المساعد الشخصي الرقمي

مشاهدة النسخة كاملة : استفسار للجميع ولاهل حائل خاصة ،، اماكن الربيع لديكم ،،


جراند شروكي
24/02/2013, 05:36 PM
السلام عليكم ورحمة الله وبركاته
اهلا بكم اخواني الاعزاء وبارك الله لكم جميعا ،،،
استفسار بسيط اتمنى من اهل حائل الاجابة عليه :
كم تمنيت زيارة حائل وضواحيها منذ فتره بعيده ولم يتسنئ لي الذهاب لها ،،،، ولقد سنحت الفرصه لمواعدة مجموعة اصدقاء لي للذهاب لها نهاية الاسبوع ...
استفساري : ما هي افضل الاماكن والتي يتواجد بها ربيع يستطيع الشخص الاستمتاع باجوائها وفياضها ؟ ويفضل لو وضع وصف دقيق او احداثيات للموقع اكون ممنون لكم ،،،
اخوكم : ابو طلال
vxr 1998
24/02/2013, 06:33 PM
حياك الله اخوي الحقيقه انت لو شاهدة بعض مواضيع الاخوان بهذه الخيمه كان حصلة الي تريد لان هذه الايام اغلب المواضيع عن غرب العليم طريق حائل الجوف السريع وهذا رابط لموضوع احد الاخوان لعله يفيدك ورحله ممتعه انشاءالله. http://www.mekshat.com/vb/showthread.php?t=563658
جراند شروكي
24/02/2013, 07:04 PM
حياك الله اخوي الحقيقه انت لو شاهدة بعض مواضيع الاخوان بهذه الخيمه كان حصلة الي تريد لان هذه الايام اغلب المواضيع عن غرب العليم طريق حائل الجوف السريع وهذا رابط لموضوع احد الاخوان لعله يفيدك ورحله ممتعه انشاءالله. http://www.mekshat.com/vb/showthread.php?t=563658

الله يعطيك الف عافيه اخوي ما قصرت ،،،، وانا ترى مريت على بعض المواضيع لكن نسيت اقول اني بصراحه ودي بجبال اجا وسلمى مدري وشلون الكشته فيها ،،،،،،
هواي الجبل
24/02/2013, 07:27 PM
سلمى مافيها ربيع الله يعود عليها
جبال اجاء افضل بكثير ومن الاماكن اللي بجبل اجاء وربيعها زين توارن وجو ونايلات
ومشار ربيعه زين طبعآ داخل الجبال ويفيد اكثر فيه ساهر حايل شف اخر تقرير له
بالتوفيق
ريف النشاما
24/02/2013, 08:20 PM
لا تمشون إلا انت مخطط للرحلة على شان تضبط والوقت مهم

رأيي يوم في النفود العليم وتعود وتمر جبه تمر قصر النايف للتراث وتختمها في حائل

جبال أجا وسلمى عندها معالم تستحق الزيارة مثل فيد والبراكين
جراند شروكي
24/02/2013, 08:32 PM
الله يعطيك العافيه اخوي هاوي المشكله وانا اخوك اني اول مره اروح اكشت في هالمنطقه والمقرر اننا نمشي الثلاثاء صباحا من الرياض والعودة الجمعه ،،، ومثلك خابر الوقت ضيق وقصير ويحتاج معرفه قبل الروحه وقلت اخواني هنا ما راح يقصرون ....
اخوي ريف بيض الله وجهك وبالفعل اكيد التخطيط لان الوقت ضيق تقريبا وبالنسبه لي ودي بربيع زين
وان شاء الله الشباب راح يفيدونا وما يقصرون وانا في الانتظار ،،،،،
شاكر لكم تشريفكم واجاباتكم لاستفساري
لبدة حائل
24/02/2013, 10:55 PM
حايل ماجاها ربيع

شي خفيف بالعليم وشي خفيف بتلاع اجا وشي خفيف بتوارن لا يذكر

عشان ما تنصدم اذا جيت


بس حايل وارضها واهلها ترحب بكل زائر :f