المساعد الشخصي الرقمي

مشاهدة النسخة كاملة : ارجوووووووو الدخوووووول الله يوفقكم


حر النداوي
23/02/2013, 12:19 PM
السلام عليكم ورحمة الله وبركاته
ياجماعة الخير شريت ثلاجة الرماية 45 لتر
ولكن المشكله ان واحد من العيال يقول لاتشبكها على بطارية السيارة مباشرة
يقول لازم تمد لها سلك حراري
مع العلم ان سيارتي يوكن 2012
وش تنصحوني فيه الله يحفظكم حكم خبرتكم وتجربتكم وارجو التركيز بان السيارة يوكن
يعني هل عليها خطورة
عطوني رايكم وفقكم الله
مدهوش
23/02/2013, 12:22 PM
ليتك تكتب نبذه عن موضوعك بالعنوان عشان يدخلون اهل الإختصاص

عموما سلك 4 ملم من البطارية مباشرة لين موقع الثلاجة كفيل انها تعطي اداء عالي .
حر النداوي
23/02/2013, 12:35 PM
جعل ابوك فالجنه وماقصرت
طيب هل بطارية اليوكن بتتحملها والا اركب بطاريه اضافيه
وهل على السياره اي خطوره من ناحية الكهرباء

شاكر لكم ومقدر
ابوسند9
23/02/2013, 01:34 PM
وعليكم السلام
شف طال عمرك بعطيك شرح كامل
اولا لازم السلك يكون 6 ملم ونوع جيد
ثانيا لازم يكون ديركت من البطاريه للثلاجه
ثالثا لازم تشوف مكان كويس لدخول السلك من البطاريه للثلاجه مع بدي السياره من عند المكينه لداخل السياره
اي تشوف ربله وتفكها وتمرر السلك واحينا تحتاج لخرم احد الربلات ووضع سيلكون
رابعا حاول السلك يكون ماشي مع رفرف السياره اي يكون بعيد عن حرارة المكينه
خامسا حاول تلبس السلك داخل المكينه جرجور وذلك للحمايه من الحراره او انه ينجرح
سادسا اشتر فيش زي فيش الكنود ذكر وانثى بحيث يكون واحد في سلك البطاريه والاخر في سلك الثلاجه
بحيث انك لو حبيت تفصل الثلاجه وتنزلها وبنفس الوقت لو مثلا احتجت تشغل الكنود
سابعا يفضل لو تضع فيوز في السلك
اما للمشاكل ببطاريه السياره ما عندك مشكله ابد ان شاء الله
لكن با النسبه لتبريد الثلاجه كلما كانت امبيرات البطاريه عالي كلما كان افضل لسرعة التبريد
وغالبا الافضل للثلاجه وتكون في غناء تركيب بطاريه اخرى هي مقاس 95 امبير واعلى
وكلما كانت البطاريه تعبئه وليست الكترونيه افضل والاسواء على الاطلاق بطاريات ايس ديلكو
لكن انا انصحك اذا كانت الثلاجه عندك تشتغل كهرباء بيت حاول تشغلها بالبيت قبل تطلع ,وفي هذه الحاله اشبكها بالسياره وهنا بيكون سحبها للكهرباء قليل جدا
وبرضو حاول تخفض درجه التبريد اذا كنت لست بحاجه او انها مثلجه مره وذلك للمحافظه على البطاريه وتشغيل السياره كل 4 ساعات لمده 10 دقائق
اخير اذا انت بالرياض في محلات متخصصه في هذه الشغلات
تحياتي
حر النداوي
23/02/2013, 07:04 PM
طيب هل الافضل اشبكها على بطارية السيارة والا اركب بطارية اضافيه
وكيف طريقة البطارية الاضافيه
ls1.5700
23/02/2013, 09:10 PM
كفيت ووفيت يابو سند بيض الله وجهك شرح وافي من رجلاً وافي
يالحر النداوي نصيحه لاتركب بطاريه ثانيه
على اساس ماتحوس الضفيره او لاسمح الله تلتمس ويشب الموتر
تعرف اليوكن اكتروني بحت يعني كله حساسات وكمبيوتر وشغلات معقده
بطاريه وحده كفايه
بالتوفيق اخوي
Magellan
24/02/2013, 07:47 AM
المشكلة بأن من يشتغل فيها يستغل حاجات الناس ويرفع عليهم السعر
ودائما خذها قاعدة كلما نزلت الفولتية كلما احتاج لتوصيلة اقوى
يعني لو عندك ثلاجة سيارة على 12 فولت فالأفضل التمديد بسلك قطره 6 مللي من النوع الناعم
لكن لو ان الثلاجة تشتغل على 220 فولت فيكفيها سلك 2.5 مللي او اقل
واليوكن مثله مثل غيره من السيارات غزته الالكترونيات وليس حالة شاذه
وبإمكانك تشوف موضوع تجربة اخونا سرهيد لتجربة وضع ثلاجة بين المرتبتين الأمامية لجمس حوض 2009