مساعدة : محل يفصل دعآمة (فأس -مسحاة ) غير المميز والمواهب [الأرشيف]

مشاهدة النسخة كاملة : مساعدة : محل يفصل دعآمة (فأس -مسحاة ) غير المميز والمواهب

بدران الدوسري

21/02/2013, 01:31 PM

السلام عليكم

ياشباب أدورلي محل يفصل دعآمة الي فيها فأس ومسحاة ومعلاق ذبيحة

طبعا أدورلي محلات غير المميز والمواهب الي زادت أسعارهم وضعف شغلهم وشانت أخلاقهم

وطبعا وأحط تحت الأخلاق مليار خط

وهاذا حال ربعنا وللأسف الشديد , يفتح المحل بأسعار حلوة وشغل ماعندك أحسن منه وخطرا يحب رأسك عشان تصلح عنده شغلتك , وبعد ماينهبون العالم علية يشوف نفسه ويرفع أسعاره وتشين نفسة ... قريب لي مزين له دعامة قبل 7 سنوات تقريبا عند المميز ماكلفته الا 400 ريال

وشغل متكتك ماعندك أحسن منه , والحين ياكثر مانسمع أنهم يعطونك مواعيد بعد شهر ! بدخل مستشفى ماعاد هيب دعامة

عمومـا أسف على الاطالة وبالمختصر

الي يخبر محل شغله ممتاز وأسعارة مناسبة يعطيني علم

كان فيه في الرياض زين على زين ومافيه مانع يكون برا الرياض , أهم شي الشغل النظيف

يعطيكم العافية

وجزاكم الله خير

فيصل البهيشي

21/02/2013, 02:33 PM

شف اذا قدرت تاخذ الدعامه الي مع قريبك وتفصل مثلها100% وشوف كم تكلفك خله يشوفها زين ويشوف وشلون راكبه عل موتر ورح لحداد فاهم ولاهنت

بدران الدوسري

21/02/2013, 03:26 PM

فعلا فكرة

لكن موتره بايعه من مبطي

بدورلي واحدن مركبها وبسأل

يعطيك العافية

sgl2002

21/02/2013, 11:29 PM

والله انك صادق

المميز حتى الهندي ينفخ عليك

تقول يصلحها من جيبه

مخ سعودي

23/02/2013, 10:29 PM

بالنسبة لي انا ركبتها وانا اخوك عن المواهب ويعلم الله ماهو مدح فيهم ولا في شغلهم لكن لايعلى عليه
ركبتها على تاهو ٢٠٠٨ وكلمتهم قبلها بيومين وجيت ركبها لي على طول بسعر ٥٥٠ ريال غير كذا انها ٨ ملم علما انني سحبت واحد بها ( ربطت الواير فيها لان الهوكات فكها يوم ركبها ) وماشاء الله تبارك الله وسبق ان دفيت فيها واحد مغرز ولا عنده واير والواير حقي عريض وموتره كورلا ماركب فيها فانجبرنا اني ادفه لانه وقت صلاه المغرب والبر فضى حتى والحمد لله لم تاثر على موتري ولا على موتره

البديع 828

23/02/2013, 10:47 PM

القصيم غالي بالحيل...

انتظر شهر ولا ياخذون عليك زيادة فلوس مثل اللي بالقصيم
فسعرها عالي جداً في الرس
سعرتها عند محل شمس قال ازينها لك بـ١٣٠٠ ريال
قلت لو ماركبها ابد ابد...

abooodi111

24/02/2013, 08:35 AM

شف عندك ورشة النور في الصناعيه شغلها نظيف ونفسه خيفه ابشوف رقمهم واعطيكيها

بدران الدوسري

24/02/2013, 08:41 PM

الله يعيطكم العافية جميعا

وفعلا رضى الناس صعبة ... ياكثر من سبهم وياكثر من مدحهم .. الحكم عليهم أذا رحت لهم أن شاء الله

أخوي abooodi أنت مجرب شغلهم ؟

وأسعفنا الله يعافيك بالرقم

بدران الدوسري

02/03/2013, 04:10 PM

ما أحد عنده علم يالربع ؟

كرم القلوب

02/03/2013, 05:54 PM

السلام عليكم

ايوالله صدقت للاسف هذا حالك اغلب التجار عيال الديره ... المشكله هي الاخلاق ... وين الايمان والاخلاق ...
للاسف حتى مايناظرك ...

بدوي جنوبي

04/03/2013, 12:18 PM

السلام عليكم

ايوالله صدقت للاسف هذا حالك اغلب التجار عيال الديره ... المشكله هي الاخلاق ... وين الايمان والاخلاق ...
للاسف حتى مايناظرك ...

اى تجار
جماعتنا يأجر المحل او الورشة واخر الشهر ياخذ مبلغ وقدرة
عشان كذا ماقي جودة في العمل للأسف

بدران الدوسري

05/03/2013, 10:00 PM

^

المواهب راعيه مهوب سعودي ؟

أنا سامع أنه سعودي للأسف

بدران الدوسري

12/04/2013, 01:16 PM

يالربع معقولة أنه في الرياض كلها مافيه ألا هالمحلين ؟

azoz111

17/04/2013, 09:35 AM

أغلب محلات الحداده في الصناعية القديمة عندهم طلبك

وتتراوح الأسعار مابين 500 إلى 600 ريال

ولا تنسئ أسعار الحديد قبل 7 سنوات والأن فيه فرق

والله يدلك على الي فيه خير

غيث 6

17/04/2013, 10:28 AM

حياك يالغالي في واحد يماني في الصناعية القديمة شغله ممتاز واسعاره زينة اسمه ابو حسن انا اشتغلت عنده كثير مابين دعامات وشدود ونيتات ووالرجال سمح وجيد وهذا رقمه 0502706021

5200

17/04/2013, 10:37 AM

شف ورشة النويصر للتربيط يصلحون دعامات http://alnwaser.com/

ابو ســــاره

17/04/2013, 10:48 AM

الرياض الصناعية القديمة
جنوب الصناعية القديمة محلات الحدادة
شارع يمتد من الشرق للغرب اغلبهم يصنعون الدعامات والسلات فوق السقف و خلف السيارة سبق وطلبت تفصيل سلة لاندكروزر مفخرة من المواهب وطلب سعر 1200 ريال بتصميم استرالي مريت على جميع الحدادين وكاسرتهم وحصلت على السلة بسعر 350 ريال !
الدعامة كذالك سبق فصلت دعامتين لسيارتين جديدة لاندكروزر لكامل المقدمة بسماكة 4 ملي مع تقويس موازي للمقدمة يعني تحتاج جهاز طعج دقيق كلفت 400 ريال للدعامة
الورش الكبيرة تسعريتهم ترتفع مع انتشار السمعة ولكن الصغيرة المتجاورة تقيده المنافسة بتخفيض السعر
انا تعامل مع بنقالي لجميع ما ذكرت اعلاه وسبق مريت مستودعات الحديد واخذت تسعيرة للحديد وتفاوضت معه بشغل يده وانا اجيب لك الحديد يالله كم تبي شغل يد اذا عرف انك فاهم الاسعار ما عاد يمديه يزود عليك بالسعر .

بدران الدوسري

30/04/2013, 08:04 AM

جزاكم الله خير على الافاده

ذكر لي أحد الأخوان ورشه أسمها طيبه في الصناعية القديمة

يذكرها بالخير ويقول شغلهم زين وأسعارهم مناسبه

majed2001

01/05/2013, 08:54 AM

أيضاً أحب اضيف موقع يفصلك اللي تبي

موقعهم الصناعية القديمة بالرياض .. مع إشارة السالم .. تروح يمين أو يسار المهم يصير وجهك شرق

امش لين تجيك اشارة شفهم على اليسار عدة محلات بجانب بعض

وعطنا خبر .. بالنتيجة

سواء رحت للي قلتلك عليهم أو غيرهم ..

الله ييسر أمرك ويوفقك

كايد

01/05/2013, 09:14 AM

مع احترامي لكل ورش السعودية غالية وشغل لك عليه

تبي السنع روح الكويت
عندك ورشة الهبدان في صناعية الفخيحيل .
وعندك ورشة النافورة في صناعية جليب الشيوخ .

قطاع الأرماس

06/08/2013, 04:17 AM

مع احترامي لكل ورش السعودية غالية وشغل لك عليه

تبي السنع روح الكويت
عندك ورشة الهبدان في صناعية الفخيحيل .
وعندك ورشة النافورة في صناعية جليب الشيوخ .

طيب أخوي كم أسعار الهبدان والنافورة اذا كان طلبي مثل الرجال لكم موتري جيب باترول 94 ؟! وهل القى عندهم جاهزة ولا لازم يفصل لي ؟ وإذا بيفصل كم يقعد ؟!

ابو ساره العنقري

06/08/2013, 05:21 AM

انا فصلتها عند شاب سعودي يشتغل بيده مع العمال

دعاميه الحديد10 مللم فيها معلاق ذبيحه وشناكيل القربه وقواعد اكباس وفاس ومسحاه وشيول كلفتني 1000

طبعا بستلمها بعد العيد ان شاء الله

على الاسعار الجوده اعتقد سعره مناسب ومادري وش رايكم بسعره

على فكره المحل بحايل اسمه ابداعات الحديد بالصناعيه الجديده

بدران الدوسري

03/09/2013, 03:55 AM

10 مللم أحسها تكانه ورهيبه

لكن أشوف أن سعرها غالي مره وفي نفس الوقت أحسه معقول لأن الي عندنا بالرياض 6 مللم بـ 700 بـ 650

الهمرH2

03/09/2013, 05:24 PM

يا أخوان لا تحرصون
على الدعامات !!!!!

لأن التأمين ما يشملها

أنت بنفسك تصدم أي سياره من الخلف
تصلح سيارته و أنت ما تشوف الدرب ؟؟؟؟

طيب واحد يقول :

عندي تأمين في أطلق شركه
و أحسن شركه في العالم كله
ولسى تاريخ الإنتهاء ما خلص!!!!

لإننا نوقع على عقد التأمين
ولا نقراء الشروط

الشرط الخامس الفقره ج

كل ما يتم تركيبه في السياره
لا يشمله التأمين ما عدى القطع الغيار
الأصلية المسموح بها من الوكيل المعتمد ..

يا شركة التأمين إدفعو
مبلغ للشخص إلي أنا صادمه من الخلف

ما راح ندفع شي أنت مركب دعامه !! أدفع أنت

من جد قهر أصلح سيارتي و سيارة
غيري كاش ولا إستفدت من تأميني

الهمرH2

03/09/2013, 05:39 PM

سمعت أن بعض شركات التأمين تدفع
أنت مبلغ زياه و يكتبون في العقد
يوجد دعامه من الحديد مؤمن عليها

مثال

أنا تأميني عند الشركه / الفلانيه

تأميني كل سنه / ألف ريالــــــ1000ـــــــــــ

تأمين الدعامة / خمسمائة ريالــــ500ـــــــــ

المجموع كل سنه / ألف و خمسمائة ريالــــــ1,500ـــــــــــــ

من جد قهر راح الراتب على
شركة التأمين و ساهر

إسأل شركة التأمين الي أنت مأمن عندهم
.

فنجال ورجال

03/09/2013, 06:03 PM

السلام عليكم ورحمة الله ويركاته
كلمة حق أقولها للجميع
ورشة مواهب لا يعلى عليها في الشغل خصوصا الدعامات من حيث الجودة والسماكة سبق وأن اشتغلت عند غيرهم واشتغلت عندهم أكثر من سيارة شغلهم وممتاز
وبالنسبة لصاحب الورشة سعودي وأعرفه جيدا ونعم الرجل خلقا وتعاملا ويشتغل لحسابه ومن يذهب للورشة يعرف ما أقول

سلمان الصفيان

08/09/2013, 12:15 PM

اخي الهمر خبرك قديم عن التأمين الحين النظام الجديد يشمل الدعامات والهوك انا توني مأمن وسألتهم قالو من بداية 1434 التأمين يشمل الهوك والدعامات واذا مو متأكد اسأل المرور او شركة تأمين والتأمين ب500 ريال للجيب تأمين ضد الغير سواء بدعامات او هوك

عابد

08/09/2013, 12:31 PM