوالف العلف والوزن والشنذره وهالكلاام
افحص طيرك بالمستشفى يمكن في الطير التهاب والا شي وانت ماتدري
واذا طلع الطير سليم ذيك الساعه مثل ماقالولك الاخوان العلف والميزان وامورك تكون كلها في السليم
وبالتوفيق

كلامك عين الصواب اشكرك على المرور العطر والشكر موصول للجميع
حزم الفيضه
20/02/2013, 08:59 AM
اتقصر على الطير نزل عدته وبيعجبك