المساعد الشخصي الرقمي

مشاهدة النسخة كاملة : ماهي الأسباب الي تخليك تغير مساعدات شد البلد للبترول؟؟


ابوتركي1010
23/02/2013, 05:45 AM
كثير أقراء واسمع في ناس تغير مساعدات شد البلد بمساعدات بديله لماذا وهل مساعدات البترول ضعيفه او لينه اكثر من اللازم تحياتي لكم
ابوتركي1010
23/02/2013, 05:47 AM
سؤال ثاني كيف اعرف ان ياي سيارتي تعبان بترول 97
sgl2002
23/02/2013, 05:59 AM
مساعدات الباترول لينة ، وفي البر ماتنفع خصوصا بالبطناج
واذا دخلت النفود ترجرج الكفرات

وافضل حل تركيب مساعدات شاص لانها تركب بدون ترهيم
ابوتركي1010
23/02/2013, 07:52 AM
مساعدات الباترول لينة ، وفي البر ماتنفع خصوصا بالبطناج
واذا دخلت النفود ترجرج الكفرات

وافضل حل تركيب مساعدات شاص لانها تركب بدون ترهيم

اشكرك اخوي على مرورك ونبي المزيد من اهل الخبرة
ابو طاهر
23/02/2013, 09:18 AM
نفس كلام اخونا sgl2002

لينه ومريحه بالديرة اما في البر ماتنفع
اسدهم
23/02/2013, 11:40 AM
معروف في النيسان. كله علا بعضه لي ن من مساعدات والياي ونا تغير ومع الوقت تحصل اي باترول شد بلد طاااااايح كله او حقين المكاشيت يطيح من الخلف وهدا يرجع لشركه المصنعه
التعـ King ـديل
23/02/2013, 04:14 PM
انا عن نفسي افضل مساعدات الوكاله مع الياي الاسترالي لانها الين شوي من المساعد الاسترالي او مساعدات الشاص

والمساعد اذا تبي تعرف يحتاج تغير او لا اولا تلاحظ ان الموتر يهتز كثير وبشكل واضح معك تلاقي السياره نازله شوي من جهه المساعد الخربان
ابوتركي1010
24/02/2013, 01:50 AM
شاكر لكم على مروركم الجميل ونبي زود من الاخوان وأهل الخبرة
الكدن1
24/02/2013, 09:11 AM
سبب التغيير
للسرعات العالية في البر حتى لاتؤثر على توازن السيارة وحماية للدفرنس الامامي
مناسبة لطرد طير الكرك والجوني (أمان أكثرفي الاشياء المفاجئة من مطبات او تقاطع الطرق فيي البر)
لصعود الرمال العالية والتي تحتاج سرعة وخاصة أهل التطعيس
من سلبياتها:
تقصصات في البدي مع طول الوقت
sgl2002
24/02/2013, 11:40 AM
سبب التغيير
للسرعات العالية في البر حتى لاتؤثر على توازن السيارة وحماية للدفرنس الامامي
مناسبة لطرد طير الكرك والجوني (أمان أكثرفي الاشياء المفاجئة من مطبات او تقاطع الطرق فيي البر)
لصعود الرمال العالية والتي تحتاج سرعة وخاصة أهل التطعيس
من سلبياتها:
تقصصات في البدي مع طول الوقت

اا ذا ماعليك امر توضح وشلون التقصصات حقت البدي؟
التميمي محمد
24/02/2013, 12:49 PM
بنسبه لمساعدات الباترول الوكاله تجي زيت و بطبع المساعدات الزيت تكون لينه مره ومانتنفع في البر

انا معي باترول 2011 اول ماطلعته من الوكاله ركبت له يايات استراليه

ومساعدات شاص قدام

و منرو او منور في الخلف طبعا المنور تجي صناعه استراليه

ممكن تسالني ليش ركبت شاص قدام ومنور في الخلف

الشاص قدام ممتازه لان ثقل المكينه في الامام ييخلي الموتر يهزع او يطيح وجهه عند ارتطام السياره في اي مطب

فا مساعد الشاص يجي غاز مخلوط بزيت وقوي وممتاز وعملي جدا وقوته معقوله جدا

لاهو قوي يكسر الموتر ولاهو لين مثل مساعد الباترول الوكاله

اما المنور في الخلف لاني راعي تحميل

عزبتين + تانكي مويه + فرشي + صحون +شنطة الحطب + جركل ماء اضافي + دافور

وهاذي كلها تكون حمل على مساعد الوكاله ويصير لين بزياده

سبب اختياري لمساعد المنرو او المنور

السبب الاول وهو الاهم انه غاز وزيت مخلوط زي مساعد الشاص الامامي

و السبب الثاني وهو الاهم انه قوي بحد معقول جدا ومناسب حجمه مع الياي الاسترالي

وانا زايده حلقه زود فوق الحلقه الاساسيه لسبب انه يكون اطول شوي لاني مركب ياي استرالي مقاس 400

ومرتفع موتري تقريبا 6 صانتي من الخلف

سبب زيادة الحلقه عشان يطول المساعد زياده ومايقفل مع تعليق الموتر مما يسبب انقلاب المركبه لاسمح الله

فا نصيحتي لك

اما انك تركب مساعدات شاص ورا وقدام

او انك تركب مساعدات شاص قدام و في الخلف منور

واذا ياياتك وكاله ركب المساعدات بدون اي ترهيم

اما اذا انت مركب يايات استراليه

ركب المساعدات حقت الشاص قدام بدون اي ترهيم لان مقاسها مناسب

وركب المنرو او المنور في الخلف وزدها حلقه عشان ما تقفل معك وتسبب انقلاب السياره لا سمح الله

اتمني اني اكون افدتك و افدت الاخوان

واي استفسار انا حاضر


اخوكم محمد التميمي
وجعين
24/02/2013, 07:46 PM
الي يبي يركب مساعدت شاص تراه يبي يتحسف لان الموتر يبي يتغير عليه من ناحية الراحه شد البلد افضل مساعد
الحربي حاتم
24/02/2013, 08:06 PM
بسم الله الرحمن الرحيم
بارك الله فينا وفيكم أستفدنا من الردود
sgl2002
24/02/2013, 08:31 PM
الي يبي يركب مساعدت شاص تراه يبي يتحسف لان الموتر يبي يتغير عليه من ناحية الراحه شد البلد افضل مساعد


والله انا ركبتها وتحسفت اني ماركبتها من زمان
anas
24/02/2013, 09:18 PM
موضوع مهم مشكورين
ابوتركي1010
25/02/2013, 04:30 AM
أشكركم على الكلام المفيد لي ولغيري والهدف من طرح الموضوع لكي يستفيدون عشاق البترول من التجارب المفيدة وشكر خاص لمحمد التميمي على شرحه الطيب سؤالي لك يا محمد أنا معي بترول ٩٧ ربع وماني راعي تحميل دايم ولا راعي تطعيس لان طبيعة الارض الي عندنا ساحليه يعني مقانيص ساحل فقط ويش أحسن مساعد الشاص ولا المنور علما ان اليايات شد الوكاله ابي الموتر يثبت شوي عند المشي في البر
ابوتركي1010
25/02/2013, 04:33 AM
نسيت أسالك محمد الحلقات الي تقولها ليت توضح طريقتها وهدفها
ابوتركي1010
25/02/2013, 04:40 AM
سبب التغيير
للسرعات العالية في البر حتى لاتؤثر على توازن السيارة وحماية للدفرنس الامامي
مناسبة لطرد طير الكرك والجوني (أمان أكثرفي الاشياء المفاجئة من مطبات او تقاطع الطرق فيي البر)
لصعود الرمال العالية والتي تحتاج سرعة وخاصة أهل التطعيس
من سلبياتها:
تقصصات في البدي مع طول الوقت

وشلون تقصصات في البدي ليت توضح اخوي اكثر في سلبيات تغيير المساعد
الكدن1
25/02/2013, 12:14 PM
وشلون تقصصات في البدي ليت توضح اخوي اكثر في سلبيات تغيير المساعد
الرفارف الداخلية من داخل الكبوت يحدث فيها قص (شق-قطع فتح) لعلها وضحت
وأنا بهذه الأجابة تذكرت قول الشاعر:
كأننا والماء من حولنا قوم جلوس حولهم ماء
فرد عليه أخر:
أقام بجهد أياما قريحته
وفسر الماء بعد الجهد بالماء
حسب تجربتي:
أفضل مساعدات المرسدس قدام
في الخلف مساعدات تويوتا شاص وتطول شوطهن(يعني المسمار) ترتفع السيارة وتثبت في المنعطفات
التميمي محمد
01/03/2013, 11:52 PM
دام اليايات عندك وكاله افضل مساعد بنسبه لك المنور

عملي وقوته معقوله وممتاز لاهل النفود لانه غاز وزيت مخلوط

ومكان بيعه عندنا في الرياض

الصناعيه القديمه دوار الخرج واذا تبي تلفون المحل حقهم ارسلته لك

واقسم بعزة الله وجلاله اني لا اسوق لهم

ولا لي في المحل ريال واحد

عشان ماحد يجيني يقول انت تعمل لهم دعايه او تسوق لهم

انا ابي افيد الاخوان فقط لاغير